ਭਾਰਤ ਸਰਕਾਰ ਦੁਆਰਾ ਜਾਰੀ ਨਿਰਦੇਸ਼ਾ ਅਨੁਸਾਰ ਸਵੱਛ ਵਿਦਿਆਲਿਆ ਪੁਰਸਕਾਰ 2022 ਅਧੀਨ ਜ਼ਿਲ੍ਹਾ ਬਰਨਾਲਾ ਦੇ 36 ਸਕੂਲਾਂ ਨੂੰ ਡਿਪਟੀ ਕਮਿਸ਼ਨਰ ਬਰਨਾਲਾ ਡਾ. ਹਰੀਸ਼ ਨਈਅਰ ਵੱਲੋ ਪ੍ਰੰਸ਼ਸ਼ਾ ਪੱਤਰ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਸੈ.ਸਿੱ) ਬਰਨਾਲਾ ਸ਼੍ਰ. ਸਰਬਜੀਤ ਸਿੰਘ ਤੂਰ ਨੇ ਦੱਸਿਆ ਕਿ ਮਹੀਨਾ ਅਪ੍ਰੈਲ 2022 ਵਿੱਚ ਵੱਖ ਵੱਖ ਸਕੂਲਾਂ ਵੱਲੋ ਸਵੱਛ ਵਿਦਿਆਲਿਆ ਪੁਰਸਕਾਰ 2022 ਲਈ ਆਨਲਾਈਨ ਮਾਧਿਅਮ ਰਾਹੀਂ ਅਪਲਾਈ ਕੀਤਾ ਸੀ।
ਉਸ ਤੋ ਬਾਅਦ ਜ਼ਿਲ੍ਹਾ ਪੱਧਰ 'ਤੇ ਨਿਯੁਕਤ ਕੀਤੇ ਵੱਖ—ਵੱਖ ਈਵੈਲੂਏਟਰਜ ਦੁਆਰਾ ਇਨ੍ਹਾਂ ਸਕੂਲਾਂ ਨੂੰ ਫਿਜੀਕਲੀ ਵੈਰੀਫਾਈ ਕੀਤਾ ਗਿਆ ਅਤੇ ਆਪਣੀ ਲੌਗਇੰਨ ਆਈ.ਡੀ ਰਾਹੀਂ ਇਨ੍ਹਾਂ ਸਕੂਲਾਂ ਦੇ ਅੰਕ ਅਪਡੇਟ ਕੀਤੇ ਗਏ। ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਸੈ.ਸਿੱ) ਬਰਨਾਲਾ ਸ਼੍ਰ. ਸਰਬਜੀਤ ਸਿੰਘ ਤੂਰ ਅਤੇ ਉਪ ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਸੈ.ਸਿੱ) ਬਰਨਾਲਾ ਸ਼੍ਰੀਮਤੀ ਹਰਕੰਵਲਜੀਤ ਕੌਰ ਦੀ ਦੇਖ ਰੇਖ ਹੇਠ ਜਿਲ੍ਹਾ ਪੱਧਰ ਤੇ ਬਣਾਈਆਂ ਕਮੇਟੀਆਂ ਵੱਲੋ ਇਨ੍ਹਾਂ ਸਕੂਲਾਂ ਨੂੰ ਵੈਰੀਫਾਈ ਕੀਤਾ ਗਿਆ।
ਇਸ ਪੁਰਸਕਾਰ ਲਈ ਸਕੂਲਾਂ ਦੇ 2 ਵਰਗ ਬਣਾਏ ਗਏ ਸਨ, ਜਿਸ ਵਿੱਚ ਜਮਾਤ ਪਹਿਲੀ ਤੋ ਅੱਠਵੀਂ ਐਲੀਮੈਂਟਰੀ ਵਰਗ ਅਤੇ ਜਮਾਤ ਨੌਵੀਂ ਤੋ ਬਾਰਵੀਂ ਤੱਕ ਸੈਕੰਡਰੀ ਵਰਗ ਬਣਾਇਆ ਗਿਆ ਸੀ। ਇਸ ਪੁਰਸਕਾਰ ਲਈ ਸਾਰੇ ਸਰਕਾਰੀ ਸਕੂਲ, ਏਡਿਡ ਸਕੂਲ, ਜਵਾਹਰ ਨਵੋਦਿਆ ਅਤੇ ਪ੍ਰਾਈਵੇਟ ਸਕੂਲ ਅਪਲਾਈ ਕਰ ਸਕਦੇ ਸਨ। ਉਪ ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਸੈ.ਸਿੱ) ਬਰਨਾਲਾ ਨੇ ਦੱਸਿਆ ਕਿ ਜ਼ਿਲ੍ਹਾ ਬਰਨਾਲਾ ਦੇ 442 ਸਕੂਲਾਂ ਨੇ ਅਪਲਾਈ ਕੀਤਾ ਸੀ। ਜਿਹੜੇ ਕਿ ਵੱਖ ਵੱਖ ਮੁਲਾਂਕਣ ਕਰਨ ਵਾਲੇ ਵਲੋਂ ਤਸਦੀਕ ਕੀਤੇ ਗਏ।
ਉਨ੍ਹਾਂ ਦੱਸਿਆ ਕਿ ਇਨ੍ਹਾਂ 6 ਸਬ ਕੈਟਾਗਿਰੀਆਂ ਵਿੱਚ ਵਿਹਾਰ ਵਿੱਚ ਤਬਦੀਲੀ ਅਤੇ ਸਮਰੱਥਾ ਨਿਰਮਾਣ, ਕੋਵਿਡ—19 ਦੇ ਰੱਖ ਰਖਾਵ, ਸਾਬਣ ਨਾਲ ਹੱਥ ਧੋਣਾ, ਟੁਆਇਲਟਸ, ਪਾਣੀ ਅਤੇ ਓਪਰੇਸ਼ਨ ਅਤੇ ਰੱਖ-ਰਖਾਅ ਦੇ ਮਾਪਦੰਡ ਨਿਰਧਾਰਿਤ ਕੀਤੇ ਗਏ ਸਨ। ਇਨ੍ਹਾਂ ਵੱਖ ਵੱਖ ਸਕੂਲਾਂ ਦੀ ਵੈਰੀਫਿਕੇਸ਼ਨ ਕਰਨ ਤੋ ਬਾਅਦ ਡਿਪਟੀ ਕਮਿਸ਼ਨਰ ਬਰਨਾਲਾ ਦੀ ਅਗਵਾਈ ਅਧੀਨ ਜ਼ਿਲ੍ਹਾ ਪੱਧਰੀ ਕਮੇਟੀ ਦਾ ਗਠਨ ਕੀਤਾ ਗਿਆ। ਜਿਸ ਵਿੱਚ ਡਿਪਟੀ ਕਮਿਸ਼ਨਰ ਬਰਨਾਲਾ ਵੱਲੋ ਨਿਯੁਕਤ ਨੁਮਾਇੰਦਾ, ਜਿਲ੍ਹਾ ਸਿੱਖਿਆ ਅਫਸ਼ਰ (ਸੈ.ਸਿੱ) ਬਰਨਾਲਾ, ਜ਼ਿਲ੍ਹਾ ਸਿਹਤ ਅਫ਼ਸਰ, ਇੰਜੀਨੀਅਰ ਵਾਟਰ ਸਪਲਾਈ ਤੇ ਸੈਨੀਟੇਸ਼ਨ ਅਤੇ ਸਮਾਜ ਸੇਵੀ ਸੰੰਸਥਾਵਾਂ ਵਿਚੋਂ ਮੈਬਰ ਲਏ ਗਏ ਸਨ।
ਇਸ ਪ੍ਰੋਗਰਾਮ ਸਬੰਧੀ ਸ਼੍ਰੀ ਮਹਿੰਦਰ ਪਾਲ ਡੀ.ਐਮ. ਕੰਪਿਊਟਰ ਨੇ ਦੱਸਿਆ ਕਿ ਓਵਰਆਲ ਕੈਟਾਗਿਰੀ ਵਿੱਚ ਸਮਿਸ ਧਨੌਲਾ ਖੁਰਦ, ਸਸਸਸ ਸੰਧੂ ਪੱਤੀ ਬਰਨਾਲਾ, ਸਪ੍ਰਸ ਬੀਹਲਾ, ਸਪ੍ਰਸ ਧਨੌਲਾ ਰੋਡ, ਸਹਸ ਨੈਣੇਵਾਲ, ਸਹਸ ਭੋਤਨਾ, ਕੇ.ਵੀ. ਬਰਨਾਲਾ ਅਤੇ ਸੰਤ ਲੌਗਪੁਰੀ ਸਕੂਲ ਪੱਖੋ ਕਲਾਂ ਸ਼ਾਮਿਲ ਸਨ। ਇਸੇ ਤਰ੍ਹਾਂ ਵਿਹਾਰ ਵਿੱਚ ਤਬਦੀਲੀ ਅਤੇ ਸਮਰੱਥਾ ਨਿਰਮਾਣ ਕੈਟਾਗਿਰੀ ਅਧੀਨ ਸਮਿਸ ਪੱਤੀ ਸੇਖਵਾਂ, ਸਮਿਸ ਰਾਜਗੜ੍ਹ, ਨਿਊ ਹੌਰੀਜ਼ਨ ਸਕੂਲ, ਸ਼ਹੀਦ ਬੁੱਧੂ ਖਾਂ ਸੌਰੀਆ ਚੱਕਰਾ ਸਸਸਸ ਸ਼ਹਿਣਾ, ਸੈਕਰਡ ਹਾਰਟ ਕਾਨਵੈਂਟ ਸਕੂਲ ।
ਕੋਵਿਡ 19 ਦੇ ਰੱਖ ਰਖਾਵ ਕੈਟਾਗਿਰੀ ਅਧੀਨ ਅਕਾਲ ਅਕੈਡਮੀ ਮਨਾਲ, ਸਪ੍ਰਸ ਜ਼ੀਰੋ ਪੁਅਇੰਟ, ਸਪ੍ਰਸ ਹੰਡਿਆਇਆ, ਸਹਸ ਮੌੜਾਂ, ਸਹਸ ਜੁਮਲਾ ਮਾਲਕਾਨ ਬਰਨਾਲਾ, ਹੈਡਵਾਸ਼ਿੰਗ ਵਿਦ ਸੋਪ ਕੈਟਾਗਿਰੀ ਅਧੀਨ ਸਮਿਸ ਗੁੰਮਟੀ, ਸਪ੍ਰਸ ਅਮਲਾ ਸਿੰਘ ਵਾਲਾ, ਸਪ੍ਰਸ ਅਕਾਲਗੜ੍ਹ ਬਸਤੀ, ਸਸਸਸ ਤਪਾ ਮੁੰਡੇ, ਸਹਸ ਕੁਰੜ, ਓਪਰੇਸ਼ਨ ਅਤੇ ਮੈਨਟੀਨਸ ਕੈਟਾਗਿਰੀ ਅਧੀਨ ਸਮਿਸ ਮੱਲੀਆਂ, ਜੀਟੀਬੀ ਸਪ੍ਰਸ ਹੰਡਿਆਇਆ, ਸਪ੍ਰਸ ਰਾਜਗੜ੍ਹ, ਸਸਸਸ ਖੁੱਡੀ ਕਲਾਂ, ਐਲ.ਬੀ.ਐਸ. ਆਰੀਆ ਮਹਿਲਾ ਕਾਲਜ਼ੀਏਟ ਸਕੂਲ, ਟੁਆਇਲਟਸ ਕੈਟਾਗਿਰੀ ਅਧੀਨ ਸਮਿਸ ਰਾਏਸਰ ਪਟਿਆਲਾ, ਸਮਿਸ ਅਲਕੜਾ, ਸਸਸਸ ਹੰਡਿਆਇਆ, ਸਹਸ ਪੰਧੇਰ, ਵਾਟਰ ਕੈਟਾਗਿਰੀ ਅਧੀਨ ਸਮਿਸ ਮੱਝੂਕੇ, ਸਪ੍ਰਸ ਕਰਮਗੜ੍ਹ, ਬਾਬਾ ਗਾਂਧਾ ਸਿੰਘ ਪਬਲਿਕ ਸਕੂਲ ਬਰਨਾਲਾ ਬਰਾਡਵੇ ਪਬਲਿਕ ਸਕੂਲ ਮਨਾਲ ਨੇ ਪੁਰਸਕਾਰ ਪ੍ਰਾਪਤ ਕੀਤੇ।
ਡਿਪਟੀ ਕਮਿਸ਼ਨਰ ਬਰਨਾਲਾ ਨੇ ਕਿਹਾ ਕਿ ਇਹ ਸਕੂਲ ਜਿਲ੍ਹਾ ਬਰਨਾਲਾ ਦੇ ਬਾਕੀ ਸਕੂਲਾਂ ਦੇ ਰੋਲ ਮਾਡਲ ਦਾ ਕੰਮ ਕਰਨਗੇ ਅਤੇ ਭਵਿੱਖ ਵਿੱਚ ਵੀ ਉਪਰਾਲੇ ਤੇ ਯਤਨ ਜਾਰੀ ਰੱਖਣਗੇ। ਉਨ੍ਹਾਂ ਜੇਤੂ ਸਕੂਲਾਂ ਨੂੰ ਵਧਾਈ ਵੀ ਦਿੱਤੀ ਅਤੇ ਰਾਜ ਪੱਧਰ ਤੇ ਹਿੱਸਾ ਲੈਣ ਵਾਲੇ ਸਕੁਲਾਂ ਨੂੰ ਸ਼ੁਭ ਇੱਛਾਵਾਂ ਦਿੱਤੀਆ। ਇਸ ਮੌਕੇ ਸ਼੍ਰੀਮਤੀ ਵਸੁੰਧਰਾ ਕਪਿਲਾ ਡਿਪਟੀ ਡੀ.ਈ.ਓ(ਐ.ਸਿੱ), ਸ੍ਰੀ ਰਵਿੰਦਰਪਾਲ ਸਿੰਘ ਪ੍ਰਿੰਸੀਪਲ, ਸ੍ਰੀਮਤੀ ਸੁਰੇਸ਼ਟਾ ਰਾਣੀ ਹੈਡਮਿਸਟ੍ਰੈਸ ਅਤੇ ਵੱਖ ਵੱਖ ਸਕੂਲਾਂ ਦੇ ਸਕੂਲ ਮੁਖੀ ਹਾਜਰ ਸਨ।