ਦਿੱਲੀ ਮੋਰਚਾ ਸਫ਼ਲਤਾ ਪੂਰਵਕ ਚੱਲ ਰਿਹਾ ਹੈ। ਕਿਸਾਨਾਂ ਦਾ ਉਤਸ਼ਾਹ ਮੋਰਚੇ ਦੀ ਜਲਦੀ ਜਿੱਤ ਦਾ ਸੂਚਕ ਹੈ। ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾਂ ਸਿੰਘੂ ਬਾਰਡਰ ਦਿੱਲੀ ਵਿਖੇ ਲੋਕ ਹਿੱਤ ਮਿਸ਼ਨ ਕੈਂਪ 'ਚ ਮੌਜੂਦ ਰਵਿੰਦਰ ਸਿੰਘ ਵਜੀਦਪੁਰ, ਅਮਰਜੀਤ ਸਿੰਘ ਬੜੌਦੀ, ਬਲਜੀਤ ਸਿੰਘ ਨੱਗਲ, ਜਗਮੋਹਨ ਸਿੰਘ ਹੁਸ਼ਿਆਰਪੁਰ ਨੇ ਦੱਸਿਆ ਕਿ ਕੇਂਦਰ ਸਰਕਾਰ ਖਿਲਾਫ਼ ਖੇਤੀ ਬਿੱਲਾਂ ਵਿਰੁੱਧ ਦਿੱਲੀ ਬਾਰਡਰਾਂ ਤੇ ਡਟੇ ਕਿਸਾਨਾਂ ਨੇ ਗਰਮੀ ਦੀ ਮੌਸ਼ਮ ਦੇ ਮੱਦੇਨਜ਼ਰ ਖੜ ਤੇ ਬਾਸ਼ਾਂ ਦੀਆਂ ਪੱਕੀਆਂ ਛੰਨਾਂ ਤੇ ਤਰਪਾਲਾਂ ਦੇ ਸੈਡ ਉਸਾਰ ਲਏ ਹਨ। ਜਿਨ੍ਹਾਂ ਵਿੱਚ ਕੂਲਰਾਂ ਤੇ ਪੱਖਿਆ ਦੇ ਵੀ ਵਿਸ਼ੇਸ ਪ੍ਰਬੰਧ ਕੀਤੇ ਗਏ ਹਨ। ਜਿਸ ਤੋਂ ਉਨ੍ਹਾਂ ਦੇ ਸੰਘਰਸ਼ ਦੀ ਜਿੱਤ ਨਾ ਹੋਣ ਤੱਕ ਪੱਕੇ ਤੌਰ ਤੇ ਡਟੇ ਰਹਿਣ ਦੇ ਇਰਾਦੇ ਸਪੱਸ਼ਟ ਨਜ਼ਰ ਆ ਰਹੇ ਹਨ। ਇਨ੍ਹਾਂ ਦੱਸਿਆ ਕਿ ਇਸੇ ਤਰ੍ਹਾਂ ਹਾੜੀ ਦੀ ਵਾਢੀ ਲਈ ਕਿਸਾਨਾਂ ਨੇ ਟੀਮਾਂ ਬਣਾਕੇ ਵਾਰੋ ਵਾਰੀ ਕੰਮ ਨਿਪਟਾਉਣ ਲਈ ਜਾਣ ਅਤੇ ਪਿੱਛੇ ਮੋਰਚਿਆਂ 'ਚ ਰਹਿਣ ਲਈ ਵੀ ਯੋਜਨਾਬੰਧ ਤਰੀਕਿਆ ਨਾਲ ਕੰਮ ਸ਼ੁਰੂ ਕਰ ਦਿੱਤਾ ਹੈ ਅਤੇ ਪਿੱਛੇ ਭਰ ਇਕੱਠ ਰੱਖਣ ਲਈ ਮੁਲਾਜ਼ਮ ਤੇ ਹੋਰ ਜਥੇਬੰਦੀਆਂ ਨੂੰ ਵਰਕਰਾਂ ਸਮੇਤ ਪੁੱਜਣ ਲਈ ਵੀ ਸੰਪਰਕ ਕੀਤਾ ਜਾ ਰਿਹਾ ਹੈ। ਜਿਸਦੇ ਚੱਲਦਿਆਂ ਮਈ ਵਿੱਚ ਫ਼ਿਰ ਜਥੇ ਪੁੱਜਣੇ ਸ਼ੁਰੂ ਹੋ ਜਾਣਗੇ। ਜਿਸ ਨਾਲ ਕਿਸਾਨਾਂ ਦੇ ਕੇਂਦਰ ਸਰਕਾਰ ਲਈ ਚਣੌਤੀ ਦੇ ਇਰਾਦੇ ਦ੍ਰਿੜ ਦਿਸ ਦਿਸ ਰਹੇ ਹਨ।