ਇੰਟੀਗੇ੍ਰਟਡ ਕੇਅਰ ਸੈਂਟਰ ਫਾਰ ਹੀਮੋਗਲੋਬਿਨੋਪੈਥੀਜ ਅਤੇ ਹੀਮੋਫੀਲੀਆ (ਆਈ.ਸੀ.ਸੀ.ਐਚ.ਐਚ.) ਜਿਲ੍ਹਾ ਹਸਪਤਾਲ ਰੂਪਨਗਰ ਵਿਖੇ ਮਿਲਦੀਆਂ ਸੁਵਿਧਾਵਾਂ ਵਿੱਚ ਵਿਸਥਾਰ ਕਰਦੇ ਹੋਏ ਅੱਜ ਹੀਮੋਫੀਲੀਆ ਦੇ ਮਰੀਜਾਂ ਵਾਸਤੇ ਫੈਕਟਰ-8 ਦੀ ਥੈਰੇਪੀ ਦੀ ਸ਼ੁਰੂਆਤ ਕੀਤੀ ਗਈ। ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਸਿਵਲ ਸਰਜਨ ਡਾ. ਐਚ.ਐਨ.ਸ਼ਰਮਾ ਨੇ ਦੱਸਿਆ ਕਿ ਜਿਲ੍ਹੇ ਵਿੱਚ ਹੁਣ ਤੱਕ 06 ਹੀਮੋਫੀਲੀਆ ਦੇ ਮਰੀਜ ਰਜਿਸਟਰ ਹੋਏ ਹਨ। ਇਹਨਾਂ ਮਰੀਜਾਂ ਵਿੱਚੋਂ ਅੱਜ ਇੱਕ ਮਰੀਜ ਨੂੰ ਅੱਜ ਬਲੱਡ ਬੈਂਕ ਸਿਵਲ ਹਸਪਤਾਲ ਰੂਪਨਗਰ ਵਿਖੇ ਲੋੜੀਂਦੇ ਫੈਕਟਰ-8 ਦੀ ਡੋਜ ਦਿੱਤੀ ਗਈ।ਇਹ ਫੈਕਟਰ-8 ਐਲਬੁਮਿਨ ਫਰੀ ਰੀ-ਕਾਮਬਿਨੈਂਨਟ ਕਿਸਮ ਦਾ ਹੈ ਅਤੇ ਕਿਸੇ ਮਰੀਜ ਨੂੰ ਵਾਰ-ਵਾਰ ਲੋੜ ਪੈਣ ਅਨੁਸਾਰ ਦਿੱਤੇ ਜਾਣ ਤੇ ਵੀ ਮਰੀਜ ਦੀ ਸਿਹਤ ਤੇ ਕੋਈ ਬੁਰਾ ਪ੍ਰਭਾਵ ਨਹੀਂ ਪੈਂਦਾ।ਡਾ. ਸ਼ਰਮਾ ਨੇ ਦੱਸਿਆ ਕਿ ਹੀਮੋਫੀਲਿਆ ਦਾ ਜਿਲ੍ਹੇ ਦਾ ਕੋਈ ਵੀ ਮਰੀਜ ਬਲੱਡ ਬੈਂਕ ਸਿਵਲ ਹਸਪਤਾਲ ਰੂਪਨਗਰ ਵਿਖੇ ਸੰਪਰਕ ਕਰਵਾ ਕੇ ਆਪਣੇ ਆਪ ਨੂੰ ਰਜਿਸਟਰਡ ਕਰਵਾ ਸਕਦਾ ਹੈ। ਇਹ ਟੀਕਾ ਬਲੱਡ ਬੈਂਕ ਵਿਖੇ ਨਿਯਮਾਂ ਅਨੁਸਾਰ ਕੋਲਡ ਚੈਨ ਅਧੀਨ ਸਟਾਫ ਵੱਲੋਂ 2 ਤੋਂ 8 ਡਿਗਰੀ ਤਾਪਮਾਨ ਤੇ ਸਟੋਰ ਕੀਤਾ ਜਾਂਦਾ ਹੈ।ਇਸ ਮੋਕੇ ਐਸ.ਐਮ.ਓ. ਸਿਵਲ ਹਸਪਤਾਲ ਡਾ. ਜਗਦੀਸ਼ ਗਿੱਲ, ਕਰੀਟੀਕਲ ਕੇਅਰ ਸਪੈਸ਼ਲਿਸਟ ਡਾ. ਆਰਤੀ, ਬਲੱਡ ਬੈਂਕ ਇੰਚਾਰਜ ਅਮਨਦੀਪ ਅਤੇ ਬੀ.ਸੀ.ਸੀ. ਕੋਆਰਡੀਨੇਟਰ ਸੁਖਜੀਤ ਕੰਬੋਜ ਹਾਜਰ ਸਨ ।