ਲੋਕਾਂ ਦੀ ਜ਼ਿੰਦਗੀ ਨੂੰ ਸੌਖਾ ਬਨਾਉਣ ਅਤੇ ਸੂਬੇ ਦੀ ਤਰੱਕੀ ਲਈ ਦਿਨ ਰਾਤ ਇੱਕ ਕਰ ਕੇ ਕੰਮ ਕੀਤਾ ਜਾ ਰਿਹਾ ਹੈ, ਜਿਸ ਤਹਿਤ ਕਰੋੜਾਂ ਰੁਪਏ ਦੇ ਪ੍ਰੋਜੈਕਟ ਹਲਕਾ ਅਮਲੋਹ ਵਿੱਚ ਪੂਰੇ ਹੋਏ ਹਨ ਤੇ ਬਾਕੀਆਂ ਸਬੰਧੀ ਕੰਮ ਜੰਗੀ ਪੱਧਰ ਉਤੇ ਜਾਰੀ ਹੈ। ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਖੇਤੀਬਾੜੀ ਤੇ ਕਿਸਾਨ ਭਲਾਈ ਤੇ ਫੂਡ ਪ੍ਰੋਸੈਸਿੰਗ ਮੰਤਰੀ ਸ. ਰਣਦੀਪ ਸਿੰਘ ਨਾਭਾ ਨੇ ਅਮਲੋਹ ਸ਼ਹਿਰ ਵਾਸਤੇ ਪਿੰਡ ਭੱਦਲ ਥੂਆ ਵਿਖੇ 05.45 ਕਰੋੜ ਰੁਪਏ ਦੀ ਲਾਗਤ ਨਾਲ ਲੱਗਣ ਵਾਲੇ ਸੀਵਰੇਜ ਟਰੀਟਮੈਂਟ ਪਲਾਂਟ ਦਾ ਨੀਂਹ ਪੱਥਰ ਰੱਖਣ ਉਪਰੰਤ ਕੀਤਾ।ਸ. ਨਾਭਾ ਨੇ ਦੱਸਿਆ ਕਿ 03 ਐਮ ਐਲ ਡੀ ਸਮਰੱਥਾ ਵਾਲੇ ਇਸ ਟਰੀਟਮੈਂਟ ਪਲਾਂਟ ਦਾ ਕੰਮ ਸ਼ੁਰੂ ਹੋਣ ਨਾਲ ਲੋਕਾਂ ਦੀ ਚਿਰਕੋਣੀ ਮੰਗ ਪੂਰੀ ਹੋਈ ਹੈ ਤੇ ਇਹ ਪ੍ਰੋਜੈਕਟ 01 ਸਾਲ ਵਿੱਚ ਮੁਕੰਮਲ ਕਰ ਲਿਆ ਜਾਵੇਗਾ। ਇਸ ਨਾਲ ਜਿੱਥੇ ਅਮਲੋਹ ਸ਼ਹਿਰ ਦੀ ਸੀਵਰੇਜ ਸਬੰਧੀ ਦਿੱਕਤ ਦੂਰ ਹੋਣ ਨਾਲ ਲਾਭ ਹੋਵੇਗਾ, ਉਥੇ ਕਿਸਾਨਾਂ ਨੂੰ ਵੀ ਵੱਡੇ ਪੱਧਰ ਉਤੇ ਫਾਇਦਾ ਹੋਵੇਗਾ ਕਿਉਂਕਿ ਇਸ ਪਲਾਂਟ ਜ਼ਰੀਏ ਟਰੀਟ ਕੀਤੇ ਪਾਣੀ ਦੀ ਵਰਤੋਂ ਖੇਤਾਂ ਲਈ ਕੀਤੀ ਜਾਇਆ ਕਰੇਗੀ। ਇਸ ਨਾਲ ਜਿੱਥੇ ਮੋਟਰਾਂ ਚਲਾਉਣ ਉਤੇ ਖ਼ਪਤ ਹੁੰਦੀ ਬਿਜਲੀ ਬਚੇਗੀ, ਉਥੇ ਧਰਤੀ ਹੇਠਲੇ ਪਾਣੀ ਦੀ ਵੀ ਬੱਚਤ ਹੋਵੇਗੀ।ਸ. ਨਾਭਾ ਨੇ ਲੋਕਾਂ ਨੂੰ ਵਾਤਾਵਰਨ ਸੰਭਾਲ ਦਾ ਸੱਦਾ ਦਿੰਦਿਆਂ ਵੱਧ ਤੋਂ ਵੱਧ ਰੁੱਖ ਲਗਾਉਣ ਦੀ ਅਪੀਲ ਕੀਤੀ। ਸਰਕਾਰ ਮਿਲਾਵਟ ਰਹਿਤ ਭੋਜਨ ਪਦਾਰਥ, ਸਾਫ ਪਾਣੀ, ਸਾਫ ਹਵਾ, ਹਰਾ ਭਰਾ ਚੌਗਿਰਦਾ, ਰੋਡ ਸੇਫਟੀ, ਕੂੜਾ ਪ੍ਰਬੰਧਨ, ਆਦਿ ਉਤੇ ਉਚੇਚੇ ਤੌਰ ਉਤੇ ਕੰਮ ਕਰ ਰਹੀ ਹੈ।
ਸ. ਨਾਭਾ ਨੇ ਦੱਸਿਆ ਕਿ ਹਲਕਾ ਅਮਲੋਹ ਦੇ ਪਿੰਡਾਂ ਦੇ ਵਿਕਾਸ ਉਤੇ ਕਰੋੜਾਂ ਰੁਪਏ ਖਰਚ ਕੀਤੇ ਗਏ ਹਨ। 70 ਤੋਂ ਵੱਧ ਪਿੰਡਾਂ ਵਿੱਚ ਮੁਸ਼ਕਲਾਂ ਦੀ ਜੜ ਬਣੇ ਟੋਭਿਆਂ ਨੂੰ ਬੰਦ ਕਰ ਕੇ ਸੁੰਦਰ ਪਾਰਕ ਜਾਂ ਮੈਦਾਨ ਬਣਾਏ ਗਏ ਹਨ। ਜਿੱਥੇ ਲੋਕੀਂ ਸੈਰ ਅਤੇ ਕਸਰਤ ਕਰਦੇ ਹਨ ਤੇ ਬੱਚਿਆਂ ਨੂੰ ਖੇਡਣ ਲਈ ਚੰਗੀਆਂ ਥਾਵਾਂ ਮਿਲੀਆਂ ਹਨ। ਇਸ ਦੇ ਨਾਲ ਨਾਲ ਸੀਚੇਵਾਲ ਤੇ ਥਾਪਰ ਮਾਡਲਾਂ ਤਹਿਤ ਪਿੰਡਾਂ ਦੇ ਗੰਦੇ ਪਾਣੀ ਨੂੰ ਸਾਫ ਕਰ ਕੇ ਟੋਭਿਆਂ ਵਿੱਚ ਪਾਇਆ ਜਾ ਰਿਹਾ ਹੈ ਤੇ ਉਸ ਪਾਣੀ ਦੀ ਵਰਤੋਂ ਅੱਗੇ ਖੇਤੀ ਲਈ ਕੀਤੀ ਜਾਂਦੀ ਹੈ।ਇਸ ਮੌਕੇ ਐਸ.ਡੀ.ਐਮ. ਅਮਲੋਹ ਜੀਵਨਜੋਤ ਕੌਰ, ਸਰਪੰਚ ਜਗਵੀਰ ਸਿੰਘ ਸਲਾਣਾ ਪ੍ਰਧਾਨ ਬਲਾਕ ਕਾਂਗਰਸ ਅਮਲੋਹ, ਮਹਿੰਦਰ ਪਜਨੀ ਪ੍ਰਧਾਨ ਬਲਾਕ ਕਾਂਗਰਸ ਅਮਲੋਹ ਸ਼ਹਿਰੀ,ਡਾ. ਹਰਪ੍ਰੀਤ ਸਿੰਘ ਪ੍ਰਧਾਨ ਨਗਰ ਕੌਂਸਲ ਅਮਲੋਹ,ਐਡਵੋਕੇਟ ਬਲਜਿੰਦਰ ਸਿੰਘ ਭੱਟੋਂ ਕਨੂੰਨੀ ਸਲਾਹਕਾਰ ਕਾਂਗਰਸ ਹਲਕਾ ਅਮਲੋਹ,ਪੀ.ਏ. ਰਾਮ ਕ੍ਰਿਸ਼ਨ ਭੱਲਾ, ਐਕਸੀਅਨ ਸੀਵਰੇਜ ਬੋਰਡ ਸਬਜੀਤ ਸਿੰਘ, ਐਸ ਡੀ ਓ ਗਗਨ ਗਰਗ, ਜੇ ਈ ਸਤਿੰਦਰ ਸਿੰਘ ਤੇ ਅਸ਼ੀਸ਼ ਕੁਮਾਰ, ਤਹਿਸੀਲਦਾਰ ਅੰਕਿਤਾ ਅਗਰਵਾਲ, ਐਮ ਸੀ ਹੈਪੀ ਸੇਢਾ, ਦੇਸ਼ ਭਗਤ ਯੂਨੀਵਰਸਿਟੀ ਦੇ ਰਜਿਸਟਰਾਰ ਡਾ. ਕੁਲਭੂਸ਼ਨ,ਬਲਵੀਰ ਸਿੰਘ ਮਿੰਟੂ ਮੈਂਬਰ ਬਲਾਕ ਸੰਮਤੀ,ਜੱਗੀ ਵੜੈਚ ਡਾਇਰੈਕਟਰਜ ਪੀ ਏ ਡੀ ਬੀ,ਸਰਪੰਚ ਹਰਜਿੰਦਰ ਸਿੰਘ ਟਿੰਕਾ ਪ੍ਰਧਾਨ ਸਰਪੰਚ ਯੂਨੀਅਨ ਅਮਲੋਹ,ਲੱਕੀ ਸ਼ਰਮਾ ਪ੍ਰਧਾਨ ਯੂਥ ਕਾਂਗਰਸ ਹਲਕਾ ਅਮਲੋਹ,ਰਾਕੇਸ਼ ਕੁਮਾਰ ਗੋਗੀ,ਸ਼ਰਨ ਭੱਟੀ ਮੀਡੀਆ ਸਲਾਹਕਾਰ,ਲਵਪ੍ਰੀਤ ਭੱਟੀ ਕਾਹਨਪੁਰ,ਸਰਪੰਚ ਰਘਵੀਰ ਲੱਲੋਂ,ਸਰਪੰਚ ਜੋਗਾ ਭੱਦਲਥੂਹਾ,ਅੰਕੁਰ ਸੈਣੀ,ਦਿਲਬਾਗ ਭਾਂਬਰੀ ਮੈਂਬਰ ਬਲਾਕ ਸੰਮਤੀ ਆਦਿ ਹਾਜ਼ਰ ਸਨ।