ਪੰਚਾਇਤ ਯੂਨੀਅਨ ਪੰਜਾਬ ਦੇ ਪ੍ਰਧਾਨ ਹਰਿਮੰਦਰ ਸਿੰਘ ਮਾਵੀ ਨੇ ਕਿਹਾ ਕਿ ਵਿਰੋਧੀ ਪਾਰਟੀਆਂ ਵਲੋਂ ਸ਼ਹਿਰ, ਹਲਕੇ ਵਿਚ ਕੀਤੀਆਂ ਜਾ ਰਹੀਆਂ ਰੈਲੀਆਂ ਫਲਾਪ ਹੋ ਕੇ ਰਹਿ ਗਈਆਂ ਹਨ ਤੇ ਉਹ ਉਨ੍ਹਾਂ ਆਗੂਆਂ ਨੂੰ ਚਾਹੀਦਾ ਹੈ ਕਿ ਉਹ ਮੋਰਚੇ ਦੀ ਹਮਾਇਤ ਕਰਕੇ ਖਰੜ ਦੇ ਜੰਮਪਾਲ ਕਮਲ ਕਿਸੋਰ ਸ਼ਰਮਾ ਨੂੰ ਪੰਜਾਬ ਵਿਧਾਨ ਸਭਾ ਵਿਚ ਭੇਜਣ। ਉਨ੍ਹਾਂ ਖਰੜ ਸ਼ਹਿਰ ਵਿਚ ਮੋਰਚੇ ਦੇ ਉਮੀਦਵਾਰ ਕਮਲ ਕਿਸੋਰ ਸ਼ਰਮਾ ਦੇ ਹੱਕ ਵਿਚ ਬਾਬਾ ਧਿਆਨ ਦਾਸ ਮੰਦਰ, ਕਪੂਰ ਚੌਕ, ਮੁਹੱਲਾ ਤਰਖਾਣਾਂ, ਸੈਣੀਆਂ ਧਰਮਸ਼ਾਲਾ, ਬਡਾਲਾ ਰੋਡ ਗੁਰੂ ਨਾਨਕ ਕਲੋਨੀ, ਨੇੜੇ ਸਿਨੇਮਾ ਖਰੜ, ਗੋਬਿੰਦ ਕਲੋਨੀ, ਰੰਧਾਵਾ ਰੋਡ, ਰਣਜੀਤ ਨਗਰ ਵਿਖੇ ਵੱਡੀਆਂ ਚੋਣ ਮੀਟਿੰਗਾਂ ਨੂੰ ਸੰਬੋਧਨ ਕੀਤਾ। ਜੈ ਭਗਵਾਨ ਸਿੰਗਲਾ ਜੂਨੀਅਰ ਮੀਤ ਪ੍ਰਧਾਨ ਨਗਰ ਕੌਸਲ ਖਰੜ , ਰੋਸ਼ਨ ਲਾਲ ਗੋਇਲ ਨੇ ਕਿਹਾ ਕਿ ਸਿਆਸੀ ਆਗੂ ਖਰੜ ਸ਼ਹਿਰ ਨੂੰ ਕਦੇ ਪੈਰਿਸ, ਕਦੇ ਕੈਲਫੋਰਨੀਆਂ ਦੀਆਂ ਗੱਲ ਕਰਦੇ ਰਹੇ ਪਰ ਇਹ ਸ਼ਹਿਰ ਅੱਜ ਨਰਕ ਬਣ ਚੁੱਕਿਆ ਹੈ, ਭਾਵੇ ਸ਼ਹਿਰ ਦੇ ਆਲੇ ਦੁਆਲੇ ਕਲੋਨੀਆਂ ਦਾ ਵਿਸਥਾਰ ਹੋਇਆ ਪਰ ਪੁਰਾਣੇ ਸ਼ਹਿਰ ਵੱਲ ਕਿਸੇ ਨੇ ਕੋਈ ਧਿਆਨ ਨਹੀਂ ਦਿੱਤਾ। ਉਨ੍ਹਾਂ ਕਿਹਾ ਕਿ ਸਿਆਸੀ ਆਗੂਆਂ ਲਈ ਇਹ ਹਲਕਾ ਗਿਰਵੀ ਨਹੀਂ ਹੈ ਅਤੇ ਵੋਟਰ ਐਤਕੀ ਖਰੜ ਮੋਰਚੇ ਦੇ ਉਮੀਦਵਾਰ ਸ੍ਰੀ ਸ਼ਰਮਾ ਨੂੰ ਪੰਜਾਬ ਵਿਧਾਨ ਸਭਾ ਵਿਚ ਭੇਜ ਕੇ ਹੀ ਪਿਛੇ ਮੁੜਨਗੇ। ਇਸ ਮੌਕੇ ਸ੍ਰੀ ਜਵਾਹਰ ਲਾਲ ਸ਼ਰਮਾ, ਮਨਜੀਤ ਸਿੰਘ ਬੈਦਵਾਣ, ਹੀਮੇਂਦਰ ਕੌਸ਼ਿਕ, ਰਣਜੀਤ ਸਿੰਘ ਠੇਕੇਦਾਰ, ਹਰਪ੍ਰੀਤ ਸਿੰਘ ਰਾਜੂ ਦੇਸਾਮਜਰਾ , ਹਰਵਿੰਦਰ ਸਿੰਘ ਸੋਢੀ, ਆਦਿ ਸਮੇਤ ਹੋਰ ਆਗੂ ਵੀ ਹਾਜ਼ਰ ਸਨ।