100 ਤੋਂ ਵਧੇਰੇ ਕੌਮਾਂਤਰੀ ਤੇ ਕੌਮੀ ਫੈਕਲਟੀ ਮੈਂਬਰ 500 ਕੌਮੀ ਤੇ ਕੌਮਾਂਤਰੀ ਡੈਲੀਗੇਟਸ ਨੂੰ ਕਾਰਡੀਓਵੈਸੀਕੁਲਰ ਬੀਮਾਰੀਆਂ ਨਾਲ ਸਬੰਧਤ ਤਾਜ਼ਾ ਤਕਨੀਕਾਂ ਤੇ ਇਲਾਜਾਂ ਬਾਰੇ ਰੌਸ਼ਨੀ ਪਾਉਣਗੇ ਤੇ ਉਨ੍ਹਾਂ ਨੂੰ ਦਿਲ ਦੇ ਮਰੀਜਾਂ ਦੇ ਇਲਾਜ ਸਬੰਧੀ ਬਿਹਤਰ ਟ੍ਰੀਟਮੈਂਟ ਤੋਂ ਜਾਣੂ ਕਰਵਾਉਣ 'ਚ ਮਦਦ ਕਰਣਗੇ। ਇਹ ਸਭ ਹੋਵੇਗਾ 2 ਦਿਨਾਂ ਕੌਮਾਂਤਰੀ ਕਾਨਫਰੰਸ ਲਾਈਵ ਵਰਕਸ਼ਾਪ ਤੇ ਇੰਟਰਵੇਂਸ਼ਨਲ ਕਾਰਡੀਓਲੋਜੀ ਸਿੰਪੋਜ਼ੀਅਮ (ਐੱਲ. ਡਬਲਯੂ. ਐੱਸ. ਆਈ. ਸੀ.) ਤੇ ਚੌਥੀ ਨੈਸ਼ਨਲ ਹਾਰਟ ਫੇਲਰ ਸਮਿਤ 'ਚ ਜੋ ਕਿ 1 ਤੇ 2 ਅਗਸਤ 2015 ਨੂੰ ਹੋਟਲ ਲਲਿਤ ਚੰਡੀਗੜ੍ਹ 'ਚ ਹੋਵੇਗੀ। ਪੱਤਰਕਾਰਾਂ ਨੂੰ ਸੰਬੋਧਨ ਕਰਦੇ ਹੋਏ ਹਾਰਟ ਫਾਊਂਡੇਸ਼ਨ ਦੇ ਚੀਫ ਪੈਟਰਨ ਡਾ. ਐੱਚ. ਕੇ. ਬਾਲੀ , ਜੋ ਕਿ ਇਸ ਪ੍ਰੋਗਰਾਮ ਨੂੰ ਫੋਰਟਿਸ ਹਸਪਤਾਲ ਮੋਹਾਲੀ, ਆਈ. ਐੱਮ. ਏ. ਤੇ ਸੀ. ਐੱਸ. ਆਈ. ਦੇ ਨਾਲ ਮਿਲਕੇ ਆਯੋਜਿਤ ਕਰ ਰਹੇ ਹਨ, ਨੇ ਕਿਹਾ ਕਿ ਇੰਟਰਵੇਂਸ਼ਨਲ ਕਾਰਡੀਓਲੋਜਿਸਟ ਇਸ ਕੌਮਾਂਤਰੀ ਕੰਨਫਰੰਸ 'ਚ ਹਾਰਟ ਡਿਜ਼ੀਜ਼ ਨਾਲ ਸਬੰਧਤ ਵੱਖ-ਵੱਖ ਬਿਮਾਰੀਆਂ, ਰੁਕੀਆਂ ਹੋਈਆਂ ਹਾਰਟ ਦੀਆਂ ਨਾੜਾਂ, ਹਾਰਟ ਫੇਲਰ ਤੇ ਐਂਡੋਵੇਸਕੁਲਰ ਪ੍ਰਕੀਰਿਆ 'ਤੇ ਸਿਸਟੈਮੈਟਿਕ ਸਿੱਖਿਆ ਹਾਸਲ ਕਰਣਗੇ।
ਡਾ. ਬਾਲੀ ਨੇ ਕਿਹਾ ਕਿ ਹਾਰਟ ਫਾਊਂਡੇਸ਼ਨ ਇਸ ਤੋਂ ਪਹਿਲਾਂ ਪਿਛਲੇ ਸਾਲਾਂ 'ਚ 3 ਇੰਟਰਵੇਂਸ਼ਨਲ ਮੀਟਿੰਗਾਂ ਆਯੋਜਿਤ ਕਰ ਚੁੱਕਾ ਹੈ। ਇਸ ਚੌਥੇ ਪ੍ਰੋਗਰਾਮ 'ਚ ਯੂਨਾਈਟਿਡ ਸਟੇਟਸ, ਯੂਰਪ ਤੇ ਅਫਰੀਕਾ ਦੇ ਕੌਮਾਂਤਰੀ ਪੱਧਰ 'ਤੇ ਮਸ਼ਹੂਰ ਕਾਰਡੀਓਲੋਜਿਸਟ ਤੇ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਤੋਂ 110 ਦੇ ਲਗਭਗ ਨੈਸ਼ਨਲ ਮੈਂਬਰ ਹਿੱਸਾ ਲੈਣਗੇ। ਇਸ ਤੋਂ ਇਲਾਵਾ ਪੂਰੇ ਦੇਸ਼ ਦੇ 500 ਤੋਂ ਵੱਧ ਕਾਰਡੀਓਲੋਜਿਸਟ ਤੇ 100 ਦੇ ਲਗਭਗ ਚੁਣੇ ਹੋਏ ਕਾਰਡੀਓਲੋਜਿਸਟ ਫੈਲੋ ਵੀ ਇਸ ਪ੍ਰੋਗਰਾਮ 'ਚ ਹਿੱਸਾ ਲੈਣਗੇ। ਉਨ੍ਹਾਂ ਅੱਗੇ ਕਿਹਾ ਕਿ ਪਿਛਲੇ ਸਾਲਾਂ 'ਚ ਇਸ ਤਰ੍ਹਾਂ ਦੇ ਸਿੱਖਿਅਕ ਪ੍ਰੋਗਰਾਮ ਇਸ ਖਿੱਤੇ ਦੇ ਸਿਹਤ ਪੇਸ਼ੇਵਰਾਂ ਲਈ ਲਾਭਦਾਇਕ ਰਹੇ ਹਨ ਜਿਸ ਨਾਲ ਉਨ੍ਹਾਂ ਨੂੰ ਤਾਜ਼ਾ ਖੋਜਾਂ ਤੇ ਕਾਰਡੀਓਵੇਸਕੁਲਰ ਮੈਡੀਸਿਨ 'ਚ ਇਲਾਜ ਨਾਲ ਸਬੰਧਤ ਤਕਨੀਕਾਂ ਬਾਰੇ ਜਾਣਕਾਰੀ ਮਿਲਦੀ ਹੈ ਤੇ ਇਹ ਆਪਣੀ ਤਰ੍ਹਾਂ ਦੀ ਇਕ ਪ੍ਰਤੀਨਿਧ ਸਿੱਖਿਆ ਮੀਟਿੰਗ ਬਣ ਗਈ ਹੈ।
ਡਾ. ਬਾਲੀ ਨੇ ਕਿਹਾ ਕਿ ਇਸ ਦੌਰਾਨ ਮੁਸ਼ਕਲ ਕੋਰੋਨਰੀ ਆਰਟਰੀ ਬਲਾਕਸ, ਐਂਡੋਵੇਸਕੁਲਰ ਬਿਮਾਰੀ ਤੇ ਹਾਰਟ ਫੇਲਰ ਨੂੰ ਪੇਸਮੇਕਰ ਲਗਾਉਣ ਬਾਰੇ ਲਾਈਵ ਡੈਮੋਨਸਟ੍ਰੇਸ਼ਨ ਵੀ ਦਿਖਾਈ ਜਾਵੇਗੀ। ਫੋਰਟਿਸ ਹਸਪਤਾਲ ਦੇ ਕੈਥ ਲੈਬ ਤੋਂ ਲਾਈਵ ਪ੍ਰਕਿਰਿਆ ਸਿੱਧੇ ਸਮਿਟ ਵਾਲੇ ਸਥਾਨ ਲਲਿਤ ਹੋਟਲ 'ਚ ਦਿਖਾਈ ਜਾਵੇਗੀ। ਇਸ ਪ੍ਰੋਗਰਾਮ ਦੌਰਾਨ ਕਾਰਡੀਓਵੇਸਕੁਲਰ ਮੈਡੀਸਿਨ ਦੇ ਵੱਖ-ਵੱਖ ਵਿਸ਼ਿਆਂ 'ਤੇ ਪ੍ਰੈਜ਼ੇਨਟੇਸ਼ਨ, ਕੁਇੱਜ਼ ਤੇ ਇੰਟਰਐਕਟਿਵ ਕੇਸ ਸੈਸ਼ਨ ਵੀ ਕਰਵਾਇਆ ਜਾਵੇਗਾ। ਇਸ ਦਾ ਮੁੱਖ ਬਿੰਦੂ ਲਾਈਵ ਵਰਕਸ਼ਾਪ ਹੋਵੇਗਾ ਜਿਸ 'ਚ ਕੌਮਾਂਤਰੀ ਪੱਧਰ 'ਤੇ ਮਸ਼ਹੂਰ ਕਾਰਡੀਓਲੋਜਿਸਟ ਗੰਭੀਰ ਕੋਰੋਨਰੀ, ਐਂਡੋਵੇਸਕੁਲਰ ਤੇ ਹਾਰਟ ਫੇਲਰ ਡਿਵਾਇਸ ਦੀ ਇੰਪਲਾਂਟੇਸ਼ਨ ਪ੍ਰਕੀਰਿਆ ਨੂੰ ਕਰਕੇ ਦਿਖਾਉਣਗੇ। ਇਹ ਲਾਈਵ ਵਰਕਸ਼ਾਪ ਉਭਰ ਰਹੇ ਕਾਰਡੀਓਲੋਜਿਸਟਾਂ ਨੂੰ ਇਕ ਮੌਕਾ ਮੁਹੱਈਆ ਕਰਵਾਏਗੀ ਮਾਹਰਾਂ ਨਾਲ ਗੱਲਬਾਤ ਕਰਨ ਤੇ ਉਨ੍ਹਾਂ ਤੋਂ ਕੁਝ ਸਿੱਖਣ ਦਾ। ਡਾ. ਬਾਲੀ ਨੇ ਕਿਹਾ ਕਿ ਖੋਜ ਆਧਾਰਿਤ ਸਿੱਖਿਆ ਨੂੰ ਅਗਲੇ ਪੱਧਰ 'ਤੇ ਪਹੁੰਚਾਉਣ ਲਈ ਤੇ ਦੇਸ਼ ਦੇ ਉਭਰ ਰਹੇ ਇੰਟਰਵੇਂਸ਼ਨਿਸਟਾਂ 'ਚ ਸਿੱਖਿਆ ਦੇ ਉਭਾਰ ਲਈ ਪ੍ਰੈਕਟੀਸ਼ਨਰ ਕੋਰਸਾਂ ਨੂੰ ਉਤਸ਼ਾਹਿਤ ਕਰਨ ਲਈ ਕਾਨਫਰੰਸ ਨੇ ਐੱਸ. ਸੀ. ਏ. ਆਈ. (ਸੁਸਾਇਟੀ ਆਫ ਕਾਰਡੀਓਵੇਸਕੁਲਰ ਐਂਜੀਓਗ੍ਰਾਫੀ ਤੇ ਇੰਟਰਵੇਨਸ਼ਨ) ਨਾਲ ਹੱਥ ਮਿਲਾਇਆ ਹੈ। ਇਹ ਦੂਜੀ ਵਾਰ ਹੈ ਜਦ ਇਹ ਵੱਕਾਰੀ ਕੋਰਸ ਭਾਰਤ 'ਚ ਆਯੋਜਿਤ ਕੀਤਾ ਜਾ ਰਿਹਾ ਹੈ। ਐੱਸ. ਸੀ. ਏ. ਆਈ. ਲਈ ਨਾਮਜ਼ਦਗੀਆਂ ਸੱਦੇ 'ਤੇ ਕੀਤੀਆਂ ਗਈਆਂ ਹਨ ਤੇ ਇਸ ਕੋਰਸ ਲਈ ਸਿਰਫ 100 ਟਾਪਰਾਂ ਨੂੰ ਹੀ ਚੁਣਿਆ ਗਿਆ ਹੈ।
ਇਸ ਮੀਟਿੰਗ ਦਾ ਇਕ ਹੋਰ ਰੌਸ਼ਨ ਪਹਿਲੂ ਇਹ ਹੈ ਕਿ ਇਸ ਦੌਰਾਨ ਚੁਣੌਤੀਪੂਰਨ ਮਾਮਲਿਆਂ ਦੇ ਸੈਸ਼ਨ 'ਚ ਗੰਭੀਰ ਇੰਟਰਵੇਂਸ਼ਨ ਕੇਸਾਂ ਦੇ ਸਿੱਖਿਅਕ ਪਹਿਲੂਆਂ 'ਤੇ ਚਰਚਾ ਹੋਵੇਗੀ। ਇਸ ਕਾਨਫਰੰਸ ਦਾ ਇਕ ਹੋਰ ਵਿਸ਼ੇਸ਼ ਪਹਿਲੂ ਇਹ ਹੈ ਕਿ ਇਸ 'ਚ ਸਾਰਕ ਦੇਸ਼ਾਂ ਦੇ ਕਾਰਡੀਓਲੋਜਿਸਟਾਂ ਨੂੰ ਇਕ ਪਲੇਟਫਾਰਮ ਮੁਹੱਈਆ ਕਰਵਾਉਣ ਦਾ ਟੀਚਾ ਰੱਖਿਆ ਗਿਆ ਹੈ ਤਾਂ ਜੋ ਉਹ ਕਾਰਡੀਓਵੇਸਕੁਲਰ ਮੋਰਟੈਲਟੀ ਨੂੰ ਘੱਟ ਕਰਨ ਦੀ ਸਟ੍ਰੈਟਜੀ 'ਤੇ ਚਰਚਾ ਕਰ ਸਕਣ। ਇਸ ਟੀਚੇ ਨੂੰ ਹਾਸਲ ਕਰਨ ਲਈ ਇਕ 25 ਬਾਈ 25 ਨਾਂ ਦੇ ਪ੍ਰੋਗਰਾਮ ਨੂੰ ਤਿਆਰ ਕੀਤਾ ਗਿਆ ਹੈ ਜੋ ਕਿ ਇਸੇ ਤਰ੍ਹਾਂ ਦੇ ਡਬਲਯੂ. ਐੱਚ. ਐੱਫ. (ਵਿਸ਼ਵ ਸਿਹਤ ਸੰਗਠਨ) ਦੇ ਪ੍ਰੋਗਰਾਮ ਨਾਲ ਮਿਲਦਾ-ਜੁਲਦਾ ਪ੍ਰੋਗਰਾਮ ਹੈ ਜਿਸ ਦਾ ਮਕਸਦ ਸਾਲ 2025 ਤੱਕ ਕਾਰਡੀਵੇਸਕੁਲਰ ਨਾਲ ਹੋਣ ਵਾਲੀਆਂ ਮੌਤਾਂ ਦੀ ਦਰ ਨੂੰ 25 ਫੀਸਦੀ ਤੱਕ ਘੱਟ ਕਰਨ ਦੀ ਸਟ੍ਰੈਟਜੀ ਬਣਾਉਣਾ ਹੈ। ਇਸ ਪ੍ਰੈੱਸ ਕਾਨਫਰੰਸ ਦੌਰਾਨ ਡਾ. ਸੰਦੀਪ ਧਵਨ ਪ੍ਰਧਾਨ ਚੰਡੀਗੜ੍ਹ ਆਈ. ਐੱਮ. ਏ. ਤੇ ਫੋਰਟਿਸ ਹਸਪਤਾਲ ਦੇ ਯੋਗੇਸ਼ ਜੋਸ਼ੀ ਵੀ ਮੌਜੂਦ ਸਨ।