ਪੰਜਾਬ ਅਤੇ ਹਰਿਆਣਾ ਬਾਰ ਕਾਉਂਸਿਲ ਵਲੋਂ ਆਯੋਜਿਤ ਤੀਸਰਾ ਟੀ-20 ਲਾਇਰਸ ਕ੍ਰਿਕਟ ਟੂਰਨਾਮੇਂਟ ਰੇਵਾੜੀ ਦੀ ਜ਼ਿਲਾ ਬਾਰ ਐਸੋਸੀਏਸ਼ਨ ਟੀਮ ਨੇ ਜਿੱਤਿਆ। ਬੁੱਧਵਾਰ ਨੂੰ ਸੈਕਟਰ-20 ਦੇ ਕ੍ਰਿਕਟ ਸਟੇਡੀਅਮ ਵਿਚ ਹੋਏ ਫਾਈਨਲ ਮੈਚ ਵਿਚ ਰੇਵਾੜੀ ਨੇ ਮੇਵਾਤ ਟੀਮ ਨੂੰ 6 ਵਿਕਟਾਂ ਨਾਲ ਹਰਾਇਆ।ਇਸ ਟੂਰਨਾਮੈਂਟ ਵਿਚ ਪੰਜਾਬ, ਹਰਿਆਣਾ ਅਤੇ ਚੰਡੀਗੜ੍ਹ ਦੀਆਂ ਕੁੱਲ 24 ਟੀਮਾਂ ਨੇ ਹਿੱਸਾ ਲਿਆ। ਟੂਰਨਾਮੈਂਟ ਦਾ ਉਦਘਾਟਨ ਕੀਤਾ ਸੀ ਜਸਿਟਸ ਅਮਿਤ ਰਾਵਲ ਨੇ। ਜਸਟਿਸ ਆਰ. ਐਨ. ਰੈਨਾ, ਜਸਟਿਸ ਰਮੇਂਦਰ ਜੈਨ ਅਤੇ ਹਰਿਆਣਾ ਦੇ ਐਡਵੋਕੇਟ ਬੀ. ਆਰ. ਮਹਾਜਨ ਨੇ ਵੱਖ-ਵੱਖ ਮੈਚਾਂ ਵਿਚ ਸ਼ਿਰਕਤ ਕਰਕੇ ਟੂਰਨਾਮੈਂਟ ਦੀ ਸ਼ੋਭਾ ਵਧਾਈ।ਬੁੱਧਵਾਰ ਨੂੰ ਫਾਈਨਲ ਮੈਚ ਦੇ ਬਾਅਦ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਦੇ ਜੱਜ ਜਸਟਿਸ ਰਾਜ ਮੋਹਨ ਸਿੰਘ ਨੇ ਰੇਵਾੜੀ ਟੀਮ ਦੇ ਹੇਮੇਂਦਰ ਨੂੰ ਮੈਚ ਆਫ ਦਾ ਮੈਚ ਟ੍ਰਾਫੀ ਦਿੱਤੀ। ਰੇਵਾੜੀ ਦੇ ਹੀ ਸੰਦੀਪ ਨੂੰ ਟੂਰਨਾਮੈਂਟ ਦਾ ਬੈਸਟ ਪਲੇਅਰ ਚੁਣਿਆ ਗਿਆ। ਜੇਤੂ ਟੀਮ ਦੇ ਕੈਪਟਨ ਜੈ ਭਗਵਾਨ ਨੂੰ ਚੇਅਰਮੈਨ ਰਜਤ ਗੌਤਮ, ਮਾਨਯੋਗ ਸੈਕਟਰੀ ਪਰਵੇਸ਼ ਯਾਦਵ, ਵੀਸੀਆਈ ਦੇ ਮੈਂਬਰ ਅਮਿਤ ਰਾਣਾ, ਸਪੋਰਟਸ ਕਮੇਟੀ ਦੇ ਚੇਅਰਮੈਨ ਲੋਕੇਸ਼ ਸਿੰਘਲ ਦੀ ਮੌਜੂਦਗੀ ਵਿਚ ਟਰਾਫੀ ਦਿੱਤੀ ਗਈ।