ਬੀਤੇ ਦਿਨੀ ਬੇਮੌਸਮੀ ਬਾਰਿਸ਼ ਤੇ ਤੇਜ ਹਵਾਵਾਂ ਨਾਲ ਕਣਕ ਦੀ ਤਿਆਰ ਫ਼ਸਲ ਨੂੰ ਹੋਏ ਨੁਕਸਾਨ ਦਾ ਜਾਇਜ਼ਾ ਲੈਣ ਲਈ ਅਮਰਦੀਪ ਸਿੰਘ ਚੀਮਾ ਚੇਅਰਮੈਨ ਪੰਜਾਬ ਹੈਲਥ ਸਿਸਟਮਸ ਕਾਰਪੋਰੇਸ਼ਨ ਨੇ ਬਲਾਕ ਬਟਾਲਾ, ਫਤਿਹਗੜ੍ਹ ਚੂੜੀਆਂ ਅਤੇ ਡੇਰਾ ਬਾਬਾ ਨਾਨਕ ਦਾ ਵਿਸ਼ੇਸ਼ ਦੌਰਾ ਕੀਤਾ ਤੇ ਨੁਕਸਾਨੀ ਗਈਆਂ ਫ਼ਸਲਾਂ ਦੇ ਹੋਏ ਲੱਕ ਤੋੜਵੀਂ ਕਿਸਾਨਾਂ ਨੂੰ ਪਾਈ ਮਾਰ ਦੇ ਮੱਦੇ ਨਜ਼ਰ ਡਿਪਟੀ ਕਮਿਸ਼ਨਰ ਗੁਰਦਾਸਪੁਰ ਜਨਾਬ ਮਹੰਮਦ ਇਸ਼ਫ਼ਾਕ਼ ਨੂੰ ਸੰਬੰਧਿਤ ਮਹਿਕਮਿਆਂ ਦੇ ਇੰਚਾਰਜਾਂ ਨੂੰ ਹਿਦਾਇਤ ਕਰਨ ’ਤੇ ਸਪੈਸ਼ਲ ਸਰਵੇਖਣ ਕਰਵਾਉਣ ਲਈ ਆਖਿਆ।ਡਿਪਟੀ ਕਮਿਸ਼ਨਰ ਵੱਲੋਂ ਤੁਰੰਤ ਹਿਦਾਇਤਾਂ ਜਾਰੀ ਕਰਨ ਉਪਰੰਤ ਚੇਅਰਮੈਨ ਸ. ਚੀਮਾ ਨੇ ਇਸ ਕਿਸਾਨੀ ਮਾਰ ਵਾਲੇ ਵਰਤਾਰੇ ਨੂੰ ਪ੍ਰਦੇਸ਼ ਅਤੇ ਰਾਸ਼ਟਰੀ ਪੱਧਰ ਦੇ ਪਰਿਪੇਖ ਵਿਚ ਉਜਾਗਰ ਕਰਨ ਲਈ ਤੇ ਆਉਂਦੀਆਂ ਫ਼ਸਲਾਂ ਦੀ ਅਜਿਹੀ ਕੁਦਰਤੀ ਮਾਰ ਤੋਂ ਬਚਾਉਣ ਲਈ ਵਿਸ਼ੇਸ਼ ਉਪਰਾਲੇ ਕਰਨ ਲਈ ਡਾਇਰੈਕਟਰ ਖੇਤੀਬਾੜੀ ਪੰਜਾਬ ਡਾਕਟਰ ਸੁਖਦੇਵ ਸਿੰਘ ਨਾਲ ਗੱਲਬਾਤ ਕੀਤੀ, ਜਿਨ੍ਹਾਂ ਤੁਰੰਤ ਇਸ ਸੰਬੰਧੀ ਕਾਰਵਾਈ ਕਰਨ ਲਈ ਹਿਦਾਇਤ ਕਰਦਿਆਂ ਤੁਰੰਤ ਚੀਫ ਐਗਰੀਕਲਚਰ ਅਫਸਰ ਗੁਰਦਾਸਪੁਰ ਡਾਕਟਰ ਹਰਤਰਨ ਪਾਲ ਸਿੰਘ ਅਤੇ ਕੁਲਜੀਤ ਸਿੰਘ ਚੀਫ ਐਗਰੀਕਲਚਰ ਆਫ਼ਿਸਰ ਅੰਮ੍ਰਿਤਸਰ ਨੂੰ ਜਿਨ੍ਹਾਂ ਤੁਰੰਤ ਇਸ ਸੰਬੰਧੀ ਕਾਰਵਾਈ ਕਰਨ ਲਈ ਹਿਦਾਇਤ ਕਰਦਿਆਂ ਸ. ਚੀਮਾ ਨਾਲ ਹੋਰ ਵਿਚਾਰ ਵਟਾਂਦਰੇ ਲਈ ਆਖਿਆ ਤਾਂ ਜੋ ਸਮਾਂ ਰਹਿੰਦੇ ਪਤਾ ਕਣਕ ਦੀ ਵਰਾਇਟੀ ਨੂੰ ਹੋਏ ਨੁਕਾਸਨ ਦਾ ਪਤਾ ਲਗਾਇਆ ਜਾ ਸਕੇ।ਇਸ ਉਪਰੰਤ ਸ. ਅਮਰਦੀਪ ਸਿੰਘ ਚੀਮਾ ਨੇ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਦੇ ਵਾਈਸ ਚਾਂਸਲਰ ਡਾਕਟਰ ਬਲਦੇਵ ਸਿੰਘ ਢਿੱਲੋਂ ਨਾਲ ਸੰਪਰਕ ਕਰਕੇ ਯੂਨੀਵਰਸਿਟੀ ਦੇ ਮਾਹਿਰਾਂ ਰਾਹੀਂ ਕਣਕ ਦੀ ਫ਼ਸਲ ਨੂੰ ਵਿਸ਼ੇਸ਼ ਬੀਜ ਤੇ ਵਿਸ਼ੇਸ਼ ਹਾਲਾਤਾਂ ਨੂੰ ਮੁਖ ਰੱਖ ਕੇ ਖੇਤੀ ਪਾਸਾਰ ਤੇ ਖੇਤੀ ਖੋਜ ਸੰਸਥਾਨ ਤੇ ਕਣਕ ਖੋਜ ਸੰਸਥਾਨ ਰਹਿਣ ਵਿਗਿਆਨਿਕ ਢੰਗ ਨਾਲ ਇਸ ਕੁਦਰਤੀ ਆਫ਼ਤ ਰਹਿਣ ਹੋਏ ਨੁਕਸਾਨ ਸਬੰਦੀ ਰਿਪੋਰਟ ਬਣਾਉਣ ਲਈ ਆਖਿਆ। ਇਸ ਤੋਂ ਬਾਅਦ ਪੀ ਏ ਯੂ ਦੇ ਉਪ ਕੁਲਪਤੀ ਨੇ ਤੁਰੰਤ ਕਣਕ ਖੋਜ ਸੰਸਥਾਨ ਦੇ ਡਾਇਰੈਕਟਰ ਤੇ ਖੇਤੀ ਖੋਜ ਸੰਸਥਾਨ ਦੇ ਡਾਇਰੈਕਟਰ ਨੂੰ ਹਿਦਾਇਤ ਕੀਤੀ ਕੇ ਉਹ ਤੁਰੰਤ ਇਸ ਸਰਵੇਖਣ ਨੂੰ ਸ. ਅਮਰਦੀਪ ਸਿੰਘ ਚੀਮਾ ਨਾਲ ਗੱਲਬਾਤ ਕਰਕੇ ਤੇ ਬਾਰਡਰ ਦੇ ਇਲਾਕੇ ਵਿਚ ਦੌਰਾ ਕਰਕੇ ਰਿਪੋਰਟ ਸਬਮਿਟ ਕਰਨ ਤੇ ਆਉਂਦੇ ਦਿਨਾਂ ਲਈ ਕਣਕ ਦੇ ਪੌਦਿਆਂ ਵਿਚ ਅਜਿਹੀਆਂ ਮੌਸਮ ਦੀ ਮਾਰ ਨੂੰ ਝੱਲਣ ਲਈ ਨਵੀਂ ਖੋਜ ਤੇ ਜ਼ੋਰ ਲਗਾਉਣ।ਚੇਅਰਮੈਨ ਸ. ਅਮਰਦੀਪ ਸਿੰਘ ਚੀਮਾ ਨੇ ਚੋਣਵੇਂ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕੇ ਉਹ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਅਤੇ ਇੰਡੀਅਨ ਕਾਊਂਸਿਲ ਆਫ਼ ਐਗਰੀਕਲਚਰਲ ਰਿਸਰਚ ਦੇ ਗਵਰਨਿੰਗ ਬੋਰਡ ਤੇ ਸੇਵਾਵਾਂ ਦੇ ਰਹੇ ਹਨ ਅਤੇ ਉਹ ਅਜਿਹੀਆਂ ਕੁਦਰਤੀ ਆਫ਼ਤਾਂ ਦੇ ਸਮੇਂ ਕਿਸਾਨੀ ਨੂੰ ਭਵਿੱਖ ਵਿਚ ਘਾਟ ਤੋਂ ਘਾਟ ਨੁਕਸਾਨ ਹੋਣ ਲਈ ਹਰ ਹੀਲਾ ਵਸੀਲਾ ਵਰਤਣ ਲਈ ਤਤਪਰ ਹਨ।ਜਿਕਰਯੋਗ ਹੈ ਕਿ ਚੇਅਰਮੈਮ ਸ. ਅਮਰਦੀਪ ਸਿੰਘ ਚੀਮਾ ਪਹਿਲੇ ਕਿਸਾਨ ਆਗੂ ਸਨ ਜਿਹਨਾਂ ਨੇ ਪ੍ਰਧਾਨ ਮੰਤਰੀ ਫ਼ਸਲ ਬੀਮਾ ਯੋਜਨਾ ਵਿਚ ਉਹਨਾਂ ਤਰਮੀਮ ਦੀ ਤਜ਼ਵੀਜ਼ ਰੱਖੀ ਸੀ ਜੋ ਪੰਜਾਬ ਪ੍ਰਤੀ ਵਿਸ਼ੇਸ਼ ਰੁੱਖ ਅਪਨਾਉਣ ਲਈ ਪਹਿਲ ਕਦਮੀ ਕਰਨ ਵਾਲਿਆਂ ਹੋਣ ਇਸ ਪਹਿਲ ਕਦਮੀ ਦੀ ਆਵਾਜ਼ ਚੁੱਕਣ ਦੀ ਕਿਸਾਨੀ ਭਾਈਚਾਰੇ ਵੱਲੋਂ ਬੜੀ ਤਾਰੀਫ ਵੀ ਹੋਈ ਸੀ।