ਪੰਜਾਬ ਇੰਜੀਨਿਅਰਿੰਗ ਕਾੱਲੇਜ (ਡੀਮਡ ਟੁ ਬੀ ਯੂਨੀਵਰਸਿਟੀ), ਚੰਡੀਗੜ੍ਹ ਵੱਲੋਂ ਗਲੋਬਲ ਐਲੂਮਨੀ ਮੀਟ 2026 ਦਾ ਸਫ਼ਲ ਆਯੋਜਨ ਕੀਤਾ ਗਿਆ, ਜਿਸ ਵਿੱਚ ਦੇਸ਼-ਵਿਦੇਸ਼ ਤੋਂ ਆਏ ਪ੍ਰਸਿੱਧ ਪੁਰਾਣੇ ਵਿਦਿਆਰਥੀ, ਪ੍ਰਸ਼ਾਸਕ, ਉਦਯੋਗ ਜਗਤ ਦੇ ਅਗੇਵਾਨ, ਅਧਿਆਪਕ ਅਤੇ ਵਿਦਿਆਰਥੀ ਸ਼ਾਮਲ ਹੋਏ। ਇਹ ਸਮਾਗਮ ਪੇਕ ਦੀ ਸ਼ਾਨਦਾਰ ਵਿਰਾਸਤ, ਉਤਕ੍ਰਿਸ਼ਟਤਾ ਅਤੇ ਜੀਵਨ ਭਰ ਦੇ ਨਾਤੇ ਦਾ ਪ੍ਰਤੀਕ ਬਣਿਆ।
ਸਮਾਗਮ ਦੀ ਅਧਿਆਕਸ਼ਤਾ ਪ੍ਰੋ ਰਾਜੇਸ਼ ਕੁਮਾਰ ਭਾਟੀਆ, ਡਾਇਰੈਕਟਰ, ਪੇਕ ਨੇ ਕੀਤੀ। ਮੁੱਖ ਮਹਿਮਾਨ ਇੰਜੀਨਿਅਰ ਜਿਤਿਨ ਤਲਵਾਰ ਸਨ, ਜੋ ਪ੍ਰਸਿੱਧ ਲੀਗਲ ਟੈਕ ਉਦਯੋਗਪਤੀ ਅਤੇ ਟੀਟੀਸੀ ਗਰੁੱਪ ਅਤੇ ਐਕ੍ਸਐਲ ਸਕਾਉਟਸ ਦੇ ਸੰਸਥਾਪਕ ਹਨ (ਮਕੈਨੀਕਲ ਇੰਜੀਨੀਅਰਿੰਗ, ਬੈਚ 2001)।
ਇਹ ਸਮਾਗਮ ਪੰਜਾਬ ਇੰਜੀਨਿਅਰਿੰਗ ਕਾਲਜ ਓਲ੍ਡ ਸਟੂਡੈਂਟਸ ਐਸੋਸਿਏਸ਼ਨ ਵੱਲੋਂ ਆਯੋਜਿਤ ਕੀਤਾ ਗਿਆ, ਜਿਸਦੀ ਅਗਵਾਈ ਐਰ. ਮਨੀਸ਼ ਗੁਪਤਾ (ਪ੍ਰਧਾਨ), ਐਰ. ਐਚ.ਐਸ. ਓਬਰਾਏ (ਜਨਰਲ ਸਕੱਤਰ) ਅਤੇ ਐਰ. ਜੋਰਾਵਰ ਸਿੰਘ (ਖ਼ਜ਼ਾਨਚੀ) ਨੇ ਕੀਤੀ। Talwar Advocates, ਟੀਟੀ ਕੰਸਲਟੈਂਟਸ, OMAXE, Finvasia, ਐਕ੍ਸਐਲ ਸਕਾਉਟਸ, Usha Yarns, ਟੀਟੀਸੀ ਗਰੁੱਪ, MT Autocraft, Goodspace, AXIS (Tools for Micro Machining), IDS (Enabling Success) ਅਤੇ Prabha Electronics ਵੱਲੋਂ ਦਿੱਤੇ ਗਏ ਸਹਿਯੋਗ ਨਾਲ ਇਹ ਸਮਾਗਮ ਬੇਹੱਦ ਸਫ਼ਲ ਰਿਹਾ।
ਸਮਾਗਮ ਦੀ ਸ਼ੁਰੂਆਤ ਦੀਪ ਪ੍ਰਜ੍ਵਲਨ ਨਾਲ ਹੋਈ। ਇਸ ਮੌਕੇ ‘ਤੇ ਡਾਇਰੈਕਟਰ ਡਾ. ਰਾਜੇਸ਼ ਕੁਮਾਰ ਭਾਟੀਆ ਅਤੇ ਮੁੱਖ ਮਹਿਮਾਨ ਇੰਜੀਨਿਅਰ ਜਤਿਨ ਤਲਵਾਰ ਦੇ ਨਾਲ ਇੰਜੀਨਿਅਰ ਮਨੀਸ਼ ਗੁਪਤਾ, ਐਰ. ਐਚ.ਐਸ. ਓਬਰਾਏ, ਪ੍ਰੋ. ਰਾਜੇਸ਼ ਕੰਡਾ (ਹੈੱਡ, ਐਲੂਮਨੀ ਰਿਲੇਸ਼ਨਜ਼),ਇੰਜੀਨਿਅਰ ਸੰਜੀਵ ਭਾਵਨਾਨੀ, ਇੰਜੀਨਿਅਰ ਸਰਵਜੀਤ ਸਿੰਘ ਵੀਰਕ, ਡਾ. ਜਿੰਮੀ ਕਰਲੂਪੀਆ ਸਮੇਤ ਹੋਰ ਮਾਣਯੋਗ ਮਹਿਮਾਨ ਹਾਜ਼ਰ ਸਨ। ਆਪਣੇ ਸਵਾਗਤੀ ਭਾਸ਼ਣ ਵਿੱਚ ਐਰ. ਮਨੀਸ਼ ਗੁਪਤਾ ਨੇ ਐਲੂਮਨੀ ਮੀਟ ਨੂੰ ਪੀੜ੍ਹੀਆਂ ਨੂੰ ਜੋੜਨ ਵਾਲਾ ਉਤਸਵ ਦੱਸਿਆ।
ਉਨ੍ਹਾਂ ਪੀਕੋਸਾ ਦੇ ਵਿਸ਼ਵ ਪੱਧਰੀ ਵਿਸਥਾਰ, **pecosa.in** ਪਲੇਟਫਾਰਮ ਰਾਹੀਂ 15,000 ਤੋਂ ਵੱਧ ਮੈਂਬਰਾਂ ਦੀ ਸਾਂਝ ਅਤੇ ਹਰ ਸਾਲ 100 ਤੋਂ ਵੱਧ ਸਕਾਲਰਸ਼ਿਪਾਂ ਦੀ ਜਾਣਕਾਰੀ ਸਾਂਝੀ ਕੀਤੀ। ਇਸ ਮੌਕੇ ਟੀਟੀ ਸੀ ਗਰੁੱਪ ਨਾਲ ਏਆਈ ਅਤੇ ਨਵੀਨਤਾ ਨੂੰ ਉਤਸ਼ਾਹਿਤ ਕਰਨ ਲਈ ਐਮਓਯੂ ਸਾਈਨ ਕਰਨ ਦੀ ਘੋਸ਼ਣਾ ਵੀ ਕੀਤੀ ਗਈ।
ਐਰ. ਐਚ.ਐਸ. ਓਬਰਾਏ ਨੇ ਪੀਈਸੀ ਨਾਲ ਜੀਵਨ ਭਰ ਦੇ ਰਿਸ਼ਤੇ ਨੂੰ ਉਭਾਰਿਆ। ਪ੍ਰੋ. ਰਾਜੇਸ਼ ਕੰਡਾ ਨੇ ਪਾਵਰਗ੍ਰਿਡ ਕਾਰਪੋਰੇਸ਼ਨ ਆਫ਼ ਇੰਡੀਆ ਲਿਮਿਟਿਡ, ਸੈਂਟਰਲ ਯੂਪੀ ਗੈਸ ਲਿਮਿਟਿਡ ਅਤੇ ਇੰਡੀਅਨ ਆਇਲ ਕਾਰਪੋਰੇਸ਼ਨ ਲਿਮਿਟਿਡ ਨਾਲ ਕੀਤੇ ਗਏ ਐਮਓਯੂ ਸਮੇਤ ਪ੍ਰਮੁੱਖ ਉਪਲਬਧੀਆਂ ਬਾਰੇ ਦੱਸਿਆ।
ਡਾਇਰੈਕਟਰ ਡਾ. ਰਾਜੇਸ਼ ਕੁਮਾਰ ਭਾਟੀਆ ਨੇ ਐਲੂਮਨੀ ਦੇ ਯੋਗਦਾਨ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ ਕਿ ਆਰਟੀਫ਼ੀਸ਼ਲ ਇੰਟੈਲੀਜੈਂਸ ਅਤੇ ਸੈਮੀਕੰਡਕਟਰ ਵਰਗੇ ਉਭਰਦੇ ਖੇਤਰਾਂ ਵਿੱਚ ਪੀਈਸੀ ਨੂੰ ਅਗੇ ਲਿਜਾਣਾ ਸਾਰਿਆਂ ਦੀ ਸਾਂਝੀ ਜ਼ਿੰਮੇਵਾਰੀ ਹੈ। ਮੁੱਖ ਮਹਿਮਾਨ ਇੰਜੀਨਿਅਰ ਜਤਿਨ ਤਲਵਾਰ ਨੇ ਪੀਈਸੀ ਤੋਂ ਸ਼ੁਰੂ ਹੋ ਕੇ ਗਲੋਬਲ ਏਆਈ ਆਧਾਰਿਤ ਉਦਯੋਗ ਖੜ੍ਹਾ ਕਰਨ ਤੱਕ ਦੀ ਆਪਣੀ ਯਾਤਰਾ ਸਾਂਝੀ ਕੀਤੀ ਅਤੇ ਵਿਦਿਆਰਥੀਆਂ ਨੂੰ ਨਵੀਨਤਾ ਅਤੇ ਜ਼ਿੰਮੇਵਾਰ ਏਆਈ ਵੱਲ ਪ੍ਰੇਰਿਤ ਕੀਤਾ।
ਸਮਾਗਮ ਦਾ ਮੁੱਖ ਆਕਰਸ਼ਣ ਪੀਈਸੀ ਅਤੇ ਟੀਟੀਸੀ ਗਰੁੱਪ ਦਰਮਿਆਨ ਹੋਇਆ ਐਮਓਯੂ ਰਿਹਾ, ਜਿਸ ਅਧੀਨ ਐਕ੍ਸਐਲ ਸਕਾਉਟਸ ਅਗਲੇ 3–4 ਸਾਲਾਂ ਵਿੱਚ ਪੀਈਸੀ ਦੇ 50 ਵਿਦਿਆਰਥੀਆਂ ਨੂੰ ਨੌਕਰੀ ਦੇਣ ਦਾ ਉਦੇਸ਼ ਰੱਖਦਾ ਹੈ। ਬੈਚ 1991 ਵੱਲੋਂ ਐਲੂਮਨੀ, ਕਾਰਪੋਰੇਟ ਅਤੇ ਅੰਤਰਰਾਸ਼ਟਰੀ ਸੰਬੰਧ ਦਫ਼ਤਰ ਰਾਹੀਂ ਚਾਰ ਈ-ਵਾਹਨ ਅਤੇ ਇੱਕ ਵ੍ਹੀਲਚੇਅਰ ਦਾਨ ਕੀਤੀ ਗਈ, ਜਿਸ ਦੀ ਕੁੱਲ ਲਾਗਤ ₹ 11 lakh plus ਰਹੀ।
ਸੰਸਕ੍ਰਿਤਿਕ ਕਾਰਜਕ੍ਰਮਾਂ, ਨੈੱਟਵਰਕਿੰਗ ਸੈਸ਼ਨਾਂ ਅਤੇ ਮਿਲਣ-ਮਿਲਾਪ ਨਾਲ ਭਰਪੂਰ ਇਹ ਸਮਾਗਮ 1956 ਤੋਂ 2021 ਤੱਕ ਦੇ ਮਾਇਲਸਟੋਨ ਬੈਚਾਂ ਦੇ ਸਨਮਾਨ ਨਾਲ ਯਾਦਗਾਰ ਬਣਿਆ। ਗਲੋਬਲ ਐਲੂਮਨੀ ਮੀਟ 2026 ਨੇ ਪੀਈਸੀ ਦੀ ਮਜ਼ਬੂਤ ਐਲੂਮਨੀ ਨੈੱਟਵਰਕ ਅਤੇ ਉਤਕ੍ਰਿਸ਼ਟਤਾ, ਨਵੀਨਤਾ ਅਤੇ ਰਾਸ਼ਟਰ ਨਿਰਮਾਣ ਪ੍ਰਤੀ ਵਚਨਬੱਧਤਾ ਨੂੰ ਹੋਰ ਮਜ਼ਬੂਤ ਕੀਤਾ।