ਭਾਰਤ ਸਰਕਾਰ ਦੇ ਸੈਰ-ਸਪਾਟੇ ਮੰਤਰਾਲੇ ਦੇ ਸਕੱਤਰ ਡਾ. ਸ੍ਰੀਵਤਸ ਕ੍ਰਿਸ਼ਣ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਦੇ ਵਿਜਨ ਦੇ ਅਨੁਸਾਰ ਦਸਤਕਾਰਾਂ ਦੇ ਹੁਨਰ ਨੂੰ ਵੈਸ਼ਵਿਕ ਪੱਧਰ 'ਤੇ ਲੈ ਜਾਉਣ ਲਈ ਸੂਰਜਕੁੰਡ ਮੇਲੇ ਦਾ ਇੱਕ ਆਨਲਾਇਨ ਪਲੇਟਫਾਰਮ ਤਿਆਰ ਕੀਤਾ ਜਾਵੇਗਾ। ਇਸ ਰਾਹੀਂ ਕਾਰੀਗਰ ਹੁਣ ਸਿਰਫ ਮੇਲੇ ਦੌਰਾਨ ਹੀ ਨਹੀਂ ਸਗੋਂ ਪੂਰੇ ਸਾਲ ਆਪਣਾ ਹਸਤਨਿਰਮਿਤ ਸਾਮਾਨ ਦੁਨਿਆਭਰ ਵਿੱਚ ਵੇਚ ਸਕਣਗੇ।
ਸੈਰ-ਸਪਾਟੇ ਮੰਤਰਾਲੇ ਦੇ ਸਕੱਤਰ ਡਾ. ਸ੍ਰੀਵਤਸ ਕ੍ਰਿਸ਼ਣ ਸ਼ਨਿਵਾਰ ਨੂੰ ਸੂਰਜਕੁੰਡ ਮੇਲਾ ਕਾਂਪਲੈਕਸ ਦੇ ਕਨਵੇਂਸ਼ਨ ਹਾਲ ਵਿੱਚ ਆਯੋਜਿਤ ਇੱਕ ਕਾਂਫ੍ਰੈਂਸ ਨੂੰ ਸੰਬੋਧਿਤ ਕਰ ਰਹੇ ਸਨ। ਇਸ ਮੌਕੇ 'ਤੇ ਨਿਦੇਸ਼ਕ ਪਾਰਥ ਗੁਪਤਾ, ਸੂਚਨਾ ਜਨਸੰਪਰਕ ਅਤੇ ਭਾਸ਼ਾ ਵਿਭਾਗ ਦੀ ਵਧੀਕ ਨਿਦੇਸ਼ਕ ਵਰਸ਼ਾ ਖਾਂਗਵਾਲ ਮੌਜ਼ੂਦ ਰਹੇ।
ਸੂਰਜਕੁੰਡ ਮੇਲਾ ਪਾਰੰਪਰਿਕ ਸ਼ਿਲਪਕਾਰਾਂ ਲਈ ਗਲੋਬਲ ਲਾਂਚਪੈਡ
ਉਨ੍ਹਾਂ ਨੇ ਕਿਹਾ ਕਿ ਸੂਰਜਕੁੰਡ ਮੇਲਾ ਸਿਰਫ ਇੱਕ ਆਯੋਜਨ ਨਹੀਂ ਸਗੋਂ ਸਾਡੇ ਪਾਰੰਪਰਿਕ ਦਸਤਕਾਰਾਂ ਲਈ ਇੱਕ ਗਲੋਬਲ ਲਾਂਚਪੈਡ ਹੈ। ਆਨਲਾਇਨ ਪਲੇਟਫਾਰਮ ਦੇ ਆਉਣ ਨਾਲ ਸਾਡੇ ਗ੍ਰਾਮੀਣ ਕਾਰੀਗਰਾਂ ਦੀ ਪਹੁੰਚ ਸਿੱਧੇ ਕੌਮਾਂਤਰੀ ਬਾਜਾਰ ਤੱਕ ਹੋਵੇਗੀ। ਮੁੱਖ ਮੰਤਰੀ ਨਾਇਬ ਸਿੰੰਘ ਸੈਣੀ ਦੇ ਨਿਰਦੇਸ਼ ਅਨੁਸਾਰ ਮੇਲਾ ਅਥਾਰਿਟੀ ਦਾ ਟੀਚਾ ਮੇਲੇ ਨੂੰ ਪੂਰੀ ਤਰ੍ਹਾਂ ਸਵੈ-ਨਿਰਭਰ ਬਨਾਉਣਾ ਅਤੇ ਸਿਰਫ ਦਸਤਕਾਰੀ ਉਤਪਾਦਾਂ ਨੂੰ ਹੀ ਵਧਾਵਾ ਦੇਣਾ ਹੈ।
ਮੇਲੇ ਦੀ ਮਿਆਦ ਨੂੰ ਦੋ ਹਫ਼ਤੇ ਤੋਂ ਵਧਾ ਕੇ ਚਾਰ ਹਫ਼ਤੇ ਕਰਨ ਦਾ ਵਿਚਾਰ
ਡਾ. ਸ੍ਰੀਵਤਸ ਕ੍ਰਿਸ਼ਣ ਨੇ ਕਿਹਾ ਕਿ ਸ਼ਿਲਪਕਾਰਾਂ ਅਤੇ ਸੈਲਾਨਿਆਂ ਦੇ ਉਤਸਾਹ ਨੂੰ ਵੇਖਦੇ ਹੋਏ ਮੇਲੇ ਦੀ ਮਿਆਦ ਨੂੰ ਦੋ ਹਫ਼ਤੇ ਤੋਂ ਵਧਾ ਕੇ ਚਾਰ ਹਫ਼ਤੇ ਕਰਨ ਦਾ ਵਿਚਾਰ ਕੀਤਾ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਕੇਂਦਰੀ ਸੈਰ-ਸਪਾਟਾ ਮੰਤਰੀ ਦੇ ਨਿਰਦੇਸ਼ ਅਨੁਸਾਰ ਰਾਸ਼ਟਰੀ ਪੁਰਸਕਾਰ ਵਿਜੇਤਾ ਸ਼ਿਲਪਕਾਰਾਂ ਨੂੰ ਮੇਲੇ ਵਿੱਚ ਵਿਸ਼ੇਸ਼ ਪ੍ਰਾਥਮਿਕਤਾ ਦਿੱਤੀ ਜਾ ਰਹੀ ਹੈ ਤਾਂ ਜੋ ਉਨ੍ਹਾਂ ਦੇ ਹੁਨਰ ਨੂੰ ਕੌਮਾਂਤਰੀ ਪੱਧਰ 'ਤੇ ਪਹੁੰਚਾਇਆ ਜਾ ਸਕੇ।
ਬੁਨਿਆਦੀ ਢਾਂਚੇ 'ਤੇ ਵਿਸ਼ੇਸ਼ ਧਿਆਨ-ਡਾ. ਅਮਿਤ ਅਗਰਵਾਲ
ਕਮੀਸ਼ਨਰ ਅਤੇ ਸਕੱਤਰ ਡਾ. ਅਮਿਤ ਅਗਰਵਾਲ ਨੇ ਇੱਕ ਸੁਆਲ ਦੇ ਜਵਾਬ ਵਿੱਚ ਕਿਹਾ ਕਿ ਇਸ ਸਾਲ ਮੇਲੇ ਦੇ ਬੁਨਿਆਦੀ ਢਾਂਚੇ 'ਤੇ ਵਿਸ਼ੇਸ਼ ਧਿਆਨ ਦਿੱਤਾ ਗਿਆ ਹੈ। ਕੱਚੀ ਹਟਾਂ ਨੂੰ ਪੱਕਾ ਕੀਤਾ ਗਿਆ ਹੈ ਅਤੇ ਸੁਰੱਖਿਆ ਦੇ ਲਿਹਾਜ ਨਾਲ ਸੀਸੀਟੀਵੀ ਕੈਮਰੇ ਲਗਾਏ ਗਏ ਹਨ। ਉਨ੍ਹਾਂ ਨੇ ਦੱਸਿਆ ਕਿ ਥੀਮ ਰਾਜ ਅਤੇ ਥੀਮ ਦੇਸ਼ ਦੇ ਚੌਣ ਦੀ ਪ੍ਰਕਿਰਿਆ ਜੁਲਾਈ ਤੋਂ ਹੀ ਸ਼ੁਰੂ ਹੋ ਜਾਂਦੀ ਹੈ ਜਿਸ ਨੂੰ ਰੋਟੇਸ਼ਨ ਦੇ ਅਧਾਰ 'ਤੇ ਤੈਅ ਕੀਤਾ ਜਾਂਦਾ ਹੈ।
ਉਨ੍ਹਾਂ ਨੇ ਕਿਹਾ ਕਿ ਸੈਲਾਨੀ ਮੇਲੇ ਦੀ ਟਿਕਟ ਕਾਉਂਟਰ ਦੇ ਨਾਲ ਨਾਲ ਆਨਲਾਇਨ ਵੀ ਖਰੀਦ ਸਕਣਗੇ। ਡੀਐਮਆਰਸੀ ਵੱਲੋਂ ਆਨਲਾਇਨ ਟਿਕਟ ਦੀ ਵਿਕਰੀ ਸ਼ੁਰੂ ਕੀਤੀ ਗਈ ਹੈ। ਉਨ੍ਹਾਂ ਨੇ ਕਿਹਾ ਕਿ ਮੇਲੇ ਦੇ ਸਮਾਪਨ ਤੋਂ ਬਾਅਦ ਇੱਕ ਸਮੀਖਿਆ ਮੀਟਿੰਗ ਕੀਤੀ ਜਾਵੇਗੀ ਤਾਂ ਜੋ ਭਵਿੱਖ ਵਿੱਖ ਕਮੀਆਂ ਨੂੰ ਦੂਰ ਕਰ ਇਸ ਨੂੰ ਹੋਰ ਬੇਹਤਰ ਬਣਾਇਆ ਜਾ ਸਕੇ।