ਪਿਛਲੇ ਲੰਬੇ ਸਮੇ ਤੋਂ ਗੁੰਮਨਾਮੀ ਵਿੱਚ ਚਲ ਰਹੇ ਬਟਾਲਾ ਦੇ ਪਸ਼ੂ ਹਸਪਤਾਲ ਦੀ ਵੀ ਹੁਣ ਲਗਦੈ ਕਿ ਨੁਹਾਰ ਬਦਲੀ ਜਾਵੇਗੀ ਕਿਉਂਕਿ ਚੇਅਰਮੈਨ ਪੰਜਾਬ ਹੈਲਥ ਸਿਸਟਮਜ਼ ਆਪਰੋਰੇਸ਼ਨ ਅਰਮਦੀਪ ਸਿੰਘ ਚੀਮਾ ਨੂੰ ਪਿਛਲੇ ਲੰਬੇ ਸਮੇ ਤੋਂ ਪਾਲਤੂ ਜਾਨਵਰ ਰੱਖਣ ਵਾਲੇ ਮਾਲਕਾਂ ਅਤੇ ਆਮ ਪਸ਼ੂ ਪਾਲਕਾਂ ਵਲੋਂ ਸ਼ਿਕਾਇਤਾਂ ਅਤੇ ਸੁਝਾਅ ਦਿੱਤੇ ਜਾ ਰਹੇ ਸਨ, ਜਿੰਨਾਂ ’ਤੇ ਗੌਰ ਕਰਦਿਆਂ ਅੱਜ ਚੇਅਰਮੈਨ ਸ. ਚੀਮਾ ਨੇ ਸਿਵਲ ਪਸ਼ੂ ਹਸਪਤਾਲ ਵਿੱਚ ਦਿੱਤੀਆਂ ਜਾਣ ਵਾਲੀਆਂ ਸਹੂਲਤਾਂ ਦੀ ਸਮੀਖਿਆ ਕਰਨ ਲਈ ਵਿਸੇਸ ਦੌਰਾ ਕੀਤਾ। ਇਸ ਮੌਕੇ ਅਮਰਜੀਤ ਸਿੰਘ ਔਲਖ ਵੈਟਨਰੀ ਅਫ਼ਸਰ ਅਤੇ ਸਮੂਹ ਸਟਾਫ ਨਾਲ ਚੇਅਰਮੈਨ ਚੀਮਾ ਨੇ ਮੀਟਿੰਗ ਵੀ ਕੀਤੀ ਤੇ ਸਾਰੇ ਹਸਪਤਾਲ ਦਾ ਦੌਰਾ ਕਰਕੇ ਇਮਾਰਤ ਅਤੇ ਹੋਰ ਦਿੱਤੀਆਂ ਜਾਣ ਵਾਲੀਆਂ ਸਹੂਲਤਾਂ ਦੀ ਜਾਣਕਾਰੀ ਵੀ ਹਾਸਲ ਕੀਤੀ। ਅਧਿਕਾਰੀਆਂ ਨੇ ਚੇਅਰਮੈਨ ਚੀਮਾ ਨੂੰ ਜਾਣਕਰੀ ਦਿੰਦਿਆਂ ਦੱਸਿਆ ਕਿ ਭਾਂਵੇ ਕਿ ਇਹ ਹਸਪਤਾਲ ਦੀ ਨਵੀਂ ਇਮਾਰਤ 2009 ਨੂੰ ਬਣੀ ਸੀ ਤੇ ਇਸ ਦਾ ਨੀਂਹ ਪੱਥਰ ਤਤਕਾਲੀ ਮੁੱਖ ਮੰਤਰੀ ਵਲੋਂ ਰੱਖਿਆ ਗਿਆ ਸੀ ਪਰ ਫੇਰ ਵੀ ਇਸ ਦੀ ਇਮਾਰਤ ਨੂੰ ਵੇਖਣ ਤੇ ਇੰਝ ਲੱਗਦਾ ਹੈ ਜਿਵੇ ਇਹ ਇਮਾਰਤ ਨੂੰ ਬਣੀ ਨੂੰ ਸਦੀਆਂ ਬੀਤ ਗਈਆਂ ਹਨ। ਇਮਾਰਤ ਦੀਆਂ ਕੰਧਾਂ ਵਿੱਚ ਵੱਡੀਆਂ ਵੱਡੀਆਂ ਤਰੇੜਾਂ ਪੈ ਚੁੱਕੀਆਂ ਹਨ, ਛੱਤ ਦਾ ਲੈਂਟਰ ਵੀ ਝੜ ਰਿਹਾ ਹੈ ਸਰੀਆ ਦਿਖਾਈ ਦੇ ਰਿਹਾ ਹੈ। ਪਾਣੀ ਦੀ ਰਿਸਾਵ ਹੋ ਹੋ ਕੇ ਸਾਰੀ ਇਮਾਰਤ ਦੀਆਂ ਨੀਹਾਂ ਬੈਠ ਰਹੀਆਂ ਹਨ ਤੇ ਇਮਾਰਤ ਨੂੰ ਫੰਗਸ ਲੱਗ ਚੁੱਕੀ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਪਾਲਤੂ ਪਸ਼ੂਆਂ ਦਾ ਇਲਾਜ਼ ਕਰਵਾਉਣ ਲਈ ਆਉਣ ਲੋਕਾਂ ਦੇ ਬੈਠਣ ਲਈ ਵੀ ਢੁੱਕਵੀਂ ਜਗਾ ਨਹੀਂ ਹੈ ਅਤੇ ਆਪ੍ਰੇਸ਼ਨ ਟੇਬਲ ਅਤੇ ਆਪ੍ਰੇਸ਼ਨ ਵਿੱਚ ਵਰਤੇ ਜਾਣ ਵਾਲੇ ਸਾਜੋ-ਸਮਾਨ ਵੀ ਨਹੀਂ ਹੈ।
ਇਸ ਤੋਂ ਇਲਾਵਾ ਦਵਾਈਆਂ ਅਤੇ ਆਪ੍ਰੇਸ਼ਨ ਥੀਏਟਰ ਦੀ ਵੀ ਘਾਟ ਹੈ ਜਿਸ ਨੂੰ ਦੂਰ ਕਰਨ ਲਈ ਸਮੂਹ ਸਟਾਫ ਵਲੋਂ ਚੇਅਰਮੈਨ ਚੀਮਾ ਨੂੰ ਬੇਨਤੀ ਕੀਤੀ ਗਈ।ਵੈਟਨਰੀ ਅਧਿਕਾਰੀ ਅਤੇ ਸਟਾਫ ਦੀਆਂ ਮੰਗਾਂ ਸੁਣਨ ਅਤੇ ਮੌਕਾ ਦੇਖਣ ਤੋਂ ਤੁਰੰਤ ਬਾਅਦ ਹੀ ਚੇਅਰਮੈਨ ਚੀਮਾ ਨੇ ਐਡੀਸ਼ਨਲ ਚੀਫ ਸੈਕਟਰੀ ਪਸ਼ੂ ਪਾਲਣ ਅਤੇ ਵਿਕਾਸ ਸ੍ਰੀ ਐਨ.ਐਸ. ਕਲਸੀ ਨਾਲ ਗੱਲਬਾਤ ਕਰਕੇ ਹਸਪਤਾਲ ਦੀ ਸਾਰੀ ਸਥਿਤੀ ਤੋਂ ਜਾਣੂ ਕਰਵਾਇਆ ਅਤੇ ਹਸਪਤਾਲ ਦੀਆਂ ਲੋੜਾਂ ਪਹਿਲ ਦੇ ਆਧਾਰ ਤੇ ਪੂਰੀਆਂ ਕੀਤੀਆਂ ਜਾਣ ਲਈ ਕਿਹਾ। ਅਡਿਸ਼ਨਲ ਚੀਫ ਸੈਕਟਰੀ ਸ੍ਰੀ ਕਲਸੀ ਨੇ ਕਿਹਾ ਕਿ ਭਾਂਵੇ ਕਿ ਅੱਜ ਤੋਂ ਪਹਿਲਾਂ ਕਿਸੇ ਨੇ ਵੀ ਉਨਾਂ ਦੇ ਧਿਆਨ ਵਿੱਚ ਇਸ ਹਸਪਤਾਲ ਸਬੰਧੀ ਕੋਈ ਜਾਣਕਾਰੀ ਨਹੀਂ ਲਿਆਂਦੀ ਪਰ ਹੁਣ ਸ. ਚੀਮਾ ਨੇ ਜੋ ਉਨਾਂ ਦੇ ਧਿਆਨ ਵਿੱਚ ਲਿਆਂਦਾ ਹੈ ਤਾਂ ਇਸ ਹਪਸਤਾਲ ਦੀਆਂ ਜੋ ਜਰੂਰਤਾਂ ਹਨ ਨੂੰ ਜਲਦੀ ਹੀ ਪੂਰਿਆਂ ਕੀਤਾ ਜਾਵੇਗਾ। ਇਸ ਮੌਕੇ ਚੇਅਰਮੈਨ ਸ. ਚੀਮਾ ਨਾਲ ਸ. ਐਮ.ਐਮ.ਸਿੰਘ ਚੀਮਾ ਪਰਮਾਨੈਂਟ ਇਨਵਾਇਟੀ ਮੈਂਬਰ ਪ੍ਰਦੇਸ ਕਾਂਗਰਸ ਅਤੇ ਮੈਂਬਰ ਆਲ ਇੰਡੀਆਂ ਕਾਂਗਰਸ ਕਮੇਟੀ, ਜੇ.ਐਸ.ਐਸ.ਕੇ. ਚੈਰੀਟੇਬਲ ਟਰੱਸਟ ਦੇ ਪ੍ਰਧਾਨ ਸਰਬਜੀਤ ਸਿੰਘ ਕਲਸੀ, ਬਸੰਤ ਸਿੰਘ ਖਾਲਸਾ ਰਿਟਾ. ਏ.ਐਫ.ਐਸ.ਓ ਆਦਿ ਹਾਜ਼ਰ ਸਨ। ਜਿਕਰਯੋਗ ਹੈ ਕਿ ਜਦੋਂ ਦਾ ਸ. ਅਮਰਦੀਪ ਸਿੰਘ ਚੀਮਾ ਨੇ ਹੈਲਥ ਸਿਸਟਮਜ਼ ਕਾਰਪੋਰੇਸ਼ਨ ਦੇ ਚੇਅਰਮੈਨ ਵਜੋਂ ਆਪਣਾ ਅਹੁੰਦਾ ਸੰਭਾਲਿਆ ਹੈ ਦਿਨ ਰਾਤ ਬਟਾਲਾ ਵਾਸੀਆਂ ਨੂੰ ਦਰਪੇਸ਼ ਮੁਸਕਿਲਾਂ ਦੇ ਹੱਲ ਲਈ ਯਤਨਸ਼ੀਲ ਹਨ ਜਿਸ ਤਹਿਤ ਅੱਜ ਇਹ ਵੈਟਨਰੀ ਹਸਪਤਾਲ ਦਾ ਦੌਰਾ ਕਰਕੇ ਦਰਪੇਸ਼ ਮੁਸਕਿਲਾਂ ਦੇ ਹੱਲ ਲਈ ਪਹਿਲਕਦਮੀ ਕੀਤੀ ਗਈ ਹੈ।