ਅੱਜ ਜਿਸ ਤਰ੍ਹਾਂ ਪੂਰੀ ਮਨੁੱਖਤਾ ਅੱਤਵਾਦ ਅਤੇ ਹਿੰਸਾ ਦੀ ਅੱਗ ਨਾਲ ਝੁਲਸ ਰਹੀ ਹੈ ਉਸ ਪੀੜਤ ਮਨੁੱਖਤਾ ਨੂੰ ਸ਼ਾਂਤੀ ਦਾ ਨਵਾਂ ਰਾਹ ਦਿਖਾਉਣ ਦਾ ਕੰਮ ਕਰੇਗਾ ਯੋਗ। ਇਹ ਵਿਚਾਰ ਭਾਰਤੀ ਜਨਤਾ ਪਾਰਟੀ ਦੇ ਪੰਜਾਬ ਪ੍ਰਧਾਨ ਕਮਲ ਸ਼ਰਮਾ ਨੇ ਸੰਯੁਕਤ ਰਾਸ਼ਟਰ ਵੱਲੋਂ 21 ਜੂਨ ਨੂੰ ਐਲਾਨੇ ਗਏ ਵਿਸ਼ਵ ਯੋਗ ਦਿਵਸ ਦੀ ਖੁਸ਼ੀ ਪ੍ਰਗਟਾਉਂਦੇ ਆਖੇ। ਉਨ੍ਹਾਂ ਨੇ ਇਸ ਉਪਲਬਧੀ ਲਈ ਦੇਸ਼ ਦੇ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਨੂੰ ਵਧਾਈ ਦਿੱਤੀ ਹੈ।ਪਾਰਟੀ ਵੱਲੋਂ ਜਾਰੀ ਪ੍ਰੈਸ ਨੋਟ ਵਿਚ ਭਾਜਪਾ ਪ੍ਰਧਾਨ ਸ਼੍ਰੀ ਕਮਲ ਸ਼ਰਮਾ ਨੇ ਕਿਹਾ ਕਿ ਭਾਰਤੀ ਗਿਆਨ ਦੀ ਅਮੁੱਲ ਧਰੋਹਰ ਹੈ ਯੋਗ, ਜੋ ਮਨੁੱਖ ਨੂੰ ਉਸਦੀ ਹੋਂਦ ਨਾਲ ਜੋੜਦਾ ਹੈ। ਅਸ਼ਟਾਂਗ ਯੋਗ ਕੇਵਲ ਸ਼ਰੀਰਿਕ ਕਸਰਤ ਹੀ ਨਹੀਂ ਬਲਕਿ ਜੀਵਨ ਜੀਉਣ ਦੀ ਸੁਚੱਜੀ ਕਲਾ ਹੈ ਅਤੇ ਖੁਸ਼ੀ ਦੀ ਗੱਲ ਇਹ ਹੈ ਕਿ ਹੁਨ ਪੂਰੀ ਦੁਨੀਆ ਨੂੰ ਇਸ ਭਾਰਤੀ ਵਿਦਿਆ ਦਾ ਗਿਆਨ ਮਿਲੇਗਾ ਅਤੇ ਦੁਨੀਆ ਭਾਰਤੀ ਦਰਸ਼ਨ ਨੂੰ ਹੋਰ ਵੀ ਗਹਿਰਾਈ ਨਾਲ ਜਾਨ ਸਕੇਗੀ। ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਨੂੰ ਵਧਾਈ ਦਿੰਦਿਆਂ ਸ਼੍ਰੀ ਕਮਲ ਸ਼ਰਮਾ ਨੇ ਕਿਹਾ ਕਿ ਭਾਰਤੀ ਗਿਆਨ ਅਤੇ ਆਸਥਾ ਪ੍ਰਤੀਕਾਂ ਦਾ ਸੰਨਮਾਨ ਅਤੇ ਭਾਰਤੀ ਗਿਆਨ ਨੂੰ ਦੁਨੀਆ ਅੰਦਰ ਮਾਨਤਾ ਦਿਲਵਾਉਣ ਦਾ ਜੋ ਕੰਮ ਸ਼੍ਰੀ ਮੋਦੀ ਨੇ ਕੀਤਾ ਹੈ ਉਸ ਲਈ ਉਨ੍ਹਾਂ ਦਾ ਨਾਂ ਭਾਰਤੀ ਇਤਿਹਾਸ ਵਿਚ ਸੁਨਹਿਰੀ ਅੱਖਰਾਂ ਵਿਚ ਲਿਖਿਆ ਜਾਵੇਗਾ। ਚੇਤੇ ਰਹੇ ਕਿ ਸ਼੍ਰੀ ਮੋਦੀ ਨੇ 27 ਸਤੰਬਰ, 2014 ਵਿਚ ਸੰਯੁਕ ਰਾਸ਼ਟਰ ਵਿਚ ਭਾਸ਼ਣ ਦਿੰਦਿਆਂ ਵਿਸ਼ਵ ਪੱਧਰ ਤੇ ਯੋਗ ਦਿਵਸ ਮਨਾਉਣ ਦਾ ਪ੍ਰਸਤਾਵ ਕੀਤਾ ਸੀ, ਜਿਸਨੂੰ ਦੁਨੀਆ ਦੇ 170 ਦੇਸ਼ਾਂ ਦਾ ਸਮਰਥਨ ਮਿਲਿਆ ਹੈ। ਇਸ ਨਾਲ ਇਹ ਵੀ ਸਾਫ ਹੋ ਗਿਆ ਹੈ ਕਿ ਦੁਨੀਆ ਅੰਦਰ ਭਾਰਤ ਅਤੇ ਭਾਰਤੀ ਲੀਡਰਸ਼ਿਪ ਦੀ ਸਾਖ ਵੱਧ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਸ਼੍ਰੀ ਮੋਦੀ ਨੇ ਕੇਵਲ ਯੋਗ ਨੂੰ ਹੀ ਦੁਨੀਆ ਅੰਦਰ ਸੰਨਮਾਨ ਨਹੀਂ ਦਿਲਵਾਇਆ ਬਲਕਿ ਜਪਾਨ ਯਾਤਰਾ ਦੌਰਾਨ ਉੱਥੇ ਦੇ ਪ੍ਰਧਾਨ ਮੰਤਰੀ ਨੂੰ ਗੀਤਾ ਉਪਹਾਰ ਵਿਚ ਦੇ ਕੇ ਅਤੇ ਵਿਦੇਸ਼ੀ ਦੌਰਿਆਂ ਦੌਰਾਨ ਹਿੰਦੀ ਵਿਚ ਭਾਸ਼ਣ ਦੇ ਕੇ ਉਨ੍ਹਾਂ ਨੇ ਹਰ ਭਾਰਤੀ ਦੀ ਛਾਤੀ ਮਾਨ ਨਾਲ ਚੌੜੀ ਕਰ ਦਿੱਤੀ ਹੈ। ਭਾਜਪਾ ਪ੍ਰਧਾਨ ਨੇ ਕਿਹਾ ਕਿ ਬਹੁਤ ਸਾਰੇ ਰਿਸ਼ੀਆਂ-ਮੁਨੀਆਂ ਨੇ ਇਹ ਭਵਿੱਖਵਾਣੀ ਕੀਤੀ ਹੈ ਕਿ 21ਵੀਂ ਸਦੀ ਭਾਰਤ ਦੀ ਹੋਵੇਗੀ ਉਹ ਅੱਜ ਸ਼੍ਰੀ ਮੋਦੀ ਦੀ ਸੁਚੱਜੀ ਰਹਿਨੁਮਾਈ ਵਿਚ ਸਹੀ ਹੁੰਦੀ ਜਾਪ ਰਹੀ ਹੈ।