ਕੇਂਦਰੀ ਮੰਤਰੀ ਵੈਕੇਂਯਾ ਨਾਇਡੂ ਨੇ ਕਿਹਾ ਕਿ ਮੋਦੀ ਸਰਕਾਰ ਦੇ ਇਕ ਸਾਲ ਦੌਰਾਨ ਕੀਤੇ ਕੰਮਾਂ ਨੇ ਹੀ ਭਾਰਤ ਦਾ ਨਾਮ ਵਿਸ਼ਵ ਭਰ ਵਿਚ ਸਨਮਾਨਿਤ ਦੇਸ਼ਾਂ ਦੀ ਸੂਚੀ ਵਿਚ ਇਕ ਨੰਬਰ 'ਤੇ ਲਿਆ ਦਿੱਤਾ ਹੈ। ਅੱਜ ਇੱਥੇ ਭਾਰਤੀ ਜਨਤਾ ਪਾਰਟੀ ਦੇ ਅਨੁਸੂਚਿਤ ਜਾਤੀ ਮੋਰਚਾ ਦੀ ਰਾਸ਼ਟਰੀ ਕਾਰਜਕਰਨੀ ਦੀ ਮੀਟਿੰਗ ਵਿਚ ਪਹਿਲੇ ਦਿਨ ਵਰਕਰਾਂ ਨੂੰ ਸੰਬੋਧਨ ਕਰਦੇ ਹੋਏ ਸ਼੍ਰੀ ਨਾਇਡੂ ਨੇ ਕਿਹਾ ਕਿ ਭਾਜਪਾ ਲੋਕਤੰਤਰਿਕ ਪ੍ਰਣਾਲੀ ਦੀ ਪਾਲਣਾ ਕਰਨ ਵਾਲੀ ਪਹਿਲੀ ਸਿਆਸੀ ਪਾਰਟੀ ਹੈ, ਜਿਸ ਨੇ ਹਰ ਵਰਗ ਨੂੰ ਉਚਿਤ ਸਨਮਾਨ ਅਤੇ ਸਥਾਨ ਦੇ ਕੇ ਆਪਣੇ ਨਾਲ ਜੋੜਿਆ ਹੈ। ਉਨ੍ਹਾਂ ਕਿਹਾ ਕਿ ਮੋਦੀ ਸਰਕਾਰ ਨੇ ਵਿਕਾਸ ਨੂੰ ਹੀ ਆਪਣਾ ਮੁੱਖ ਏਜੰਡਾ ਬਣਾਇਆ ਹੋਇਆ ਹੈ, ਜਿਸ ਕਾਰਨ ਦੇਸ਼ ਵਿਚ ਕ੍ਰਾਤੀਕਾਰੀ ਬਦਲਾਵ ਆਇਆ ਹੈ।ਉਨ੍ਹਾਂ ਨੇ ਕਾਂਗਰਸ ਸਰਕਾਰ 'ਤੇ ਵਿਅੰਗ ਕਰਦੇ ਹੋਏ ਕਿਹਾ ਕਿ ਕਾਂਗਰਸ ਦੀ ਹਮੇਸ਼ਾ ਇਹ ਯੋਜਨਾ ਰਹੀ ਹੈ ਕਿ ਗਰੀਬ ਲਈ ਘੋਸ਼ਣਾ ਕਰੇ ਅਤੇ ਅਮੀਰ ਲਈ ਪੋਸ਼ਣਾ ਕਰੋ।
ਉਨ੍ਹਾਂ ਕਿਹਾ ਕਿ ਕਾਂਗਰਸ ਦੀਆਂ ਗਲਤ ਨੀਤੀਆਂ ਦੇ ਚਲਦੇ ਦੇਸ਼ ਵਿਚ 30 ਫੀਸਦੀ ਤੋਂ ਜਿਆਦਾ ਲੋਕ ਗਰੀਬੀ ਰੇਖਾ ਦੇ ਹੇਠਾਂ ਆਪਣਾ ਜੀਵਨ ਬਤੀਤ ਕਰ ਰਹੇ ਹਨ, ਜਦਕਿ 40 ਫੀਸਦੀ ਲੋਕ ਅਜੇ ਤੱਕ ਅਸਿੱਖਿਅਤ ਹਨ। ਉਨ੍ਹਾਂ ਕਿਹਾ ਕਿ ਮੋਦੀ ਸਰਕਾਰ ਨੇ ਨਿਰਧਨ ਵਰਗ ਦੇ ਲਈ ਪ੍ਰਧਾਨ ਮੰਤਰੀ ਸੁਰੱਖਿਆ ਬੀਮਾ ਯੋਜਨਾ, ਅਟਲ ਬੀਮਾ ਯੋਜਨਾ, ਸਵੱਸ਼ ਭਾਰਤ ਮਿਸ਼ਨ ਅਤੇ ਜਨ-ਧਨ ਯੋਜਨਾ ਵਰਗੀਆਂ ਸਕੀਮਾਂ ਆਦਿ ਨੂੰ ਸਫਲਤਾ ਨਾਲ ਲਿਆਕੇ ਸ ਮਾਜਿਕ ਸੁਰੱਖਿਆ ਦੇ ਖੇਤਰ ਵਿਚ ਵੱਡਾ ਕਦਮ ਉਠਾਇਆ ਹੈ। ਉਨ੍ਹਾਂ ਕਿਹਾ ਕਿ ਮੋਦੀ ਸਰਕਾਰ ਦਾ ਮੰਨਣਾ ਹੈ ਕਿ ਵਿਕਾਸ ਵਿਚ ਦਲਿਤ ਵਰਗ ਤੋਂ ਲੈ ਕੇ ਹਰ ਵਰਗ ਦੀ ਭਾਗੀਦਾਰੀ ਵਧਾਈ ਜਾਵੇ ਅਤੇ ਸਾਰਿਆਂ ਦਾ ਸਾਥ ਅਤੇ ਸਾਰਿਆਂ ਦਾ ਵਿਕਾਸ ਮੁੱਦਿਆਂ 'ਤੇ ਕੰਮ ਕੀਤਾ ਜਾਵੇ। ਉਨ੍ਹਾਂ ਪ੍ਰਧਾਨ ਮੰਤਰੀ ਮੋਦੀ ਨੂੰ ਗਰੀਬਾਂ ਦਾ ਮਸੀਹਾ ਦੱਸਦੇ ਹੋਏ ਕਿਹਾ ਕਿ ਮੋਦੀ ਸਰਕਾਰ ਨੇ ਨਿਰਧਨ ਵਰਗ ਦੇ ਉਥਾਨ ਦੇ ਲਈ ਕਈ ਯੋਜਨਾਵਾਂ ਬਣਾਈਆਂ ਹਨ।
ਉਨ੍ਹ੍ਹਾਂ ਕਿਹਾ ਕਿ ਇਹ ਮੋਦੀ ਸਰਕਾਰ ਦੀ ਕਾਰਗੁਜਾਰੀ ਦਾ ਹੀ ਨਤੀਜਾ ਹੈ ਕਿ ਬ੍ਰੀਕਸ ਬੈਂਕ ਦੀ ਪਹਿਲੀ ਪ੍ਰਧਾਨਗੀ ਭਾਰਤ ਦੇ ਖਾਤੇ ਵਿਚ ਆਈ ਹੈ। ਉਨ੍ਹਾਂ ਕਿਹਾ ਕਿ ਮੋਦੀ ਸਰਕਾਰ ਨੇ ਸੂਬਿਆਂ ਦੇ ਵਿਕਾਸ ਲਈ ਦਿੱਤੇ ਜਾਣ ਵਾਲੇ ਕੇਂਦਰੀ ਫੰਡਾਂ ਵਿਚ ਵੀ ਇਜਾਫਾ ਕੀਤਾ ਹੈ। ਇਸ ਮੌਕੇ 'ਤੇ ਸੰਬੋਧਨ ਕਰਦੇ ਹੋਏ ਕੇਂਦਰੀ ਸਮਾਜਿਕ ਨਿਆ ਮੰਤਰੀ ਸ਼੍ਰੀ ਥਾਬਰ ਚੰਦ ਗਹਿਲੋਤ ਨੇ ਕਿਹਾ ਕਿ ਭਾਜਪਾ ਨੇ ਅਨੁਸੂਚਿਤ ਜਾਤੀ ਦੇ ਲਈ ਲਾਮਿਸਾਲ ਯੋਜਨਾਵਾਂ ਬਣਾਈਆਂ ਹਨ, ਜਿਸ ਕਾਰਣ ਅਨੁਸੂਚਿਤ ਵਰਗ ਵਿਚ ਭਾਜਪਾ ਦਾ ਵਿਸ਼ਵਾਸ ਵਧਿਆ ਹੈ। ਉਨ੍ਹਾਂ ਕਿਹਾ ਕਿ ਅੰਬੇਦਕਰ ਭਵਨ ਅਤੇ ਡਾ. ਅੰਬੇਦਕਰ ਅੰਤਰ ਰਾਸ਼ਟਰੀ ਸਮਾਜਿਕ ਨਿਆ ਕੇਂਦਰ ਦਾ ਉਦਘਾਟਨ ਕਰਕੇ ਮੋਦੀ ਸਰਕਾਰ ਨੇ ਸੰਵਿਧਾਨ ਨਿਰਮਾਤਾ ਡਾ. ਅੰਬੇਦਕਰ ਜੀ ਨੂੰ ਵੱਡਾ ਸਨਮਾਨ ਦਿੱਤਾ ਹੈ, ਜਿਸ ਨਾਲ ਅਨੁਸੂਚਿਤ ਜਾਤੀ ਵਰਗ ਦਾ ਵੀ ਮਾਨ ਵਧਿਆ ਹੈ। ਸਮਾਗਮ ਵਿਚ ਹੋਰਨਾਂ ਦੇ ਇਲਾਵਾ ਨਰਾਇਣ ਸਿੰਘ ਕੇਸਰੀ, ਸੰਸਥਾਪਕ ਮੋਰਚਾ ਅਤੇ ਸਾਬਕਾ ਸਾਂਸਦ, ਕੇਂਦਰੀ ਰਾਜ ਮੰਤਰੀ ਸ਼੍ਰੀ ਵਿਜੇ ਸਾਂਪਲਾ, ਅਨੁਸੂਚਿਤ ਜਾਤੀ ਮੋਰਚਾ ਦੇ ਰਾਸ਼ਟਰੀ ਪ੍ਰਧਾਨ ਦੁਸ਼ਅੰਤ ਗੌਤਮ, ਪੰਜਾਬ ਦੇ ਪ੍ਰਧਾਨ ਦਿਲਬਾਗ ਰਾਏ, ਭਾਜਪਾ ਦੇ ਪ੍ਰਦੇਸ਼ ਪ੍ਰਧਾਨ ਕਮਲ ਸ਼ਰਮਾ, ਰਾਮਨਾਥ ਗੋਵਿੰਦ ਸਾਬਕਾ ਰਾਜਸਭਾ ਸਾਂਸਦ ਅਤੇ ਸਾਬਕਾ ਪ੍ਰਧਾਨ, ਤਰੁਣ ਚੁੱਘ ਰਾਸ਼ਟਰੀ ਸਕੱਤਰ, ਭਾਜਪਾ, ਕੌਮੀ ਬੁਲਾਰਾ ਵਿਜੈ ਸੋਨਕਰ ਸ਼ਾਸਤਰੀ, ਮੋਰਚੇ ਦੇ ਕੌਮੀ ਪ੍ਰਭਾਰੀ ਭਾਗਵਤ ਸ਼ਰਣ, ਸਾਂਸਦ ਵਰਿੰਦਰ ਕਸ਼ਯਪ, ਸਾਂਸਦ ਅਰਜੂਨ ਰਾਮ, ਅਨੀਤਾ ਆਰਿਆ, ਮੰਤਰੀ ਲਾਲ ਸਿੰਘ, ਕਿਸ਼ਨ ਪਾਲ ਕੈਂਥ, ਕੌਮੀ ਦਫਤਰ ਸਕੱਤਰ ਭਾਜਪਾ, ਰਾਕੇਸ਼ ਰਾਠੌਰ, ਸੰਗਠਨ ਸਕੱਤਰ ਅਜੈ ਜਮਵਾਲ, ਪੰਜਾਬ ਦੇ ਮੁੱਖਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੇ ਰਾਜਨੀਤਿਕ ਸਲਾਹਕਾਰ ਤੀਕਸ਼ਣ ਸੂਦ, ਪੰਜਾਬ ਸਰਕਾਰ ਦੇ ਸਹਾਇਕ ਮੀਡੀਆ ਸਲਾਹਕਾਰ ਵਿਨੀਤ ਜੋਸ਼ੀ, ਮੁੱਖ ਸੰਸਦੀ ਸਕੱਤਰ ਸੋਮਪ੍ਰਕਾਸ਼, ਵਿਧਾਇਕ ਕੇ.ਡੀ. ਭੰਡਾਰੀ, ਮੇਅਰ ਸੁਨੀਲ ਜਯੋਤੀ, ਮੇਅਰ ਸ਼ਿਵ ਸੂਦ, ਸਾਬਕਾ ਮੰਤਰੀ ਅਤੇ ਮੌਜੂਦਾ ਵਿਧਾਇਕ ਮਨੋਰੰਜਨ ਕਾਲੀਆ, ਪ੍ਰਦੇਸ਼ ਮੀਡੀਆ ਸਹਿ-ਸੰਯੋਜਕ ਸੁਨੀਲ ਸਿੰਗਲਾ, ਸਹਿ-ਸੰਯੋਜਕ ਵਿਕਰਾਂਤ ਸ਼ਰਮਾ, ਭਗਤ ਮਨੋਹਰ ਲਾਲ, ਮੀਡੀਆ ਪ੍ਰਭਾਰੀ ਆਦਿ ਸ਼ਾਮਲ ਸਨ।ਪੰਜਾਬ ਸਰਕਾਰ ਦੇ ਸਹਾਇਕ ਮੀਡੀਆ ਸਲਾਹਕਾਰ ਵਿਨੀਤ ਜੋਸ਼ੀ ਆਦਿ ਵੀ ਹਾਜ਼ਰ ਸਨ।