ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਹਨ ਕਿ ਸੂਬੇ ਵਿੱਚ ਖੇਤੀਬਾੜੀ ਖੇਤਰ ਦੇ ਸਾਰੇ ਟਿਯੂਬਵੈਲਾਂ ਨੂੰ ਪੜਾਅਵਾਰ ਢੰਗ ਨਾਲ ਪੂਰੀ ਤਰ੍ਹਾ ਸੌਰ ਉਰਜਾ ਨਾਲ ਜੋੜਿਆ ਜਾਵੇ। ਮੁੱਖ ਮੰਤਰੀ ਨੇ ਇਹ ਨਿਰਦੇਸ਼ ਸ਼ੁਕਰਵਾਰ ਨੂੰ ਚੰਡੀਗੜ੍ਹ ਵਿੱਚ ਪ੍ਰਧਾਨ ਮੰਤਰੀ ਕਿਸਾਨ ਉਰਜਾ ਸੁਰੱਖਿਆ ਅਤੇ ਉਥਾਨ ਮਹਾਮੁਹਿੰਮ (PM-KUSUM) ਤਹਿਤ ਆਯੋਜਿਤ ਸਮੀਖਿਆ ਮੀਟਿੰਗ ਦੀ ਅਗਵਾਈ ਕਰਦੇ ਹੋਏ ਦਿੱਤੇ। ਮੀਟਿੰਗ ਵਿੱਚ ਉਰਜਾ ਮੰਤਰੀ ਸ੍ਰੀ ਅਨਿਲ ਵਿਜ ਵੀ ਮੌਜੂਦ ਸਨ।
ਮੁੱਖ ਮੰਤਰੀ ਨੇ ਕਿਹਾ ਕਿ ਹਰਿਆਣਾ ਬਿਜਲੀ ਉਤਪਾਦਨ ਨਿਗਮ HPGCL) ਹਰ ਜਿਲ੍ਹੇ ਵਿੱਚ ਘੱਟ ਤੋਂ ਘੱਟ ਦੋ ਖੇਤੀਬਾੜੀ ਫੀਡਰਾਂ ਦੇ ਸੂਰਜੀ ਉਰਜਾ ਲਈ ਪੰਜ-ਪੰਜ ਏਕੜ ਦੇ ਸਥਾਨਾਂ ਨੂੰ ਚੋਣ ਕਰਨ, ਜਿੱਥੇ ਸੋਲਰ ਪੈਨਲ ਸਥਾਪਿਤ ਕਰ ਖੇਤੀਬਾੜੀ ਟਿਯੂਬਵੈਲਾਂ ਨੂੰ ਸੌਰ ਉਰਜਾ ਨਾਲ ਬਿਜਲੀ ਸਪਲਾਈ ਦਿੱਤੀ ਜਾ ਸਕੇ।
ਗੰਨੀ ਖੇੜਾ ਪਿੰਡ ਵਿੱਚ 300 ਏਕੜ ਭੂਮੀ 'ਤੇ ਸੋਲਰ ਪਲਾਂਟ ਪ੍ਰਸਤਾਵਿਤ
ਮੁੱਖ ਮੰਤਰੀ ਨੇ ਅਧਿਕਾਰੀਆਂ ਨੂੰ ਸੁਝਾਅ ਦਿੱਤਾ ਕਿ ਪੰਚਕੂਲਾ ਜਿਲ੍ਹੇ ਦੇ ਰਾਏਵਾਲੀ ਪਿੰਡ ਵਿੱਚ ਸਥਿਤ 220 ਕੇਵੀ ਸਬ-ਸਟੇਸ਼ਨ ਦੇ ਨੇੜੇ ਗੰਨੀ ਖੇੜਾ ਪਿੰਡ ਪੰਚਾਇਤ ਦੀ ਲਗਭਗ 300 ਏਕੜ ਭੂਮੀ 'ਤੇ ਸੂਰ ਉਰਜਾ ਪਲਾਂਟ ਲਗਾਇਆ ਜਾਵੇ। ਇਸ ਪਲਾਂਟ ਨਾਲ ਜਿਲ੍ਹੇ ਦੇ ਸਾਰੇ ਖੇਤੀਬਾੜੀ ਟਿਯੂਬਵੈਲਾਂ ਨੂੰ ਸੌਰ ਉਰਜਾ ਦੀ ਸਪਲਾਈ ਸੰਭਵ ਹੋ ਸਕੇਗੀ। ਨਾਲ ਹੀ, ਪੰਚਕੂਲਾ ਜਿਲ੍ਹੇ ਦੇ ਕਾਲਜ, ਡਿਪਟੀ ਕਮਿਸ਼ਨਰ ਦਫਤਰ, ਪਿੰਜੌਰ ਫੱਲ ਅਤੇ ਸਬਜੀ ਮੰਡੀ ਟਰਮੀਨਲ, ਬੱਸ ਅੱਡਾ ਵਰਗੀ ਥਾਵਾਂ 'ਤੇ ਵੀ ਖਾਲੀ ਭੂਮੀ 'ਤੇ ਸੋਲਰ ਪੈਨਲ ਲਗਾਏ ਜਾਣ।
ਸਮਾਜਿਕ ਸਮਾਰੋਹ ਦੀ ਵਰਤੋ ਲਾਇਕ ਬਣਾਏ ਜਾਣ ਸੋਲਰ ਪੈਨਲ ਸਟ੍ਰਕਚਰ
ਮੁੱਖ ਮੰਤਰੀ ਨੇ ਕਿਹਾ ਕਿ ਜਿਨ੍ਹਾਂ ਪੰਚਾਇਤਾਂ ਵੱਲੋਂ ਸੌਰ ਉਰਜਾ ਪਲਾਂਟ ਲਈ ਭੂਮੀ ਉਪਲਬਧ ਕਰਵਾਈ ਜਾਵੇਗੀ, ਉੱਥੇ ਸੋਲਰ ਪੈਨਲ ਇਸ ਤਰ੍ਹਾ ਲਗਾਏ ਜਾਣ ਕਿ ਉਨ੍ਹਾਂ ਦਾ ਢਾਂਚਾ ਕਲਿਆਣਮ ਮੰਡਪਮ ਵਜੋ ਵੀ ਕੰਮ ਕਰੇ। ਜਿਸ ਨਾਲ ਉਨ੍ਹਾਂ ਦੇ ਹੇਠਾ ਸਮਾਜਿਕ ਸਮਾਰੋਹਾਂ ਦਾ ਪ੍ਰਬੰਧ ਸੰਭਵ ਹੋਵੇ।
ਮੰਡੀਆਂ ਅਤੇ ਗੋਦਾਮਾਂ ਦੀ ਛੱਤਾਂ 'ਤੇ ਲੱਗਣਗੇ ਸੋਲਰ ਪੈਨਲ
ਮੀਟਿੰਗ ਵਿੱਚ ਇਹ ਵੀ ਫੈਸਲਾ ਕੀਤਾ ਗਿਆ ਕਿ ਹਰਿਆਣਾ ਰਾਜ ਖੇਤੀਬਾੜੀ ਮਾਰਕਟਿੰਗ ਬੋਰਡ ਦੀ ਮੰਡੀਆਂ ਦੇ ਸ਼ੈਡਸ ਅਤੇ ਹਰਿਆਣਾ ਭੰਡਾਰ ਨਿਕਮ ਦੇ ਗੋਦਾਮਾਂ ਦੀ ਛੱਤਾਂ 'ਤੇ ਸੌਰ ਉਰਜਾ ਪੈਨਲ ਲਗਾਏ ਜਾਣਗੇ। ਇਸ ਨਾਲ ਬਿਜਲੀ ਉਤਪਨ ਕਰ ਜਰੂਰਤ ਅਨੁਸਾਰ ਖੇਤੀਬਾੜੀ ਕੰਮਾਂ ਵਿੱਚ ਸਪਲਾਈ ਕੀਤੀ ਜਾਵੇਗੀ।
ਸੋਲਰ ਪੰਪਾਂ ਦੀ ਗਿਣਤੀ 1.58 ਲੱਖ ਪਾਰ, 70 ਹਜਾਰ ਪੰਪਾਂ ਦਾ ਟੀਚਾ
ਬਿਜਲੀ ਵਿਭਾਗ ਦੇ ਵਧੀਕ ਮੁੱਖ ਸਕੱਤਰ ਏ. ਕੇ. ਸਿੰਘ ਨੇ ਜਾਣਕਾਰੀ ਦਿੱਤੀ ਕਿ ਸਾਲ 2018-19 ਤੋਂ ਲਾਗੂ ਪੀਐਮ-ਕੁਸੁਮ ਯੋਜਨਾ ਤਹਿਤ ਹੁਣ ਤੱਕ ਰਾਜ ਵਿੱਚ 1.58 ਲੱਖ ਤੋਂ ਵੱਧ ਸੋਲਰ ਪੰਪ ਲਗਾਏ ਜਾ ਚੁੱਕੇ ਹਨ। ਵਿੱਤ ਸਾਲ 2025-26 ਵਿੱਚ ਸੂਬੇ ਵਿੱਚ 70,000 ਨਵੇਂ ਸੋਲਰ ਪੰਪ ਲਗਾਉਣ ਦਾ ਟੀਚਾ ਰੱਖਿਆ ਗਿਆ ਹੈ, ਜਿਸ ਦੇ ਲਈ 600 ਕਰੋੜ ਰੁਪਏ ਦਾ ਬਜਟ ਨਿਰਧਾਰਿਤ ਕੀਤਾ ਗਿਆ ਹੈ। ਯੋਜਨਾ ਤਹਿਤ 3 ਤੋਂ 10 ਐਚਪੀ ਦੇ ਸੋਲਰ ਪੰਪਾਂ ਦੀ ਲਾਗਤ 1.41 ਲੱਖ ਰੁਪਏ ਆਉਂਦੀ ਹੈ, ਜਿਸ ਵਿੱਚ 25% ਕਿਸਾਨ ਵੱਲੋਂ ਖਰਚ ਭੁਗਤਾਨ ਕੀਤਾ ਜਾਂਦਾ ਹੈ, ਬਾਕੀ 30% ਕੇਂਦਰ ਸਰਕਾਰ ਅਤੇ 45% ਸੂਬਾ ਸਰਕਾਰ ਵੱਲੋਂ ਸਬਸਿਡੀ ਦਿੱਤੀ ਜਾਂਦੀ ਹੈ।ੋ
ਸੋਲਰ ਪੰਪ ਖਰਾਬ ਹੋਣ ਦੀ ਸ਼ਿਕਾਇਤਾਂ 'ਤੇ ਹੋਵੇਗਾ ਵਿਅਕਤੀਗਤ ਫਾਲੋਅੱਪ
ਮੁੱਖ ਮੰਤਰੀ ਨੇ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਕਿ ਸੋਲਰ ਪੰਪਾਂ ਦੇ ਖਰਾਬ ਹੋਣ ਦੀ ਸ਼ਿਕਾਇਤਾਂ ਨੂੰ ਗੰਭੀਰਤਾ ਨਾਲ ਲੈਣ। ਜਿਨ੍ਹਾਂ ਪਿੰਡਾਂ ਤੋਂ ਅਜਿਹੀ ਸ਼ਿਕਾਇਤਾਂ ਆ ਰਹੀਆਂ ਹਨ, ਉੱਥੇ ਸਬੰਧਿਤ ਅਧਿਕਾਰੀ ਵਿਅਕਤੀਗਤ ਰੂਪ ਨਾਲ ਕਿਸਾਨਾਂ ਨਾਲ ਸੰਪਰਕ ਕਰਨ। ਨਾਲ ਹੀ, ਉਨ੍ਹਾਂ ਪਿੰਡਾਂ ਵਿੱਚ ਜਾ ਵਿਸ਼ੇਸ਼ ਕੈਂਪ ਲਗਾਉਣ, ਜਿੱਥੇ ਵੱਧ ਗਿਣਤੀ ਵਿੱਚ ਸੋਲਰ ਪੰਪ ਲੱਗੇ ਹੋਏ ਹਨ।
ਮੀਟਿੰਗ ਵਿੱਚ ਮੁੱਖ ਸਕੱਤਰ ਸ੍ਰੀ ਅਨੁਰਾਗ ਰਸਤੋਗੀ, ਮੁੱਖ ਮੰਤਰੀ ਦੇ ਮੁੱਖ ਪ੍ਰਧਾਨ ਸਕੱਤਰ ਸ੍ਰੀ ਰਾਜੇਸ਼ ਖੁੱਲਰ, ਵਿੱਤ ਵਿਭਾਗ ਦੀ ਕਮਿਸ਼ਨਰ ਅਤੇ ਸਕੱਤਰ ਸ੍ਰੀਮਤੀ ਆਸ਼ਿਮਾ ਬਰਾੜ, ਵਿੱਤ ਸਕੱਤਰ ਸ੍ਰੀ ਸੀ.ਜੀ. ਰਜਨੀਕਾਂਤਨ, ਨਵੀਨ ਅਤੇ ਨਵੀਕਰਣੀ ਉਰਜਾ ਵਿਭਾਗ ਦੀ ਡਾਇਰੈਕਟਰ ਡਾ. ਪ੍ਰਿਯੰਕਾ ਸੋਨੀ, ਮੁੱਖ ਮੰਤਰੀ ਦੇ ਓਅੇਸਡੀ ਸ੍ਰੀ ਬੀ.ਬੀ. ਭਾਰਤੀ ਸਮੇਤ ਹੋਰ ਸੀਨੀਅਰ ਅਧਿਕਾਰੀ ਮੌਜੁਦ ਰਹੇ।