ਬੇਬੀ ਕੇਅਰ ਅਤੇ ਬੱਚਿਆਂ ਦੇ ਉਤਪਾਦਾਂ ਲਈ ਜਾਣੀ ਜਾਂਦੀ ਪੋਪੀਜ਼ ਬੇਬੀ ਕੇਅਰ ਨੇ ਉੱਤਰੀ ਭਾਰਤ ਵਿੱਚ ਆਪਣੀ ਮੌਜੂਦਗੀ ਦਰਜ ਕਰਵਾਉਂਦਿਆਂ ਚੰਡੀਗੜ੍ਹ ਵਿੱਚ ਆਪਣਾ ਪਹਿਲਾ ਸਟੋਰ ਖੋਲ੍ਹ ਦਿੱਤਾ ਹੈ। ਸੈਕਟਰ-30 ਡੀ ਮੇਨ ਮਾਰਕੀਟ ਸਥਿਤ ਐੱਸ.ਸੀ.ਓ.-7 ਵਿਖੇ ਖੁੱਲ੍ਹੇ ਇਸ ਸਟੋਰ ਦਾ ਉਦਘਾਟਨ ਚੰਡੀਗੜ੍ਹ ਦੇ ਮੇਅਰ ਸੌਰਭ ਜੋਸ਼ੀ ਵੱਲੋਂ ਕੀਤਾ ਗਿਆ। ਇਸ ਮੌਕੇ ਕੰਪਨੀ ਦੇ ਅਧਿਕਾਰੀ, ਗਾਹਕ ਅਤੇ ਇਲਾਕੇ ਦੇ ਵਸਨੀਕ ਵੀ ਹਾਜ਼ਰ ਸਨ।
ਨਵੇਂ ਸਟੋਰ ਰਾਹੀਂ ਟਰਾਈਸਿਟੀ ਖੇਤਰ ਦੇ ਪਰਿਵਾਰਾਂ ਨੂੰ ਹੁਣ ਬੱਚਿਆਂ ਨਾਲ ਸੰਬੰਧਿਤ ਉੱਚ ਗੁਣਵੱਤਾ ਵਾਲੇ ਉਤਪਾਦ ਇੱਕ ਹੀ ਥਾਂ ਉਪਲਬਧ ਹੋਣਗੇ। ਸਟੋਰ ਵਿੱਚ ਨਵਜੰਮੇ ਬੱਚਿਆਂ ਲਈ ਲੋੜੀਂਦਾ ਸਮਾਨ, 0 ਤੋਂ 4 ਸਾਲ ਤੱਕ ਦੇ ਬੱਚਿਆਂ ਦੇ ਕੱਪੜੇ, ਬੈਂਬੂ ਫੈਬਰਿਕ ਤੋਂ ਤਿਆਰ ਕੀਤੇ ਉਤਪਾਦ, ਡਾਇਪਰ, ਵਾਈਪਸ, ਸ਼ੈਂਪੂ, ਬਾਥ ਐਸੈਂਸ਼ਲਜ਼ ਅਤੇ ਆਰਗੈਨਿਕ ਬੇਬੀ ਕੇਅਰ ਉਤਪਾਦਾਂ ਦੀ ਵਿਸ਼ਾਲ ਰੇਂਜ ਮੌਜੂਦ ਹੈ।
ਸਾਲ 2003 ਵਿੱਚ ਸਥਾਪਿਤ ਪੋਪੀਜ਼ ਬੇਬੀ ਕੇਅਰ ਨੇ ਸੁਰੱਖਿਅਤ, ਆਰਾਮਦਾਇਕ ਅਤੇ ਕਿਫ਼ਾਇਤੀ ਉਤਪਾਦਾਂ ਰਾਹੀਂ ਮਾਪਿਆਂ ਦਾ ਭਰੋਸਾ ਹਾਸਲ ਕੀਤਾ ਹੈ। ਕੰਪਨੀ ਅਨੁਸਾਰ ਹਰ ਉਤਪਾਦ ਨੂੰ ਗਾਹਕਾਂ ਤੱਕ ਪਹੁੰਚਾਉਣ ਤੋਂ ਪਹਿਲਾਂ 28 ਸਖ਼ਤ ਗੁਣਵੱਤਾ ਜਾਂਚ ਪ੍ਰਕਿਰਿਆਵਾਂ ਵਿਚੋਂ ਲੰਘਾਇਆ ਜਾਂਦਾ ਹੈ। ਉਦਘਾਟਨ ਮੌਕੇ ਮੇਅਰ ਸੌਰਭ ਜੋਸ਼ੀ ਨੇ ਕਿਹਾ ਕਿ ਇਸ ਬ੍ਰਾਂਡ ਦੇ ਆਉਣ ਨਾਲ ਚੰਡੀਗੜ੍ਹ ਦੇ ਮਾਪਿਆਂ ਨੂੰ ਭਰੋਸੇਯੋਗ ਬੇਬੀ ਕੇਅਰ ਉਤਪਾਦਾਂ ਦੀ ਵਧੀਆ ਚੋਣ ਮਿਲੇਗੀ ਅਤੇ ਉਹਨਾਂ ਨੂੰ ਇੱਕੋ ਛੱਤ ਹੇਠ ਲੋੜੀਂਦਾ ਸਮਾਨ ਉਪਲਬਧ ਹੋਵੇਗਾ।
ਪੋਪੀਜ਼ ਬੇਬੀ ਕੇਅਰ ਦੇ ਚੇਅਰਮੈਨ ਅਤੇ ਮੈਨੇਜਿੰਗ ਡਾਇਰੈਕਟਰ ਸ਼ਾਜੂ ਥਾਮਸ ਨੇ ਕਿਹਾ ਕਿ ਚੰਡੀਗੜ੍ਹ ਕੰਪਨੀ ਲਈ ਇੱਕ ਰਣਨੀਤਕ ਤੌਰ 'ਤੇ ਮਹੱਤਵਪੂਰਨ ਬਾਜ਼ਾਰ ਹੈ ਅਤੇ ਉੱਤਰੀ ਭਾਰਤ ਵਿੱਚ ਵਿਸਥਾਰ ਲਈ ਇੱਕ ਪ੍ਰਮੁੱਖ ਗੇਟਵੇ ਵੀ ਹੈ। ਉਨ੍ਹਾਂ ਕਿਹਾ ਕਿ ਦੋ ਦਹਾਕਿਆਂ ਤੋਂ ਵੱਧ ਸਮੇਂ ਤੋਂ ਮਾਪੇ ਪੋਪੀਜ਼ ਉੱਤੇ ਭਰੋਸਾ ਕਰਦੇ ਆ ਰਹੇ ਹਨ ਅਤੇ ਕੰਪਨੀ ਇਸ ਖੇਤਰ ਦੇ ਪਰਿਵਾਰਾਂ ਤੱਕ ਆਪਣੀ ਪਹੁੰਚ ਹੋਰ ਮਜ਼ਬੂਤ ਕਰਨ ਲਈ ਵਚਨਬੱਧ ਹੈ।
ਚੰਡੀਗੜ੍ਹ ਸਟੋਰ ਦੇ ਸ਼ੁਰੂ ਹੋਣ ਨਾਲ ਦੁਨੀਆ ਭਰ ਵਿੱਚ ਪੋਪੀਜ਼ ਦੇ ਸਟੋਰਾਂ ਦੀ ਗਿਣਤੀ 109 ਹੋ ਗਈ ਹੈ। ਭਾਰਤ ਅਤੇ ਮੱਧ ਪੂਰਬੀ ਏਸ਼ੀਆ ਵਿੱਚ ਮਜ਼ਬੂਤ ਮੌਜੂਦਗੀ ਬਣਾਉਣ ਤੋਂ ਬਾਅਦ ਕੰਪਨੀ ਹੁਣ ਉੱਤਰੀ ਭਾਰਤ ਵਿੱਚ ਤੇਜ਼ੀ ਨਾਲ ਵਿਸਥਾਰ ਕਰ ਰਹੀ ਹੈ। ਆਉਣ ਵਾਲੇ ਮਹੀਨਿਆਂ ਦੌਰਾਨ ਜ਼ੀਰਕਪੁਰ, ਕਰਨਾਲ ਅਤੇ ਯਮੁਨਾਨਗਰ ਵਿੱਚ ਵੀ ਨਵੇਂ ਸਟੋਰ ਖੋਲ੍ਹੇ ਜਾਣਗੇ। ਕੰਪਨੀ ਦਾ ਮੰਨਣਾ ਹੈ ਕਿ ਆਪਣੇ ਵਧਦੇ ਰਿਟੇਲ ਨੈੱਟਵਰਕ ਅਤੇ ਗੁਣਵੱਤਾ-ਆਧਾਰਿਤ ਨਵੀਨਤਾ ਦੇ ਜ਼ਰੀਏ ਉਹ ਦੇਸ਼ ਭਰ ਦੇ ਮਾਪਿਆਂ ਲਈ ਪ੍ਰੀਮੀਅਮ ਬੇਬੀ ਕੇਅਰ ਉਤਪਾਦਾਂ ਨੂੰ ਹੋਰ ਵੱਧ ਪਹੁੰਚਯੋਗ ਬਣਾਏਗੀ।