ਭਾਰਤ ਵਿੱਚ ਪਹਿਲੀ ਵਾਰ ਆਯੋਜਿਤ ਕੀਤਾ ਜਾ ਰਿਹਾ ਹਰਿਤ ਵਿਗਿਆਨ ਅਤੇ ਤਕਨਾਲੋਜੀ ਉੱਤੇ ਅੰਤਰਰਾਸ਼ਟਰੀ ਸੰਮੇਲਨ (ਆਈਸੀਜੀਐਸਟੀ-2025) ਦਾ ਉਦਘਾਟਨ 17 ਨਵੰਬਰ ਨੂੰ ਸਵੇਰੇ 09:30 ਵਜੇ ਨਾਈਪਰ ਮੋਹਾਲੀ ਵਿੱਚ ਹੋਵੇਗਾ, ਜੋ 18 ਨਵੰਬਰ ਤੱਕ ਚੱਲੇਗਾ। ਇਹ ਆਯੋਜਨ ਸ਼ਿਜ਼ੂਓਕਾ ਯੂਨੀਵਰਸਿਟੀ (ਜਾਪਾਨ), ਯੂਨੀਵਰਸਿਟੀ ਤਕਨਾਲੋਜੀ ਮਲੇਸ਼ੀਆ- ਕੁਆਲਾਲੰਪੁਰ (ਯੂਟੀਐਮ ਮਲੇਸ਼ੀਆ), ਯੂਪੀਐਮ ਮਲੇਸ਼ੀਆ ਅਤੇ ਗਦਜਾਹ ਮਾਡਾ ਯੂਨੀਵਰਸਿਟੀ (ਇੰਡੋਨੇਸ਼ੀਆ) ਦੇ ਸਹਿਯੋਗ ਨਾਲ ਕੀਤਾ ਜਾ ਰਿਹਾ ਹੈ। ਇਸ ਪ੍ਰੋਗਰਾਮ ਵਿੱਚ ਗ੍ਰੈਨਿਊਲਜ਼ ਇੰਡੀਆ ਲਿਮਿਟੇਡ ਪ੍ਰਾਯੋਜਨ ਭਾਗੀਦਾਰ ਵਜੋਂ ਸ਼ਾਮਲ ਹੈ।
ਆਈਸੀਜੀਐਸਟੀ ਸੀਰੀਜ਼ ਦੀ ਸ਼ੁਰੂਆਤ 2021 ਵਿੱਚ ਸ਼ਿਜ਼ੂਓਕਾ ਯੂਨੀਵਰਸਿਟੀ ਵੱਲੋਂ ਆਯੋਜਿਤ ਆਨਲਾਈਨ ਸੰਸਕਰਣ ਨਾਲ ਹੋਈ ਸੀ। ਸਾਲ 2023 ਵਿੱਚ ਇਸ ਦਾ ਦੂਜਾ ਸੰਸਕਰਣ ਯੂਟੀਐਮ ਕੁਆਲਾਲੰਪੁਰ, ਮਲੇਸ਼ੀਆ ਵਿੱਚ ਆਯੋਜਿਤ ਹੋਇਆ। ਹੁਣ ਇਸ ਦਾ ਤੀਜਾ ਸੰਸਕਰਣ, ਆਈਸੀਜੀਐਸਟੀ-2025, ਪਹਿਲੀ ਵਾਰ ਭਾਰਤ ਵਿੱਚ ਨਾਈਪਰ ਮੋਹਾਲੀ ਵਿੱਚ ਆਯੋਜਿਤ ਹੋਣ ਜਾ ਰਿਹਾ ਹੈ, ਜੋ ਇਸ ਸੀਰੀਜ਼ ਦਾ ਇੱਕ ਮਹੱਤਵਪੂਰਨ ਪੜਾਅ ਹੈ।
ਸੰਮੇਲਨ ਵਿੱਚ ਵਿਸ਼ਵਭਰ ਦੇ ਮਾਹਿਰਾਂ, ਉਦਯੋਗ ਜਗਤ ਦੇ ਨੁਮਾਇੰਦਿਆਂ ਅਤੇ ਨੌਜਵਾਨ ਖੋਜਕਰਤਾਵਾਂ ਦੀ ਸਹਿਭਾਗੀਤਾ ਰਹੇਗੀ। ਇਸ ਵਿੱਚ 100 ਤੋਂ ਵੱਧ ਭਾਗੀਦਾਰ, 33 ਪੋਸਟਰ ਪੇਸ਼ਕਾਰੀ, 9 ਓਰਲ ਪੇਸ਼ਕਾਰੀ, 14 ਸੱਦੇ ਹੋਏ ਅਤੇ 8 ਮੁੱਖ ਬੁਲਾਰਿਆਂ ਦੇ ਸੰਬੋਧਨ ਸ਼ਾਮਲ ਹੋਣਗੇ। ਨਾਈਪਰ ਮੋਹਾਲੀ ਦੇ ਨਿਰਦੇਸ਼ਕ ਪ੍ਰੋ. ਦੁਲਾਲ ਪਾਂਡਾ ਉਦਘਾਟਨ ਸੈਸ਼ਨ ਨੂੰ ਸੰਬੋਧਨ ਕਰਨਗੇ।
ਆਈਸੀਜੀਐਸਟੀ-2025 ਦਾ ਮੁੱਖ ਉਦੇਸ਼ ਗ੍ਰੀਨ ਤਕਨਾਲੋਜੀ ਨੂੰ ਉਤਸ਼ਾਹਿਤ ਕਰਨਾ ਹੈ, ਜੋ ਸੰਯੁਕਤ ਰਾਸ਼ਟਰ ਦੇ ਸਥਿਰ ਵਿਕਾਸ ਟੀਚਿਆਂ (ਐਸਡੀਜੀ) ਜਿਵੇਂ— ਜ਼ੀਰੋ ਭੁੱਖਮਰੀ (ਐਸਡੀਜੀ 2), ਚੰਗੀ ਸਿਹਤ ਅਤੇ ਭਲਾਈ (SDG 3), ਕਿਫਾਇਤੀ ਅਤੇ ਸਾਫ਼ ਊਰਜਾ (ਐਸਡੀਜੀ 7) ਅਤੇ ਸਥਿਰ ਉਤਪਾਦਨ ਅਤੇ ਹਰਿਤ ਪ੍ਰਕਿਰਿਆਵਾਂ ਦੇ ਅਨੁਕੂਲ ਹਨ।
ਇਸ ਕਾਨਫਰੰਸ ਦੀ ਅਗਵਾਈ ਪ੍ਰੋ. ਦੁਲਾਲ ਪਾਂਡਾ (ਪ੍ਰਧਾਨ), ਪ੍ਰੋ. ਇੰਦਰ ਪਾਲ ਸਿੰਘ ਅਤੇ ਪ੍ਰੋ. ਅਰਵਿੰਦ ਕੇ. ਬੰਸਲ ਕਰ ਰਹੇ ਹਨ, ਜੋ ਕਿ ਪ੍ਰਬੰਧਕੀ ਸਕੱਤਰ ਵਜੋਂ ਸੇਵਾ ਨਿਭਾ ਰਹੇ ਹਨ। ਸੰਮੇਲਨ ਦਾ ਉਦੇਸ਼ ਅੰਤਰਰਾਸ਼ਟਰੀ ਸਹਿਯੋਗ ਨੂੰ ਮਜ਼ਬੂਤ ਕਰਨਾ, ਵਿਗਿਆਨਿਕ ਆਦਾਨ-ਪ੍ਰਦਾਨ ਨੂੰ ਉਤਸ਼ਾਹਿਤ ਕਰਨਾ ਅਤੇ ਸਾਫ਼ ਅਤੇ ਹਰਿਤ ਭਵਿੱਖ ਲਈ ਸਥਿਰ ਨਵੀਨਤਾਵਾਂ ਨੂੰ ਗਤੀ ਦੇਣਾ ਹੈ।