ਨੈਸ਼ਨਲ ਹਾਈਵੇ 1 'ਤੇ ਫਗਵਾੜਾ ਸ਼ਹਿਰ ਵਿਚ ਬਨਣ ਵਾਲੇ ਪਿੱਲਰ ਫਲਾਈਓਵਰ ਦਾ ਨਿਰਮਾਣ ਕਾਰਜ ਨੂੰ ਤੁਰੰਤ ਸ਼ੁਰੂ ਕਰਵਾਉਣ ਲਈ ਕੇਂਦਰੀ ਮੰਤਰੀ ਅਤੇ ਸੂਬਾ ਪ੍ਰਧਾਨ ਵਿਜੈ ਸਾਂਪਲਾ ਨੇ ਅੱਜ ਕੇਂਦਰੀ ਸੜਕ ਅਤੇ ਟਰਾਂਸਪੋਰਟ ਮੰਤਰੀ ਨਿਤੀਨ ਗਡਕਰੀ ਦੇ ਨਾਲ ਦਿੱਲੀ ਮੰਤਰਾਲੇ ਵਿਚ ਮੀਟਿੰਗ ਕੀਤੀ, ਜਿਸ ਵਿਚ ਨੈਸ਼ਨਲ ਹਾਈਵੇ ਅਥਾਰਿਟੀ ਆਫ ਇੰਡੀਆ ਦੇ ਸਾਰੇ ਸੀਨੀਅਰ ਅਧਿਕਾਰੀ ਮੌਜੂਦ ਸਨ।ਸਾਂਪਲਾ ਦੇ ਲਗਾਤਾਰ ਯਤਨਾਂ ਸੱਦਕਾ ਫਗਵਾੜਾ ਵਿਚ ਨੈਸ਼ਨਲ ਹਾਈਵੇ 'ਤੇ ਮਿੱਟੀ ਦੀ ਥਾਂ ਪਿੱਲਰ ਵਾਲਾ ਫਲਾਈ ਓਵਰ ਬਨਾਉਣ ਦਾ ਜੋ ਫੈਸਲਾ ਕੁੱਝ ਮਹੀਨੇ ਪਹਿਲਾ ਹੋ ਚੁਕਿਆ ਸੀ, ਉਸਦੇ ਲਈ ਅੱਜ ਗਡਕਰੀ ਨੇ ਸਾਂਪਲਾ ਦੇ ਸਾਹਮਣੇ ਨੈਸ਼ਨਲ ਹਾਈਵੇ ਦੇ ਅਧਿਕਾਰੀਆਂ ਨੂੰ ਬਿਨ੍ਹਾਂ ਦੇਰੀ ਇਸਦੇ ਟੈਂਡਰ ਜਾਰੀ ਕਰਨ ਦੇ ਲਈ ਆਖਿਆ। ਇਸ ਮੱਗਰੋਂ ਅਧਿਕਾਰੀਆਂ ਨੇ ਗਡਕਰੀ ਦੀ ਮੌਜੂਦਗੀ ਵਿਚ ਸਾਂਪਲਾ ਨੂੰ ਦੱਸਿਆ ਕਿ ਇਸ ਫਲਾਈਓਵਰ ਦੇ ਟੈਂਡਰ ਦਾ ਪੂਰਾ ਬਿਓਰਾ ਤਿਆਰ ਕਰ ਲਿਆ ਗਿਆ ਹੈ ਅਤੇ ਆਉਣ ਵਾਲੀ 28 ਦਸੰਬਰ ਨੂੰ ਪਿੱਲਰ ਵਾਲੇ ਫਲਾਈ ਓਵਰ ਦਾ 273 ਕਰੋੜ ਦਾ ਟੈਂਡਰ ਲਗਾਇਆ ਜਾ ਰਿਹਾ ਹੈ ਅਤੇ ਉਮੀਦ ਹੈ ਕਿ 2018 ਦੇ ਸ਼ੁਰੂਆਤ ਵਿਚ ਹੀ ਇਸਦਾ ਨਿਰਮਾਣ ਕਾਰਜ ਸ਼ੁਰੂ ਹੋ ਜਾਵੇਗਾ। ਸਾਂਪਲਾ ਨੇ ਗਡਕਰੀ ਦਾ ਧੰਨਵਾਦ ਕੀਤਾ, ਜਿਨ੍ਹਾਂ ਵਿਅਕਤੀਗਤ ਤੌਰ 'ਤੇ ਰੂਚੀ ਲੈਕੇ ਫਗਵਾੜਾ ਵਾਸੀਆਂ ਦੀ ਲੰਬੇ ਸਮੇਂ ਤੋਂ ਚੱਲੀ ਆ ਰਹੀ ਮੰਗ ਨੂੰ ਪੂਰਾ ਕੀਤਾ।