ਜਿਹੜੇ ਸਿਆਸੀ ਪਾਰਟੀਆਂ ਦੇ ਆਗੂ, ਉਮੀਦਵਾਰ ਖਰੜ ਸ਼ਹਿਰ ਬਾਰੇ ਵਿਕਾਸ ਨੂੰ ਖੁਸ਼ਹਾਲ ਬਣਾਉਣ, ਵਿਕਾਸ ਦੇ ਦਾਅਵੇ ਕਰਦੇ ਹਨ, ਉਨ੍ਹਾਂ ਦੇ ਝੂਠੇ ਵਾਇਦਿਆਂ ਦਾ ਪਰਦਾ ਪਾਸ਼ ਜਲਦੀ ਹੀ ਜਨਤਾ ਦੇ ਸਾਹਮਣ ਕਰ ਦਿੱਤਾ ਜਾਵੇਗਾ ਕਿਉਕਿ ਇਨ੍ਹਾਂ ਵੋਟਰ ਪੁੱਛ ਰਹੇ ਹਨ ਕਿ ਤੁਸੀਂ ਖਰੜ ਸ਼ਹਿਰ ਦਾ ਕੀ ਵਿਕਾਸ ਕੀਤਾ ਹੈ। ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਮੁਕਤੀ ਮੋਰਚਾ ਖਰੜ ਦੇ ਉਮੀਦਵਾਰ ਕਮਲ ਕਿਸੋਰ ਸ਼ਰਮਾ ਨੇ ਖਰੜ ਸ਼ਹਿਰ ਦੇ ਵੱਖ ਵੱਖ ਮੁਹੱਲਿਆਂ ਵਿਚ ਵੱਡੀਆਂ ਜਨ ਸਮੂਹ ਮੀਟਿੰਗਾਂ ਨੂੰ ਸੰਬੋਧਨ ਕਰਦਿਆ ਕੀਤਾ। ਉਨ੍ਹਾਂ ਅੱਜ ਦੇਸੂਮਾਜਰਾ, ਛੱਜੂਮਾਜਰਾ ਕਲੋਨੀ, ਸਵਰਾਜ ਨਗਰ, ਸੰਤੇਮਾਜਰਾ ਕਲੋਨੀ, ਗੁੱਗਾ ਮਾੜੀ , ਜਨਤਾ ਨਗਰ, ਦਸਮੇਸ਼ ਨਗਰ, ਫਰੈਡਜ਼ ਇਨਕਲੇਵ, ਮੁੰਡੀ ਖਰੜ, ਜਨਤਾ ਚੌਕ ਸਮੇਤ ਹੋਰ ਇੱਕ ਦਰਜਨ ਥਾਵਾਂ ਤੇ ਵੱਡੀਆਂ ਚੋਣ ਮੀਟਿੰਗਾਂ ਨੂੰ ਸੰਬੋਧਨ ਕਰਦਿਆ ਕੀਤਾ।
ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਪੈਸੇ ਲੈਣ ਦੇ ਲਗਾਏ ਰਹੇ ਦੋਸ਼ ਵੀ ਜਲਦੀ ਹੀ ਜਨਤਾ ਦੇ ਸਾਹਮਣੇ ਆਉਣਗੇ ਕਿ ਕੌਣ ਝੂਠ ਬੋਲ ਰਿਹਾ ਹੈ। ਪੰਚਾਇਤ ਯੂਨੀਅਨ ਦੇ ਪ੍ਰਧਾਨ ਹਰਮਿੰਦਰ ਸਿੰਘ ਮਾਵੀ, ਰੋਸ਼ਨ ਲਾਲ ਗੋਇਲ ਆਦਿ ਸਮੇਤ ਹੋਰ ਬੁਲਾਰਿਆਂ ਨੇ ਕਿਹਾ ਕਿ ਵਿਰੋਧੀਆਂ ਪਾਰਟੀਆਂ ਵਲੋਂ ਕੀਤੀਆਂ ਜਾ ਰਹੀਆਂ ਰੈਲੀਆਂ ਫਲਾਪ ਸ਼ੋਅ ਬਣ ਕੇ ਰਹਿ ਗਈਆਂ ਹਨ ਤੇ ਮੋਰਚੇ ਦੀਆਂ ਮੀਟਿੰਗਾਂ ਵਿਚ ਵੋਟਰ ਆਪ ਹੁੰਮ ਹੁੰਮਾ ਕੇ ਪੁੱਜ ਰਹੇ ਹਨ। ਇਨ੍ਹਾਂ ਆਗੂਆਂ ਨੇ ਕਿਹਾ ਕਿ ਖਰੜ ਹਲਕੇ ਵਿਚ ਮੋਰਚੇ ਦੀ ਵੱਧ ਰਹੀ ਚੜ੍ਹਾਈ ਕਾਰਨ ਵਿਰੋਧੀਆਂ ਪਾਰਟੀਆਂ ਦੇ ਆਗੂ ਬੁਖਲਾਹਟ ਵਿਚ ਆ ਗਏ ਹਨ ਅਤੇ ਉਹ ਤਰ੍ਹਾਂ ਤਰਾਂ ਦੀ ਅਫਵਾਹਾਂ ਫੈਲਾ ਕੇ ਵੋਟਰਾਂ ਨੂੰ ਗੁੰਮਰਾਹ ਹਨ। ਉਨ੍ਹਾਂ ਵੋਟਰਾਂ ਨੂੰ ਸੱਦਾ ਦਿੱਤਾ ਕਿ ਝੂਠ ਦਾ ਪ੍ਰਚਾਰ ਕਰਨ ਵਾਲੇ ਆਗੂਆਂ ਨੂੰ ਮੂੰਹ ਨਾ ਲਾਓ। ਇਸ ਮੌਕੇ ਗੁਰਮੁੱਖ ਸਿੰਘ, ਆਸ਼ੂ, ਪਰਦੀਪ ਬਖਸ਼ੀ, ਅਮਿੰਤਪਾਲ ਸਿੰਘ, ਰਣਜੀਤ ਸਿੰਘ ਠੇਕੇਦਾਰ ਮੁੰਡੀ ਖਰੜ, ਹਰਪ੍ਰੀਤ ਸਿੰਘ ਰਾਜੂ, ਤਰਲੋਕ ਆਨੰਦ ਆਦਿ ਸਮੇਤ ਵੱਖ ਵੱਖ ਕਲੋਨੀਆਂ, ਮੁਹੱਲਿਆਂ ਦੇ ਨਿਵਾਸੀ ਹਾਜ਼ਰ ਸਨ।