ਵਿਸ਼ਵ ਵਾਤਾਵਰਨ ਦਿਵਸ ਦੇ ਮੌਕੇ ਆਜ਼ਾਦੀ ਕਾ ਅੰਮਿ੍ਰਤ ਮਹਾਂਉਤਸਵ ਨੂੰ ਸਮਰਪਿਤ ‘ਨਾਨਕ ਬਾਗ’ ਦੇ ਨਾਂਅ ’ਤੇ ਜ਼ਿਲਾ ਪ੍ਰਸ਼ਾਸਨ ਦੀ ਅਗਵਾਈ ਵਿਚ ਮਨਰੇਗਾ ਕੋਆਰਡੀਨੇਟਰ ਮਨਦੀਪ ਸਿੰਘ ਦੇ ਸਹਿਯੋਗ ਨਾਲ ਰਾਊਂਡ ਗਲਾਸ ਫਾਉਂਡੇਸ਼ਨ ਮੋਹਾਲੀ ਵੱਲੋਂ ਪਿੰਡ ਨੰਗਲ ਖੁਰਦ ਵਿਖੇ ਸਾਢੇ ਚਾਰ ਏਕੜ ਵਿਚ 11500 ਅਤੇ ਪਿੰਡ ਧਲੇਵਾਂ ਵਿਖੇ 3 ਏਕੜ ਵਿੱਚ 6200 ਪੌਦੇ ਯੁਵਕ ਭਲਾਈ ਕਲੱਬਾਂ, ਮਨਰੇਗਾ, ਗਰਾਮ ਪੰਚਾਇਤ ਨੰਗਲ ਖੁਰਦ ਗਰਾਮ ਪੰਚਾਇਤ ਪਿੰਡ ਧਲੇਵਾਂ ਦੇ ਸਹਿਯੋਗ ਨਾਲ ਲਗਾਏ ਗਏ।
ਇਸ ਸਮੇਂ ਇਕੱਤਰ ਹੋਏ ਨੌਜਵਾਨਾਂ, ਮਨਰੇਗਾ ਕਾਮਿਆਂ ਅਤੇ ਗਰਾਮ ਪੰਚਾਇਤਾਂ ਨੂੰ ਸੰਬੋਧਨ ਕਰਦੇ ਹੋਏ ਯੁਵਕ ਸੇਵਾਵਾ ਵਿਭਾਗ ਪੰਜਾਬ ਦੇ ਸਹਾਇਕ ਡਾਇਰੈਕਟਰ ਰਘਬੀਰ ਸਿੰਘ ਮਾਨ ਨੇ ਕਿਹਾ ਕਿ ਵਾਤਾਵਰਨ ਦਿਵਸ ਮਨਾਉਣ ਦਾ ਮੰਤਵ ਖ਼ਾਨਾਪੂਰਤੀ ਨਾ ਹੋ ਕੇ ਇਸ ਮੌਕੇ ਲਗਾਏ ਗਏ ਪੌਦੇ ਦੇ ਦਰੱਖਤ ਬਣਨ ਤੱਕ ਸਾਂਭ ਸੰਭਾਲ ਕਰਨਾ ਹੁੰਦਾ ਹੈ। ਇਸ ਮੌਕੇ ਰਾਉਂਡ ਗਲਾਸ ਫਾਉਂਡੇਸਨ ਮੋਹਾਲੀ ਦੇ ਰਜਨੀਸ਼ ਕੁਮਾਰ, ਰੋਹਿਤ ਕਿ੍ਪਲਾਨੀ, ਗੁਰਸਿਮਰਨ ਮਲੇਰਕੋਟਲਾ ਅਤੇ ਸੁਖਜੀਤ ਸਿੰਘ ਬੀਰੋਕੇ ਨੇ ਵੀ ਸੰਬੋਧਨ ਕੀਤਾ।
ਮਨਦੀਪ ਸਿੰਘ ਕੁਆਡੀਨੇਟਰ ਮਨਰੇਗਾ ਅਤੇ ਸਰਬਜੀਤ ਸਿੰਘ ਯੂਥ ਅਫ਼ਸਰ ਨਹਿਰੂ ਯੁਵਾ ਕੇਂਦਰ ਨੇ ਕਿਹਾ ਕਿ ਸਾਡਾ ਵਾਤਾਵਰਨ ਬਹੁਤ ਹੀ ਜਿਆਦਾ ਪ੍ਰਦੂਸ਼ਿਤ ਹੋ ਚੁੱਕਾ ਹੈ ਜਿਸ ਕਾਰਨ ਸਾਨੂੰ ਬਹੁਤ ਹੀ ਭਿਆਨਕ ਬਿਮਾਰੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਅਤੇ ਮਨੁੱਖ ਦਾ ਹਵਾ ਵਿੱਚ ਸਾਹ ਲੈਣਾ ਔਖਾ ਹੋ ਗਿਆ ਹੈ ਸੋ ਸਾਨੂੰ ਚੌਗਿਰਦੇ ਦੀ ਸਾਂਭ-ਸੰਭਾਲ ਲਈ ਵੱਧ ਤੋਂ ਵੱਧ ਦਰੱਖਤ ਲਗਾਉਣੇ ਚਾਹੀਦੇ ਹਨ।
ਇਸ ਮੌਕੇ ਲੋਕ ਭਲਾਈ ਕਲੱਬ ਖੀਵਾ ਮੀਹਾ ਸਿੰਘ ਵਾਲਾ, ਬਾਬਾ ਅੰਗੜ ਦਾਸ ਕਲੱਬ ਧਲੇਵਾਂ ਦਸਮੇਸ਼ ਯੁਵਕ ਸੇਵਾਵਾਂ ਕਲੱਬ ਬੀਰੋਕੇ , ਹਰਵਿੰਦਰ ਕੌਰ ਸਰਪੰਚ ਨੰਗਲ ਖੁਰਦ, ਸੁਖਜੀਤ ਕੌਰ ਸਰਪੰਚ ਮੌਜੀਆ ਸਰਬਜੀਤ ਕੌਰ, ਬਲਜੀਤ ਕੌਰ ਨੰਗਲ ਖੁਰਦ ਤੋਂ ਇਲਾਵਾ ਜੱਗਾ ਸਿੰਘ ਅਲੀਸੇਰ , ਨਿਰਮਲ ਸਿੰਘ ਮੌਜੀਆ, ਅਮਨਦੀਪ ਸਿੰਘ ਹੀਰਕੇ, ਗੁਰਪ੍ਰੀਤ ਸਿੰਘ ਭੰਮਾ(ਚਾਰੇ ਸਟੇਟ ਅਵਾਰਡੀ), ਦੀਦਾਰ ਮਾਨ ਭੈਣੀ ਬਾਘਾ, ਮਨਜੀਤ ਭੱਟੀ ਫੱਤਾ ਮਾਲੋਕਾ, ਸਰਪੰਚ ਹਰਦੇਵ ਸਿੰਘ ਧਲੇਵਾਂ, ਗੁਰਪਿਆਰ ਸਿੰਘ ਢੇਰ ਫਤਿਆਬਾਦ ਹਰਿਆਣਾ, ਮਨਦੀਪ ਸਿੰਘ ਮਨਰੇਗਾ ਕੋਆਡੀਨੇਟਰ, ਬੀ ਡੀ ਪੀ ਓ ਬਲਦੇਵ ਸਿੰਘ ਜੇ ਈ ਕੁਲਦੀਪ ਸਿੰਘ, ਸਤਨਾਮ ਸਿੰਘ ,ਨਰਿੰਦਰ ਸਰਮਾ, ਗੁਰਸੇਵਕ ਟਾਂਡੀਆ ਮਲਕੀਤ ਸਿੰਘ ਟਾਂਡੀਆਂ ਅਤੇ ਨਹਿਰੂ ਯੁਵਾ ਕੇਂਦਰ ਦੇ ਸੰਦੀਪ ਘੰਡ ਵੀ ਮੌਜੂਦ ਸਨ।