ਭਾਰਤ ਦੇ ਪਹਿਲੇ ਪ੍ਰਧਾਨ ਮੰਤਰੀ ਪੰਡਿਤ ਜਵਾਹਰ ਲਾਲ ਨਹਿਰੂ ਦੀ 132ਵੀਂ ਜਨਮ ਸਤਾਬਦੀ ਅੱਜ ਇੱਥੇ ਪੰਜਾਬ ਰਾਜ ਉਦਯੋਗ ਵਿਕਾਸ ਨਿਗਮ ਦੇ ਚੇਅਰਮੈਨ ਕਿ੍ਰਸਨ ਕੁਮਾਰ ਬਾਵਾ ਦੀ ਅਗਵਾਈ ਹੇਠ ਸਥਾਨਕ ਜਗਰਾਓ ਪੁਲ ਵਿਖੇ ਕਾਂਗਰਸੀ ਵਰਕਰਾਂ ਵੱਲੋਂ ਮਨਾਈ ਗਈ। ਇਸ ਮੌਕੇ ਵਿਧਾਨ ਸਭਾ ਹਲਕਾ ਦਾਖਾ ਦੇ ਇੰਚਾਰਜ ਸੰਦੀਪ ਸੰਧੂ, ਪੰਜਾਬ ਲਾਰਜ ਇੰਡਸਟਰੀਅਲ ਡੇਵਲਪਮੈਂਟ ਬੋਰਡ ਦੇ ਚੇਅਰਮੈਨ ਪਵਨ ਦੀਵਾਨ, ਪੰਜਾਬ ਕਾਂਗਰਸ ਸੇਵਾ ਦਲ ਦੇ ਪ੍ਰਧਾਨ ਨਿਰਮਲ ਸਿੰਘ ਕੈੜਾ, ਮਹਿਲਾ ਕਾਂਗਰਸ ਲੁਧਿਆਣਾ ਸਹਿਰੀ ਦੀ ਪ੍ਰਧਾਨ ਲੀਨਾ ਟਪਾਰੀਆ, ਸਤਵਿੰਦਰ ਜਵੱਦੀ, ਦੀਪਕ ਹੰਸ, ਰੋਹਿਤ ਪਾਹਵਾ, ਰਵਿੰਦਰ ਵਰਮਾ, ਰੇਸਮ ਸਿੰਘ ਸੱਗੂ ਨੇ ਸਮੂਲੀਅਤ ਕੀਤੀ।ਜਿੱਥੋਂ ਸ੍ਰੀ ਬਾਵਾ ਅਤੇ ਕਾਂਗਰਸੀ ਵਰਕਰਾਂ ਦੇ ਕਾਫਲੇ ਸਮੇਤ ਮੋਦੀ ਸਰਕਾਰ ਦੀਆਂ ਲੋਕ ਵਿਰੋਧੀ ਨੀਤੀਆਂ ਸਮੇਤ ਮਹਿੰਗਾਈ ਵਿਰੁੱਧ ਦੱਖਣੀ ਹਲਕੇ ਵੱਲ ਰੋਸ ਮਾਰਚ ਕਰਨ ਤੋਂ ਪਹਿਲਾਂ ਸਹੀਦ-ਏ-ਆਜਮ ਭਗਤ ਸਿੰਘ, ਰਾਜਗੁਰੂ ਅਤੇ ਸੁਖਦੇਵ ਦੇ ਬੁੱਤਾਂ ‘ਤੇ ਫੁੱਲ ਮਾਲਾਵਾਂ ਚੜਾ ਕੇ ਸਰਧਾਂਜਲੀ ਭੇਟ ਕੀਤੀ। ਕਾਂਗਰਸੀ ਵਰਕਰਾਂ ਨੇ ਹੱਥਾਂ ਵਿੱਚ ਮੋਦੀ ਸਰਕਾਰ ਵਿਰੋਧੀ ਨਾਅਰੇ ਲਿਖੇ ਹੋਏ ਸਨ। ਜਿਸ ‘ਤੇ ਲਿਖਿਆ ਸੀ ਕਿ ਲਾਲ ਕਿਲੇ ਨੂੰ ਗਿਰਵੀ ਰੱਖਣ ਵਾਲੀ ਮੋਦੀ ਸਰਕਾਰ ਮੁਰਦਾਬਾਦ। ਤਿੰਨੋਂ ਕਿਸਾਨ ਵਿਰੋਧੀ ਕਾਨੂੰਨ ਵਾਪਸ ਲਏ ਜਾਣ। ਕਾਂਗਰਸ ਵਰਕਰਾਂ ਨੇ ਦੱਖਣੀ ਹਲਕੇ ਦੇ ਲੋਹਾਰਾ ਇਲਾਕੇ ਵਿੱਚ ਮੋਦੀ ਸਰਕਾਰ ਦੀਆਂ ਤਸਵੀਰਾਂ ਸਾੜ ਕੇ ਗੁੱਸਾ ਜਾਹਰ ਕੀਤਾ।ਅਰਥੀ ਫੂਕ ਮੁਜਾਹਰੇ ਦੀ ਅਗਵਾਈ ਕਰ ਰਹੇ ਕਾਂਗਰਸੀ ਆਗੂ ਕਿ੍ਰਸਨ ਕੁਮਾਰ ਬਾਵਾ ਨੇ ਯੂਨਾਈਟਿਡ ਸਾਈਕਲ ਪਾਰਟਸ ਐਸੋਸੀਏਸ਼ਨ ਦੇ ਬਾਹਰ ਧਰਨੇ ’ਤੇ ਬੈਠੇ ਸਨਅਤਕਾਰਾਂ ਦੀਆਂ ਮੰਗਾਂ ਦੀ ਪੁਰਜੋਰ ਹਮਾਇਤ ਕਰਦਿਆਂ ਐਲਾਨ ਕੀਤਾ ਕਿ ਪੰਜਾਬ ਸਰਕਾਰ ਤੇ ਕਾਂਗਰਸ ਪਾਰਟੀ ਉਨਾਂ ਦੇ ਨਾਲ ਖੜੀ ਹੈ।ਬਾਵਾ ਨੇ ਕਿਹਾ ਕਿ ਪੰਡਿਤ ਜਵਾਹਰ ਲਾਲ ਨਹਿਰੂ ਨੇ ਭਾਰਤ ਨੂੰ ਵਿਕਾਸ ਪੱਖੋਂ ਉਸਾਰਦਿਆਂ ਪੰਜਾਬ ਨੂੰ ਭਾਖੜਾ ਡੈਮ ਅਤੇ ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ ਦਿੱਤੀ। ਏਮਜ ਦੀ ਸਥਾਪਨਾ ਹਰ ਵਰਗ ਦੇ ਲੋਕਾਂ ਦੇ ਇਲਾਜ ਲਈ ਕੀਤੀ ਗਈ । ਜਦੋਂ ਕਿ ਮੌਜੂਦਾ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਦੇਸ ਨੂੰ ਵਿਕਾਊ ਕਰ ਦਿੱਤਾ ਹੈ।
ਦੇਸ ਦੀ ਇਸ ਤੋਂ ਵੱਡੀ ਤ੍ਰਾਸਦੀ ਕੀ ਹੋ ਸਕਦੀ ਹੈ ਕਿ ਮੋਦੀ ਸਰਕਾਰ ਰੇਲਵੇ, ਬੀ.ਐੱਸ.ਐੱਨ.ਐੱਲ., ਏਅਰਪੋਰਟ ਸਮੇਤ ਜਨਤਕ ਖੇਤਰ ਨੂੰ ਵੇਚਣ ‘ਤੇ ਤੁਲੀ ਹੋਈ ਹੈ, ਜਦਕਿ ਦੇਸ ਹਿਤੈਸੀ ਜਥੇਬੰਦੀਆਂ ਮੋਦੀ ਸਰਕਾਰ ਦੀਆਂ ਇਨਾਂ ਦੇਸ ਵਿਰੋਧੀ ਨੀਤੀਆਂ ਦਾ ਡਟਵਾਂ ਵਿਰੋਧ ਕਰ ਰਹੀਆਂ ਹਨ। ਉਨਾਂ ਕਿਹਾ ਕਿ ਪਿਛਲੇ ਇੱਕ ਸਾਲ ਤੋਂ ਦੇਸ ਦਾ ਅੰਨਦਾਤਾ ਕਿਸਾਨ ਦਿੱਲੀ ਦੀਆਂ ਸੜਕਾਂ ‘ਤੇ ਕਿਸਾਨ ਵਿਰੋਧੀ ਕਾਨੂੰਨਾਂ ਨੂੰ ਰੱਦ ਕਰਨ ਦੀ ਮੰਗ ਨੂੰ ਲੈ ਕੇ ਡਟਿਆ ਹੋਇਆ ਹੈ। ਪਰ ਮੋਦੀ ਸਰਕਾਰ ਆਪਣੀ ਜਿੱਦ ‘ਤੇ ਅੜੀ ਹੋਈ ਹੈ।ਬਾਵਾ ਨੇ ਕਿਹਾ ਕਿ ਮੋਦੀ ਸਰਕਾਰ ਅੰਬਾਨੀ ਅਤੇ ਅਡਾਨੀ ਦੇ ਹੱਥਾਂ ਦੀ ਕਠਪੁਤਲੀ ਬਣ ਕੇ ਰਹਿ ਗਈ ਹੈ। ਅੱਜ ਦੇਸ ਦਾ ਸਾਰਾ ਜਨਤਕ ਖੇਤਰ ਇਨਾਂ ਦੋ ਵੱਡੇ ਕਾਰੋਬਾਰੀਆਂ ਦੇ ਹਵਾਲੇ ਕਰਕੇ ਦੇਸ ਨੂੰ ਇੱਕ ਵਾਰ ਫਿਰ ਗੁਲਾਮੀ ਵੱਲ ਧੱਕਿਆ ਜਾ ਰਿਹਾ ਹੈ। ਜੋ ਕਿ ਚਿੰਤਾ ਦਾ ਵਿਸਾ ਹੈ। ਉਨਾਂ ਕਿਹਾ ਕਿ ਮੋਦੀ ਸਰਕਾਰ ਵਿੱਚ ਮਹਿੰਗਾਈ ਨੇ ਹੁਣ ਤੱਕ ਦੇ ਸਾਰੇ ਰਿਕਾਰਡ ਤੋੜ ਦਿੱਤੇ ਹਨ। ਆਮਦਨ ਦੇ ਸਾਧਨ ਸੀਮਤ ਰਹਿ ਗਏ ਹਨ ਜਦਕਿ ਮਹਿੰਗਾਈ ਬੇਲਗਾਮ ਹੋ ਗਈ ਹੈ। ਜਿਸ ਕਾਰਨ ਹਰ ਘਰ ਦਾ ਬਜਟ ਹਿੱਲ ਗਿਆ ਹੈ। ਉਨਾਂ ਕਿਹਾ ਕਿ ਦੇਸ ਭਰ ਦੇ ਲੋਕ ਅੱਜ ਵੀ ਡਾ: ਮਨਮੋਹਨ ਸਿੰਘ ਦੀ ਸਰਕਾਰ ਨੂੰ ਯਾਦ ਕਰਦੇ ਹਨ, ਜਿਨਾਂ ਨੇ ਆਪਣੀ ਸਿਆਣਪ ਨਾਲ ਭਾਰਤ ਨੂੰ ਸੰਕਟ ‘ਚੋਂ ਕੱਢ ਕੇ ਮਜਬੂਤ ਆਰਥਿਕਤਾ ਪ੍ਰਦਾਨ ਕੀਤੀ ਅਤੇ ਭਾਰਤ ਨੂੰ ਵਿਸਵ ਦੇ ਵੱਡੇ ਦੇਸਾਂ ਦੀ ਕਤਾਰ ‘ਚ ਖੜਾ ਕੀਤਾ। ਜਦੋਂ ਕਿ ਅੱਜ ਦੇਸ ਭਰ ਦੇ ਲੋਕ ਮੋਦੀ ਸਰਕਾਰ ਨੂੰ ਚਲਾਉਣ ਲਈ 2024 ਦੀਆਂ ਚੋਣਾਂ ਦਾ ਇੰਤਜਾਰ ਕਰ ਰਹੇ ਹਨ। ਇਸ ਰੋਸ ਮਾਰਚ ਵਿੱਚ ਗੁਲਜਿੰਦਰ ਸਿੰਘ ਲੋਹਾਰਾ, ਬਲਜੀਤ ਮਾਲੜਾ, ਸਤਵਿੰਦਰ ਜਵੱਦੀ, ਦੀਪਕ ਹੰਸ, ਰੋਹਿਤ ਬਾਵਾ, ਰਵਿੰਦਰ ਵਰਮਾ, ਮਹਿਲਾ ਆਗੂ ਸੁਦੇਸ ਯਾਦਵ, ਪ੍ਰਵੀਨ ਸੂਦ, ਬਲਜਿੰਦਰ ਸਿੰਘ ਹੂੰਜਨ, ਅਮਿਤ ਬੇਰੀ, ਇਕਬਾਲ ਸਿੰਘ, ਸੁਖਵਿੰਦਰ ਸਿੰਘ ਜਗਦੇਵ, ਬਲਦੇਵ ਰਾਜ ਸਰਮਾਂ ਗੀਤਾ ਲੋਹਾਰਾ, ਸੰਨੀ ਖੀਵਾ, ਮਨੀ ਖੀਵਾ, ਸੰਤੋਖ ਸਿੰਘ, ਪਿ੍ਰੰ. ਸਰਮਾ, ਮੱਘਰ ਸਿੰਘ, ਮਨੋਹਰ ਸਿੰਘ ਗਿੱਲ, ਜਗਦੀਪ ਸਿੰਘ ਲੋਟੇ, ਰਾਮ ਸਿੰਘ, ਮੁਖਤਿਆਰ ਸਿੰਘ, ਬੀਬੀ ਗੁਰਮੀਤ ਕੌਰ, ਮਨਪ੍ਰੀਤ ਕੌਰ, ਵੀਰਪਾਲ, ਗੁਰਪ੍ਰੀਤ, ਪਾਲ ਸਿੰਘ, ਨਰਿੰਦਰਮਲਹੋਤਰਾ, ਕੁਲਵੰਤ ਸਿੰਘ ਢਿੱਲੋਂ, ਜਸਦੀਪ ਸਿੰਘ ਦੀਪਾ, ਗਗਨਦੀਪ ਬਾਵਾ, ਮਨੀ ਕੌਂਪਾ, ਸਰਬਜੋਤ, ਕਿਰਨ ਮਾਨ, ਵਰਮਾ ਕਪੂਰ, ਪਿ੍ਰੰਸ ਜੌਹਰ ਅਤੇ ਸੰਦੀਪ ਬਾਵਾ ਆਦਿ ਸ਼ਾਮਿਲ ਹੋਏ।