ਪੰਜਾਬ ਇੰਜੀਨੀਅਰਿੰਗ ਕਾਲਜ (ਡੀਮਡ ਟੂ ਬੀ ਯੂਨੀਵਰਸਿਟੀ), ਚੰਡੀਗੜ੍ਹ ਵੱਲੋਂ ਵਿਦਿਆਰਥੀਆਂ ਦੀ ਭਾਵਨਾਤਮਕ ਭਲਾਈ ਅਤੇ ਤਣਾਅ ਪ੍ਰਬੰਧਨ ਨੂੰ ਪ੍ਰੋਤਸਾਹਿਤ ਕਰਨ ਲਈ ਸਪੈਸ਼ਲ ਕਾਊਂਸਲਿੰਗ ਸੈੱਲ (ਐਸਸੀਸੀ) ਦੇ ਅਧੀਨ ਮਾਨਸਿਕ ਸਿਹਤ ਜਾਗਰੂਕਤਾ ਸੈਸ਼ਨ ਦਾ ਆਯੋਜਨ ਕੀਤਾ ਗਿਆ। ਇਹ ਸੈਸ਼ਨ ਡੀਨ ਸਟੂਡੈਂਟ ਅਫੇਅਰਜ਼ (ਡੀਐਸਏ) ਡਾ. ਡੀ. ਆਰ. ਪ੍ਰਜਾਪਤੀ ਦੀ ਰਹਿਨੁਮਾਈ ਹੇਠ ਕਰਵਾਇਆ ਗਿਆ।
ਇਸ ਮੌਕੇ ਤੇ ਸੁਸ਼੍ਰੀ ਕੋਮਿਲਾ ਪਾਰਥੀ, ਪ੍ਰੋ. ਸ਼ੋਭਨਾ ਧੀਮਨ (ਰਜਿਸਟ੍ਰਾਰ, ਪੇਕ), ਡਾ. ਸੁਲਤਾ ਭੰਡਾਰੀ (ਹੈੱਡ, ਐਸਸੀਸੀ), ਡਾ. ਸੰਦੀਪ ਹਰਿਤ, ਡਾ. ਗੀਤਾ ਅਰੋੜਾ, ਡਾ. ਤਿਲਕ ਠਾਕੁਰ ਅਤੇ ਸ਼੍ਰੀ ਨਵੀਨ ਕੁਮਾਰ ਮੌਜੂਦ ਰਹੇ। ਸੈਸ਼ਨ ਦੀ ਅਗਵਾਈ ਮਨੋਵਿਗਿਆਨ ਦੀ ਐਸੋਸੀਏਟ ਪ੍ਰੋਫੈਸਰ ਅਤੇ ਅਨੁਭਵੀ ਮਾਨਸਿਕ ਸਿਹਤ ਸਪੈਸ਼ਲਿਸਟ ਸੁਸ਼੍ਰੀ ਕੋਮਿਲਾ ਪਾਰਥੀ ਵੱਲੋਂ ਕੀਤੀ ਗਈ।
ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦੇ ਹੋਏ ਮਾਨਸਿਕ ਸਿਹਤ ਨੂੰ ਇਕ ਲਗਾਤਾਰ ਪ੍ਰਕਿਰਿਆ ਵਜੋਂ ਸਮਝਣ ਦੀ ਮਹੱਤਤਾ ਉਤੇ ਜ਼ੋਰ ਦਿੱਤਾ ਅਤੇ ਭਾਵਨਾਤਮਕ, ਮਨੋਵਿਗਿਆਨਕ ਅਤੇ ਸ਼ਾਰੀਰੀਕ ਸਿਹਤ ਦੇ ਆਪਸੀ ਸੰਬੰਧ ਨੂੰ ਸਮਝਾਇਆ। ਉਨ੍ਹਾਂ ਨੇ ਕਾਗਨਿਟਿਵ ਰੀਫ੍ਰੇਮਿੰਗ, ਵਿਜੁਅਲਾਈਜ਼ੇਸ਼ਨ ਅਤੇ ਪਰਿਵਾਰ ਤੇ ਦੋਸਤਾਂ ਦੇ ਸਹਿਯੋਗ ਵਰਗੀਆਂ ਪ੍ਰਯੋਗਿਕ ਤਕਨੀਕਾਂ ਬਾਰੇ ਵੀ ਜਾਣਕਾਰੀ ਦਿੱਤੀ।
ਇਸ ਤੋਂ ਇਲਾਵਾ ਧਿਆਨ (ਮੇਡੀਟੇਸ਼ਨ) ਅਤੇ ਭਾਵਨਾਵਾਂ ਦੇ ਸੰਤੁਲਨ ਦੀ ਮਹੱਤਤਾ ਨੂੰ ਵੀ ਉਜਾਗਰ ਕੀਤਾ ਗਿਆ। ਸੈਸ਼ਨ ਦਾ ਇੱਕ ਮਹੱਤਵਪੂਰਨ ਹਿੱਸਾ ਨਿੱਜੀ ਹੱਦਾਂ ਨਿਰਧਾਰਤ ਕਰਨਾ ਅਤੇ ਮਾਨਸਿਕ ਸੰਤੁਲਨ ਲਈ “ਨਾ” ਕਹਿਣ ਦੀ ਆਦਤ ਨੂੰ ਸਵੀਕਾਰਣਾ ਸੀ। ਡਾ. ਡੀ. ਆਰ. ਪ੍ਰਜਾਪਤੀ ਨੇ ਵਿਦਿਆਰਥੀਆਂ ਨੂੰ ਆਪਣੇ ਮਾਨਸਿਕ ਸਿਹਤ ਨੂੰ ਤਰਜੀਹ ਦੇਣ ਅਤੇ ਜਰੂਰਤ ਪੈਣ 'ਤੇ ਮਦਦ ਲੈਣ ਲਈ ਪ੍ਰੇਰਿਤ ਕੀਤਾ।
ਸੈਸ਼ਨ ਦਾ ਸਮਾਪਨ ਇਕ ਇੰਟਰਐਕਟਿਵ ਚਰਚਾ ਨਾਲ ਹੋਇਆ, ਜਿਸ ਵਿੱਚ ਵਿਦਿਆਰਥੀਆਂ ਨੂੰ ਤਣਾਅ ਪ੍ਰਬੰਧਨ ਅਤੇ ਸਮੁੱਚੀ ਭਲਾਈ ਲਈ ਲਾਭਦਾਇਕ ਸੂਝ-ਬੂਝ ਅਤੇ ਪ੍ਰਯੋਗਿਕ ਤਰੀਕੇ ਪ੍ਰਾਪਤ ਹੋਏ।