ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਦੀ ਅਗਵਾਈ ਹੇਠ ਅੱਜ ਚੰਡੀਗੜ੍ਹ ਵਿੱਚ ਸ਼ਹਿਰੀ ਸਥਾਨਕ ਵਿਭਾਗ ਦੀ ਹਾਈ ਪਾਵਰਡ ਵਰਕਸ ਕਮੇਟੀ ਦੀ ਮੀਟਿੰਗ ਆਯੋਜਿਤ ਕੀਤੀ ਗਈ। ਮੀਟਿੰਗ ਵਿੱਚ ਸੂਬੇ ਦੇ ਵੱਖ-ਵੱਖ ਨਗਰ ਨਿਗਮਾਂ ਨਾਲ ਜੁੜੇ ਸਵੱਛਤਾ ਅਤੇ ਠੋਸ ਕੂੜਾ ਪ੍ਰਬੰਧਨ ਨਾਲ ਸਬੰਧਿਤ ਕੰਮਾਂ ਦੇ ਟੈਂਡਰ ਰੇਟਸ ਨੂੰ ਮੰਜੂਰੀ ਪ੍ਰਦਾਨ ਕੀਤੀ ਗਈ।
ਮੀਟਿੰਗ ਵਿੱਚ ਮੰਜੂਰ ਕੀਤੇ ਗਏ ਵੱਖ-ਵੱਖ ਕੰਮਾਂ ਦੇ ਟੈਂਡਰਾਂ ਦੀ ਕੁੱਲ ਲਾਗਤ ਲਗਭਗ 90 ਕਰੋੜ 66 ਲੱਖ ਰੁਪਏ ਹੈ। ਟੇਂਡਰ ਪ੍ਰਕ੍ਰਿਆ ਦੌਰਾਨ ਕੀਤੀ ਗਈ ਨੇਗੋਸਇਏਸ਼ਨ ਰਾਹੀਂ ਲਗਭਗ 4 ਕਰੋੜ 17 ਲੱਖ ਰੁਪਏ ਦੀ ਬਚੱਤ ਯਕੀਨੀ ਕੀਤੀ ਗਈ ਹੈ। ਮੀਟਿੰਗ ਵਿੱਚ ਹਰਿਆਣਾ ਦੇ ਸ਼ਹਿਰੀ ਸਥਾਨਕ ਸਰਕਾਰ ਮੰਤਰੀ ਸ੍ਰੀ ਵਿਪੁਲ ਗੋਇਲ ਅਤੇ ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਮੰਤਰੀ ਸ੍ਰੀ ਸ਼ਿਆਮ ਸਿੰਘ ਰਾਣਾ ਮੌਜੂਦ ਰਹੇ।
ਮੀਅਿੰਗ ਦੌਰਾਨ ਨਗਰ ਪਰਿਸ਼ਦ ਗੋਹਾਨਾ ਵਿੱਚ ਡੋਰ-ਟੂ-ਡੋਰ ਕੂੜਾ ਇੱਕਠਾ ਕਰਨ, ਕੂੜੇ ਦੇ ਵੱਖ ਕਰਨਾ ਅਤੇ ਪ੍ਰੋਸੈਸਿੰਗ ਸਾਇਟ ਤੱਕ ਟ੍ਰਾਂਸਪੋਰਟ, ਨਗਰ ਪਰਿਸ਼ਦ ਪਲਵਲ ਵਿੱਚ ਨਗਰ ਠੋਸ ਕੂੜੇ ਦੇ ਪ੍ਰੋਸੈਸਿੰਗ ਕੰਮ, ਨਗਰ ਨਿਗਮ ਕਰਨਾਲ ਵਿੱਚ ਪੁਰਾਣੇ (ਲੀਗੇਸੀ) ਕੂੜੇ ਦੇ ਬਾਇਓ-ਰਿਮੇਡਇਏਸ਼ਨ, ਨਗਰ ਨਿਗਮ ਹਿਸਾਰ ਦੇ ਐਚਐਸਵੀਪੀ ਸੈਕਟਰਾਂ ਵਿੱਚ ਸੜਕ ਸਫਾਈ ਅਤੇ ਨਗਰ ਨਿਗਮ ਹਿਸਾਰ ਖੇਤਰ ਵਿੱਚ ਸੜਕਾਂ ਦੀ ਮਸ਼ੀਨੀਕ੍ਰਿਤ ਅਤੇ ਮੈਨੁਅਲ ਸਫਾਈ ਨਾਲ ਸਬੰਧਿਤ ਕੰਮਾਂ ਲਈ ਟੈਂਡਰ ਰੇਟਸ ਨੂੰ ਮੰਜੂਰੀ ਦਿੱਤੀ ਗਈ।
ਇਸ ਤੋਂ ਇਲਾਵਾ, ਨਗਰ ਪਰਿਸ਼ਦ ਪਲਵਲ ਵਿੱਚ ਡੋਰ-ਟੂ-ਡੋਰ ਕੂੜਾ ਇਕੱਠਾ ਕਰਨਾ, ਵੱਖ ਕਰਨਾ ਅਤੇ ਪ੍ਰੋਸੈਸਿੰਗ ਸਾਇਟ ਤੱਕ ਟ੍ਰਾਂਸਪੋਰਟ ਨਾਲ ਜੁੜੇ ਕੰਮਾਂ ਨੂੰ ਵੀ ਮੰਜੂਰੀ ਪ੍ਰਦਾਨ ਕੀਤੀ ਗਈ। ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਅਧਿਕਾਰੀਆਂ ਨੂੰ ਰਿਨੇਦਸ਼ ਦਿੱਤੇ ਕਿ ਜਿਨ੍ਹਾਂ ਕੰਮਾਂ ਦੇ ਟੈਂਡਰ ਮੰਜੂਰ ਕੀਤੇ ਗਏ ਹਨ, ਉਨ੍ਹਾਂ ਨੂੰ ਨਿਰਧਾਰਿਤ ਮਾਨਕਾਂ ਅਤੇ ਟੈਂਡਰ ਵਿੱਚ ਦਿੱਤੀ ਗਈ ਸਾਰੀ ਤਕਨੀਕੀ ਸਪੈਸੀਫਿਕੇਸ਼ਨਸ ਦੇ ਅਨੁਰੂਪ ਪੂਰੀ ਗੁਣਵੱਤਾ ਦੇ ਨਾਲ ਲਾਗੂ ਕੀਤਾ ਜਾਵੇ।
ਉਨ੍ਹਾਂ ਨੇ ਕਿਹਾ ਕਿ ਸਬੰਧਿਤ ਏਜੰਸੀਆਂ ਅਤੇ ਕੰਟਰੈਕਟਰ ਤੈਅ ਨਿਯਮਾਂ ਅਨੁਸਾਰ ਕੰਮ ਕਰਨ, ਤਾਂ ਜੋ ਸ਼ਹਿਰਾਂ ਵਿੱਚ ਸਵੱਛਤਾ ਵਿਵਸਥਾ ਨੂੰ ਹੋਰ ਵੱਧ ਮਜਬੂਤ ਬਣਾਇਆ ਜਾ ਸਕੇ। ਮੁੱਖ ਮੰਤਰੀ ਨੇ ਸਪਸ਼ਟ ਕੀਤਾ ਕਿ ਸਵੱਛਤਾ ਅਤੇ ਠੋਸ ਕੂੜਾ ਪ੍ਰਬੰਧਨ ਨਾਲ ਜੁੜੇ ਕੰਮਾਂ ਦੀ ਨਿਯਮਤ ਨਿਗਰਾਨੀ ਕੀਤੀ ਜਾਵੇਗੀ ਅਤੇ ਕੰਮਾਂ ਦੇ ਆਧਾਰ 'ਤੇ ਕੰਟਰੈਕਟਰਾਂ ਦੀ ਗ੍ਰੇਡਿੰਗ ਵੀ ਤਿਆਰ ਕੀਤੀ ਜਾਵੇਗੀ।
ਜੋ ਏਜੰਸੀਆਂ ਬਿਹਤਰ ਕੰਮ ਕਰਣਗੀਆਂ ਉਨ੍ਹਾਂ ਨੂੰ ਪ੍ਰੋਤਸਾਹਿਤ ਕੀਤਾ ਜਾਵੇਗਾ, ਜਦੋਂ ਕਿ ਨਿਰਧਾਰਿਤ ਮਾਨਕਾਂ ਦੇ ਅਨੁਰੂਪ ਕੰਮ ਨਾ ਕਰਨ 'ਤੇ ਸਬੰਧਿਤ ਕੰਟਰੈਕਟਰਾਂ ਦੇ ਵਿਰੁੱਧ ਸਖਤ ਕਾਰਵਾਈ ਵੀ ਯਕੀਨੀ ਕੀਤੀ ਜਾਵੇਗੀ।