ਉਪ ਜਿਲ੍ਹਾ ਸਿੱਖਿਆ ਅਫਸਰ(ਸ.ਸ) ਰੂਪਨਗਰ ਸੁਰਿੰਦਰਪਾਲ ਸਿੰਘ ਵੱਲੋਂ ਆਪਣੀ ਟੀਮ ਸਮੇਤ ਵੱਖ ਵੱਖ ਸਕੂਲਾਂ ਦਾ ਅਚਨਚੇਤ ਨਰੀਖਣ ਕੀਤਾ ਗਿਆ।ਇਸ ਮੌਕੇ ਉਹਨਾਂ ਵੱਲੋਂ ਸ.ਸ.ਸ.ਸਕੂਲ ਗਰਦਲਾ, ਮੱਸੇਵਾਲ, ਚਨੌਲੀ ਬਸੀ, ਸ.ਹ.ਸਕੂਲ ਸਸਕੌਰ, ਸ.ਹ.ਸ ਬੜਵਾ,ਸ.ਮਿ.ਸਕੂਲ ਲਾਲਪੁਰ ਦਾ ਨਰੀਖਣ ਕੀਤਾ ਗਿਆ। ਇਸ ਮੌਕੇ ਉਹਨਾਂ ਦੇ ਨਾਲ ਆਂਸ਼ੂਲ ਮਿੱਤਲ ਪ੍ਰੋਜੈਕਟ ਕੋਆਰਡੀਨੇਟਰ ਸਰਕਲ ਪਟਿਆਲਾ, ਬਲਵੀਰ ਸਿੰਘ ਅਕਾਊਂਟੈਂਟ ਹਾਜਰ ਸਨ। ਨਰੀਖਣ ਦੌਰਾਨ ਟੀਮ ਵੱਲੋਂ ਸਟਾਫ ਹਾਜਰੀ ਰਜਿਸਟਰ,ਵਿਦਿਆਰਥੀਆਂ ਦੀ ਹਾਜਰੀ, ਕੰਪਿਊਟਰ ਲੈਬ, ਐਜੂਸੇਟ ਲੈਬ, ਉਡਾਣ ਪ੍ਰੋਜੈਕਟ,ਸਤੰਬਰ ਟੈਸਟ ਦਾ ਰਿਕਾਰਡ ਆਦਿ ਚੈੱਕ ਕੀਤਾ।ਇਸ ਮੌਕੇ ਟੀਮ ਵੱਲੋਂ ਕਲਾਸਾਂ ਵਿਚ ਜਾ ਕਿ ਵਿਦਿਆਰਥੀਆਂ ਦੀਆਂ ਕਾਪੀਆਂ ਵੀ ਚੈੱਕ ਕੀਤੀਆਂ ਗਈਆਂ ।ਟੀਮ ਵੱਲੋਂ ਵਿਦਿਆਰਥੀਆਂ ਨੂੰ ਵੱਖ ਵੱਖ ਵਿਸ਼ਿਆਂ ਦੇ ਸਵਾਲ ਜਵਾਬ ਵੀ ਪੁੱਛੇ ਗਏ ਅਤੇ ਟੀਮ ਵੱਲੋਂ ਵਿਦਿਆਰਥੀਆਂ ਨੂੰ ਹੋਰ ਜਾਣਕਾਰੀ ਦੇ ਕੇ ਉਹਨਾਂ ਦੇ ਗਿਆਨ ਵਿਚ ਹੋਰ ਵਾਧਾ ਕੀਤਾ ਗਿਆ। ਇਸ ਮੌਕੇ ਉਪ ਜਿਲ੍ਹਾ ਸਿੱਖਿਆ ਅਫਸਰ ਐਸ.ਪੀ ਸਿੰਘ ਨੇ ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਟੀਮ ਵੱਲੋਂ ਛੇ ਸਕੂਲਾਂ ਦਾ ਅਚਨਚੇਤ ਨਰੀਖਣ ਕੀਤਾ ਗਿਆ ਹੈ। ਇਸ ਮੌਕੇ ਉਕਤ ਸਕੂਲਾਂ ਦਾ ਸਾਰਾ ਰਿਕਾਰਡ ਵੇਖਿਆ ਗਿਆ। ਜੋ ਸਕੂਲਾਂ ਵਿਚ ਕਮੀਆਂ ਪੇਸ਼ੀਆਂ ਪਾਈਆਂ ਗਈਆਂ ਉਹਨਾਂ ਨੂੰ ਨੋਟ ਕੀਤਾ ਗਿਆ ਅਤੇ ਕਈ ਛੋਟੀਆਂ ਸਮੱਸਿਆਵਾਂ ਨੂੰ ਦੂਰ ਕਰਨ ਲਈ ਸੁਝਾਅ ਵੀ ਦਿਤੇ ਗਏ।