ਐਸ.ਏ.ਐਸ ਨਗਰ ਦੇ ਫੇਜ਼ 6 ਦੇ ਵਸਨੀਕਾਂ ਦੀ ਮੀਟ ਮਾਰਕੀਟ ਅਤੇ ਮੋਟਰ ਮਾਰਕੀਟ ਦੀ ਪੁਰਾਣੀ ਤੇ ਗਹਿਰੀ ਸਮੱਸਿਆ ਦਾ ਹੱਲ ਜਲਦੀ ਹੀ ਮੁੱਖ ਪ੍ਰਸ਼ਾਸਕ ਗਮਾਡਾ ਨਾਲ ਗੱਲ ਕਰਕੇ ਕੀਤਾ ਜਾਵੇਗਾ । ਇਨਾਂਹ ਵਿਚਾਰਾਂ ਦਾ ਪ੍ਰਗਟਾਵਾ ਜਿਲਾ੍ਹ ਯੋਜਨਾ ਕਮੇਟੀ ਦੇ ਚੇਅਰਮੈਨ ਹਰਭਜਨ ਮਾਨ ਨੇ ਬੀਤੀ ਸ਼ਾਮ ਫੇਜ਼ 6 ਵਿਖੇ 60 ਲੱਖ ਰੁਪਏ ਨਾਲ ਹੋਣ ਵਾਲੇ ਵਿਕਾਸ ਕਾਰਜਾਂ ਦੀ ਰਸਮੀ ਸ਼ੁਰੂਆਤ ਕਰਨ ਉਪਰੰਤ ਸਾਦੇ ਤੇ ਪ੍ਰਭਾਵਸ਼ਾਲੀ ਕਰਵਾਏ ਗਏ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਕੀਤਾ। ਉਨਾਂਹ ਕਿਹਾ ਕਿ ਮੋਟਰ ਮਾਰਕੀਟ ਨੂੰ ਉਚਿਤ ਜਗ੍ਹਾ ਦੇ ਦਿੱਤੀ ਜਾਵੇਗੀ। ਇਸ ਮੌਕੇ ਫੇਜ਼ 6 ਦੇ ਸਾਬਕਾ ਕੌਸਲਰ ਰਜਿੰਦਰ ਪ੍ਰਸ਼ਾਦ ਸ਼ਰਮਾ ਨੇ ਵਿਕਾਸ ਕਾਰਜਾਂ ਲਈ ਫੰਡ ਜਾਰੀ ਕਰਨ ਤੇ ਹਰਭਜਨ ਮਾਨ ਚੇਅਰਮੈਨ ਯੋਜਨਾ ਕਮੇਟੀ ਦਾ ਧੰਨਵਾਦ ਕੀਤਾ ਅਤੇ ਉਨਾਂ੍ਹ ਨੂੰ ਫੇਜ਼ 6 ਦੀਆਂ ਮੁਸ਼ਕਿਲਾਂ ਸਬੰਧੀ ਜਾਣੂੰ ਕਰਵਾਇਆ। ਚੇਅਰਮੈਨ ਜਿਲ੍ਹਾ ਯੋਜਨਾ ਕਮੇਟੀ ਵਲੋਂ ਮੁਸ਼ਕਿਲਾਂ ਦਾ ਜਲਦੀ ਤੋ ਜਲਦੀ ਨਿਪਟਾਰਾ ਕਰਨ ਦਾ ਭਰੋਸਾ ਦਿੱਤਾ ਗਿਆ। ਇਸ ਸਮਾਗਮ ਮਗਰੋਂ ਮਾਨ ਵਲੋ ਪੈਦਲ ਚੱਲ ਕੇ ਖੁਦ ਫੇਜ਼ 6 ਵਿਖੇ ਹੋਣ ਵਾਲੇ ਕਾਰਜਾਂ ਦੀ ਸਮੀਖਿਆ ਕੀਤੀ ਗਈ।
ਫੇਜ਼ 6 ਵਿੱਚ 50 ਲੱਖ ਰੁਪਏ ਦੀ ਲਾਗਤ ਨਾਲ ਪੇਵਰ ਬਣਾਉਂਣ ਦਾ ਕੰਮ ਸ਼ੁਰੂ ਕੀਤਾ ਗਿਆ ਅਤੇ 10 ਲੱਖ ਰੁਪਇਆ ਟਾਇਲਟਸ ਅਤੇ ਹੋਰ ਰਿਪੇਅਰ ਦੇ ਕਾਰਜਾਂ ਤੇ ਖਰਚਿਆ ਜਾਵੇਗਾ। ਇਸ ਮੌਕੇ ਬੋਲਦਿਆਂ ਹਰਭਜਨ ਮਾਨ ਨੇ ਕਿਹਾ ਕਿ ਉਹ ਐਸ.ਏ.ਐਸ ਨਗਰ ਦੇ ਫੇਜ਼ 6 ਅਤੇ 1 ਨੂੰ ਅਪਣਾਕੇ ਅੱਜ ਤੋ ਹੀ ਇੰਨਾਂ ਦੋਵੇ ਫੇਜ਼ਾਂ ਦਾ ਉਹ ਵਿਸ਼ੇਸ਼ ਖਿਆਲ ਰੱਖਣਗੇ। ਉਨਾਂ੍ਹ ਮੌਕੇ ਤੇ ਹੀ ਪਾਰਕਾਂ ਅਤੇ ਪਾਰਕਿੰਗ ਦੀ ਰਿਕਾਰਪੇਟਿੰਗ ਆਦਿ ਦੇ ਟੈਂਡਰ ਜਲਦ ਤੋ ਜਲਦ ਕਾਲ ਕਰਨ ਲਈ ਐਸ ਡੀ ਓ ਸੁਖਵਿੰਦਰ ਸਿੰਘ ਨੂੰ ਆਦੇਸ਼ ਦਿੱਤੇ। ਇਸ ਮੌਕੇ ਗੁਲਜ਼ਾਰ ਇੰਦਰ ਸਿੰਘ ਚਾਹਿਲ ਪੀ.ਏ ਟੂ ਹਰਭਜਨ ਮਾਨ, ਫੂਲਰਾਜ ਸਿੰਘ, ਮਨਜੀਤ ਕੌਰ, ਪਰਮਜੀਤ ਸਿੰਘ ਕਾਹਲੋਂ (ਤਿੰਨੇ ਸਾਬਕਾ ਕੌਸਲਰ), ਐਨ ਐਸ ਸਿੱਧੂ ਪ੍ਰਧਾਨ ਵੈਲਫੇਅਰ ਐਸੋਸੀਏਸ਼ਨ ਫੇਜ਼ 6, ਗੁਰਦਰਸ਼ਨ ਸਿੰਘ ਲੂਥਰਾ, ਗਿਆਨ ਸਿੰਘ, ਸੋਹਣ ਸਿੰਘ ਪ੍ਰਧਾਨ ਰੇਹੜੀ ਫੜੀ ਐਸੋਸੀਏਸ਼ਨ, ਰਜਿੰਦਰ ਕੁਮਾਰ ਪ੍ਰਧਾਨ ਐਚ ਟਾਈਪ ਕੁਆਟਰ, ਜਸਬੀਰ ਸਿੰਘ ਜਨਰਲ ਸਕੱਤਰ, ਸੁਰਜੀਤ ਸਿੰਘ ਵਾਈਸ ਪ੍ਰੈਸੀਡੈਂਟ, ਫੌਜਾ ਸਿੰਘ ਪ੍ਰਧਾਨ ਮੋਟਰ ਮਾਰਕੀਟ, ਜਸਬੀਰ ਸਿੰਘ ਭਾਜਪਾ ਆਗੂ ਅਤੇ ਹੋਰ ਪਤਵੰਤੇ ਵੀ ਮੌਜੂਦ ਸਨ।