ਆਵਰ ਸਿਨੇਮਾ ਸੰਸਥਾ ਵੱਲੋਂ ਇਸ਼ਮੀਤ ਸਿੰਘ ਮਿਊਜ਼ਿਕ ਇੰਸਟੀਚਿਊਟ ਦੇ ਸਹਿਯੋਗ ਨਾਲ ਕਰਵਾਏ ਦੋ ਰੋਜ਼ਾ ਲਘੂ-ਫਿਲਮ ਫੈਸਟੀਵਲ ਦੇ ਦੂਜੇ ਦਿਨ ਮੁੱਖ ਮਹਿਮਾਨ ਵਜ਼ੋ ਪੁੱਜੇ ਪੰਜਾਬ ਸ਼ਡਿਊਲਡ ਕਾਸਟ ਕਮਿਸ਼ਨ ਦੇ ਚੇਅਰਮੈਨ ਰਜੇਸ਼ ਬਾਘਾ ਨੇ ਅੱਜ ਇਸ਼ਮੀਤ ਸਿੰਘ ਮਿਊਜ਼ਿਕ ਇੰਸਟੀਚਿਊਟ ਵਿਖੇ ਲਘੂ ਫਿਲਮ ਫੈਸਟੀਵਲ ਮੌਕੇ ਸੰਬੌਧਨ ਕਰਦਿਆਂ ਕਿਹਾ ਹੈ ਕਿ ਪੰਜਾਬ ਦੇ ਸਰਕਾਰੀ ਸਕੂਲਾਂ 'ਚ ਪੜਦੇ ਬੱਚਿਆਂ ਨੂੰ ਸਰਬਪੱਖੀ ਵਿਕਾਸ ਲਈ ਮੈਰਿਟ 'ਚ ਆਉਣ ਤੇ ਦਸਵੀਂ ਵਾਲਿਆਂ ਨੂੰ ਇੱਕ ਲੱਖ ਰੁਪਏ ਦਾ ਡਾ. ਬੀ.ਆਰ.ਅੰਬੇਦਕਰ ਪੁਰਸਕਾਰ ਅਤੇ 10+2 ਦੇ ਮੈਰਿਟ ਪ੍ਰਾਪਤ ਕਰਤਾ ਵਿਦਿਆਰਥੀਆਂ ਨੂੰ ਡੇਢ ਲੱਖ ਰੁਪਏ ਦਾ ਪੁਰਸਕਾਰ ਦਿੱਤਾ ਜਾਵੇਗਾ।ਇਸ ਸਬੰਧੀ ਜਲਦੀ ਹੀ ਸਮਾਗਮ ਕੀਤਾ ਜਾਵੇਗਾ। ਉਹਨਾਂ ਨੇ ਇਹ ਵੀ ਕਿਹਾ ਕਿ ਸਿਹਤਮੰਦ ਸੋਚ ਵਾਲਾ ਸਿਨੇਮਾ ਉਸਾਰਨ ਲਈ ਵਪਾਰਕ ਬਿਰਤੀ ਦਾ ਮੁਕਾਬਲਾ ਕੇਵਲ ਲਘੂ ਫਿਲਮਾਂ ਹੀ ਕਰ ਸਕਦੀਆਂ ਹਨ ਕਿਉਂਕਿ ਸਿਰਜਣਾਤਮਕ ਸੋਚ ਵਾਲੇ ਫਿਲਮਕਾਰ ਘੱਟ ਲਾਗਤ ਨਾਲ ਸਮਾਨੰਤਰ ਸਿਨੇਮਾ ਉਸਾਰਦੇ ਹਨ। ਲਘੂ ਫਿਲਮਾਂ ਕੇਵਲ ਮਨੋਰੰਜਨ ਨਹੀਂ ਸਗੋਂ ਸੁਨੇਹਾ-ਮੂਲਕ ਹੋਣ ਕਰਕੇ ਸਮਾਜਿਕ ਤਬਦੀਲੀ ਦਾ ਵੀ ਆਧਾਰ ਉਸਾਰ ਸਕਦੀਆਂ ਹਨ।
ਉਨਾਂ ਕਿਹਾ ਕਿ ਲਘੂ ਫਿਲਮ ਫੈਸਟੀਵਲ ਵਿੱਚ ਅਗਲੇ ਸਾਲ ਨਸ਼ਾ-ਖੋਰੀ , ਭਰੂਣ ਹੱਤਿਆ , ਵਿਹਲੇ ਰਹਿ ਕੇ ਅਮੀਰ ਹੋਣ ਦੀ ਪ੍ਰਵਿਰਤੀ ਅਤੇ ਸਮਾਜਿਕ ਅਨਿਆਂ ਦੇ ਖਿਲਾਫ ਲਘੂ ਫਿਲਮਾਂ ਬਣਾਉਣ ਦਾ ਏਜੰਡਾ ਮਿਥੋ ਤਾਂ ਜੋ ਇਸ ਦਾ ਸਮਾਜਕ ਅਸਰ ਸਮਾਜ ਨੂੰ ਠੀਕ ਰਾਹ ਤੋਰ ਸਕੇ। ਰਜੇਸ਼ ਬਾਘਾ ਦਾ ਸੁਆਗਤ ਕਰਦਿਆਂ ਅੰਤਰਰਾਸ਼ਟਰੀ ਪੰਜਾਬੀ ਵਿਰਾਸਤ ਅਕਾਦਮੀ ਦੇ ਚੇਅਰਮੈਨ ਪ੍ਰੋ. ਗੁਰਭਜਨ ਸਿੰਘ ਗਿੱਲ ਨੇ ਕਿਹਾ ਕਿ ਦੂਸਰੇ ਲਘੂ ਫਿਲਮ ਫੈਸਟੀਵਲ ਵਿੱਚ ਲਗਭਗ 20 ਫਿਲਮਾਂ ਵਿਖਾਈਆਂ ਜਾਣੀਆਂ ਹਨ ਅਤੇ ਬਹੁਤੀਆਂ ਦਾ ਵਿਸ਼ਾ ਸਮਾਜਿਕ ਨਿਆਂ ਅਤੇ ਸਮਾਜਿਕ ਤਣਾਉ ਹੀ ਹੈ।ਸ਼੍ਰੀ ਰਜੇਸ਼ ਬਾਘਾ ਦੇ ਨਾਲ ਆਏ ਸਾਬਕਾ ਵਿਧਾਇਕ ਸ. ਇੰਦਰ ਇਕਬਾਲ ਸਿੰਘ ਅਟਵਾਲ ਨੇ ਵੀ ਇਸ ਫੈਸਟੀਵਲ ਦੇ ਮੁੱਖ ਪ੍ਰਬੰਧਕ ਸ੍ਰ. ਪਰਦੀਪ ਸਿੰਘ, ਸ੍ਰ ਬਲਵਿੰਦਰ ਸਿੰਘ ਗਿੱਲ ਅਤੇ ਡਾ ਯਾਦਵਿੰਦਰ ਸਿੰਘ ਨੂੰ ਮੁਬਾਰਕਬਾਦ ਦਿੱਤੀ। ਇਸ ਫੈਸਟੀਵਲ ਵਿੱਚ ਉੱਘੇ ਫਿਲਮ ਅਦਾਕਾਰ ਹਰਿੰਦਰ ਭੁੱਲਰ ਅਤੇ ਗਾਇਕ ਕਮਲਜੀਤ ਨੀਲੋਂ ਨੇ ਵੀ ਬੀਤੀ ਸ਼ਾਮ ਵਿਸ਼ੇਸ਼ ਮਹਿਮਾਨ ਵਜੋਂਂ ਸ਼ਿਰਕਤ ਕੀਤੀ। ਇਸ਼ਮੀਤ ਇੰਸਟੀਚਿਊਟ ਦੇ ਡਾਇਰੈਕਟਰ ਡਾ. ਚਰਨ ਕਮਲ ੰਿਸੰਘ ਨੇ ਆਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ।