ਕੇਂਦਰੀ ਊਰਜਾ, ਆਵਾਸਨ ਅਤੇ ਸ਼ਹਿਰੀ ਕਾਰਜ ਮੰਤਰੀ ਸ੍ਰੀ ਮਨੋਹਰ ਲਾਲ ਨੇ ਕਿਹਾ ਕਿ ਨੌਜੁਆਨ ਪੜਾਈ ਦੇ ਨਾਲ-ਨਾਲ ਸਕਿਲ ਵਿਕਾਸ 'ਤੇ ਵੀ ਧਿਆਨ ਦੇਣ। ਹੁਨਰ ਦੇ ਨਾਲ-ਨਾਲ ਉਹ ਦੂਜੀ ਭਾਸ਼ਾਵਾ ਨੂੰ ਸਿੱਖਣ ਅਤੇ ਦੇਸ਼ ਦੀ ਜੜ੍ਹਾਂ ਨਾਲ ਜੁੜੇ ਰਹਿਣ। ਆਤਮਨਿਰਭਰ ਬਣ ਕੇ ਖੁਦ ਦੇ ਨਾਲ -ਨਾਲ ਪਰਿਵਾਰ ਤੇ ਦੇਸ਼ ਦੀ ਚਿੰਤਾ ਕਰਨ। ਕੇਂਦਰੀ ਮੰਤਰੀ ਸ਼ਨੀਵਾਰ ਨੂੰ ਕਰਨਾਲ ਵਿੱਚ ਹਰਿਆਣਾ ਦੇ ਵਿਦੇਸ਼ ਸਹਿਯੋਗ ਵਿਭਾਗ ਅਤੇ ਹਰਿਆਣਾ ਕੌਸ਼ਲ ਰੁਜ਼ਗਾਰ ਨਿਗਮ ਲਿਮੀਟੇਡ ਵੱਲੋਂ ਆਯੋਜਿਤ ਪੰਚਜਨਅ 2026 ਪ੍ਰੋਗਰਾਮ ਵਿੱਚ ਬਤੌਰ ਮੁੱਖ ਮਹਿਮਾਨ ਬੋਲ ਰਹੇ ਸਨ।
ਇਸ ਮੌਕੇ 'ਤੇ ਸੂਬੇ ਦੇ ਵੱਖ-ਵੱਖ ਜਿਲ੍ਹਿਆਂ ਵਿੱਚ 210 ਨੌਜੁਆਨਾ ਨੂੰ ਵਿਦੇਸ਼ (ਦੁਬਈ) ਜਾਣ ਲਈ ਆਫਰ ਲੇਟਰ ਦਿੱਤੇ ਗਏ। ਸ੍ਰੀ ਮਨੋਹਰ ਲਾਲ ਨੇ ਕਿਹਾ ਕਿ ਪਹਿਲੇ ਪੜਾਅ ਵਿੱਚ 225 ਨੌਜੁਆਨਾਂ ਦਾ ਇਜਰਾਇਲ ਲਈ ਚੋਣ ਹੋਇਆ। ਇੰਨ੍ਹਾਂ ਵਿੱਚੋਂ 180 ਉੱਥੇ ਗਏ। ਹੁਣ ਉੱਥੋਂ 10 ਹਜਾਰ ਲੋਕਾਂ ਦੀ ਮੰਗ ਹੋਰ ਆਈ ਹੈ।
ਦੂਜੇ ਪੜਾਅ ਵਿੱਚ ਹੁਣ 210 ਨੌਜੁਆਨਾਂ ਦਾ ਚੋਣ ਹੋਇਆ ਹੈ। ਸਰਕਾਰ ਵੱਲੋਂ ਨੋਜੁਆਨਾਂ ਨੂੰ ਪਾਸਪੋਰਟ, ਵੀਜ਼ਾ ਦੇ ਨਾਲ-ਨਾਲ ਵਿਦੇਸ਼ ਵਿੱਚ ਸੁਰੱਖਿਆ ਦੀ ਗਾਰੰਟੀ ਵੀ ਯਕੀਨੀ ਕੀਤੀ ਜਾ ਰਹੀ ਹੈ, ਜਦੋਂ ਕਿ ਡੰਕੀ ਰੂਟ ਤੋਂ ਆਉਣ ਵਾਲਿਆਂ ਨੂੰ ਕਿਸੇ ਤਰ੍ਹਾ ਦੀ ਸੁਰੱਖਿਆ ਨਹੀਂ ਮਿਲਦੀ।
ਸਕਿਲਿੰਗ 'ਤੇ ਜੋਰ
ਸ੍ਰੀ ਮਨੋਹਰ ਲਾਲ ਨੇ ਕਿਹਾ ਕਿ ਨੌਜੁਆਨਾਂ ਨੂੰ ਪੜਾਈ ਦੇ ਨਾਲ-ਨਾਲ ਸਕਿਲ ਵਿਕਾਸ 'ਤੇ ਵੀ ਵਿਸ਼ੇਸ਼ ਧਿਆਨ ਦੇਣਾ ਚਾਹੀਦਾ ਹੈ। ਉਨ੍ਹਾਂ ਨੇ ਦਸਿਆ ਕਿ ਦੇਸ਼ ਦੀ ਕੁੱਲ ਆਬਾਦੀ ਵਿੱਚ ਹਰਿਆਣਾ ਦੀ ਹਿੱਸੇਦਾਰੀ ਸਿਰਫ ਦੋ ਫੀਸਦੀ ਹੈ, ਪਰ ਇਸ ਦੇ ਬਾਵਜੂਦ ਰੱਖਿਆ ਫੋਰਸਾਂ ਵਿੱਚ ਹਰਿਆਣਾ ਦੇ ਜਵਾਨਾਂ ਦੀ ਭਾਗੀਦਾਰੀ ਲਗਭਗ ਦੱਸ ਫੀਸਦੀ ਹੈ, ਜੋ ਸੂਬੇ ਦੇ ਨੌਜੁਆਨਾ ਦੀ ਸਮਰੱਥਾ ਅਤੇ ਸਮਰਪਣ ਨੂੰ ਦਰਸ਼ਾਉਂਦੀ ਹੈ।
ਉਨ੍ਹਾਂ ਨੇ ਕਿਹਾ ਕਿ ਨੌਜੁਆਨਾ ਨੂੱ ਵਿਦਿਆਰਥੀ ਜੀਵਨ ਨਾਲ ਹੀ ਆਪਣੇ ਸਕਿਲ ਅਤੇ ਪ੍ਰਤਿਭਾ ਨੂੰ ਨਿਖਾਰਣ ਦੀ ਦਿਸ਼ਾ ਵਿੱਚ ਲਗਾਤਾਰ ਯਤਨ ਕਰਨੇ ਚਾਹੀਦੇ ਹਨ।
ਵਿਦੇਸ਼ ਜਾ ਕੇ ਹਰਿਆਣਾ ਦੀ ਛਵੀ ਚਮਕਾਉਣ ਦਾ ਕੰਮ ਕਰਨ ਨੌਜੁਆਨ - ਰਾਜ ਮੰਤਰੀ ਗੌਰਵ ਗੌਤਮ
ਖੇਡ, ਯੂਵਾ ਅਧਿਕਾਰਤਾ ਅਤੇ ਉਦਮਤਾ ਰਾਜ ਮੰਤਰੀ ਸ੍ਰੀ ਗੌਰਵ ਗੌਤਮ ਨੇ ਕਿਹਾ ਕਿ ਵਿਸ਼ਵ ਪੱਧਰ 'ਤੇ ਰੁਜ਼ਗਾਰ ਦੇ ਨਵੇਂ ਮੁਕਾਮ ਖੁੱਲੇ ਹਨ। ਇਸ ਦੇ ਲਈ ਸੂਬਾ ਸਰਕਾਰ ਨੇ ਪਹਿਲ ਕੀਤੀ ਹੈ। ਉਸ ਸਮੇਂ ਦੇ ਮੁੱਖ ਮੰਤਰੀ ਅਤੇ ਕੇਂਦਰੀ ਮੰਤਰੀ ਸ੍ਰੀ ਮਨੋਹਰ ਲਾਲ ਨੇ ਨੌਜੁਆਨਾਂ ਦੇ ਹਿੱਤਾਂ ਅਨੁਰੂਪ ਵਿਵਸਥਾ ਬਦਲ ਕੇ ਨੋਕਰੀਆਂ ਵਿੱਚ ਬਿਨ੍ਹਾ ਪਰਚੀ, ਬਿਨ੍ਹਾ ਖਰਚੀ ਵਿਵਸਥਾ ਲਾਗੂ ਕੀਤੀ। ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਇਸ ਕੰਮ ਨੂੰ ਅੱਗੇ ਵਧਾ ਰਹੇ ਹਨ।
ਸੁੰਹ ਚੁੱਕਣ ਦੇ ਤੁਰੰਤ ਬਾਅਦ 24 ਹਜਾਰ ਨੌਜੁਆਨਾ ਨੂੰ ਨੋਕਰੀ ਦੇਣ ਦਾ ਵਾਅਦਾ ਮੁੱਖ ਮੰਤਰੀ ਨੇ ਪੂਰਾ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ ਨੋਜੁਆਨਾ ਨੂੰ ਵਿਦੇਸ਼ ਵਿੱਚ ਸੁਰੱਖਿਅਤ ਰਹਿ ਕੇ ਰੁਜ਼ਗਾਰ ਮਹੁਇਆ ਕਰਾਉਣ ਲਈ ਹੀ ਸੂਬੇ ਵਿੱਚ ਵਿਦੇਸ਼ ਸਹਿਯੋਗ ਵਿਭਾਗ ਬਣਾਇਆ ਹੈ। ਜਰੂਰੀ ਰਸਮੀ ਕਾਰਵਾਈਆਂ ਪੂਰਾ ਕਰ ਕੇ ਨੌਜੁਆਨਾਂ ਨੂੰ ਰੁਜ਼ਗਾਰ ਦੇ ਲਈ ਵਿਦੇਸ਼ ਜਾਣ ਲਈ ਆਫਰ ਲੇਟਰ ਦਿੱਤੇ ਗਏ ਹਨ।
ਉਨ੍ਹਾਂ ਨੇ ਨੋਜੁਆਨਾਂ ਨੂੰ ਅਪੀਲ ਕੀਤੀ ਕਿ ਵਿਦੇਸ਼ ਜਾ ਕੇ ਹਰਿਆਣਾ ਦੀ ਛਵੀ ਚਮਕਾਉਣ ਦਾ ਕੰਮ ਕਰਨ। ਉੱਥੋਂ ਅਜਿਹਾ ਕੁੱਝ ਸਿੱਖ ਕੇ ਆੳਢੁਣ ਜਿਸ ਨਾਲ ਹੋਰ ਨੌਜੁਆਨਾਂ ਨੂੱ ਵੀ ਪੇ੍ਰਰਣਾ ਮਿਲੇ।
ਵਿਦੇਸ਼ੀ ਭਾਸ਼ਾਵਾਂ ਦੇ ਲਈ ਕੋਚਿੰਗ ਜਲਦੀ
ਵਿਦੇਸ਼ ਸਹਿਯੋਗ ਵਿਭਾਗ ਦੀ ਪ੍ਰਧਾਨ ਸਕੱਤਰ ਸ੍ਰੀਮਤੀ ਅਮਨੀਤ ਪੀ ਕੁਮਾਰ ਨੇ ਇਸ ਮੌਕੇ 'ਤੇ ਕਿਹਾ ਕਿ ਸਰਕਾਰ ਨੌਜੁਆਨਾਂ ਦੇ ਨਾਲ ਹੈ। ਟ੍ਰੇਨਿੰਗ ਤੋਂ ਲੈ ਕੇ ਚੋਣ ਤੱਕ ਹਰ ਸੰਭਵ ਸਹਾਇਤਾ ਉਪਲਬਧ ਕਰਾਈ ਜਾ ਰਹੀ ਹੈ। ਭਵਿੱਖ ਵਿੱਚ ਨੌਜੁਆਨਾਂ ਨੂੰ ਜਰਮਨ, ਜਾਪਾਨੀ, ਅੰਗੇ੍ਰਜੀ, ਫ੍ਰੈਂਚ ਆਦਿ ਭਾਸ਼ਾਵਾਂ ਸਿੱਖਾਉਣ ਲਈ ਕੋਚਿੰਗ ਦਿੱਤੀ ਜਾਵੇਗੀ।
ਇਸ ਦੇ ਲਈ ਫੋਰਨ ਲੈਂਗਵੇਜ ਪੋਲਿਸੀ ਜਲਦੀ ਅਮਲ ਵਿੱਚ ਲਿਆਈ ਜਾਵੇਗੀ ਜਿਸ ਦੇ ਤਹਿਤ ਸੂਬੇ ਵਿੱਚ ਵੱਖ-ਵੱਖ ਥਾਵਾ 'ਤੇ ਸੈਂਟਰ ਖੋਲੇ ਜਾਣਗੇ, ਇੱਕ ਸੈਂਟਰ ਕਰਨਾਲ ਵਿੱਚ ਵੀ ਖੋਲਿਆ ਜਾਵੇਗਾ। ਯੂਕੇ ਦੇ ਨਾਲ ਫਰਵਰੀ ਵਿੱਚ ਇੱਕ ਵਰਕਸ਼ਾਪ ਦਾ ਆਯੋਜਨ ਵੀ ਕੀਤਾ ਜਾਵੇਗਾ।
ਇਸ ਮੋਕੇ 'ਤੇ ਅਸੰਧ ਦੇ ਵਿਧਾਇਕ ਸ੍ਰੀ ਯੋਗੇਂਦਰ ਰਾਣਾ, ਮੁੱਖ ਮੰਤਰੀ ਦੇ ਓਐਸਡੀ ਸ੍ਰੀ ਵੀਰੇਂਦਰ ਦਹੀਆ, ਐਚਕੇਆਰਐਨਐਲ ਦੇ ਸੀਈਓ ਸ੍ਰੀ ਅਮਿਤ ਖੱਤਰੀ, ਮੇਅਰ ਰੇਣੂ ਬਾਲਾ ਗੁਪਤਾ ਸਮੇਤ ਜਿਲ੍ਹਾ ਪ੍ਰਸਾਸ਼ਨ ਦੇ ਅਧਿਕਾਰੀ ਤੇ ਕਰਮਚਾਰੀ ਮੌਜੂਦ ਰਹੇ।