ਨਾਬਾਰਡ ਵੱਲੋਂ ਅੰਮਿ੍ਰਤਸਰ ਜ਼ਿਲੇ ਲਈ ਸਾਲ 2021-22 ਲਈ 13368 ਕਰੋੜ ਦੀ ਸੰਭਾਵੀ ਕਰਜ਼ਾ ਯੋਜਨਾ ਤਿਆਰ ਕੀਤੀ ਗਈ ਹੈ । ਜਿਸਨੂੰ ਅੱਜ ਜ਼ਿਲਾ ਸਲਾਹਕਾਰ ਕਮੇਟੀ ਦੀ ਮੌਜ਼ੂਦਗੀ ਵਿਚ ਵਧੀਕ ਡਿਪਟੀ ਕਮਿਸ਼ਨਰ ਰਣਬੀਰ ਸਿੰਘ ਮੂਧਲ ਵੱਲੋਂ ਜਾਰੀ ਕੀਤਾ ਗਿਆ।ਇਸ ਮੌਕੇ ਲੀਡ ਜਿਲਾ ਮੈਨੇਜਰ ਸ੍ਰੀ ਪ੍ਰੀਤਪਾਲ ਪਾਲ ਸਿੰਘ ਤੋਂ ਇਲਾਵਾ ਸਾਰੇ ਬੈਂਕਾਂ ਦੇ ਅਧਿਕਾਰੀ ਹਾਜ਼ਰ ਸਨ।ਵਧੀਕ ਡਿਪਟੀ ਕਮਿਸ਼ਨਰ ਨੇ ਦੱਸਿਆ ਕਿ ਪ੍ਰਾਇਰਟੀ ਸੈਕਟਰ ਦੇ ਤਹਿਤ ਸੰਭਾਵਿਤ ਕ੍ਰੈਡਿਟ ਖੇਤਰਾਂ ਨੂੰ ਸਾਮਲ ਕੀਤਾ ਗਿਆ ਹੈ ਅਤੇ ਇਸ ਸਾਲ ਦੀ ਯੋਜਨਾ ਪਿਛਲੇ ਸਾਲ ਤੋਂ 1.21 ਫੀਸਦੀ ਵਧਾਈ ਗਈ ਹੈ। ਉਨਾਂ ਨੇ ਮੀਟਿੰਗ ਵਿੱਚ ਹਾਜ਼ਰ ਸਾਰੇ ਬੈਂਕ ਅਧਿਕਾਰੀਆਂ ਨੂੰ ਕਿਹਾ ਕਿ ਉਹ ਸੈਲਫ ਹੈਲਪ ਗਰੁੱਪਾਂ ਦੇ ਬੈਂਕ ਖਾਤੇ ਵੱਧ ਤੋਂ ਵੱਧ ਖੋਲਣ ਅਤੇ ਲੋਕਾਂ ਨੂੰ ਸਰਕਾਰ ਵੱਲੋਂ ਚਲਾਈਆਂ ਜਾਂਦੀਆਂ ਸਕੀਮਾਂ ਸਬੰਧੀ ਜਾਗਰੂਕ ਕਰਨ।ਇਸ ਮੌਕੇ ਨਬਾਰਡ ਦੇ ਜਨਰਲ ਮੈਨੇਜਰ ਜਸਕੀਰਤ ਸਿੰਘ ਨੇ ਦੱਸਿਆ ਕਿ ਰਿਜਰਵ ਬੈਂਕ ਦੇ ਹਾਲਾਤਾਂ ਮੁਤਾਬਕ ਖੇਤੀਬਾੜੀ ਕਰੈਡਿਟ ਨੂੰ ਨਿਵੇਸ ਕਰਜੇ ਅਨੁਸਾਰ ਵਧਾਉਣਾ ਚਾਹੀਦਾ ਹੈ ਤਾਂ ਜੋ ਖੇਤੀਬਾੜੀ ਸੈਕਟਰ ਵਿੱਚ ਪੂੰਜੀ ਨਿਰਮਾਣ ਕਰ ਸਕਣ। ਉਨਾਂ ਦੱਸਿਆ ਕਿ ਸਾਲ 2021-22 ਦਾ ਮੁੱਖ ਵਿਸ਼ਾ ਖੇਤੀ ਦੀ ਆਮਦਨੀ ਵਧਾਉਣ ਲਈ ਖੇਤੀਬਾੜੀ ਉਤਪਾਦਾਂ ਦਾ ਸਮੂਹਿਤਿਕਰਨ ਤਾਂ ਕਿ ਅਗਾਂਹਵਧੂ ਅਤੇ ਪਛੜੇ ਕਿਸਾਨਾਂ ਦੁਆਰਾ ਖੇਤੀ ਦੀ ਆਰਥਿਕਤਾ ਵਿਚ ਸੁਧਾਰ ਲਿਆਉਣਾ ਹੈ। ਉਪਰੋਕਤ ਤੱਥਾਂ ਨੂੰ ਧਿਆਨ ਵਿਚ ਰੱਖਦੇ ਹੋਏ, ਸਾਲ 2021-22 ਲਈ ਪੀ.ਐਲ.ਪੀ ਦੇ ਕੁੱਲ ਅਨੁਮਾਨਾਂ ਦੀ ਅਨੁਮਾਨਤ ਅਨੁਮਾਨ ਹੈ, ਕਿ ਫਸਲ ਲੋਨ ਲਈ 4516 ਕਰੋੜ ਰੁਪਏ, ਖੇਤੀਬਾੜੀ ਲਈ ਸਹਾਇਕ ਟਰਮ ਲੋਨ 781 ਕਰੋੜ ਰੁਪਏ, ਖੇਤੀਬਾੜੀ ਢਾਂਚੇ ਲਈ 521 ਕਰੋੜ ਰੁਪਏ, ਖੇਤੀਬਾੜੀ ਦੇ ਸਹਾਇਕ ਕਾਰਜਾਂ ਲਈ 608 ਕਰੋੜ ਰੁਪਏ, ਛੋਟੇ ਅਤੇ ਦਰਮਿਆਨੇ ਉਦਯੋਗ ਲਈ 4310 ਕਰੋੜ ਰੁਪਏ, ਨਿਰਯਾਤ ਕਰੈਡਿਟ ਲਈ 609 ਕਰੋੜ ਰੁਪਏ, ਸਿੱਖਿਆ ਲਈ 522 ਕਰੋੜ, ਰਿਹਾਇਸ਼ੀ ਲਈ 1307 ਕਰੋੜ ਰੁਪਏ, ਨਵਿਆਉਣਯੋਗ ਊਰਜਾ ਲਈ 32 ਕਰੋੜ ਰੁਪਏ, ਹੋਰ 80 ਕਰੋੜ ਰੁਪਏ ਐਸ.ਐਚ.ਜੀ. / ਜੇ.ਐਲ.ਜੀ / ਸਮਾਲ ਲੋਨ) ਅਤੇ ਸਮਾਜਿਕ ਬੁਨਿਆਦੀ ਢਾਂਚੇ ਲਈ 77 ਕਰੋੜ ਰੁਪਏ ਹੈ ।