ਪੰਜਾਬ ਸਰਕਾਰ ਦੇ ਸੂਚਨਾ ਤੇ ਲੋਕ ਸੰਪਰਕ ਵਿਭਾਗ ਵੱਲੋਂ ਪਟਿਆਲਾ ਦੇ ਰਾਜਾ ਭਾਲਿੰਦਰ ਸਿੰਘ ਸਪੋਰਟਸ ਕੰਪਲੈਕਸ ਪੋਲੋ ਗਰਾਊਂਡ ਵਿਖੇ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550ਵੇਂ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਲਗਾਏ ਗਏ ਡਿਜੀਟਲ ਮੋਬਾਇਲ ਮਿਊਜ਼ੀਅਮ 'ਚ ਬਣੇ ਅਤਿ-ਆਧੁਨਿਕ ਥੀਏਟਰ (ਸਬਲੀਮੋਸ਼ਨ ਰੂਮ) ਵਿੱਚ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਦਰਸ਼ਨ ਕਰਕੇ ਸੰਗਤਾਂ ਬਾਗੋ-ਬਾਗ ਹੋਈਆਂ।ਡਿਜੀਟਲ ਮਿਊਜ਼ੀਅਮ ਦੇਖਣ ਆ ਰਹੀਆਂ ਵੱਡੀ ਗਿਣਤੀ ਸੰਗਤਾਂ ਜਦੋਂ ਮਿਊਜ਼ੀਅਮ ਦੇ ਸਭ ਤੋਂ ਅਖੀਰਲੇ ਪੜਾਅ ਦੌਰਾਨ ਸਬਲੀਮੋਸ਼ਨ ਤਕਨੀਕ ਦੀ ਵਰਤੋਂ ਨਾਲ ਬਣਾਏ ਗਏ ਕਮਰੇ ਵਿੱਚ ਦਾਖਲ ਹੁੰਦੀਆਂ ਹਨ ਤਾਂ ਸੰਗਤਾਂ ਇਕ ਵੱਖਰੇ ਆਲੌਕਿਕ ਨਜ਼ਾਰੇ ਦੇ ਦਰਸ਼ਨ ਕਰਦੀਆਂ ਹਨ। ਸਬਲੀਮੋਸ਼ਨ ਤਕਨੀਕ ਨਾਲ ਬਣਾਏ ਕਮਰੇ 'ਚ ਸੰਗਤਾਂ ਨੂੰ ਕਮਰੇ ਦੇ ਵਿਚਕਾਰ ਬੈਠਾਕੇ ਕਮਰੇ ਦੀਆਂ ਤਿੰਨਾਂ ਦੀਵਾਰਾਂ ਅਤੇ ਛੱਤ 'ਤੇ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਜੀਵਨ ਅਤੇ ਫਲਫਸੇ ਨੂੰ ਬੜੀ ਹੀ ਖੂਬਸੂਰਤ ਢੰਗ ਨਾਲ ਦਰਸਾਇਆ ਜਾਂਦਾ ਹੈ।ਸਬਲੀਮੋਸ਼ਨ ਤਕਨੀਕ ਰਾਹੀਂ ਬਣੇ ਕਮਰੇ ਵਿੱਚ ਗੁਰੂ ਸਾਹਿਬ ਦੇ ਜੀਵਨ ਤੇ ਸਿੱਖਿਆਵਾਂ ਨੂੰ ਦੇਖਣ ਉਪਰੰਤ ਸੰਗਤਾਂ ਨੇ ਆਪਣੇ ਰੂਹਾਨੀ ਤਜਰਬੇ ਸਾਂਝੇ ਕਰਦਿਆ ਦੱਸਿਆ ਕਿਹਾ ਕਿ ਕਮਰੇ ਵਿੱਚ ਬੈਠਕੇ ਗੁਰੂ ਸਾਹਿਬ ਦੇ ਜੀਵਨ ਦੀਆਂ ਪ੍ਰਮੁੱਖ ਘਟਨਾਵਾਂ ਨੂੰ ਜਿਸ ਢੰਗ ਨਾਲ ਦਰਸਾਇਆ ਗਿਆ ਹੈ ਉਹ ਇੰਝ ਲਗਦੇ ਹੈ ਜਿਵੇਂ ਅਸੀ ਗੁਰੂ ਸਾਹਿਬ ਦੇ ਨਾਲ-ਨਾਲ ਯਾਤਰਾ ਕਰ ਰਹੇ ਹੋਈਏ। ਉਨ੍ਹਾਂ ਆਪਣੇ ਇਸ ਤਜਰਬੇ ਨੂੰ ਨਾ ਭੁਲਣਯੋਗ ਦੱਸਦਿਆ ਕਿਹਾ ਕਿ ਪੰਜਾਬ ਸਰਕਾਰ ਦੇ ਇਸ ਉਪਰਾਲੇ ਨੇ ਉਨ੍ਹਾਂ ਨੂੰ ਗੁਰੂ ਸਾਹਿਬ ਦੇ 550ਵੇਂ ਪ੍ਰਕਾਸ਼ ਪੁਰਬ ਮੌਕੇ ਪੰਜਾਬ ਸਰਕਾਰ ਵੱਲੋਂ ਸੰਗਤਾਂ ਨੂੰ ਇਕ ਵੱਡਾ ਤੋਹਫਾ ਦਿੱਤਾ ਹੈ।