ਮਿਸ਼ਨ ' ਤੰਦਰੁਸਤ ਪੰਜਾਬ ਤਹਿਤ' ਪੰਜਾਬ ਸਰਕਾਰ ਵਲ੍ਹੋ ਸੂਬੇ ਭਰ ਨੂੰ ਟੀ.ਬੀ. ਫ੍ਰੀ ਕਰਨ ਲਈ ਕੀਤੇ ਜਾ ਰਹੇ ਵੱਖ-ਵੱਖ ਉਪਰਾਲਿਆਂ ਤਹਿਤ ਟੀ.ਬੀ. ਦੇ ਮਰੀਜ਼ਾਂ ਦੀ ਐਕਟਿਵ ਕੇਸ ਫ਼ਾਇੰਡਿੰਗ ਕਰਨ ਲਈ ਆਧੁਨਿਕ ਮਸ਼ੀਨਾਂ ਨਾਲ ਲੈਂਸ ਇੱਕ ਮੋਬਾਈਲ ਮੈਡੀਕਲ ਵੈਨ ਪੰਜਾਬ ਦੇ ਵੱਖ -ਵੱਖ ਜਿਲ੍ਹਿਆਂ ਵਿਚ ਮਿਤੀ 17 ਅਪ੍ਰੈਲ ਤੋਂ 24 ਸਤੰਬਰ ਤਕ ਭੇਜੀ ਗਈ ਹੈ । ਇਸੇ ਕੜੀ ਅਧੀਨ ਸਿਵਲ ਸਰਜਨ ਰੂਪਨਗਰ ਡਾ ਹਰਿੰਦਰ ਕੋਰ ਦੀ ਰਹਿਨੁਮਾਈ ਹੇਠઠਜਿਲ੍ਹਾ ਰੂਪਨਗਰ ਵਿਚ ਇਹ ਵੈਨ 6 ਅਗਸਤ ਤੋਂ 11 ਅਗਸਤ ਤਕ ਦੌਰਾ ਕਰੇਗੀ, ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸਿਵਲ ਸਰਜਨ ਨੇ ਦੱਸਿਆ ਕਿ ਜਿਲ੍ਹਾ ਰੂਪਨਗਰ ਦੇ ਚਾਰੋਂ ਸਿਹਤ ਬਲਾਕਾਂ ਚਮਕੌਰ ਸਾਹਿਬ , ਭਰਤਗੜ੍ਹ ,ਕੀਰਤਪੁਰ ਸਾਹਿਬ ,ਨੂਰਪੁਰ ਬੇਦੀ ਅਤੇ ਅਰਬਨ ਸਲੱਮ ਰੂਪਨਗਰ ਦੇ ਫੀਲਡ ਹੈਲਥ ਵਰਕਰਾਂ ਦੀ ਟ੍ਰੇਨਿੰਗ ਬਲਾਕ ਪੱਧਰ ਤੇ ਕੀਤੀਆਂ ਜਾ ਰਹੀਆਂ ਹਨ । ਟੀ.ਬੀ. ਦੇ ਸ਼ੱਕੀ ਮਰੀਜ਼ઠઠਜਿਹਨਾਂ ਨੂੰ ਖਾਂਸੀ ,ਬਲਗ਼ਮ ,ਬਲਗ਼ਮ ਵਿਚ ਖੂਨ ਆਣਾ ,ਛਾਤੀ ਦਰਦ ,ਬੁਖਾਰ ,ਵਜਨ ਘਟਨਾ ,ਭੁਖ ਨਾ ਲਗਨਾ ਜਾ ਜਿਨ੍ਹਾਂ ਦੇ ਆਂਢ- ਗੁਆਂਢ ਵਿਚ ਟੀ.ਬੀ. ਦਾ ਕੋਈ ਮਰੀਜ਼ ਦਵਾਈ ਖਾ ਰਿਹਾ ਹੋਵੇ, ਉਹਨਾਂ ਮਰੀਜਾਂ ਨੂੰ ਫੀਲਡ ਹੈਲਥ ਵਰਕਰਜ ਦੀਆ ਟੀਮਾਂ ਘਰ ਘਰ ਜਾ ਕੇ ਜਾਗਰੂਕ ਕਰਨਗੀਆਂ ਤੇ ਸ਼ੱਕੀ ਮਰੀਜ਼ ਨੂੰ ਬਲਗ਼ਮ ਜਾਂਚ ਲਈ ਸੈਂਪਲ ਦੇਣ ਲਈ ਪ੍ਰੇਰਿਤ ਕੀਤਾ ਜਾਵੇਗਾ ਤੇ ਇਹ ਸੈਂਪਲ ਉਹਨਾ ਵੱਲ੍ਹੋਂ ਮੋਬਾਈਲ ਮੈਡੀਕਲ ਵੈਨ ਵਿਚ ਲਿਜਾਏ ਜਾਣਗੇ ਅਤੇ ਵੈਨ ਦੇ ਨਾਲ ਹੀ ਚੈੱਕਅੱਪ ਲਈ ਡਾਕਟਰ ਨੂੰ ਨਿਯੁਕਤ ਕੀਤਾ ਗਿਆ ਹੈ ਜਿੱਥੇ ਛਾਤੀ ਦੇ ਐਕਸਰੇ ਦੀ ਸੁਵਿਧਾ ਵੀ ਨਾਲ ਦਿੱਤੀ ਗਈ ਹੈ।
ਦੱਸਣਯੋਗ ਹੈ ਕਿ ਇਹਨਾਂ ਸਾਰੀਆਂ ਸੁਵਿਧਾਵਾਂઠઠਜਿਵੇਂ ਕਿ ਲੋਕਾਂ ਨੂੰ ਜਾਗਰੂਕ ਕਰਨ ਤੋਂ ਲੈ ਕੇ ਟੀ.ਬੀ.ઠઠਦਾ ਅਤਿ ਆਧੁਨਿਕ ਸੀਬੀ ਨੈਟ ਟੈਸਟ ਕਰਨ ਤੱਕ, ਮਰੀਜ ਤੋਂ ਕੋਈ ਪੈਸਾ ਨਹੀਂ ਲਿਆ ਜਾਵੇਗਾ । ਜਿਲ੍ਹਾ ਤਪਦਿਕ ਅਫਸਰ ਡਾ ਰੋਮੀ ਸਿੰਗਲਾ ਨੇ ਟੀ.ਬੀ. ਬਾਰੇ ਹੋਰ ਵਿਸਤਾਰ ਵਿਚ ਗੱਲ ਕਰਦਿਆਂ ਦੱਸਿਆ ਕਿ ਜਨਵਰੀ 2018 ਤੋਂ ਹੁਣ ਤਕ ਤਕਰੀਬਨ 600 ਟੀਬੀ ਦੇ ਨਵੇਂ ਕੇਸ ਜ਼ਿਲ੍ਹੇ ਵਿੱਚ ਸਾਹਮਣੇ ਆਏ ਹਨ ਪ੍ਰੰਤੂ ਵਿਸ਼ਵ ਸਿਹਤ ਸੰਗਠਨ ਦੇ ਪੱਧਰ ਤੋਂ ਹੋਏ ਇਕ ਡਰੱਗઠઠਸਰਵੇ ਦੇ ਮੁਤਾਬਿਕ ਇਸ ਤੋਂ ਦੁਗਣੇ ਮਰੀਜ ਅਸਲ ਵਿਚ ਇਸ ਜਿਲ੍ਹੇ ਵਿਚ ਹੋਰ ਹਨ ਜਿਹੜੇ ਕਿ ਪਕੜ ਵਿਚ ਨਹੀਂ ਆਏ ਹਨ। ਇਸ ਦਾ ਮੁੱਖ ਕਾਰਨ ਹੈ ਟੀ.ਬੀ. ਦੇ ਲੱਛਣਾਂ ਨੂੰ ਮਰੀਜ ਵਲ੍ਹੋ ਲੰਬੇઠઠਸਮੇ ਤੱਕ ਨਜ਼ਰ ਅੰਦਾਜ ਕਰਦੇ ਰਹਿਣਾ ਜਾਂ ਝੋਲਾ ਛਾਪ ਡਾਕਟਰਾਂ ਕੋਲ ਖਾਂਸੀ ਬੁਖ਼ਾਰ ਦੀ ਦਵਾਈ ਖਾਂਦੇ ਰਹਿਣਾ ਅਤੇ ਝੋਲਾ ਛਾਪ ਡਾਕਟਰਾਂ ਵਲ੍ਹੋ ਇਹਨਾ ਨੂੰ ਸਰਕਾਰੀ ਹਸਪਤਾਲ ਵਿਚ ਸਮੇ ਸਿਰ ਰੈਫਰ ਨਾ ਕਰਨਾ। ਇਸ ਤੋਂ ਇਲਾਵਾ ਪ੍ਰਾਈਵੇਟ ਡਾਕਟਰਾਂ ਵਲ੍ਹੋ ਟੀ.ਬੀ. ਦੀ ਬਿਮਾਰੀ ਨੂੰ ਪਹਿਲ ਦੇ ਅਧਾਰ ਤੇ ਸਸਪੇਕਟ ਨਹੀਂ ਕੀਤਾ ਜਾਂਦਾ,ਤੇ ਟੀ.ਬੀ. ਡਾਇਗਨੋਸ ਕਰਕੇ ਮਰੀਜ ਦੀ ਨੋਟੀਫਿਕੇਸ਼ਨ ਨਹੀਂ ਕੀਤੀ ਜਾਂਦੀ ਜਿਸ ਕਾਰਨ ਸਹੀ ਅੰਕੜਿਆਂ ਦਾ ਪਤਾ ਨਹੀਂ ਲੱਗ ਪਾਉਂਦਾ । ਇਸ ਅਭਿਆਨ ਵਿਚ ਜਿਲ੍ਹੇ ਭਰ ਵਿਚ 50 ਦੇ ਨੇੜੇ ਫੀਲਡ ਹੈਲਥઠઠਵਰਕਰਾਂ ਦੀਆ ਟੀਮਾਂ ਗਠਤ ਕੀਤੀ ਗਈਆਂ ਹਨ । ਉਹਨਾ ਨੇ ਜਨ ਸਧਾਰਨ ਨੂੰ ਅਪੀਲ ਕੀਤੀ ਹੈ ਕਿ ਉਹ ਟੀ.ਬੀ. ਦੇ ਬਿਮਾਰੀ ਪ੍ਰਤੀ ਆਪਣੀ ਜਾਗਰੂਕਤਾ ਵਧਾਉਣ ਅਤੇ ਜੇਕਰ ਉਹ ਕਿਸੇ ਟੀ.ਬੀ. ਦੇ ਸ਼ੱਕੀ ਮਰੀਜ਼ ਨੂੰ ਜਾਣਦੇ ਹਨ ਤਾਂ ਉਹ ਟੀਮਾਂ ਨੂੰ ਦੱਸਣ, ਇਸ ਵਿਚ ਓਹਨਾ ਦਾ ਹੀ ਫਾਇਦਾ ਹੈ ।