ਮੁਕਤੀ ਮੋਰਚਾ ਖਰੜ ਦੇ ਉਮੀਦਵਾਰ ਕਮਲ ਕਿਸੋਰ ਸ਼ਰਮਾ ਨੇ ਅੱਜ ਖਰੜ ਸ਼ਹਿਰ ਦੇ ਵੱਖ ਵੱਖ ਬਜ਼ਾਰਾਂ, ਮੁਹੱਲਿਆਂ ਵਿਚ ਪੈਦਲ ਯਾਤਰਾ ਕਰਕੇ ਵੋਟ ਮੰਗੀ। ਗਾਂਧੀ ਬਜ਼ਾਰ ਵਿਚ ਵੱਡੇ ਇਕੱਠ ਨੂੰ ਸੰਬੋਧਨ ਕਰਦਿਆ ਐਡਵੋਕੇਟ ਰਾਕੇਸ਼ ਸ਼ਰਮਾ ਨੇ ਕਿਹਾ ਕਿ ਖਰੜ ਹਲਕੇ ਦਾ ਨਤੀਜ਼ਾ ਪੰਜਾਬ ਦੇ ਸਾਰੇ ਵਿਧਾਨ ਸਭਾ ਹਲਕਿਆਂ ਤੋਂ ਵੱਖਰਾ ਤੇ ਹੈਰਾਨੀਜਨਤਕ ਹੋਵੇਗਾ ਕਿਉਕਿ ਸਮੁੱਚੇ ਵਿਧਾਨ ਸਭਾ ਹਲਕੇ ਵਿਚ ਮੋਰਚੇ ਨੂੰ ਵੱਖ ਵੱਖ ਜਥੇਬੰਦੀਆਂ ਵਲੋਂ ਲਗਾਤਾਰ ਸਮਰੱਥਨ ਮਿਲ ਰਿਹਾ ਹੈ ਤੇ ਅੱਜ ਹਲਕੇ ਦੇ ਵੋਟਰ ਪਾਰਟੀ ਬਾਜ਼ੀ ਤੋਂ ਉਪੱਰ ਉਠ ਕੇ ਮੋਰਚੇ ਨਾਲ ਜੁੜ ਚੁੱਕੇ ਹਨ। ਉਨ੍ਹਾਂ ਕਿਹਾ ਕਿ ਅਸੀ. ਖਰੜ ਹਲਕੇ ਦਾ ਵਿਕਾਸ, ਭ੍ਰਿਸ਼ਟਾਚਾਰ ਤਾਂ ਹੀ ਖਤਮ ਕਰ ਸਕਦੇ ਹਾਂ ਕਿ ਜੇਕਰ ਮੋਰਚੇ ਦਾ ਉਮੀਦਵਾਰ ਸਾਡੀਆਂ ਵੋਟਾਂ ਨਾਲ ਵਿਧਾਨ ਸਭਾ ਵਿਚ ਪਹੁੰਚਦਾ ਹੈ। ਉਨ੍ਹਾਂ ਵਾਇਦਾ ਕੀਤਾ ਕਿ ਸਾਡੀ ਜਿੱਤ ਤੋਂ ਬਾਅਦ ਖਰੜ ਦਾ ਵਿਕਾਸ ਸ਼ੁਰੂ ਹੋ ਜਾਵੇਗਾ। ਉਨ੍ਹਾਂ ਕਿਹਾ ਸਿਆਸੀ ਪਾਰਟੀਆਂ ਜੋ ਆਪਣਾ ਵਜੂਦ ਹਲਕੇ ਵਿਚ ਕਾਇਮ ਨਹੀਂ ਰੱਖ ਸਕੀਆਂ ਉਹ ਭੰਡੀ ਪ੍ਰਚਾਰ ਕਰਕੇ ਵੋਟਰਾਂ ਨੂੰ ਗੁੰਮਰਾਹ ਨਹੀਂ ਕਰ ਸਕਦੀਆਂ। ਇਸ ਪੈਦਲ ਯਾਤਰਾ ਦੌਰਾਨ ਸ਼ਹਿਰ ਦੇ ਦੁਕਾਨਦਾਰਾਂ ਨੇ ਉਸਨੂੰ ਭਾਰੀ ਬਹੁਮਤ ਨਾਲ ਜਿਤਾਉਣ ਦਾ ਵਾਇਦਾ ਕੀਤਾ। ਇਸ ਮੌਕੇ ਰਣਜੀਤ ਸਿੰਘ ਠੇਕੇਦਾਰ, ਪੰਡਿਤ ਓਮ ਪ੍ਰਕਾਸ਼ , ਚੂਹੜ ਸਿੰਘ, ਹਰਜੀਤ ਸਿੰਘ ਖਾਨਪੁਰ, ਜੇ ਪੀ ਸ਼ਰਮਾ, ਸੰਜੀਵ ਸ਼ੀਲਾ, ਪਰਦੀਪ ਬਖਸ਼ੀ, ਗੁਰਮੁੱਖ ਸਿੰਘ, ਸੁਭਾਸ ਸ਼ਰਮਾ, ਬਿੱਟੂ ਜੈਨ, ਰਾਕੇਸ, ਮਲਕੀਅਤ ਸਿੰਘ, ਹਰਵਿੰਦਰ ਸਿੰਘ ਸੋਢੀ, ਰਣਜੀਤ ਸਿੰਘ ਖਾਲਸਾ, ਅਰਵਿੰਦਰ ਸਿੰਘ ਆਦਿ ਸਮੇਤ ਭਾਰੀ ਗਿਣਤੀ ਵਿਚ ਉਨ੍ਹਾਂ ਦੇ ਸਮਰੱਥਕ ਨਾਲ ਸਨ।