ਗੁਰੂ ਗੋਬਿੰਦ ਸਿੰਘ ਜੀ ਦੇ ਛੋਟੇ ਸਾਹਿਬਜਾਦਿਆਂ ਅਤੇ ਮਾਤਾ ਗੁਜਰ ਕੌਰ ਜੀ ਦੇ ਸ਼ਹੀਦੀ ਜੋੜ ਮੇਲੇ ਮੌਕੇ ਆਮ ਆਦਮੀ ਪਾਰਟੀ ਵੱਲੋਂ ਸ੍ਰੀ ਫਤਿਹਗੜ੍ਹ ਸਾਹਿਬ ਵਿਖੇ ਕੀਤੀ ਗਈ ਸਿਆਸ਼ੀ ਕਾਨਫਰੰਸ ਦੇ ਮਕਸਦ ਤੇ ਸ੍ਰੋਮਣੀ ਅਕਾਲੀ ਦਲ ਨੇ ਸਵਾਲ ਖੜੇ ਕੀਤੇ ਹਨ। ਧਾਰਮਿਕ ਬੇਅਦਬੀ ਦਾ ਦਾਅਵਾ ਕਰਦੇ ਹੋਏ ਦਲ ਦੇ ਸਾਬਕਾ ਵਿਧਾਇਕ ਅਤੇ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਜਨਰਲ ਸਕੱਤਰ ਮਨਜਿੰਦਰ ਸਿੰਘ ਸਿਰਸਾ ਨੇ ਇਸ ਕਾਨਫਰੰਸ 'ਚ ਸ਼ਾਮਿਲ ਗੈਰ-ਸਿੱਖਾਂ ਵੱਲੋਂ ਸਿਰ ਤੇ ਪਾਰਟੀ ਦੀਆਂ ਟੋਪੀਆਂ ਪਾ ਕੇ ਸ਼ਾਮਿਲ ਹੋਣ ਨੂੰ ਮਹਾਨ ਸ਼ਹਾਦਤਾਂ ਨੂੰ ਨਤਮਸਤਕ ਹੋਣ ਦੀ ਬਜਾਏ ਪਾਰਟੀ ਦੇ ਪ੍ਰਚਾਰ ਲਈ ਸਿਆਸੀ ਲਾਹਾ ਲੈਣ ਨਾਲ ਵੀ ਜੋੜਿਆ।ਸਿਰਸਾ ਨੇ ਬਿਨਾਂ ਸ਼ੱਕ ਕਾਨਫਰੰਸ ਵਿਚ ਸ਼ਾਮਿਲ ਹੋਏ ਕਾਰਕੁੰਨਾ ਦੇ ਪੂਰੇ ਪੰਜਾਬ ਤੋਂ ਆਉਣ ਦਾ ਦਾਅਵਾ ਕਰਦੇ ਹੋਏ ਕਾਰਕੁੰਨਾਂ ਦੇ ਸ਼ਹਾਦਤਾਂ ਨੂੰ ਨਤਮਸਤਕ ਹੋਣ ਦੀ ਬਜਾਏ ਸਿਆਸ਼ੀ ਲਾਹਾ ਲੈਣ ਲਈ ਬੁਲਾਉਣ ਦਾ ਵੀ ਆਪ ਆਗੂਆਂ ਤੇ ਦੋਸ਼ ਲਗਾਇਆ। ਆਮ ਆਦਮੀ ਪਾਰਟੀ ਦੇ ਆਗੂਆਂ ਦੀ ਇਸ ਗਲਤੀ ਨੂੰ ਵੱਡੀ ਭੁੱਲ ਅਤੇ ਸਿੱਖ ਇਤਿਹਾਸ 'ਚ ਇਸ ਤਰ੍ਹਾਂ ਦੀ ਮਿਸਾਲ ਨਾ ਮਿਲਣ ਦਾ ਵੀ ਸਿਰਸਾ ਨੇ ਦਾਅਵਾ ਕੀਤਾ। ਸਿਰਸਾ ਨੇ ਉਕਤ ਬੇਅਦਬੀ ਲਈ ਪਾਰਟੀ ਦੇ ਕਨਵੀਨਰ ਅਤੇ ਦਿੱਲੀ ਦੇ ਮੁਖਮੰਤਰੀ ਅਰਵਿੰਦ ਕੇਜਰੀਵਾਲ ਨੂੰ ਸਿੱਖ ਕੌਮ ਤੋਂ ਮੁਆਫੀ ਮੰਗਣ ਦੀ ਵੀ ਮੰਗ ਕੀਤੀ ਹੈ।
ਸਿਰਸਾ ਨੇ ਦੋਸ਼ ਲਗਾਇਆ ਕਿ ਜਦੋਂ ਸਾਰੀ ਕੌਮ ਇਨ੍ਹਾਂ ਮਹਾਨ ਸ਼ਹਾਦਤਾਂ ਨੂੰ ਨਤਮਸਤਕ ਹੋ ਰਹੀ ਸੀ ਉਸ ਵੇਲੇ ਆਪ ਦੇ ਕਾਰਕੁੰਨ ਸ਼ਹਾਦਤਾਂ ਤੇ ਸਿਆਸ਼ਤ ਕਰਕੇ ਸਿਆਸ਼ੀ ਪੌੜੀ ਰਾਹੀਂ 2017 ਦੀਆਂ ਪੰਜਾਬ ਵਿਧਾਨਸਭਾ ਦੀ ਚੋਣਾਂ ਜਿੱਤਣ ਦਾ ਸੁਪਨਾ ਪਾਲ ਰਹੇ ਸਨ।ਕਾਨਫਰੰਸ ਵਿਚ ਮੌਜੂਦ ਪਾਰਟੀ ਦੇ ਸੀਨੀਅਰ ਆਗੂ ਸੰਜੈ ਸਿੰਘ ਵੱਲੋਂ ਕੀਤੀ ਗਈ ਸਿਆਸ਼ੀ ਬਿਆਨਬਾਜੀ ਤੇ ਵੀ ਸਿਰਸਾ ਨੇ ਤਿੱਖੇ ਸਵਾਲ ਕੀਤੇ। ਸਿਰਸਾ ਨੇ ਸਵਾਲ ਕੀਤਾ ਕਿ ਪਾਰਟੀ ਆਗੂ ਉ_ਥੇ ਛੋਟੇ ਸਾਹਿਬਜਾਦਿਆਂ ਦੀ ਵੱਡੀ ਸ਼ਹਾਦਤ ਅਤੇ ਗੁਰੂ ਸਾਹਿਬਾਨਾਂ ਨੂੰ ਨਤਮਸਤਕ ਹੋਣ ਗਏ ਸੀ ਜਾਂ ਜੋੜ ਮੇਲੇ ਦੇ ਨਾਂ ਤੇ ਸਿਆਸ਼ੀ ਮੁਫਾਦਾ ਦੀ ਪੂਰਤੀ ਲਈ ਗਏ ਸੀ? ਆਪ ਪਾਰਟੀ ਵੱਲੋਂ ਸੰਜੈ ਸਿੰਘ ਦੀ ਅਗੁਆਈ 'ਚ ਟੋਪੀਆਂ ਦੀ ਝਾਂਕੀ ਸ਼ਹੀਦੀ ਜੋੜ ਮੇਲੇ 'ਚ ਕੱਢਣ ਨੂੰ ਸਿਰਸਾ ਨੇ ਮੰਦਭਾਗਾ ਦੱਸਦੇ ਹੋਏ ਇਸ ਨੂੰ ਆਉਂਦੀਆਂ ਪੰਜਾਬ ਵਿਧਾਨਸਭਾ ਚੋਣਾਂ ਲਈ ਆਪ ਦੀ ਪ੍ਰਚਾਰ ਮੁਹਿੰਮ ਨਾਲ ਵੀ ਜੋੜਿਆ।ਸਿਰਸਾ ਨੇ ਇਤਿਹਾਸਿਕ ਸ਼ਹੀਦੀ ਜੋੜ ਮੇਲੇ ਨੂੰ ਆਪ ਵੱਲੋਂ ਸਿਆਸ਼ੀ ਰਾਜਧਾਨੀ ਵਿਚ ਬਦਲਣ ਨੂੰ ਸਿੱਖ ਧਰਮ ਦੇ ਪ੍ਰਤੀ ਤ੍ਰਿਸਕਾਰੀ ਸੋਚ ਦੇ ਤੌਰ ਤੇ ਵੀ ਪ੍ਰਭਾਸ਼ਿਤ ਕੀਤਾ। ਸਿਰਸਾ ਨੇ ਕਿਹਾ ਕਿ ਸਾਰੀ ਦੁਨੀਆਂ ਜਾਣਦੀ ਹੈ ਕਿ ਆਮ ਆਦਮੀ ਪਾਰਟੀ 'ਚ ਮੌਕਾਪ੍ਰਸ਼ਤ ਆਗੂਆਂ ਦਾ ਇੱਕ ਝੁੰਡ ਬੈਠਾ ਹੈ ਪਰ ਜਿਸ ਤਰ੍ਹਾਂ ਸਿਆਸ਼ੀ ਮੁਫਾਦਾ ਲਈ ਸਿੱਖ ਧਰਮ ਦੇ ਸਿਧਾਂਤਾ ਨੂੰ ਇਨ੍ਹਾਂ ਨੇ ਇਸਤੇਮਾਲ ਕੀਤਾ ਹੈ ਉਹ ਹੈਰਾਨੀ ਭਰਿਆ ਹੋਣ ਦੇ ਨਾਲ ਹੀ ਇਨ੍ਹਾਂ ਦੇ ਬੇਇਤਬਾਰੀ ਅਕਸ਼ ਤੇ ਮਾਫਿਕ ਬੈਠਦਾ ਹੈ। ਕਾਨਫਰੰਸ 'ਚ ਸ਼ਾਮਿਲ ਪਾਰਟੀ ਦੇ ਸਿੱਖ ਆਗੂਆਂ ਵੱਲੋਂ ਸਿੱਖ ਮਰਿਆਦਾ ਦੀ ਪਵਿੱਤਰ ਦਿਹਾੜੇ ਤੇ ਹੋਈ ਇਸ ਬੇਅਦਬੀ ਦੇ ਖਿਲਾਫ਼ ਅਵਾ॥ ਨਾ ਉਠਾਉਣ ਨੂੰ ਸਿਰਸਾ ਨੇ ਮੰਦਭਾਗਾ ਅਤੇ ਅਹੁੱਦਿਆਂ ਦੇ ਲਾਲਚ ਨਾਲ ਜੋੜਿਆ।