ਸ਼ਹਿਰ ਦੀ ਐਕਸ ਸਰਵਿਸਮੈਨ ਯੂਨੀਅਨ ਦੇ ਮੈਂਬਰਾਂ ਦੇ ਦਲ ਨੇ ਅੱਜ ਭਾਰਤੀ ਜਨਤਾ ਪਾਰਟੀ ਚੰਡੀਗੜ੍ਹ ਦੇ ਪ੍ਰਦੇਸ਼ ਪ੍ਰਧਾਨ ਸੰਜੈ ਟੰਡਨ ਅਤੇ ਭਾਜਪਾ-ਅਕਾਲੀ ਦਲ ਦੀ ਸਾਂਝੀ ਉਮੀਦਵਾਰ ਕਿਰਣ ਖੇਰ ਦੇ ਨਾਲ ਪਾਰਟੀ ਦਫਤਰ ਕਮਲਮ 'ਚ ਭੇਂਟ ਕੀਤੀ ਅਤੇ ਆਪਣਾ ਸਮਰਥਨ ਦੇਣ ਦੀ ਗੱਲ ਕਹੀ। ਪ੍ਰੋਗਰਾਮ ਦਾ ਆਯੋਜਨ ਪਾਰਟੀ ਦੇ ਉਪ ਪ੍ਰਧਾਨ ਹਰੀ ਸ਼ੰਕਰ ਮਿਸ਼ਰਾ ਨੇ ਕੀਤਾ।ਇਸ ਮੌਕੇ ਪ੍ਰਦੇਸ਼ ਪ੍ਰਧਾਨ ਸੰਜੈ ਟੰਡਨ ਨੇ ਮੌਜੂਦ ਸਾਰੇ ਐਕਸ ਸਰਵਿਸਮੈਨ ਦੇ ਲੋਕਾਂ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ ਦੇਸ਼ 'ਚ ਭਾਰਤੀ ਜਨਤਾ ਪਾਰਟੀ ਦੀ ਅਗਵਾਈ ਵਾਲੀ ਪਹਿਲੀ ਅਜਿਹੀ ਸਰਕਾਰ ਹੈ ਜਿਸਨੇ ਵਨ ਰੈਂਕ ਵਨ ਪੈਸ਼ਨ ਨੂੰ ਲਾਗੂ ਕਰਕੇ ਫੌਜੀਆਂ ਨੂੰ ਸਨਮਾਨ ਦਿੱਤਾ ਹੈ। ਇੰਨਾ ਹੀ ਨਹੀਂ ਮੋਦੀ ਸਰਕਾਰ ਨੇ ਫੌਜੀਆਂ ਦੀਆਂ ਵਿਧਵਾਵਾਂ ਅਤੇ ਸੁਰੱਖਿਆ ਦੇ ਲਈ ਆਧੁਨਿਕ ਹਥਿਆਰ, ਜੈਕੇਟ, ਫਾਈਟਰ ਜਹਾਜ ਆਦਿ ਰੱਖਿਆਂ ਦੇ ਕਈ ਸੌਦੇ ਕੀਤੇ। ਮਿਲਟਰੀ ਬਜਟ 'ਚ ਬੜਾਵਾ ਅਤੇ ਰੱਖਿਆਂ ਸੌਦਿਆਂ 'ਚ ਦਲਾਲਾਂ ਨੂੰ ਬਾਹਰ ਦਾ ਰਸਤਾ ਦਿਖਾ ਕੇ ਇਮਾਨਦਾਰੀ ਦਿਖਾਈ। ਇਸ ਮੌਕੇ 'ਤੇ ਕਿਰਣ ਖੇਰ ਨੇ ਕਿਹਾ ਹੈ ਕਿ ਮੋਦੀ ਸਰਕਾਰ ਨੇ ਦੇਸ਼ ਦੇ ਸੈਨਿਕਾਂ ਅਤੇ ਸਾਬਕਾ ਫੌਜੀਆਂ ਦੀ ਸਮੱਸਿਆਵਾਂ ਦਾ ਪਹਿਲੇ ਦੇ ਆਧਾਰ ਤੇ ਹੱਲ ਕੀਤਾ ਹੈ। ਵਨ ਰੈਂਕ ਵਨ ਪੈਂਸ਼ਨ ਤੇ ਬੋਲਦੇ ਹੋਏ ਉਨਾਂ ਕਿਹਾ ਕਿ ਕਾਂਗਰਸ ਪਾਰਟੀ ਦੀ ਸਰਕਾਰ ਨੇ ਤਾਂ ਇਸ ਮੁੱਦੇ 'ਤੇ ਫੌਜੀਆਂ ਨੂੰ ਨਿਰਾਸ਼ਾ ਹੀ ਦਿਖਾਈ ਜਦਕਿ ਮੋਦੀ ਸਰਕਾਰ ਨੇ ਆਉਂਦੇ ਹੀ ਆਪਣੇ ਵਾਇਦੇ ਨੂੰ ਪੂਰਾ ਕੀਤਾ ਅਤੇ ਦੇਸ਼ ਦੇ ਹਰ ਸੈਨਿਕ ਨੂੰ ਸਨਮਾਨ ਦਿੱਤਾ।