ਕੇਦਰੀ ਸਹਿਕਾਰੀ ਬੈਕ ਮੋਹਾਲੀ ਦੇ ਵਾਈਸ ਚੇਅਰਮੈਨ ਸ ਸੁਖਦੇਵ ਸਿੰਘ ਪਟਵਾਰੀ ਦੀ ਅਗਵਾਈ ਚ ਅੱਜ ਵਾਰਡ ਨੰ 24, ਸੈਕਟਰ-70 ਚ ਐਸ-ਸੀ-ਐਲ ਕੰਪਲੈਕਸ ਅਤੇ ਪਾਰਕ ਨੰਬਰ 32 ਵਿੱਚ ਜਿਲਾ੍ਹ ਯੋਜਨਾ ਕਮੇਟੀ ਐਸ.ਏ.ਐਸ ਨਗਰ ਦੇ ਚੇਅਰਮੈਨ ਹਰਭਜਨ ਮਾਨ ਅਤੇ ਇਸਤਰੀ ਅਕਾਲੀ ਦਲ ਦੀ ਜਨਰਲ ਸਕੱਤਰ ਬੀਬੀ ਅਮਨਜੋਤ ਕੌਰ ਵਲੋ ਪੌਦੇ ਲਾਏ ਗਏ। ਇਸ ਤੋ ਪਹਿਲਾਂ ਹੋਏ ਭਰਵੇ ਸਮਾਗਮ ਚ ਬੋਲਦਿਆਂ ਹਰਭਜਨ ਮਾਨ ਨੇ ਕਿਹਾ ਕਿ ਉਹ ਐਸ.ਏ.ਐਸ ਨਗਰ ਨੂੰ ਵਿਕਾਸ ਪੱਖੋਂ ਮੋਹਰੀ ਅਤੇ ਵਾਤਾਵਰਣ ਦੀ ਸ਼ੁੱਧਤਾ ਲਈ ਕੋਈ ਕਸਰ ਬਾਕੀ ਨਹੀ ਛੱਡਣਗੇ । ਉਨ੍ਹਾਂ ਕਿਹਾ ਕਿ ਮੁੱਖ ਮੰਤਰੀ ਪੰਜਾਬ ਸ੍ਰ ਪ੍ਰਕਾਸ਼ ਸਿੰਘ ਬਾਦਲ ਅਤੇ ਉਪ ਮੁੱਖ ਮੰਤਰੀ ਪੰਜਾਬ ਸ੍ਰ ਸੁਖਬੀਰ ਸਿੰਘ ਬਾਦਲ ਨੇ ਪੰਜਾਬ ਚ ਰੁੱਖ ਲਗਾਉਣ ਦੀ ਮੁਹਿੰਮ ਸ਼ੁਰੂ ਕਰਕੇ ਪੰਜਾਬ ਦਾ ਭਲਾ ਕੀਤਾ ਹੈ। ਇਸ ਮੌਕੇ ਬੀਬੀ ਅਮਨਜੋਤ ਕੌਰ ਰਾਮੂਵਾਲੀਆ ਨੇ ਕਿਹਾ ਕਿ ਆਪਣਾ ਆਲਾ ਦੁਆਲਾ ਸਾਫ ਰੱਖਣਾ ਤੇ ਰੁੱਖ ਤੇ ਕੁੱਖ ਦੀ ਰਾਖੀ ਕਰਨਾ ਸਾਡਾ ਸਭ ਦਾ ਫਰਜ਼ ਬਣਦਾ ਹੈ। ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਸ੍ਰ ਸੁਖਦੇਵ ਸਿੰਘ ਪਟਵਾਰੀ ਨੇ ਕਿਹਾ ਕਿ ਉਹ ਵਾਰਡ ਨੰ 24 ਵਿੱਚ ਹਰ ਖਾਲੀ ਥਾਂ ਤੇ ਰੁੱਖ ਲਗਾਉਣਗੇ ਅਤੇ ਉਸਦੀ ਰਾਖੀ ਵੀ ਕਰਨਗੇ । ਰੁੱਖ ਲਗਾਓ ਮੁਹਿੰਮ ਅਧੀਨ ਰੁੱਖ ਲਗਾਉਣ ਲਈ ਅਜੀਤ ਅਖਬਾਰ ਵਲੋ ਬੂਟੇ ਦਾਨ ਕਰਨ ਦਾ ਧੰਨਵਾਦ ਕਰਦਿਆਂ ਉਨ੍ਹਾਂ ਕਿਹਾ ਕਿ ਅਜੀਤ ਵਲੋ ਪਿਛਲੇ ਸਾਲ ਤੋ ਚਲਾਈ ਜਾ ਰਹੀ ਹਰਿਆਵਲ ਲਹਿਰ ਨੇ ਲੋਕਾਂ ਨੂੰ ਵੱਡੀ ਪੱਧਰ ਤੇ ਜਾਗਰੂਕ ਕੀਤਾ ਹੈ।
ਇਸ ਮੌਕੇ ਐਮ.ਆਈ.ਜੀ. ਸੁਪਰ ਐਸ਼ੋਸੀਏਸ਼ਨ ਦੇ ਪ੍ਰਧਾਨ ਸ੍ਰ ਐਸ.ਐਸ. ਗਿੱਲ, ਜਨਰਲ ਸਕੱਤਰ ਪਰਮਜੀਤ ਸਿੰਘ ਮਾਨ, ਸਕੱਤਰ ਆਰ.ਕੇ. ਗੁਪਤਾ, ਸਾਬਕਾ ਪ੍ਰਧਾਨ ਕੰਬੋਜ, ਸਾਬਕਾ ਪ੍ਰਾਧਾਨ ਕਰਨਲ ਸਮਸ਼ੇਰ ਸਿੰਘ ਡਡਵਾਲ, ਸਾਬਕਾ ਜਨਰਲ ਸਕੱਤਰ ਆਰ.ਪੀ. ਵਰਮਾ, ਇਕਬਾਲ ਸਿੰਘ ਨਾਰੰਗ, ਅਮਰ ਸਿੰਘ ਧਾਲੀਵਾਲ, ਯਾਦਵਿੰਦਰ ਸਿੰਘ, ਜਰਨੈਲ ਸਿੰਘ, ਜਸਵਿੰਦਰ ਸਿੰਘ ਡੀ.ਪੀ.ਈ ਅਮਰੀਕ ਸਿੰਘ ਗਿੱਲ, ਪ੍ਰਸ਼ੋਤਮ ਸਿੰਘ, ਜਸਵੰਤ ਸਿੰਘ ਗੋਪਾਲ, ਕ੍ਰਿਸ਼ਨ, ਸੁਦਰਸ਼ਨ ਸੋਈ, ਸ੍ਰ ਪ੍ਰਤਾਪ ਸਿੰਘ ਸਾਬਕਾ ਪ੍ਰਧਾਨ 8 ਮਰਲੇ ਕੋਠੀਆਂ, ਅਵਤਾਰ ਸਿੰਘ ਅਜੈਬ ਸਿੰਘ ਪ੍ਰੇਮ ਸਿੰਘ ਗੁਰਦਾਸਪੁਰੀ ਸਤਪਾਲ ਸੇਖਾ, ਰਾਜ ਕੁਮਾਰ, ਰਵਿੰਦਰ ਸਿੰਘ ਰਾਣਾ, ਸਰਬਜੀਤ ਸਿੰਘ, ਪਰਮਜੀਤ ਸਿੰਘ, ਹਰਪਾਲ ਸਿੰਘ, ਰਵਿੰਦਰ ਸਿੰਘ, ਡਾ. ਐਸ.ਐਸ. ਬੇਦੀ, ਸਿਕੰਦਰ ਸਿੰਘ, ਬਹਾਦਰ ਸਿੰਘ ਤੋ ਇਲਾਵਾ ਸ੍ਰ ਸੁਖਵਿੰਦਰ ਸਿੰਘ ਛਿੰਦੀ, ਯੂਥ ਲੀਡਰ ਜਸਵੀਰ ਸਿੰਘ ਜੱਸਾ ਚੇਅਰਮੈਨ ਮਾਰਕੀਟ ਕਮੇਟੀ ਖਰੜ, ਸ੍ਰ ਐਸ.ਐਸ. ਬਰਾੜ ਸਿਆਸੀ ਸਕੱਤਰ ਸ੍ਰ ਬਲਵੰਤ ਸਿੰਘ ਰਾਮੂਵਾਲੀਆ, ਇਸਪ੍ਰੀਤ ਸਿੰਘ ਵਿਕੀ, ਗੁਰਦਾਸ ਸਿੰਘ, ਗਿਆਨ ਸਿੰਘ ਗੋਤਰਾ ਆਦਿ ਬਹੁਤ ਸਾਰੇ ਸ਼ਾਮਲ ਸਨ।