ਸ੍ਰੋਮਣੀ ਅਕਾਲੀ ਭਾਜਪਾ ਦੇ ਸਾਂਝੇ ਉਮੀਦਵਾਰ ਬਲਵੰਤ ਸਿੰਘ ਰਾਮੂਵਾਲੀਆ ਨੇ ਫੇਜ-3ਬੀ2, ਫੇਜ-11,ਫੇਜ-2, ਵਿੱਚ ਦਰਜਨ ਭਰ ਦੇ ਕਰੀਬ ਪ੍ਰੋਗਰਾਮਾਂ ਨੂੰ ਸੰਬੋਧਨ ਕਰਦਿਆ ਕਿਹਾ ਕਿ ਸ੍ਰੋਮਣੀ ਅਕਾਲੀ ਦਲ ਭਾਜਪਾ ਸਰਕਾਰ ਨੇ ਐਸ.ਏ.ਐਸ.ਨਗਰ. 'ਚ ਵਿਕਾਸ ਦੀ ਹਨੇਰੀ ਲਿਆ ਕੇ ਦੱਸ ਦਿੱਤਾ ਹੈ ਕਿ ਇਹੀ ਸਰਕਾਰ ਪੰਜਾਬ ਦੇ ਵਿਕਾਸ ਨੂੰ ਸਹੀ ਲੀਹ ਤੇ ਪਾ ਸਕਦੀ ਹੈ। ਉਨਾਂਹ ਕਿਹਾ ਕਿ ਮੋਹਾਲੀ ਵਿੱਚ ਅਕਾਲੀ ਭਾਜਪਾ ਸਰਕਾਰ ਨੇ 1200 ਕਰੋੜ ਦੇ ਵਿਕਾਸ ਕਾਰਜ ਕਰਵਾਏ ਹਨ, ਜਿਸ ਕਰਕੇ ਮੋਹਾਲੀ ਦੀਆਂ ਸਾਰੀਆਂ ਸੜਕਾਂ ਅੱਜ ਬਾਹਰਲੇ ਦੇਸ਼ ਦਾ ਨਜਾਰਾ ਪੇਸ਼ ਕਰ ਰਹੀਆਂ ਹਨ। ਉਨਾਂਹ ਕਿਹਾ ਕਿ ਜਵਾਨੀ ਨੂੰ ਬਚਾਉਣ ਲÂਂੀ ਇਸ ਸਰਕਾਰ ਹਰ ਪਿੰਡ 'ਚ ਸੈਕਟਰ 'ਚ ਜਿੰਮ ਖੋਲ੍ਹ ਦਿੱਤੇ ਹਨ, ਜਿੱਥੇ ਨੌਜਵਾਨ ਹੁਣ ਨਸ਼ੇ ਜਾਂ ਸ਼ਰਾਬਾਂ ਪੀਣ ਦੀ ਥਾਂ ਖੇਡ ਮੈਦਾਨਾਂ ਵਿਚ ਖੇਡਣਗੇ। ਉਨ੍ਹਾਂ ਕਿਹਾ ਕਿ ਮੋਹਾਲੀ ਵਿਚ ਇਕ ਅੰਤਰਰਾਸ਼ਟਰੀ ਪੱਧਰ ਦਾ ਹਾਕੀ ਸਟੇਡੀਅਮ ਅਤੇ ਦੂਸਰੀਆਂ ਖੇਡਾਂ ਲਈ 9 ਸਟੇਡੀਅਮਾਂ ਦੀ ਉਸਾਰੀ ਅਕਾਲੀ-ਭਾਜਪਾ ਦੇ ਵਿਕਾਸ ਦਾ ਸਹੀ ਉਪਰਾਲਾ ਹੈ। ਉਨ੍ਹਾਂ ਕਿਹਾ ਕਿ ਇਹ ਅਕਾਲੀ ਭਾਜਪਾ ਸਰਕਾਰ ਹੀ ਹੈ ਜਿਸ ਨੇ ਯੂ.ਪੀ., ਬਿਹਾਰ ਵਰਗੇ 5-6 ਗੁਣਾ ਵੱਡੇ ਸੂਬਿਆਂ ਤੋਂ ਅੱਗੇ ਨਿਕਲ ਕੇ ਦੋ ਅੰਤਰਰਾਸ਼ਟਰੀ ਹਵਾਈ ਅੱਡੇ ਬਣਾਏ ਹਨ, ਜਦੋਂ ਕਿ ਯੂ.ਪੀ. ਤੇ ਬਿਹਾਰ ਵਰਗੇ ਸੂਬਿਆਂ ਵਿਚ ਇਕ ਵੀ ਅੰਤਰਾਰਸ਼ਟਰੀ ਹਵਾਈ ਅੱਡਾ ਨਹੀਂ।
ਉਨ੍ਹਾਂ ਕਿਹਾ ਕਿ ਅਕਾਲੀ-ਭਾਜਪਾ ਸਰਕਾਰ ਦੇ ਮੁੱਖ ਮੰਤਰੀ ਸ੍ਰ. ਪ੍ਰਕਾਸ਼ ਸਿੰਘ ਬਾਦਲ ਨੇ ਮੋਹਾਲੀ ਨੂੰ ਗੁੜਗਾਉਂ, ਹੈਦਰਾਬਾਦ ਤੇ ਚੇਨਈ ਬਣਾਉਣ ਦਾ ਤਹੱਈਆ ਕੀਤਾ ਹੋਇਆ ਹੈ। ਜਿਸ ਦੇ ਬਨਣ ਨਾਲ ਪੰਜਾਬ ਦੇ ਨੌਜਵਾਨ ਕੁੜੀਆਂ-ਮੁੰਡੀਆਂ ਨੂੰ ਨੌਕਰੀ ਲਈ ਉੱਥੇ ਨਹੀਂ ਜਾਣਾ ਪਵੇਗਾ ਤੇ ਉਹਨੌਕਰੀ ਕਰਦਿਆਂ ਆਪਣੀਆਂ ਮਾਵਾਂ ਤੋਂ ਗਰਮ ਰੋਟੀ ਤੇ ਨਿੱਘ ਲੈ ਸਕਣਗੇ। ਰਾਮੂਵਾਲੀਆ ਨੇ ਕਿਹਾ ਕਿ ਲੋਕ ਮੋਹਾਲੀ ਵਿਚ ਚੋਣਾਂ ਲੜ ਰਹੇ ਉਮੀਦਵਾਰਾਂ ਦੇ ਕੰਮ ਤੇ ਸੇਵਾ ਨੂੰ ਜਰੂਰ ਧਿਆਨ ਵਿਚ ਰੱਖਣਗੇ। ਉਨ੍ਹਾਂ ਕਿਹਾ ਕਿ ਉਹ ਪੂਰੇ 22 ਸਾਲਾਂ ਤੋਂ ਪੰਜਾਬ ਦੇ ਦੂਜੇ ਦੇਸ਼ਾਂ ਵਿਚ ਫਸੇ 25000 ਮੁੰਡਿਆਂ ਨੂੰ ਜੇਲ੍ਹਾਂ ਦੀਆਂ ਕਾਲ ਕੋਠੜੀਆਂ 'ਚੋਂ ਕੱਢ ਕੇ ਉਨ੍ਹਾਂ ਦੀਆਂ ਮਾਵਾਂ ਦੀ ਬੁੱਕਲ ਵਿਚ ਬਿਠਾ ਚੁੱਕੇ ਹਨ ਅਤੇ ਵਿਦੇਸ਼ਾਂ ਵਿਚ ਰਹਿ ਰਹੇ ਪ੍ਰਵਾਸੀਆਂ ਲਾੜਿਆਂ ਦੀਆਂ ਛੱਡੀਆਂ 15000ਧੀਆਂ ਤੇ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਜਾਂ ਤਾਂ ਘਰਾਂ ਵਿਚ ਵਸਾ ਚੁੱਕੇ ਹਨ ਅਤੇ ਜਾਂ ਫਿਰ ਮਾਸੂਮ ਲੜਕੀਆਂ ਤੇ ਬੱਚਿਆਂ ਨੂੰ ਇਨਸਾਫ ਦਵਾਉਣ ਲਈ ਉਨ੍ਹਾਂ ਜਾਲਮ ਬੰਦਿਆਂ ਨੂੰ ਜੇਲ੍ਹਾਂ ਵਿਚ ਭਿਜਵਾ ਚੁੱਕੇ ਹਨ।
ਰਾਮੂਵਾਲੀਆਂ ਜਦੋਂ ਬੋਲ ਰਹੇ ਸਨ ਤਾਂ ਉਸ ਮੌਕੇ ਵੀ ਇਕ 19 ਸਾਲਾਂ ਦੀ ਮਾਸੂਮ ਬੱਚੀ ਜੋ ਮੋਗਾ ਦੇ ਬੁੱਘੀਪੁਰਾ ਪਿੰਡ ਦੀ ਸੀ, ਆ ਕੇ ਸਟੇਜਤੇ ਉਨ੍ਹਾਂ ਨੂੰ ਮਿਲੀ ਤੇ ਦੱਸਿਆ ਕਿ ਉਸ ਦੇ ਸਹੁਰਿਆਂ ਨੇ ਉਸ ਨੂੰ ਉਸ ਸਮੇਂ ਸਹੁਰੇ ਘਰੋਂ ਕੱਢ ਦਿੱਤਾ ਜਦੋਂ ਉਸ ਦੇ ਗਰਭ ਵਿਚ ਬੱਚਾ ਸੀ ਤੇ ਅੱਜ ਵੀ ਉਹ ਮਾਸੂਮ ਬੱਚਾ ਵੀ ਉਸ ਦੀ ਕੁੱਛੜ ਚੁੱਕਿਆ ਹੋਇਆ ਸੀ। ਉਸ ਨੇ ਦੱਸਿਆ ਕਿ ਸਹੁਰੇ ਪਰਿਵਾਰ ਵੱਲੋਂ ਉਸ ਨੂੰ ਸਹੁਰੇ ਘਰ ਵਿਚ ਓਨਾ ਚਿਰ ਨਾ ਵੜਨ ਦੀ ਤਾਕੀਦ ਕੀਤੀ ਹੈ ਜਦੋਂ ਤੱਕ ਉਹ ਆਪਣੇ ਨਾਲ ਮਾਪਿਆਂ ਤੋਂ ਕਾਰ ਲੈ ਕੇ ਨਹੀਂ ਆਉਂਦੀ। ਭਾਵੁਕ ਮਾਹੌਲ ਵਿਚ ਪੰਡਾਲ ਵਿਚ ਬੈਠੇ ਲੋਕਾਂ ਨੇ ਖੜ੍ਹੇ ਹੋ ਕੇ ਰਾਮੂਵਾਲੀਆ ਨੂੰ ਇਸ ਦੁਖਿਆਰੀ ਦਾ ਮਸਲਾ ਹੱਲ ਕਰਨ ਦੀਆਂ ਆਵਾਜਾਂ ਦਿੱਤੀਆਂ। ਇਸ ਮੌਕੇ ਰਾਮੂਵਾਲੀਆ ਨੇ ਭਰੋਸਾ ਦਿਵਾਇਆ ਕਿ ਉਹ ਹਰ ਧੀ ਦੇ ਹੰਝੂ ਪੋਚਣ ਲਈ ਕਦੇ ਵੀ ਪਿੱਛੇ ਨਹੀਂ ਹਟਣਗੇ। ਇਨ੍ਹਾਂ ਪ੍ਰੋਗਰਾਮਾਂ ਵਿਚ ਫੇਜ 3 ਬੀ 1 ਦੀਆਂ ਵੈਲਫੇਅਰ ਐਸੋਸੀਏਸ਼ਨਾਂ ਦੇ ਅਹੁਦੇਦਾਰਾਂ ਨੇ ਹਰਮਨਪ੍ਰੀਤ ਸਿੰਘ ਪਿੰ੍ਰਸ ਐਡਵੋਕੇਟ, ਸੁਰਿੰਦਰਪਾਲ ਸਿੰਘ ਬੀਜੇਪੀ ਆਗੂ, ਜਗਪਾਲ ਸਿੰਘ, ਫੇਜ 11 ਵਿਚ ਸਾਬਕਾ ਐਮ.ਸੀ. ਸੁਖਵਿੰਦਰ ਸਿੰਘ ਬਰਨਾਲਾ ਤੇ ਅਮਰੀਕ ਸਿੰਘ ਤਹਿਸੀਲਦਾਰ ਦੀ ਅਗਵਾਈ ਵਿਚ ਲੋਕਾਂ ਨੇ ਇਕੱਠੇ ਹੋ ਕੇ ਸ. ਰਾਮੂਵਾਲੀਆ ਨੂੰ ਜਿਤਾਉਣ ਦਾ ਪ੍ਰਣ ਕੀਤਾ ਅਤੇ ਅੱਜ ਤੋਂ ਉਨ੍ਹਾਂ ਦੀ ਚੋਣ ਕਮਾਂਡ ਆਪ ਸਾਂਭਣ ਦਾ ਐਲਾਨ ਕੀਤਾ।