ਲੋਕਸਭਾ ਖੇਤਰ ਤੋਂ ਭਾਜਪਾ ਉਮੀਦਵਾਰ ਕਿਰਣ ਖੇਰ ਨੇ ਕਿਹਾ ਹੈ ਕਿ ਭਵਿੱਖ 'ਚ ਹੋਣ ਵਾਲੀਆਂ ਲੋਕਸਭਾ ਚੋਣਾਂ ਦੇ ਬਾਅਦ ਕਾਂਗਰਸ ਪਾਰਟੀ ਦਾ ਦੇਸ਼ ਦੇ ਰਾਜਨੀਤੀ ਨਕਸ਼ੇ ਤੋਂ ਮੌਜੂਦਗੀ ਦਾ ਅੰਤ ਹੋ ਜਾਵੇਗਾ। ਕਿਰਣ ਖੇਰ ਬੁੱਧਵਾਰ ਨੂੰ ਇੱਥੇ ਕਮਲਮ 'ਚ ਆਯੋਜਿਤ ਇੱਕ ਪ੍ਰੋਗਰਾਮ ਦੌਰਾਨ ਚੰਡੀਗੜ• ਪ੍ਰਦੇਸ਼ ਕਾਂਗਰਸ ਦੇ ਜਨਰਲ ਸਕੱਤਰ ਮਹੇਂਦਰ ਨਾਥ ਦੁਬੇ ਅਤੇ ਉਨਾਂ ਦੇ ਸਾਥੀਆਂ ਨੂੰ ਭਾਜਪਾ 'ਚ ਸ਼ਾਮਿਲ ਕਰਨ ਦੇ ਬਾਅਦ ਵਰਕਰਾਂ ਨੂੰ ਸੰਬੋਧਿਤ ਕਰ ਰਹੀ ਸੀ। ਚੰਡੀਗੜ੍ਹਪ੍ਰਦੇਸ਼ ਭਾਜਪਾ ਪ੍ਰਧਾਨ ਸੰਜੈ ਟੰਡਨ ਦੀ ਅਗਵਾਈ ਹੇਠ ਆਯੋਜਿਤ ਇਸ ਪ੍ਰੋਗਰਾਮ ਦੌਰਾਨ ਇੰਦਰਾ ਕਾਲੋਨੀ ਆਰਡਬਲਿਊ (ਈਡਬਲਿਊਐਸ) ਪ੍ਰਧਾਨ ਅਰਵਿੰਦ ਦੂਬੇ, ਮਨੀਮਾਜਰਾ ਦੀ ਐਨਜੀਓ ਸਮੱਸਿਆ-ਸਮਾਧਾਨ ਦੇ ਪ੍ਰਧਾਨ ਸੰਜੈ ਚੌਬੇ ਦੇ ਇਲਾਵਾ ਬਹਲਾਣਾ ਦੇ ਦਰਜ਼ਨਾਂ ਕਾਂਗਰਸੀ ਨੌਜਵਾਨਾਂ ਨੇ ਕਾਂਗਰਸ ਨੂੰ ਅਲਵਿਦਾ ਕਰਦੇ ਹੋਏ ਭਾਜਪਾ ਦਾ ਪੱਲਾ ਫੜ ਲਿਆ।ਇਸ ਮੌਕੇ 'ਤੇ ਆਪਣੇ ਸੰਬੋਧਨ 'ਚ ਕਿਰਣ ਖੇਰ ਨੇ ਕਿਹਾ ਕਿ ਭਾਜਪਾ ਹੀ ਇਸ ਦੇਸ਼ 'ਚ ਸਥਿਰ ਸਰਕਾਰ ਦੇਣ 'ਚ ਸਮਰੱਥ ਹੈ। ਉਨਾਂ ਕਿਹਾ ਕਿ ਅੱਜ ਚੰਡੀਗੜ• 'ਚ ਕਾਂਗਰਸ ਪਾਰਟੀ ਦੇ ਕੋਲ ਕੋਈ ਮੁੱਦਾ ਨਹੀਂ ਹੈ। ਉਹ ਜਨਤਾ ਦੇ ਸਾਹਮਣੇ ਕੋਈ ਮਾਸਟਰ ਪਲਾਨ ਪੇਸ਼ ਕਰਨ ਦੀ ਬਜਾਏ ਗੁੰਮ ਰਾਹ ਕਰਨ ਦੇ ਬਿਆਨ ਦੇ ਕੇ ਜਨਤਾ ਨੂੰ ਗੁੰਮਰਾਹ ਕਰ ਰਹੀ ਹੈ। ਇਸ ਮੌਕੇ 'ਤੇ ਬੋਲਦੇ ਹੋਏ ਭਾਜਪਾ ਪ੍ਰਧਾਨ ਸੰਜੈ ਟੰਡਨ ਨੇ ਕਾਂਗਰਸ ਛੱਡ ਕੇ ਭਾਜਪਾ 'ਚ ਆਉਣ ਵਾਲੇ ਨੇਤਾਵਾਂ ਨੂੰ ਉਚਿਤ ਮਾਨ-ਸਨਮਾਨ ਦਿੱਤੇ ਜਾਣ ਦੀ ਗੱਲ ਕਰਦੇ ਹੋਏ ਕਿਹਾ ਕਿ ਅਮਿਤ ਸ਼ਾਹ ਅਤੇ ਨਰੇਂਦਰ ਮੋਦੀ ਦੀ ਕਾਬਲ ਅਗਵਾਈ ਹੇਠ ਅੱਜ ਭਾਰਤੀ ਜਨਤਾ ਪਾਰਟੀ ਦੇਸ਼ ਦਾ ਸਭਤੋਂ ਵੱਡਾ ਰਾਜਨੀਤਿਕ ਸੰਗਠਨ ਬਣ ਚੁੱਕਾ ਹੈ। ਕਾਂਗਰਸ ਨੂੰ ਅਲਵਿਦਾ ਕਰਕੇ ਭਾਜਪਾ 'ਚ ਸ਼ਾਮਿਲ ਹੋਣ ਵਾਲੇ ਮਹੇਂਦਰ ਨਾਥ ਅਤੇ ਹੋਰਨਾਂ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਅੱਜ ਆਪਣੇ ਅਸਲ ਮੁੱਦਿਆਂ ਤੋਂ ਭਟਕ ਚੁੱਕੀ ਹੈ। ਇਹ, ਰਾਜਨੀਤਿਕ ਦਲ ਨਾ ਹੋ ਕੇ ਇੱਕ ਪਰਿਵਾਰ ਦਾ ਦਲ ਬਣ ਕੇ ਰਹਿ ਗਿਆ ਹੈ। ਜਿਸਤੋਂ ਲੋਕਾਂ ਦਾ ਮੋਹਭੰਗ ਹੁੰਦਾ ਜਾ ਰਿਹਾ ਹੈ। ਇਸ ਮੌਕੇ 'ਤੇ ਕੇਸ਼ਵ ਨਗਰ ਸ਼ਾਖਾ ਸੇਵਾ ਮੁਖੀ ਸ਼ਿਵਾਨੰਦ ਮਿਸ਼ਰਾ ਸਮੇਤ ਕਈ ਪਾਰਟੀ ਨੇਤਾ ਮੌਜੂਦ ਸਨ।