ਜੇ ਸੱਤ ਸਮੁੰਦਰੋਂ ਪਾਰ ਤੋਂ ਚੱਲ ਕੇ ਬਲਵੰਤ ਸਿੰਘ ਰਾਮੂਵਾਲੀਆ ਦੀ ਹਮਾਇਤ ਕਰਨ ਆਈ ਹਾਂ ਤਾਂ ਸਮਝੋ ਕਿ ਰਾਮੂਵਾਲੀਆ ਦਾ ਕੰਮ ਦਾ ਖੇਤਰ ਵੀ ਏਨਾਂ ਵੱਡਾ ਹੈ ਤੇ ਉਹ ਦੁਨੀਆਂ ਭਰ ਦੇ ਪੰਜਾਬੀਆਂ ਦੀ ਹਿਰ ਦੁੱਖ ਦੀ ਦਾਰੂ ਹਨ। ਇਹ ਵਿਚਾਰ ਕੈਨੇਡਾ ਦੀ ਸਾਬਕਾ ਐਮ ਪੀ ਰੂਬੀ ਢਾਲਾ ਨੇ ਅੱਜ ਗੁਰਦਵਾਰਾ ਸਿੰਘ ਸ਼ਹੀਦਾਂ ਸੋਹਾਣਾ ਵਿਖੇ ਮੱਥਾ ਟੇਕ ਕੇ ਪੱਤਰਕਾਰਾਂ ਨਾਲ ਸਾਂਝੇ ਕੀਤੇ। ਉਨ੍ਹਾਂ ਕਿਹਾ ਕਿ ਦੁਨੀਆਂ ਵਿੱਚ ਕੋਈ ਵੀ ਦੁਖੀ ਪੰਜਾਬੀ ਅਜਿਹਾਜ ਨਹੀਂ ਹੋਵੇਗਾ ਜਿਸਨੂੰ ਸ: ਰਾਮੂਵਾਲੀਆ ਦਾ ਸਹਾਰਾ ਨਾ ਮਿਲਿਆ ਹੋਵੋ। ਊਨ੍ਹਾਂ ਨਾਲ ਕੈਨੇਡਾ ਤੋਂ ਸ੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸ: ਬੇਅੰਤ ਸਿੰਘ ਧਾਲੀਵਾਲ ਤੇ ਸਤਿੰਦਰਪਾਲ ਸਿੰਘ ਸਿੱਧਵਾਂ ਰਾਡੀਓ ਪੰਜਾਬੀ ਲਹਿਰਾਂ ਵੀ ਆਏ ਹੋਏ ਹਨ। ਬੀਬੀ ਢੱਲਾ ਨੇ ਕਿਹਾ ਕਿ ਸ: ਰਾਮੂਵਾਲੀਆ ਨੇ ਹਰ ਦੇਸ਼ ਵਿੱਚ ਫਸੇ ਨੌਜਵਾਨਾਂ ਦੀ ਬਾਂਹ ਫੜੀ, ਕੁੜੀ ਦੇ ਦੁੱਖ ਨੂੰ ਵੰਡਾਇਆ ਤੇ ਹਰ ਪ੍ਰਵਾਸੀ ਭਾਰਤੀ ਨੂੰ ਏਅਰਪੋਰਟ ਤੇ ਹੁੰਦੀ ਲੁੱਟ ਤੋਂ ਬਚਾਉਣ ਲਈ ਅਥਾਹ ਕੰਮ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਕੌਮਾਂਤਰੀ ਪ੍ਰਸਿੱਧੀ ਤੇ ਦਰਜੇ ਦੇ ਮਾਲਕ ਸ: ਰਾਮੂਵਾਲੀਆ ਜੇ ਮੋਹਾਲੀ ਵਿਚੋਂ ਚੋਣ ਲੜ ਰਹੇ ਹਨ ਤਾਂ ਮੋਹਾਲੀ ਹਲਕੇ ਦੇ ਕਰਮ ਚੰਗੇ ਹਨ। ਉਨ੍ਹਾਂ ਕਿਹਾ ਕਿ ਸ: ਰਾਮੂਵਾਲੀਆ ਸਰਕਾਰ ਵਿੰਚ ਮੰਤਰੀ ਬਣਕੇ ਪੂਰੀ ਤਨਦੇਹੀ ਨਾਲ ਕੰਮ ਕਰਨਗੇ। ਉਨ੍ਹਾਂ ਮੋਹਾਲੀ ਹਲਕੇ ਦੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਨੇਕ ਇਨਸਾਨ, ਪੜੇ ਲਿਖੇ ਤੇ ਸੁਚੱਜੇ ਸੋਸ਼ਲ ਸਿਆਸਤਦਾਨ ਸ: ਰਾਮੂਵਾਲੀਆ ਨੂੰ ਭਾਰੀ ਬਹੁਮਤ ਨਾਲ ਜਿਤਾਓ।