ਅੱਜ ਜਿਲ੍ਹਾ ਕਬੱਡੀ ਐਸੋਸੀਏਸ਼ਨ ਮੋਹਾਲੀ ਦੇ ਨਵੇ ਪ੍ਰਧਾਨ ਅਤੇ ਜਨਰਲ ਸਕੱਤਰ ਦੀ ਚੋਣ ਸਬੰਧੀ ਇੱਕ ਮੀਟਿੰਗ ਕਾਮਾਂ ਹੋਟਲ ਫੇਸ 3ਏ ਮੋਹਾਲੀ ਵਿਖੇ ਪੰਜਾਬ ਕਬੱਡੀ ਐਸੋਸੀਏਸ਼ਨ ਦੇ ਸੂਬਾ ਪ੍ਰਧਾਨ ਸ. ਸਿਕੰਦਰ ਸਿੰਘ ਮਲੂਕਾ ਦੀ ਪ੍ਰਧਾਨਗੀ ਹੇਠ ਹੋਈ । ਇਸ ਮੀਟਿੰਗ ਵਿੱਚ ਚੋਣ ਅਬਜਰਬਾਰ ਦੇ ਤੋਰ ਤੇ ਸੰਗਰੂਰ ਤੋਂ ਪਹੁੰਚੇ ਜਨਕ ਰਾਜ ਵੱਲੋਂ ਨਵੀ ਕਮੇਟੀ ਦੀ ਚੋਣ ਸਬੰਧੀ ਕੋਰਮ ਪੂਰੇ ਹੋਣ ਤੋਂ ਬਾਅਦ ਜਿਲ੍ਹਾ ਕਬੱਡੀ ਐਸੋਸੀਏਸ਼ਨ ਮੋਹਾਲੀ ਦੇ ਨਵੇ ਪ੍ਰਧਾਨ ਅਤੇ ਜਨਰਲ ਸਕੱਤਰ ਦੀ ਚੋਣ ਕਰਵਾਉਣ ਸਬਂਧੀ ਮਤਾ ਪੇਸ਼ ਕੀਤਾ । ਜਿਸ ਵਿੱਚ ਪ੍ਰਧਾਨ ਵੱਜੋਂ ਹਰਪ੍ਰੀਤ ਸਿੰਘ ਬਾਬਾ ਦਾ ਨਾਮ ਮਨਜੀਤ ਸਿੰਘ ਮਾਵੀ ਵੱਲੋਂ ਪੇਸ਼ ਕੀਤਾ ਗਿਆ ਤੇ ਸਰਪੰਚ ਜਸਪਾਲ ਸਿੰਘ ਬੜਮਾਜਰਾ ਵੱਲੋਂ ਇਸ ਦੀ ਤਾਈਦ ਕੀਤੀ ਗਈ । ਇਸ ਦੌਰਾਨ ਯਾਦਵਿਂਦਰ ਸਿੰਘ ਵੱਲੋਂ ਜਨਰਲ ਸਕੱਤਰ ਵੱਜੋਂ ਮਨਪ੍ਰੀਤ ਸਿੰਘ ਮਾਨਾਂ ਦਾ ਨਾਮ ਪੇਸ਼ ਕੀਤਾ ਗਿਆ । ਜਿਸ ਦੀ ਮਨਪ੍ਰੀਤ ਸਿੰਘ ਕੋਰੇ ਵੱਲੋਂ ਤਾਈਦ ਕੀਤੀ ਗਈ ਜਿਸ ਤੇ ਮੀਟਿੰਗ ਵਿੱਚ ਇਕੱਤਰ ਸਾਰੇ ਮੈਂਬਰਾਂ ਵੱਲੋਂ ਆਪਣੀ ਸਹਿਮਤੀ ਦਿਤੀ ਗਈ । ਇਸ ਮੌਕੇ ਮੀਟਿੰਗ ਵਿੱਚ ਇਕੱਤਰ ਮੈਂਬਰਾਂ ਵੱਲੋਂ ਆਪਣੀ ਖੁਸ਼ੀ ਦਾ ਇਜਹਾਰ ਕੀਤਾ ਗਿਆ ਤੇ ਨਵ ਨਿਉਕਤ ਪ੍ਰਧਾਨ ਹਰਪ੍ਰੀਤ ਸਿੰਘ ਬਾਬਾ ਅਤੇ ਜਨਰਲ ਸਕੱਤਰ ਮਨਪ੍ਰੀਤ ਸਿੰਘ ਮਾਨੇ ਨੂੰ ਵਧਾਈ ਦਿਤੀ । ਇਸ ਮੀਟਿੰਗ ਵਿੱਚ ਹੋਰਨਾਂ ਤੋਂ ਇਲਾਵਾ ਰਣਧੀਰ ਸਿੰਘ ਧੀਰਾ, ਸਾਬਕਾ ਸਰਪੰਚ ਸੁਰਜੀਤ ਸਿੰਘ ਮੋਹਾਲੀ, ਸ਼ਿੰਦੀ ਬੱਲੋਮਾਜਰਾ ਤੇ ਜੋਨੀ ਆਦਿ ਹੋਰ ਮੈਂਬਰ ਵੀ ਹਾਜ਼ਿਰ ਸਨ ।