ਰਿਜ਼ਰਵ ਬੈਂਕ ਆਫ ਇੰਡੀਆ (ਆਰ.ਬੀ.ਆਈ.) ਨੇ ਅੰਤਰਰਾਸ਼ਟਰੀ MSME ਦਿਵਸ ਦੇ ਮੌਕੇ 'ਤੇ MSME ਅਤੇ ਉੱਦਮੀਆਂ ਲਈ ਇੱਕ ਵਿਸ਼ੇਸ਼ ਟਾਊਨ ਹਾਲ ਮੀਟਿੰਗ ਦਾ ਆਯੋਜਨ ਕੀਤਾ। ਇਸ ਸਮਾਗਮ ਵਿੱਚ ਭਾਰਤ ਦੇ, ਛੋਟੇ, ਮੱਧਮ ਅਤੇ ਦਰਮਿਆਨੇ ਉਦਯੋਗਾਂ ਨੂੰ ਮਜ਼ਬੂਤ ਕਰਨ ਲਈ ਆਰ.ਬੀ.ਆਈ. ਦੀ ਲੰਬੇ ਸਮੇਂ ਤੋਂ ਚੱਲੀ ਆ ਰਹੀ ਵਚਨਬੱਧਤਾ ਨੂੰ ਉਜਾਗਰ ਕੀਤਾ ਗਿਆ, ਜੋ ਕਿ ਰਾਸ਼ਟਰ ਦੀ ਆਰਥਿਕਤਾ ਦੀ ਰੀੜ੍ਹ ਦੀ ਹੱਡੀ ਹਨ।
ਇਸ ਮੌਕੇ 'ਤੇ ਮੁੱਖ ਮਹਿਮਾਨ ਵਜੋਂ ਆਰ.ਬੀ.ਆਈ. ਚੰਡੀਗੜ੍ਹ ਦੇ ਖੇਤਰੀ ਨਿਰਦੇਸ਼ਕ ਸ਼੍ਰੀ ਵਿਵੇਕ ਸ਼੍ਰੀਵਾਸਤਵ ਸਨ। ਟਾਊਨ ਹਾਲ ਵਿੱਚ ਸੰਬੋਧਨ ਕਰਦੇ ਹੋਏ ਉਨ੍ਹਾਂ ਨੇ ਕਿਹਾ ਕਿ ਆਰ.ਬੀ.ਆਈ. ਨੇ ਆਪਣੀਆਂ ਪਹਿਲਕਦਮੀਆਂ ਜਿਵੇਂ ਕਿ ਪ੍ਰਾਇਓਰਿਟੀ ਸੈਕਟਰ ਲੈਂਡਿੰਗ (PSL), CGTMSE ਦੇ ਤਹਿਤ ਗਿਰਵੀ-ਮੁਕਤ ਕਰਜ਼ੇ , ਕ੍ਰੈਡਿਟ ਪ੍ਰਪੋਜ਼ਲ ਟਰੈਕਿੰਗ ਸਿਸਟਮ ‘ਤੇ ਦਿਸ਼ਾ-ਨਿਰਦੇਸ਼, ਵਿਸ਼ੇਸ਼ MSME ਸ਼ਾਖਾਵਾਂ, ਪੁਨਰਗਠਨ ਆਦਿ ਰਾਹੀਂ MSME ਸੈਕਟਰ ਦੇ ਮਾਮਲੇ ਵਿੱਚ ਲਗਾਤਾਰ ਕੰਮ ਕੀਤਾ ਹੈ ਜਿਸ ਨਾਲ ਲੱਖਾਂ ਉੱਦਮੀਆਂ ਨੂੰ ਵਿੱਤ ਤੱਕ ਪਹੁੰਚਣ, ਆਪਣੇ ਕਾਰੋਬਾਰ ਨੂੰ ਵਧਾਉਣ ਅਤੇ ਭਾਰਤ ਦੇ ਜੀ.ਡੀ.ਪੀ. ਅਤੇ ਨਿਰਯਾਤ ਵਿੱਚ ਯੋਗਦਾਨ ਪਾਉਣ ਵਿੱਚ ਮਦਦ ਮਿਲੀ ਹੈ।
ਉਨ੍ਹਾਂ ਨੇ ਇਹ ਵੀ ਦੱਸਿਆ ਹੈ ਕਿ ਮੌਜੂਦਾ ਬਹੁਤ ਸਾਰੀਆਂ ਨੀਤੀਆਂ ਦੇ ਬਾਵਜੂਦ, MSME ਸੈਕਟਰ ਨੂੰ ਪ੍ਰੇਸ਼ਾਨ ਕਰਨ ਵਾਲੇ ਮੁੱਦਿਆਂ ਦਾ ਹੱਲ ਕੱਢਣ ਲਈ ਜਾਗਰੂਕਤਾ ਵਧਾਉਣਾ ਜ਼ਰੂਰੀ ਹੈ ਤਾਂ ਜੋ ਸਕੀਮਾਂ ਦੀ ਪਹੁੰਚ ਯਕੀਨੀ ਬਣਾਈ ਜਾ ਸਕੇ ਅਤੇ ਲਾਭਪਾਤਰੀਆਂ ਨੂੰ ਲਾਭ ਮਿਲ ਸਕੇ। ਇਸ ਸਮਾਗਮ ਵਿੱਚ ਆਰ.ਬੀ.ਆਈ. ਦੇ ਜਨਰਲ ਮੈਨੇਜਰ ਸ਼੍ਰੀ ਪੰਕਜ ਸੇਤੀਆ ,ਐਸ.ਬੀ.ਆਈ., ਐੱਚ.ਡੀ.ਐੱਫ.ਸੀ., ਪੀ.ਐੱਨ.ਬੀ., ਕੈਨਰਾ ਬੈਂਕ, ਪੀ.ਐੱਸ.ਬੀ., ਐੱਸਐੱਚਜੀਬੀ ਦੇ ਸੀਨੀਅਰ ਅਧਿਕਾਰੀਆਂ ਅਤੇ ਸਿਡਬੀ, ਡੀਆਈਸੀ, ਐੱਮਐੱਸਐੱਮਈ. ਡੀਐੱਫਓ ਦੇ ਸੀਨੀਅਰ ਅਧਿਕਾਰੀ ਅਤੇ ਹੋਰ ਮੁੱਖ ਹਿੱਸੇਦਾਰਾਂ ਵੀ ਮੌਜੂਦ ਸਨ।
ਇਸ ਸਮਾਗਮ ਵਿੱਚ ਸਰਕਾਰ ਅਤੇ ਆਰ.ਬੀ.ਆਈ. ਦੀਆਂ ਪਹਿਲਕਦਮੀਆਂ ਜਿਵੇਂ ਕਿ ਮੁਦਰਾ, ਪੀਐੱਮਈਜੀਪੀ, ਪੀਐੱਮ ਵਿਸ਼ਵਕਰਮਾ, ਸਟੈਂਡ-ਅੱਪ ਇੰਡੀਆ ਬਾਰੇ ਡੂੰਘਾਈ ਨਾਲ ਚਰਚਾ ਕੀਤੀ ਗਈ। ਪੰਜਾਬ ਅਤੇ ਸਿੰਧ ਬੈਂਕ ਦੇ ਜਨਰਲ ਮੈਨੇਜਰ ਸ਼੍ਰੀ ਸੰਜੈ ਪ੍ਰਕਾਸ਼ ਸ੍ਰੀਵਾਸਤਵ ਨੇ ਉੱਦਮੀਆਂ ਲਈ ਕ੍ਰੈਡਿਟ ਬਾਰੇ ਹੈਂਡ-ਹੋਲਡਿੰਗ ਸੈਸ਼ਨ ਆਯੋਜਿਤ ਕੀਤੇ।
ਟਾਊਨ ਹਾਲ ਵਿੱਚ ਮਹਿਲਾ ਉੱਦਮੀਆਂ ਅਤੇ ਪਹਿਲੀ ਵਾਰ ਦੇ ਕਰਜ਼ਦਾਰਾਂ ਨੂੰ ਸਟੈਂਡ-ਅੱਪ ਇੰਡੀਆ, ਮਹਿਲਾ ਉੱਦਮ ਨਿਧੀ ਅਤੇ ਡਿਜੀਟਲ ਔਨਬੋਰਡਿੰਗ ਪਲੈਟਫਾਰਮਾਂ ਵਰਗੀਆਂ ਸਕੀਮਾਂ ਬਾਰੇ ਜਾਣਕਾਰੀ 'ਤੇ ਵਿਸ਼ੇਸ਼ ਧਿਆਨ ਦਿੱਤਾ। ਭਾਗੀਦਾਰਾਂ ਨੇ ਇੱਕ ਪ੍ਰੇਰਣਾਦਾਇਕ ਅਨੁਭਵ ਦੇਖਿਆ ਜਿੱਥੇ ਉੱਦਮੀਆਂ ਨੇ ਆਪਣੀਆਂ ਪਰਿਵਰਤਨਸ਼ੀਲ ਯਾਤਰਾਵਾਂ ਨੂੰ ਬਿਆਨ ਕੀਤਾ, ਜਿਸ ਨਾਲ ਸਰੋਤਿਆਂ ਨੂੰ ਡੂੰਘੀ ਪ੍ਰੇਰਣਾ ਮਿਲੀ।
ਇਸ ਸਮਾਗਮ ਵਿੱਚ ਉੱਦਮੀਆਂ ਦੁਆਰਾ ਸਮਰਪਿਤ ਡਿਸਪਲੇ ਸਟਾਲਾਂ ਨੂੰ ਪ੍ਰਦਰਸ਼ਿਤ ਕੀਤਾ ਗਿਆ ਜਿੱਥੇ ਉਨ੍ਹਾਂ ਨੇ ਆਪਣੇ ਉਤਪਾਦਾਂ ਨੂੰ ਪੇਸ਼ ਕੀਤਾ, ਜਦੋਂ ਕਿ ਬੈਂਕਾਂ ਨੇ ਵੱਖ-ਵੱਖ ਵਿੱਤੀ ਯੋਜਨਾਵਾਂ ਬਾਰੇ ਜਾਗਰੂਕਤਾ ਪੈਦਾ ਕਰਨ ਲਈ ਜਾਣਕਾਰੀ ਵਾਲੇ ਕਾਊਂਟਰ ਸਥਾਪਿਤ ਕੀਤੇ। ਬੈਂਕ ਅਧਿਕਾਰੀਆਂ ਨੇ ਭਾਗੀਦਾਰਾਂ ਨਾਲ ਸਰਗਰਮੀ ਨਾਲ ਗੱਲਬਾਤ ਕੀਤੀ, ਦੇਰੀ ਨਾਲ ਭੁਗਤਾਨ, ਗਿਰਵੀ-ਮੁਕਤ ਕਰਜ਼ੇ, ਕ੍ਰੈਡਿਟ ਗਾਰੰਟੀ ਯੋਜਨਾਵਾਂ, ਅਤੇ ਸਮੇਂ ਸਿਰ ਕਾਰਜਸ਼ੀਲ ਪੂੰਜੀ ਤੱਕ ਪਹੁੰਚ ਨਾਲ ਸਬੰਧਿਤ ਪ੍ਰਸ਼ਨਾਂ ਦੇ ਜਵਾਬ ਦਿੱਤੇ।
ਇਸ ਤੋਂ ਇਲਾਵਾ, ਸ਼੍ਰੀ ਵਿਵੇਕ ਸ੍ਰੀਵਾਸਤਵ ਨੇ ਪਾਣੀਪਤ ਵਿੱਚ ਐੱਮਐੱਸਐੱਮਈ ਹੈਂਡਲੂਮ ਕਲੱਸਟਰ ਦਾ ਦੌਰਾ ਕੀਤਾ ਅਤੇ ਕਲੱਸਟਰ ਵਿੱਚ ਉੱਦਮੀਆਂ ਦੁਆਰਾ ਦਰਪੇਸ਼ ਜ਼ਮੀਨੀ ਪੱਧਰ ਦੀਆਂ ਚੁਣੌਤੀਆਂ ਬਾਰੇ ਚਰਚਾ ਕੀਤੀ। ਉੱਦਮੀਆਂ ਨੇ ਦੱਸਿਆ ਕਿ ਮੁਦਰਾ ਅਤੇ ਟ੍ਰੇਡਸ ਵਰਗੀਆਂ ਯੋਜਨਾਵਾਂ ਨੇ ਉਨ੍ਹਾਂ ਨੂੰ ਸਮੇਂ ਸਿਰ ਵਿੱਤ ਸੁਰੱਖਿਅਤ ਕਰਨ, ਕਾਰਜਾਂ ਵਿੱਚ ਸੁਧਾਰ ਕਰਨ ਅਤੇ ਸਥਾਨਕ ਤੌਰ 'ਤੇ ਰੋਜ਼ਗਾਰ ਵਧਾਉਣ ਵਿੱਚ ਕਿਵੇਂ ਮਦਦ ਕੀਤੀ।
ਪਾਣੀਪਤ ਦੇ ਉਦਯੋਗ ਅਤੇ ਉੱਦਮਤਾ ਦੀ ਸਮ੍ਰਿੱਧ ਵਿਰਾਸਤ ਦੇ ਨਾਲ, ਇਹ ਸਮਾਗਮ ਆਰਬੀਆਈ ਦੇ ਜ਼ਮੀਨੀ ਪੱਧਰ 'ਤੇ ਜੁੜਨ ਦੇ ਯਤਨਾਂ ਵਿੱਚ ਇੱਕ ਮਹੱਤਵਪੂਰਨ ਮੀਲ ਪੱਥਰ ਵਜੋਂ ਦਰਜ ਹੋਇਆ। ਇਹ ਸਮਾਗਮ ਮੌਜੂਦਾ ਉੱਦਮੀਆਂ ਵਿੱਚ ਆਤਮਵਿਸ਼ਵਾਸ ਅਤੇ ਸਪਸ਼ਟਤਾ ਦੀ ਨਵੀਂ ਭਾਵਨਾ ਨਾਲ ਸਮਾਪਤ ਹੋਇਆ।