ਉੱਤਰੀ ਭਾਰਤ ਵਿਚ ਉੱਨਤ ਸਿਹਤ ਸੇਵਾਵਾਂ ਦੇ ਮੋਹਰੀ ਸੰਸਥਾਨ ਸੋਹਾਣਾ ਹਸਪਤਾਲ ਮੋਹਾਲੀ ਨੇ ਆਪਣੇ ਰੋਬੋਟਿਕ ਪ੍ਰੋਗਰਾਮ ਦੇ ਤਹਿਤ 500 ਸਫਲ ਰੋਬੋਟਿਕ ਸਰਜਰੀਆਂ ਦਾ ਅੰਕੜਾ ਪਾਰ ਕਰਕੇ ਇੱਕ ਵੱਡੀ ਉਪਲਬਧੀ ਹਾਸਲ ਕੀਤੀ ਹੈ। ਇਹ ਮੀਲ ਪੱਥਰ ਹਸਪਤਾਲ ਦੀ ਵਿਸ਼ਵ-ਪੱਧਰੀ ਤਕਨਾਲੋਜੀ ਅਤੇ ਮਰੀਜ਼ਾਂ ਦੀ ਬਿਹਤਰ ਦੇਖਭਾਲ ਪ੍ਰਤੀ ਵਚਨਬੱਧਤਾ ਨੂੰ ਦੁਹਰਾਉਂਦਾ ਹੈ।
ਹਸਪਤਾਲ ਵਿਚ ਇਹ ਸਰਜਰੀਆਂ ਤਜਰਬੇਕਾਰ ਸਰਜਨਾਂ ਦੁਆਰਾ ਪ੍ਰੋਸਟੇਟ ਅਤੇ ਬਲੈਡਰ ਕੈਂਸਰ, ਗੁਰਦੇ ਦੀਆਂ ਪ੍ਰਕਿਰਿਆਵਾਂ, ਬੱਚੇਦਾਨੀ ਕੱਢਣ, ਹਰਨੀਆ ਰਿਪੇਅਰ, ਪਿੱਤੇ ਦੀ ਪੱਥਰੀ ਅਤੇ ਕੈਂਸਰ ਦੇ ਹੋਰ ਇਲਾਜਾਂ ਲਈ ਕੀਤੀਆਂ ਜਾ ਰਹੀਆਂ ਹਨ। ਇਸ ਮੌਕੇ ਤੇ ਮਰੀਜ਼ਾਂ ਲਈ ਵਿਸ਼ੇਸ਼ ਪੈਕੇਜਾਂ ਦਾ ਐਲਾਨ ਕੀਤਾ ਗਿਆ ਹ ੈਜਿਸ ਵਿਚ ਸਰਜਰੀ ਲਈ ਮੁਫ਼ਤ ਰਾਏ ਦੀ ਸਹੂਲਤ, ਰੋਬੋਟਿਕ ਸਰਜਰੀ ਤੋਂ ਪਹਿਲਾਂ ਦੇ ਟੈਸਟਾਂ 'ਤੇ 50% ਦੀ ਛੋਟ, ਰੋਬੋਟਿਕ ਕੈਂਸਰ ਸਰਜਰੀਆਂ ਲਈ ਵਿਸ਼ੇਸ਼ ਰਿਆਇਤੀ ਪੈਕੇਜ ਅਤੇ ਸਰਜਰੀ ਤੋਂ ਬਾਅਦ ਦੋ ਮੁਫ਼ਤ ਫਾਲੋ-ਅਪ ਵਿਜ਼ਿਟ ਸ਼ਾਮਲਿ ਹੈ।
ਇੰਨੀਆਂ ਸਫਲ ਸਰਜਰੀਆਂ ਰੋਬੋਟਿਕ ਪ੍ਰੋਗਰਾਮ ਵਿਚ ਇੱਕ ਮਹੱਤਵਪੂਰਨ ਜਿੱਤ ਹੈ। ਇਸ ਮੌਕੇ ਤੇ ਕੈਂਸਰ, ਯੂਰੋਲੋਜੀ, ਗਾਇਨੀ ਅਤੇ ਜਰਨਲ ਪੇਚੀਦਾ ਰੋਬੋਟਿਕਸਸ ਸਰਜਰੀਆਂ ਦੇ ਮਰੀਜ਼ਾਂ ਨੇ ਆਪਣਾ ਤਜਰਬਾ ਸਾਂਝਾ ਕਰਦੇ ਹੋਏ ਇਸ ਤਕਨੀਕ ਦੇ ਸਕਾਰਤਮਕ ਨਤੀਜੇ ਸਾਂਝੇ ਕੀਤੇ।
ਜ਼ਿਕਰਯੋਗ ਹੈ ਕਿ ਮੈਡੀਕਲ ਤਕਨੀਕ ਵਿਚ ਅਤਿ ਆਧੁਨਿਕ ਚੌਥੀ ਜਨਰੇਸ਼ਨ ਦੇ ਇਸ ਰੋਬੋਟਿਕ ਰਾਹੀਂ ਮਾਹਿਰ ਸਰਜਨਾਂ ਨੂੰ ਪੇਚੀਦਾ ਸਰਜਰੀ ਕਰਨ ਵਿਚ ਹੋਰ ਨਿਪੁੰਨਤਾ ਅਤੇ ਗੁੰਝਲਦਾਰ ਪ੍ਰਕਿਰਿਆਵਾਂ ਨੂੰ ਆਸਾਨੀ ਨਾਲ ਕਰਨ ਸਹੂਲਤ ਮਿਲਦੀ ਹੈ। ਜਿਸ ਨਾਲ ਅਪਰੇਸ਼ਨ ਦੌਰਾਨ ਹੋਣ ਵਾਲੀ ਤਕਲੀਫ਼ ਅਤੇ ਲੱਗਣ ਵਾਲਾ ਸਮਾ ਵੀ ਬਹੁਤ ਘੱਟ ਹੋ ਜਾਂਦਾ ਹੈ।
ਇਸ ਮੌਕੇ ਤੇ ਖੁਸ਼ੀ ਸਾਂਝੀ ਕਰਦੇ ਹੋਏ ਡਾ. ਗਗਨਦੀਪ ਸਿੰਘ ਸੱਚਦੇਵਾ ਕਿਹਾ ਕਿ 500 ਰੋਬੋਟਿਕ ਸਰਜਰੀਆਂ ਪੂਰੀਆਂ ਕਰਨਾ ਸਾਡੀ ਜ਼ਿੰਮੇਵਾਰੀ ਦਾ ਪ੍ਰਤੀਕ ਹੈ। ਸਾਡਾ ਮਕਸਦ ਇਸ ਮਹਿੰਗੀ ਤਕਨੀਕ ਨੂੰ ਆਮ ਲੋਕਾਂ ਦੀ ਪਹੁੰਚ ਵਿਚ ਲਿਆਉਣਾ ਹੈ। ਜਦ ਕਿ ਡਾ. ਕਰਮਵੀਰ ਸਿੰਘ ਸੱਭਰਵਾਲ ਚੀਫ ਯੂਰੋ ਰੋਬੋਟਿਕ ਸਰਜਨ ਨੇ ਜਾਣਕਾਰੀ ਸਾਂਝੀ ਕਰਦੇ ਹੋਏ ਕਿਹਾ ਕਿ ਰੋਬੋਟਿਕ ਤਕਨੀਕ ਨਾਲ ਗੁੰਝਲਦਾਰ ਕੈਂਸਰ ਸਰਜਰੀਆਂ ਵਿਚ ਸ਼ੁੱਧਤਾ ਵਧਦੀ ਹੈ, ਜੋ ਮਰੀਜ਼ਾਂ ਲਈ ਵਧੇਰੇ ਸੁਰੱਖਿਅਤ ਹੈ।
ਇਸ ਮੌਕੇ ਤੇ ਮਰੀਜ਼ਾਂ ਨਾਲ ਰੂਬਰੂ ਹੁੰਦੇ ਹੋਏ ਸੋਹਾਣਾ ਹਸਪਤਾਲ ਦੇ ਟਰੱਸਟ ਸਕੱਤਰ ਗੁਰਮੀਤ ਸਿੰਘ ਨੇ ਕਿਹਾ ਕਿ ਸਾਡੇ ਲਗਾਤਾਰ ਯਤਨ ਸਾਰੇ ਮਰੀਜ਼ਾਂ ਨੂੰ ਉੱਚ ਪੱਧਰੀ ਸਿਹਤ ਸੇਵਾਵਾਂ ਪ੍ਰਦਾਨ ਕਰਨ ਲਈ ਰਹੇ ਹਨ, ਜੋ ਕਿ ਅਸੀਂ ਇਸ ਸਰਜੀਕਲ ਰੋਬੋਟ ਦੀ ਉੱਤਮਤਾ ਨਾਲ ਪੂਰਾ ਕਰ ਰਹੇ ਹਾਂ। ਉਨ੍ਹਾਂ ਅੱਗੇ ਕਿਹਾ ਕਿ 1995 ਵਿਚ ਆਪਣੀ ਸਥਾਪਨਾ ਤੋਂ ਬਾਅਦ, ਸੋਹਾਣਾ ਹਸਪਤਾਲ ਮੋਹਾਲੀ ਨੇ ਨਵੀਨਤਾਕਾਰੀ ਪੇਸ਼ ਕਰਨ ਨੂੰ ਤਰਜੀਹ ਦਿੱਤੀ ਹੈ।
ਜਿਸ ਕਰਕੇ ਅੱਜ ਸੋਹਾਣਾ ਹਸਪਤਾਲ 28+ ਸੁਪਰ ਸਪੈਸ਼ਲਟੀਜ਼ ਵਾਲਾ 400 ਬਿਸਤਰਿਆਂ ਵਾਲਾ ਸਥਾਪਿਤ ਹਸਪਤਾਲ ਹੈ। ਦਸੰਬਰ, 2024 ਵਿਚ ਵਿਸ਼ਵ ਪੱਧਰੀ ਅਤਿ ਆਧੁਨਿਕ ਚੌਥੀ ਜਨਰੇਸ਼ਨ ਦੀ ਰੌਬੋਟਿਕਸ ਸਰਜੀਕਲ ਪ੍ਰਣਾਲੀ ਪੇਸ਼ ਕੀਤੀ ਗਈ ਸੀ।ਜੋ ਮਰੀਜਾਂ ਵਿਚ ਬਹੁਤ ਹਰਮਨ ਪਿਆਰੀ ਹੋ ਚੁੱਕੀ ਹੈ।
ਇਸ ਦੌਰਾਨ ਕਈ ਮਰੀਜ਼ਾਂ ਨੇ ਰੋਬੋਟਿਕ ਸਰਜਰੀ ਦੇ ਆਪਣੇ ਅਨੁਭਵ ਸਾਂਝੇ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਦੀ ਰਿਕਵਰੀ ''ਬੇਮਿਸਾਲ'' ਸੀ ਅਤੇ ਉਨ੍ਹਾਂ ਨੂੰ ਪੋਸਟ-ਆਪਰੇਟਿਵ ਦਰਦ ਜਾਂ ਬੇਆਰਾਮੀ ਨਹੀਂ ਮਹਿਸੂਸ ਹੋਈ। ਇਸ ਦੇ ਨਾਲ ਹੀ ਸਭ ਮਰੀਜ਼ਾਂ ਨੇ ਸੋਹਾਣਾ ਹਸਪਤਾਲ ਟਰੱਸਟ ਵੱਲੋਂ ਦਿਤੇ ਉਨ੍ਹਾਂ ਦੀਆਂ ਮਨੁੱਖਤਾ ਦੀ ਸੇਵਾ ਵਿਚ ਦਿਤੀ ਜਾਣ ਵਾਲੀ ਸੇਵਾ ਲਈ ਉਨ੍ਹਾਂ ਦਾ ਧੰਨਵਾਦ ਕੀਤਾ।