ਸਿਹਤ ਵਿਭਾਗ ਫਿਰੋਜ਼ਪੁਰ ਵੱਲੋ ਡਾ. ਐਚ.ਐਨ. ਸਿੰਘ, ਸਿਵਲ ਸਰਜਨ, ਫਿਰੋਜ਼ਪੁਰ ਦੀ ਅਗਵਾਈ ਹੇਠ ਜਿਲ੍ਹੇ ਅੰਦਰ ਵੱਖ-ਵੱਖ ਸਿਹਤ ਗਤੀਵਿਧੀਆਂ ਜਾਰੀ ਹਨ।ਇਸੇ ਸਿਲਸਿਲੇ ਵਿੱਚ ਚਲ ਰਹੇ 'ਅੱਖਾ ਦਾਨ ਪਖਵਾੜੇ' ਦੋਰਾਨ ਸਟੇਟ ਹੈੱਡ-ਕੁਆਟਰ ਵੱਲੋ ਭੇਜੀ ਗਈ ਅੱਖਾ ਦਾਨ ਜਾਗਰੂਕਤਾ ਵੈਨ ਨੂੰ ਸਿਵਲ ਸਰਜਨ, ਫਿਰੋਜ਼ਪੁਰ ਡਾ. ਐਚ.ਐਨ. ਸਿੰਘ ਨੇ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ।ਇਸ ਮੋਕੇ ਸੰਬੋਧਿਤ ਕਰਦਿਆਂ ਸਿਵਲ ਸਰਜਨ ਡਾ. ਐਚ.ਐਨ. ਸਿੰਘ ਨੇ ਅੱਖਾ ਦਾਨ ਨੂੰ ਸਮੇ ਦੀ ਲੋੜ ਦੱਸਿਆ।ਉਹਨਾਂ ਕਿਹਾ ਕਿ ਇੱਕ ਅੱਖਾ ਦਾਨ ਕਰਨ ਨਾਲ ਦੋ ਅੰਨੇ ਵਿਅਕਤੀਆਂ ਨੂੰ ਨੇਤਰ ਜ਼ੋਤੀ ਪ੍ਰਦਾਨ ਕੀਤੀ ਜਾ ਸਕਦੀ ਹੈ।ਇਸ ਮੋਕੇ ਉਹਨਾ ਸਮੂਹ ਜਨਤਾ ਨੂੰ ਅਪੀਲ ਕੀਤੀ ਕਿ ਜੇ ਸਾਡੇ ਦੇਸ਼ ਅੰਦਰ ਹਰ ਵਿਅਕਤੀ ਵੱਲੋ ਅੱਖਾ ਦਾਨ ਲਈ ਸਹਿਮਤੀ ਫਾਰਮ ਭਰੇ ਜਾਣ ਅਤੇ ਅੱਖਾ ਦਾਨ ਨੂੰ ਅਮਲ ਰੂਪ ਵਿੱਚ ਲਿਆਂਦਾ ਜਾਵੇ ਤਾਂ ਸਾਡੇ ਦੇਸ਼ ਵਿੱਚ ਅੰਨੇਪਣ ਉੱਤੇ ਕਾਫੀ ਹੱਦ ਤੱਕ ਕਾਬੂ ਪਾਇਆ ਜਾ ਸਕਦਾ ਹੈ। ਉਹਨਾਂ ਕਿਹਾ ਕਿ ਸਭ ਨੂੰ ਮਰਨ ਤੋ ਬਾਅਦ ਆਪਣੀਆਂ ਅੱਖਾ ਦਾਨ ਕਰਨੀਆਂ ਚਾਹੀਦੀਆਂ ਹਨ। ਉਹਨਾਂ ਕਿਹਾ ਕਿ ਅੱਖਾ ਦਾਨ ਮੋਤ ਤੋ 6 ਘੰਟੇ ਵਿੱਚ ਹੋਣੀਆਂ ਚਾਹੀਦੀਆਂ ਹਨ, ਜੇਕਰ ਕਿਸੇ ਕਾਰਨ ਦੇਰੀ ਹੋ ਜਾਵੇ ਤਾਂ 24 ਘੰਟੇ ਤੱਕ ਅੱਖਾ ਵਿੱਚ ਜਾਨ ਰਹਿੰਦੀ ਹੈ। ਕਿਸੇ ਵੀ ਉਮਰ ਚਾਹੇ ਐਨਕਾਂ ਲਗੀਆਂ ਹੋਣ, ਅੱਖਾ ਦੇ ਆਪਰੇਸ਼ਨ ਹੋਏ ਹੋਣ, ਅੱਖਾ ਵਿੱਚ ਲੈਨਜ ਪਏ ਹੋਣ, ਅੱਖਾ ਦਾਨ ਹੋ ਸਕਦੀਆਂ ਹਨ। ਅੱਖਾ ਦਾਨ ਕਰਨ ਨਾਲ ਇੱਕ ਇਨਸਾਨ ਦੂਸਰੇ ਇਨਸਾਨ ਨੂੰ ਰੋਸ਼ਨੀ ਦੇ ਸਕਦਾ ਹੈ।
ਅੱਖਾ ਦਾਨ ਲਈ ਅੱਖ ਬੈਂਕ ਦੀ ਟੀਮ ਅੱਖਾ ਦਾਨੀ ਦੇ ਘਰ ਜਾਂਦੀ ਹੈ। ਅੱਖਾ ਦਾਨ ਲੈਣ ਮਗਰੋ ਨਕਲੀ ਅੱਖਾ ਲਗਾ ਦਿੱਤੀਆ ਜਾਂਦੀਆ ਹਨ, ਤਾਂ ਜ਼ੋ ਅੰਤਿਮ ਦਰਸ਼ਨ ਕਰਨ ਵੇਲੇ ਬੁਰਾ ਨਾ ਲੱਗੇ। ਸਧਾਰਨ ਮੋਤ ਵਿੱਚ ਹੀ ਅੱਖਾ ਦਾਨ ਹੋ ਸਕਦੀਆਂ ਹਨ। ਏਡਜ, ਪੀਲੀਆ, ਬਲੱਡ ਕੈਂਸਰ ਅਤੇ ਦਿਮਾਗੀ ਬੁਖਾਰ ਆਦਿ ਵਿੱਚ ਅੱਖਾ ਦਾਨ ਨਹੀ ਹੋ ਸਕਦੀਆਂ। ਅੱਖਾ ਦਾਨ ਕਰਨ ਲਈ ਅੱਖਾ ਦਾਨੀ ਦੀ ਮੋਤ ਉਪਰੰਤ ਤੁਰੰਤ ਪੰਜਾਬ ਸਰਕਾਰ ਦੀ 104 ਹੈਲਪ ਲਾਈਨ ਤੇ ਸੂਚਿਤ ਕੀਤਾ ਜਾਵੇ। ਡਾ. ਐਚ.ਐਨ. ਸਿੰਘ ਸਿਵਲ ਸਰਜਨ ਫਿਰੋਜਪੁਰ ਵੱਲੋ ਵੀ ਆਪਣੀਆ ਅੱਖਾ ਦਾਨ ਕਰਨ ਸਬੰਧੀ ਫਾਰਮ ਭਰੇ ਗਏ।ਸਿਵਲ ਹਸਪਤਾਲ, ਫਿਰੋਜ਼ਪੁਰ ਦੇ ਅੱਖਾ ਦੇ ਰੋਗਾ ਦੇ ਮਾਹਿਰ ਡਾ. ਦਵਿੰਦਰਪਾਲ ਸਿੰਘ ਗਿੱਲ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ 'ਅੱਖਾ ਦਾਨ ਪਖਵਾੜੇ' ਦੋਰਾਨ ਕੁੱਲ 1505 ਮਰੀਜਾਂ ਦੀ ਅੱਖਾ ਦੀ ਜਾਂਚ ਕੀਤੀ ਗਈ ਅਤੇ 64 ਅੱਖਾ ਦਾਨੀਆ ਵੱਲੋ ਆਪਣੀਆ ਅੱਖਾ ਦਾਨ ਕਰਨ ਸਬੰਧੀ ਸਹਿਮਤੀ ਫਾਰਮ ਭਰੇ ਗਏ।ਆਯੋਜਨ ਦੀ ਸਫਲਤਾ ਵਿੱਚ ਜ਼ਿਲ੍ਹਾ ਬਲਾਈਡਨੈਸ ਕੰਟਰੋਲ ਵਿੰਗ ਦੇ ਨੋਡਲ ਅਫਸਰ ਡਾ. ਸੰਜੀਵ ਗੁਪਤਾ ਅਤੇ ਸਹਾਇਕ ਅਜੇ ਕੁਮਾਰ ਦਾ ਵਿਸ਼ੇਸ਼ ਯੋਗਦਾਨ ਰਿਹਾ।ਅੱਖਾ ਦੇ ਰੋਗ ਦੇ ਵਿਭਾਗ ਸਿਵਲ ਹਸਪਤਾਲ, ਫਿਰੋਜ਼ਪੁਰ ਵਿਖੇ ਆਯੋਜਿਤ ਇੱਕ ਜਾਗਰੂਕਤਾ ਸਮਾਰੋਹ ਮੌਕੇ ਇੱਕ ਨੁੱਕੜ ਨਾਟਕ 'ਅੱਖਾ ਦਾਨ ਮਹਾਂ ਦਾਨ' ਰਾਹੀ ਆਮ ਲੋਕਾਂ ਨੂੰ ਅੱਖਾ ਦਾਨ ਪ੍ਰਤੀ ਜਾਗਰੂਕ ਕੀਤਾ ਗਿਆ।ਇਸ ਮੋਕੇ ਸਿਵਲ ਹਸਪਤਾਲ, ਫਿਰੋਜ਼ਪੁਰ ਦੇ ਅਪਥਾਲਮਿਕ ਅਫਸਰ ਸੰਦੀਪ ਬਜ਼ਾਜ਼, ਸਟੈਨੋ ਵਿਕਾਸ ਕਾਲੜਾ, ਮਾਸ ਮੀਡੀਆ ਅਫਸਰ ਰੰਜੀਵ ਸ਼ਰਮਾ ਅਤੇ ਸਿਵਲ ਹਸਪਤਾਲ ਦਾ ਸਮੂਹ ਸਟਾਫ ਮੋਜ਼ੂਦ ਸੀ।