ਪੰਜਾਬ ਸਰਕਾਰ ਵਲੋ ਨੌਜਵਾਨਾਂ ਨੂੰ ਸਵੈ ਰੋਜਗਾਰ ਦੇ ਵੱਧ ਤੋ ਵੱਧ ਅਵਸਰ ਮੁਹੱਈਆ ਕਰਾਉਣ ਲਈ ਸਕਿਲ ਡਿਵੈਲਪਮੈਟ ਦੇ ਪ੍ਰਸਾਰ ਵੱਲ ਵਿਸੇਸ ਧਿਆਨ ਦਿੱਤਾ ਜਾ ਰਿਹਾ ਹੈ। ਉਕਤ ਪ੍ਰਗਟਾਵਾ ਅੱਜ ਇੱਥੇ ਉਦਯੋਗਿਕ ਸਖਲਾਈ ਮੰਤਰੀ ਪੰਜਾਬ ਮਦਨ ਮੋਹਨ ਮਿੱਤਲ ਨੇ ਕੀਤਾ ।ਅੱਜ ਇੱਥੇ ਉਦਯੋਗ ਭਵਨ ਵਿਖੇ ਉਦਯੋਗਿਕ ਸਿਖਲਾਈ ਵਿਭਾਗ ਵਲੋ ਵਿਸੇਸ ਉਪਰਾਲੇ ਤਹਿਤ ਉਦਯੋਗਿਕ ਸਿਖਲਾਂਈ ਮੰਤਰੀ ਮਦਨ ਮੋਹਨ ਮਿੱਤਲ ਵਲੋ 21 ਉਮੀਦਵਾਰਾਂ ਨੂੰ ਕਰਾਫਟ ਇੰਸਟਰਕਟਰ ਦੀ ਅਸਾਮੀ ਲਈ ਨਿਯੁਕਤੀ ਪੱਤਰ ਸੋਪੇ ਗਏ।ਸ਼੍ਰੀ ਮਿੱਤਲ ਨੇ ਇਸ ਮੰੋਕੇ ਇਸ ਨਵ ਨਿਯੁਕਤ ਕਰਾਫਟ ਇੰਸਟਰਕਟਰਾਂ ਨੁੰ ਆਪਣੀ ਡਿਊਟੀ ਤਨਦੇਹੀ ਅਤੇ ਇਮਾਨਦਾਰੀ ਨਾਲ ਨਿਭਾਉਣ ਲਈ ਪ੍ਰੇਰਤ ਕਰਦਿਆ ਕਿਹਾ ਕਿ ਉਦਯੋਗਿਕ ਸਿਖਲਾਈ ਸੰਸਥਾਵਾ ਵਿਚ ਸਕਿਲ ਡਿਵੈਲਪਮੈਟ ਦੀ ਸਿੱੱਖਿਆ ਹਾਸਲ ਕਰ ਰਹੇ ਸਿਖਿਆਰਥੀ ਵਿਦਿਆਰਥੀਆਂ ਨੂੰ ਉਤਮ ਸਿੱੱਖਿਆਂ ਦਿੱਤੀ ਜਾਵੇ ਤਾਂ ਜੋ ਉਹ ਵੀ ਭਵਿੱਖ ਵਿਚ ਸਵੈ ਰੋਜਗਾਰ ਦੇ ਖੇਤਰ ਵਿੱਚ ਆਪਣੇ ਆਪ ਨੂੰ ਚੰਗੀ ਤਰ੍ਹਾ ਸਥਾਪਤ ਕਰ ਸਕਣ ਜਾ ਅਤੇ ਉਦਯੋਗਾਂ ਵਿਚ ਰੋਜਗਾਰ ਪ੍ਰਾਪਤ ਕਰਕੇ ਆਪਣਾ ਭਵਿੱਖ ਉਜਵਲ ਕਰ ਸਕਣ।
ਉਦਯੋਗ ਮੰਤਰੀ ਨੇ ਇਸ ਮੌਕੇ ਇਹ ਵੀ ਦਸਿਆ ਕਿ ਵਿਭਾਗ ਵਲੋ ਪਿਛਲੇ ਤਿੰਨ ਸਾਲਾ ਦੋਰਾਨ 33 ਸੀਨੀਅਰ ਸਹਾਇਕ, 155 ਕਰਾਫਟ ਇੰਸਟਰਕਟਰ, 113 ਸਰਵਿਸ ਪ੍ਰੋਵਾਈਡਿੰਗ ਟਰੇਨਰ ਅਤੇ 25 ਕਲਰਕਾ ਨੂੰ ਰੈਗੂਲਰ ਅਧਾਂਰ ਤੇ ਨਿਯੁਕਤੀ ਪੱਤਰ ਜਾਰੀ ਕੀਤੇ ਗਏ ਹਨ ਅਤੇ ਇੰਸਟਰਕਟਰਾਂ ਦੀਆ ਪਹਿਲਾ ਪ੍ਰਕਾਸ਼ਤ ਕੀਤੀਆ 216 ਅਸਾਮੀਆ ਵਿੱਚੋ ਖਾਲੀ ਰਹਿ ਗਈਆ 40 ਅਤੇ ਕਰਾਫਟ ਇੰਸਟਰਕਟਰਾਂ ਦੀਆ 169 ਹੋਰ ਰੈਗੂਲਰ ਅਸਾਮੀਆ ਵੀ ਜਲਦੀ ਭਰਨ ਲਈ ਇਸ਼ਤਿਹਾਰ ਦਿੱਤਾ ਜਾ ਰਿਹਾ ਹੈ । ਉਨ੍ਹਾਂ ਕਿਹਾ ਕਿ ਪੰਜਾਬ ਸਰਕਾਰ ਦੇ ਇਨ੍ਹਾ ਯਤਨਾਂ ਸਦਕਾ ਉਦਯੋਗਿਕ ਸਿਖਲਾਈ ਸੰਸਥਾਵਾ ਵਿਚ ਆਉਣ ਵਾਲੇ ਸੈਸਨ ਦੋਰਾਨ ਲਗਭਗ 4600 ਹੋਰ ਸਿਖਿਆਰਥੀ ਪਾਪੂਲਰ ਟਰੇਡਾਂ ਵਿੱਚ ਦਾਖਲਾ ਲੈ ਕੇ ਟਰੇਨਿੰਗ ਹਾਸਲ ਕਰ ਸਕਣਗੇ। ਇਸ ਮੌਕੇ ਹੋਰਨਾ ਤੋਂ ਇਲਾਵਾ ਸ੍ਰੀਮਤੀ ਦਲਜੀਤ ਕੋਰ, ਵਧੀਕ ਡਾਇਰੈਕਟਰ, ਉਦਯੋਗਿਕ ਸਿਖਲਾਈ, ਸ੍ਰੀ ਜ਼ਸਬੀਰ ਸਿੰਘ, ਉਪ ਡਾਇਰੈਕਟਰ (ਪ੍ਰਸਾਸਨ) ਅਤੇ ਸ੍ਰੀ ਹਰਪਾਲ ਸਿੰਘ ਉਪ ਡਾਇਰੈਕਟਰ (ਪ੍ਰਸਾਸਨ) ਤੋ ਇਲਾਵਾ ਵਿਭਾਗ ਦੇ ਹੋਰ ਅਧਿਕਾਰੀ ਅਤੇ ਕਰਮਚਾਰੀ ਵੀ ਹਾਜਰ ਸਨ।