ਡਾ: ਹਰਿੰਦਰ ਕੌਰ ਸਿਵਲ ਸਰਜਨ ਰੂਪਨਗਰ ਦੇ ਦਿਸ਼ਾ ਨਿਰਦੇਸ਼ਾ ਹੇਠ ਚੱਲ ਰਹੀ ਮਾਈਗਰੇਟਰੀ ਪਲਸ ਪੋਲੀਓ ਮੁਹਿੰਮ ਅਧੀਨ ਅੱਜ ਪਹਿਲੇ ਦਿਨ ਜਿਲ੍ਹਾ ਰੂਪਨਗਰ ਦੇ ਸਲੱਮ ਏਰੀਏ ਵਿੱਚ ਘਰ- ਘਰ ਜਾ ਕੇ ਪੋਲੀਓ ਟੀਮਾਂ ਵਲੋਂ 0-5 ਸਾਲ ਦੇ ਬੱਚਿਆਂ ਨੂੰ ਪੋਲੀਓ ਰੋਕੂ ਬੂੰਦਾਂ ਪਿਲਾਈਆਂ ਗਈਆਂ। ਪਲਸ ਪੋਲੀਓ ਮੁਹਿੰਮ ਦੀ ਰਸਮੀ ਸ਼ੁਰੂਆਤ ਡਾਇਰੈਕਟਰ ਸਿਹਤ ਸੇਵਾਵਾਂ ਪੰਜਾਬ ਡਾ. ਜਸਪਾਲ ਕੌਰ ਵਲੋਂ ਕੀਰਤਪੁਰ ਸਾਹਿਬ ਦੇ ਸਲੱਮ ਇਲਾਕਿਆਂ ਦੇ ਬੱਚਿਆਂ ਨੂੰ ਪੋਲੀਓ ਬੂੰਦਾਂ ਪਿਲਾ ਕੇ ਕੀਤੀ ਗਈ। ਪਲਸ ਪੋਲੀਓ ਟੀਮਾਂ ਵਲੋਂ ਭੱਠਿਆਂ, ਸਲੰਮ ਏਰੀਆ ਅਤੇ ਝੁੱਗੀ-ਝੋਪੜੀਆਂ ਵਿੱਚ ਜਾ ਕੇ 0-5 ਸਾਲ ਦੇ ਬੱਚਿਆਂ ਨੂੰ ਪੋਲੀਓ ਰੋਧਕ ਬੂੰਦਾਂ ਪਿਆਈਆਂ ਗਈਆਂ। ਰੂਪਨਗਰ ਜਿਲ੍ਹੇ ਦੇ ਪੀ.ਐਚ.ਸੀ ਭਰਤਗੜ ਵਿੱਚ 448 ਬੱਚਿਆਂ ਨੂੰ, ਨੂਰਪੁਰਬੇਦੀ ਵਿੱਚ 423 ਬੱਚਿਆਂ ਨੂੰ, ਚਮਕੌਰ ਸਾਹਿਬ ਵਿੱਚ 451 ਬੱਚਿਆਂ ਨੂੰ, ਕੀਰਤਪੁਰ ਸਾਹਿਬ ਵਿੱਚ 581 ਬੱਚਿਆਂ ਨੂੰ, ਮੋਰਿੰਡਾ ਵਿੱਚ 189 ਬੱਚਿਆਂ ਨੂੰ, ਸ਼੍ਰੀ ਅਨੰਦਪੁਰ ਸਾਹਿਬ ਵਿੱਚ 362 ਬੱਚਿਆਂ ਨੂੰ, ਰਾਜ ਨਗਰ ਵਿੱਚ 146 ਬੱਚਿਆਂ ਨੂੰ, ਰੂਪਨਗਰ ਵਿੱਚ 728 ਬੱਚਿਆਂ ਨੂੰ, ਅਤੇ ਬੀ.ਬੀ.ਐਮ.ਬੀ ਨੰਗਲ ਵਿੱਚ 82 ਬੱਚਿਆਂ ਨੂੰ ਪਲਸ ਪੋਲੀਓ ਦੀਆਂ ਬੂੰਦਾ ਪਿਲਾਈਆਂ ਗਈਆਂ। ਜਿਲ੍ਹਾ ਟੀਕਾਕਰਨ ਅਫਸਰ ਡਾ: ਪੀ.ਐਸ. ਭੱਟੀ ਨੇ ਦੱਸਿਆ ਕਿ ਮਾਈਗਰੇਟਰੀ ਪਲਸ ਪੋਲੀਓ ਮੁਹਿੰਮ ਦੇ ਪਹਿਲੇ ਦਿਨ ਅੱਜ ਜਿਲੇ ਵਿੱਚ ਕੁੱਲ 3410 ਬੱਚਿਆਂ ਨੂੰ ਪਲਸ ਪੋਲਿਓ ਬੂੰਦਾਂ ਪਿਆਈਆਂ ਗਈਆਂ ਜੋ ਕਿ ਮਿੱਥੇ ਗਏ ਟੀਚੇ (6005) ਦਾ ਤਕਰੀਬਨ 57 ਪ੍ਰਤੀਸ਼ਤ ਹਨ, ਅਤੇ ਪੋਲੀਓ ਰੋਧਕ ਬੂੰਦਾਂ ਤੋ ਵਾਂਝੇ ਰਹਿ ਗਏ ਬੱਚਿਆਂ ਨੂੰ ਮਿਤੀ 06.08.2018 ਅਤੇ 07.08.2018 ਨੂੰ ਪੋਲੀਓ ਰੋਧਕ ਬੂੰਦਾਂ ਪਿਲਾਈਆਂ ਜਾਂਣਗੀਆਂ।ਇਸ ਮੌਕੇ ਸੀਨੀਅਰ ਮੈਡੀਕਲ ਅਫਸਰ ਇੰ: ਪੀ. ਐਚ. ਸੀ. ਕੀਰਤਪੁਰ ਸਾਹਿਬ ਡਾ. ਪਵਨ ਕੁਮਾਰ, ਸੁਖਜੀਤ ਕੁਮਾਰ ਜਿਲ੍ਹਾ ਬੀ.ਸੀ.ਸੀ ਫੈਸੀਲੀਟੇਟਰ, ਸਿੰਕਦਰ ਸਿੰਘ ਐਸ. ਆਈ. ਅਤੇ ਵਿਭਾਗ ਦੇ ਕਰਮਚਾਰੀ ਹਾਜ਼ਰ ਸਨ।