Web Admin

5 ਦਰਿਆ ਨਿਊਜ਼

ਅੰਮ੍ਰਿਤਸਰ , 28 Mar 2014

Last updated on: Mar 28, 2014, 00:00 IST

ਅੰਮ੍ਰਿਤਸਰ ਦੇ ਕਾਂਗ੍ਰੇਸ ਤੇ ਉਮੀੱਦਵਾਰ ਘੋਸ਼ਿਤ ਹੋਣ ਤੋ ਬਾਅਦ ਪਹਲੀ ਵਾਰ ਗੁਰੂ ਨਗਰੀ ਆਉਣ ਤੇ ਕੈਪਟਨ ਅਮਰਿੰਦਰ ਸਿੰਘ ਵੱਲੋ ਕੱਢੇ ਗਏ ਰੋਡ ਸ਼ੋ ਨੂੰ ਭਾਜਪਾ ਨੇ ਫਲਾਪ ਸ਼ੋ ਕਰਾਰ ਦਿੱਤਾ ਹੈ। ਬੀਜੇਪੀ ਦੇ ਪ੍ਰਦੇਸ਼ ਪ੍ਰਧਾਨ ਸ਼੍ਰੀ ਕਮਲ ਸ਼ਰਮਾ ਨੇ ਸ਼ੁਕਰਵਾਰ ਨੂੰ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਕੈਪਟਨ ਦੇ ਰੋਡ ਸ਼ੋ ਚ ਹਾਜਰੀ ਕਾਫੀ ਘੱਟ ਰਹੀ ਅਤੇ ਜੋ ਹਾਜ਼ਰੀ ਸੀ, ਉਸ ਵਿੱਚ ਵੀ ਅੰਮ੍ਰਿਤਸਰ ਦੀ ਜਨਤਾ ਨਹੀਂ ਬਲਿਕ ਦੂਸਰੇ ਰਾਜਾਂ ਤੋ ਆਏ ਕਾਂਗ੍ਰੇਸ ਵਰਕਰ ਸ਼ਾਮਿਲ ਸੀ। ਇੱਸ ਫਿੱਕੇ ਪਏ ਰੋਡ ਸ਼ੋ ਤੋਂ ਗੁਰੂ ਦੀ ਨਗਰੀ ਦੇ ਲੋਕਾਂ ਵੱਲੋ ਬਣਾਈ ਗਈ ਦੂਰੀ ਨੇ ਸਾਬਿਤ ਕਰ ਦਿੱਤਾ ਹੈ ਕਿ ਆਉਣ ਵਾਲੇ ਦਿਨਾਂ ਚ ਕਾਂਗ੍ਰੇਸ ਉਮੀਦਵਾਰ ਨੂੰ ਗੁਰੂ ਨਗਰੀ ਦੇ ਵੋਟਰਾਂ ਵੱਲੋ ਕੀ ਜਵਾਬ ਮਿਲੇਗਾ। ਸ਼੍ਰੀ ਸ਼ਰਮਾ ਨੇ ਕਿਹਾ ਕਿ ਉਮੀਦਵਾਰ ਘੋਸ਼ਿਤ ਹੋਣ ਤੋ ਬਾਅਦ ਕੈਪਟਨ ਸਾਹਿਬ ਗੁਰੂ ਨਗਰੀ ਚ ਕਾਫੀ ਦਿਨਾਂ ਬਾਅਦ ਆਏ, ਸ਼ਾਇਦ ਇੰਨੇ ਦਿਨਾਂ ਤੋ ਰੋਡ ਸ਼ੋ ਦੀ ਤਿਆਰੀਆਂ ਵਿੱਚ ਲੱਗੇ ਹੋਏ ਸੀ। ਕਾਂਗ੍ਰੇਸ ਵੀ ਦਾਵੇ ਕਰ ਰਹੀ ਸੀ ਕਿ ਰੋਡ ਸ਼ੋ ਏਤਿਹਾਸਿਕ ਹੋਵੇਗਾ, ਲੇਕਿਨ ਰੋਡ ਸ਼ੋ ਖੋਦਿਆ ਪਹਾੜ ਨਿਕਲਿਆ ਚੂਹਾ ਦੀ ਕਹਾਨੀ ਬਿਆਨ ਕਰ ਗਿਆ। ਸ਼੍ਰੀ ਸ਼ਰਮਾ ਨੇ ਕਿਹਾ ਕਿ ਪਿਛਲੇ ਹਫਤੇ ਜਦੋਂ ਸ਼੍ਰੀ ਅਰੂਣ ਜੇਤਲੀ ਜੀ ਨੇ ਰੋਡ ਸ਼ੋ ਕੱਢਿਆ ਸੀ ਤਾਂ ਉਹ ਕੈਪਟਨ ਸਾਹਿਬ ਦੇ ਰੋਡ ਸ਼ੋ ਤੋਂ ਕਈ ਗੁਣਾ ਵੱਡਾ ਸੀ ਅਤੇ ਅੰਮ੍ਰਿਤਸਰ ਦੀ ਜਨਤਾ ਨੇ ਬੜੇ ਉਤਸ਼ਾਹ ਨਾਲ ਇਸ ਵਿੱਚ ਵੱਧ-ਚੜ ਕੇ ਹਿੱਸਾ ਲਿਆ ਸੀ। ਸ਼੍ਰੀ ਸ਼ਰਮਾ ਨੇ ਕਿਹਾ ਕਿ ਦਰਅਸਲ ਜਨਤਾ ਇਸ ਵਾਰ ਕਾਂਗ੍ਰੇਸ ਦੇ ਭਰਿਸ਼ਟਾਚਾਰ ਅਤੇ ਮੰਹਗਾਈ ਦੀ ਦੇਨ ਤੋ ਦੁਖੀ ਹੈ ਅਤੇ ਕਾਂਗ੍ਰੇਸ ਨੂੰ ਉਖਾੜਨ ਦਾ ਮਨ ਬਨਾ ਚੁਕੀ ਹੈ।