ਸੀਨੀਅਰ ਪੁਲਿਸ ਕਪਤਾਨ ਹਰਮਨਬੀਰ ਸਿੰਘ ਗਿੱਲ ਵੱਲੋ ਅੱਜ ਨੇਚਰ ਪਾਰਕ ਵਿਖੇ ਆਪਣੀ ਡਿਊਟ ਤਨਦੇਹੀ ਨਾਲ ਕਰਨ ਵਾਲੇ ਪੁਲਿਸ ਮੁਲਾਜ਼ਮਾਂ ਦਾ ਸਨਮਾਨ ਕੀਤਾ ਗਿਆ। ਸ੍ਰੀ ਗਿੱਲ ਨੇ ਸਿਵਲ ਕੱਪੜਿਆਂ ਵਿੱਚ ਹੀ ਨੇਚਰ ਪਾਰਕ ਦੀ ਚੈਕਿੰਗ ਕੀਤੀ ਜਿੱਥੇ ਉਨ੍ਹਾਂ ਪਾਇਆ ਕਿ ਦੋ ਪੁਲਿਸ ਮੁਲਾਜ਼ਮਾਂ ਵੱਲੋ ਆਪਣਾ ਕੰਮ ਪੂਰੀ ਮਿਹਨਤ ਅਤੇ ਤਨਦੇਹੀ ਨਾਲ ਕੀਤਾ ਜਾ ਰਿਹਾ ਹੈ।ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਉਨ੍ਹਾਂ ਦੱਸਿਆ ਕਿ ਰੋਜ਼ਾਨਾ ਦੀ ਕਰਫਿਊ ਢਿੱਲ ਸਮੇ ਸਵੇਰ 07 ਵਜੇ ਤੋਂ 11 ਵਜੇ ਹੈ। ਉਨ੍ਹਾਂ ਨੂੰ ਇਹ ਸੂਚਨਾ ਮਿਲ ਸੀ ਕਿ ਨੇਚਰ ਪਾਰਕ ਮੋਗਾ ਵਿਚ ਕੁੱਝ ਨਸ਼ੇੜੀ ਝਾੜੀਆਂ ਅਤੇ ਉਥੇ ਬਣੇ ਟੁਆਇਲਟ ਵਿਚ ਲੁੱਕ ਕੇ ਨਸ਼ਾ ਕਰਦੇ ਸਨ। ਜਦ ਸ੍ਰੀ ਗਿੱਲ ਨੂੰ ਇਸ ਬਾਰੇ ਪਤਾ ਲੱਗਾ ਤਾਂ ਉਨ੍ਹਾਂ ਨੇ ਆਪਣੀ ਰਿਹਾਇਸ਼ ਤੋ ਸਿਵਲ ਕੱਪੜਿਆਂ ਵਿਚ ਪੈਦਲ ਹੀ ਨੇਚਰ ਪਾਰਕ ਵਿਚ ਚੈਕਿੰਗ ਕੀਤੀ। ਉਥੋ ਦੇ ਮਾਲੀ ਨੇ ਵੀ ਇਸ ਗੱਲ ਨਾਲ ਸਹਿਮਤੀ ਪ੍ਰਗਟਾਈ ਕਿ ਇੱਥੇ ਨਸ਼ੇੜੀ ਆ ਕੇ ਨਸ਼ਾ ਕਰਦੇ ਹਨ।ਸੀਨੀਅਰ ਕਪਤਾਨ ਪੁਲਿਸ ਨੇ ਨੇਚਰ ਪਾਰਕ ਦੀ ਚੈਕਿੰਗ ਕੀਤੀ ਅਤੇ ਇਸ ਦੌਰਾਨ ਪਾਰਕ ਵਿਚ ਬੈਠੀਆ 3 ਔਰਤਾ ਬਾਰੇ ਜਦੋ ਮਾਲੀ ਨੂੰ ਪੁਛਿਆ ਤਾਂ ਉਨ੍ਹਾਂ ਕਿਹਾ ਕਿ ਇਥੇ ਵਣ ਵਿਭਾਗ ਦੀ ਨਰਸਰੀ ਬਣੀ ਹੋਈ ਹੈ ਜਿਥੇ ਇਹ ਔਰਤਾ ਪੌਦਿਆ ਦੀ ਗੋਡੀ ਕਰ ਰਹੀਆ ਹਨ।ਸੀਨੀਅਰ ਕਪਤਾਨ ਪੁਲਿਸ ਜੀ ਕਰੀਬ 11:15 ਸਵੇਰ ਵਾਪਿਸ ਆਪਣੀ ਰਹਾਇਸ਼ ਨੂੰ ਜਾ ਰਹੇ ਸਨ ਤਾ ਉਹਨਾ ਨੂੰ ਪਿਛੋ ਆਵਾਜ ਆਈ ਕਿ '' ਬਾਉ ਜੀ ਸਵਾ 11 ਹੋ ਗਏ ਹਨ ਅਤੇ ਕਰਫਿਉ ਦੀ ਢਿੱਲ ਦਾ ਸਮਾਂ ਖਤਮ ਹੋ ਗਿਆ ਹੈ ਤੁਸੀ ਆਪਣੇ ਘਰ ਜਾਉਂ''। ਜਦ ਸ੍ਰੀ ਹਰਮਨਬੀਰ ਸਿੰਘ ਗਿੱਲ ਜੀ ਨੇ ਪਿਛੇ ਮੁੜ ਕੇ ਦੇਖਿਆ ਤਾ ਉਥੇ ਸਰਕਾਰੀ ਗੱਡੀ ਵਿਚ ਪੁਲਿਸ ਮੁਲਾਜਮ ਸਨ ਜੋ ਲੋਕਾ ਨੂੰ ਕਰਫਿਊ ਦੀ ਢਿੱਲ ਦਾ ਸਮਾਂ ਖਤਮ ਹੋਣ ਤੇ ਘਰ ਜਾਣ ਲਈ ਕਹਿ ਕਰ ਰਹੇ ਸਨ ।
ਜਦੋ ਸੀਨੀਅਰ ਕਪਤਾਨ ਪੁਲਿਸ ਉਹਨਾ ਦੇ ਕੋਲ ਆਏ ਤਾਂ ਪੁਲਿਸ ਮੁਲਾਜਮਾਂ ਨੇ ਉਨ੍ਹਾਂ ਨੂੰ ਪਹਿਚਾਣ ਲਿਆ ਅਤੇ ਸਲੂਟ ਕੀਤਾ।ਇਹ ਸਾਰਾ ਕੁਝ ਦੇਖ ਕੇ ਸ੍ਰੀ ਹਰਮਨਬੀਰ ਸਿੰਘ ਗਿੱਲ ਨੇ ਉਹਨਾਂ ਮੁਲਾਜਮਾ ਨੂੰ ਉਹਨਾ ਵੱਲੋਂ ਨਿਭਾਈ ਗਈ ਡਿਊਟੀ ਕਾਰਨ ਸ਼ਾਬਾਸ਼ ਦਿਤੀ ਅਤੇ ਹੋਰ ਵੀ ਵਧੀਆ ਡਿਊਟੀ ਲਈ ਉਤਸ਼ਾਹਿਤ ਕੀਤਾ।ਸੀਨੀਅਰ ਕਪਤਾਨ ਪੁਲਿਸ ਨੇ ਉਕਤ ਪੁਲਿਸ ਮੁਲਾਜਮ ਸੀਨੀਅਰ ਸਿਪਾਹੀ ਗੁਰਪ੍ਰੀਤ ਸਿੰਘ 1371/ਮੋਗਾ ਅਤੇ ਪੀਐਚਜੀ ਸਿਕੰਦਰ ਸਿੰਘ 11316 ਜੋ ਕਿ ਥਾਣਾ ਸਿਟੀ ਮੋਗਾ ਵਿਖੇ ਤਾਇਨਾਤ ਹਨ, ਨੂੰ ਆਪਣੇ ਦਫਤਰ ਬੁਲਾਕੇ ਉਹਨਾ ਨੂੰ ਦਰਜਾ ਤੀਜਾ ਦਾ ਸਰਟੀਫਿਕੇਟ ਅਤੇ ਸਮੇਂਤ ਨਕਦ ਇਨਾਮ ਦੇ ਕੇ ਸਨਮਾਨਿਤ ਕੀਤਾ।ਸ੍ਰੀ ਹਰਮਨਬੀਰ ਸਿੰਘ ਗਿੱਲ ਨੇ ਲੋਕਾ ਨੂੰ ਇਹ ਸੁਨੇਹਾ ਦਿੱਤਾ ਕਿ ਜਦੋਂ ਵੀ ਕੋਈ ਪੁਲਿਸ ਮੁਲਾਜਮ ਡਿਊਟੀ ਦੌਰਾਨ ਕਿਸੇ ਵੀ ਵਿਅਕਤੀ ਜਾਂ ਮੋਹਤਬਰ ਵਿਅਕਤੀ ਨੂੰ ਰੋਕਦਾ ਹੈ ਜਾਂ ਟੋਕਦਾ ਹੈ ਤਾਂ ਇਹ ਸਭ ਆਮ ਲੋਕਾਂ ਦੀ ਭਲਾਈ ਲਈ ਕੀਤਾ ਜਾਦਾ ਹੈ ਇਸ ਲਈ ਪੁਲਿਸ ਮੁਲਾਜਮ ਤੇ ਗੁੱਸਾ ਨਹੀ ਕਰਨਾ ਚਾਹੀਦਾ ਅਤੇ ਨਾ ਹੀ ਹਾਉਂਮੇ ਵਿਚ ਆਉਣਾ ਚਾਹੀਦਾ ਹੈ। ਆਮ ਪਬਲਿਕ ਅਤੇ ਮੋਹਤਬਰ ਵਿਅਕਤੀਆਂ ਨੂੰ ਆਪਣੀ ਇਸ ਧਾਰਨਾ ਨੂੰ ਬਦਲਣਾ ਚਾਹੀਦਾ ਹੈ ਅਤੇ ਪੁਲਿਸ ਮੁਲਾਜਮਾ ਵੱਲੋਂ ਨਿਭਾਈ ਜਾ ਰਹੀ ਕੋਵਿਡ-19 ਦੀ ਡਿਊਟੀ ਲਈ ਉਹਨਾ ਦੀ ਹੌਸਲਾ ਅਫਜਾਈ ਕਰਨੀ ਚਾਹੀਦੀ ਹੈ ਤਾਂ ਜੋ ਪੁਲਿਸ ਆਪਣੀ ਡਿਊਟੀ ਹੋਰ ਵਧੀਆ ਤਰੀਕੇ ਨਿਭਾ ਸਕੇ।