ਜ਼ਿਲਖ਼ਾ ਪੁਲਿਸ ਮੁਖੀ ਕੁਲਦੀਪ ਸਿੰਘ ਚਾਹਲ ਨੇ ਦੱਸਿਆ ਹੈ ਕਿ ਥਾਣਾ ਨਵਾਂ ਗਰਾਉਂ ਦੀ ਪੁਲਿਸ ਨੇ ਇੱਕ ਅੰਨੇ ਕਤਲ ਕੇਸ ਦੇ 02 ਦੋਸ਼ੀਆਂ ਨੂੰ ਟਰੇਸ ਕਰਕੇ ਗ੍ਰਿਫਤਾਰ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ। 22 ਜਨਵਰੀ ਨੂੰ ਥਾਣਾ ਨਵਾਂ ਗਰਾਉਂ ਵਿਖੇ ਇੰਦਰਜੀਤ ਕੁਮਾਰ ਪੁੱਤਰ ਰਾਜ ਕੁਮਾਰ ਵਾਸੀ ਮਕਾਨ ਨੰਬਰ 156, ਬਲਾਕ-ਆਰ, ਸ਼ਿਵਾਲਿਕ ਬਿਹਾਰ-2, ਨਵਾਂ ਗਰਾਓਂ ਨੇ ਇਤਲਾਹ ਦਿੱਤੀ ਸੀ ਕਿ 22 ਜਨਵਰੀ ਨੂੰ ਉਹ ਦੁਪਹਿਰ 12:00 ਵਜੇ ਆਪਣੀ ਡਿਊਟੀ ਤੇ ਆਈ. ਟੀ. ਪਾਰਕ ਮਨੀ ਮਾਜਰਾ ਵਿਖੇ ਗਿਆ ਸੀ। ਜਦੋ ਉਹ ਰਾਤ 9:30 ਵਜੇ ਵਾਪਿਸ ਘਰ ਆਇਆ ਤਾਂ ਉਸ ਦਾ ਪਿਤਾ ਰਾਜ ਕੁਮਾਰ ਜੋ ਕਿ ਪੰਜਾਬ ਐਂਡ ਹਰਿਆਣਾ ਹਾਈਕੋਰਟ ਚੰਡੀਗੜਖ਼ ਤੋ ਏ.ਜੀ. ਦਫਤਰ ਹਰਿਆਣਾ ਤੋਂ ਰਿਕਾਰਡ ਸੁਪਰਵਾਈਜਰ ਰਿਟਾਇਰਡ ਸੀ, ਘਰ ਦੇ ਅੰਦਰ ਰਸੋਈ ਵਿੱਚ ਮ੍ਰਿਤਕ ਹਾਲਤ ਵਿੱਚ ਪਿਆ ਸੀ। ਜਿਸ ਦੀ ਗਰਦਨ ਅਤੇ ਪੇਟ ਉੱਪਰ ਡੂੰਘੇ ਜਖਮ ਸਨ। ਜਿਸ ਦਾ ਕਿ ਕਿਸੇ ਨਾ ਮਲੂਮ ਵਿਅਕਤੀ/ਵਿਅਕਤੀਆਂ ਨੇ ਘਰ ਦੇ ਅੰਦਰ ਵੜ ਕੇ ਬੜੀ ਹੀ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ ਗਿਆ ਸੀ। ਮੁਦੱਈ ਵੱਲੋਂ ਦਿੱਤੀ ਇਤਲਾਹ ਦੇ ਆਧਾਰ ਤੇ ਮੁਕੱਦਮਾ ਨੰ. 08 ਮਿਤੀ 22-1-2019 ਅ/ਧ 458,302 ਆਈ ਪੀ ਸੀ ਥਾਣਾ ਨਵਾਂ ਗਰਾਓ ਬਰਖਿਲਾਫ ਨਾ ਮਾਲੂਮ ਦੋਸ਼ੀਆਂ ਦੇ ਦਰਜ ਰਜਿਸਟਰ ਕੀਤਾ ਗਿਆ ਸੀ।ਇਸ ਅੰਨੇ ਕਤਲ ਕੇਸ ਨੂੰ ਟਰੇਸ ਕਰਕੇ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰਨ ਲਈ ਸ੍ਰੀ ਜਸਕਰਨ ਸਿੰਘ ਤੇਜਾ, ਐਸ.ਪੀ. (ਸਿਟੀ) ਮੋਹਾਲੀ ਦੀ ਅਗਵਾਈ ਵਿੱਚ ਸ੍ਰੀ ਅਮਰੋਜ ਸਿੰਘ ਡੀ.ਐਸ.ਪੀ. ਸਿਟੀ-1, ਮੋਹਾਲੀ ਅਤੇ ਥਾਣੇਦਾਰ ਸੁਮਿਤ ਮੋਰ ਮੁੱਖ ਅਫਸਰ ਥਾਣਾ ਨਵਾਂ ਗਰਾਓਂ ਦੀ ਟੀਮ ਗਠਿਤ ਕੀਤੀ ਗਈ ਸੀ। ਇਸ ਮੁਕੱਦਮਾ ਦੀ ਡੂੰਘਾਈ ਨਾਲ ਤਫਤੀਸ਼ ਕਰਦਿਆਂ ਇਸ ਮੁਕੱਦਮੇ ਦੇ 02 ਦੋਸ਼ੀਆ ਪਹਿਲਾ ਦੋਸ਼ੀ ਸੁਭਮ ਗਰੋਵਰ ਪੁੱਤਰ ਸਲਤਾਨ ਸਿੰਘ ਵਾਸੀ ਪਿੰਡ ਬੜੋਦਾ ਥਾਣਾ ਗੋਹਾਣਾ ਜਿਲਾ ਰੋਹਤਕ (ਹਰਿਆਣਾ) ਹਾਲ ਵਾਸੀ ਕਿਰਾਏਦਾਰ ਖੁੱਡਾ ਅਲੀਸੇਰ ਚੰਡੀਗੜਖ਼ ਉਮਰ 20 ਸਾਲ ਅਤੇ ਦੂਜਾ ਦੋਸ਼ੀ ਇਸਤੇਕਾਰ ਖਾਨ ਉਰਫ ਮੋਨੂੰ ਪੁੱਤਰ ਮੁੰਨਾ ਵਾਸੀ ਰੋਹਾਨਾ ਥਾਣਾ ਮਿਲ, ਜ਼ਿਲਖ਼ਾ ਮੁਜੱਫਰ ਨਗਰ ਯੂ.ਪੀ ਹਾਲ ਵਾਸੀ ਕਿਰਾਏਦਾਰ ਮਕਾਨ ਮਾਲਕ ਹਜਾਰਾ ਸਿੰਘ ਮਕਾਨ ਨੰ.3 ਸੀ ਪਿੰਡ ਖੁੱਡਾ ਅਲੀਸੇਰ ਚੰਡੀਗੜਖ਼ ਯੂ.ਟੀ ਉਮਰ ਕਰੀਬ 24 ਸਾਲ ਨੂੰ ਮੁਕੱਦਮਾ ਵਿੱਚ ਗ੍ਰਿਫਤਾਰ ਕੀਤਾ ਗਿਆ।
ਗ੍ਰਿਫਤਾਰ ਕੀਤੇ ਗਏ ਦੋਸ਼ੀਆਂ ਦੀ ਮੁੱਢਲੀ ਪੁੱਛਗਿੱਛ ਤੋਂ ਇਹ ਗੱਲ ਸਾਹਮਣੇ ਆਈ ਹੈ ਕਿ ਰਾਜ ਕੁਮਾਰ ਅਕਸਰ ਦੋਸ਼ੀ ਇਸਤੇਕਾਰ ਖਾਨ ਉਰਫ ਮੋਨੂੰ ਜੋ ਕਿ ਖੁੱਡਾ ਅਲੀਸ਼ੇਰ ਚੰਡੀਗੜ ਵਿਖੇ ਨਾਈ ਦੀ ਦੁਕਾਨ ਕਰਦਾ ਹੈ, ਪਾਸ ਆਉਦਾ-ਜਾਂਦਾ ਰਹਿੰਦਾ ਸੀ, ਦੋਸ਼ੀ ਇਸਤੇਕਾਰ ਖਾਨ ਉਰਫ ਮੋਨੂੰ ਕੋਲ ਰਾਜ ਕੁਮਾਰ ਵਾਰਦਾਤ ਵਾਲੇ ਦਿਨ ਵੀ ਸ਼ਾਮ ਨੂੰ ਆਇਆ ਸੀ। ਦੋਸ਼ੀਆਂ ਦੀ ਪੁੱਛਗਿੱਛ ਤੋਂ ਇਹ ਗੱਲ ਵੀ ਸਾਹਮਣੇ ਆਈ ਹੈ ਕਿ ਰਾਜ ਕੁਮਾਰ ਨੇ ਲੋਹੜੀ ਵਾਲੇ ਦਿਨ ਦੋਸ਼ੀ ਸੁਭਮ ਗਰੋਵਰ ਜੋ ਕਿ ਦਵਾਈਆਂ ਦੇ ਸੈਂਪਲ ਸਪਲਾਈ ਕਰਦਾ ਹੈ ਅਤੇ ਦੋਸ਼ੀ ਇਸਤੇਕਾਰ ਖਾਨ ਉਰਫ ਮੋਨੂੰ ਨੂੰ ਦੱਸਿਆ ਸੀ ਕਿ ਉਸ ਪਾਸ ਕੁਝ ਦਿਨਾਂ ਤੱਕ 03 ਲੱਖ ਰੁਪਏ ਆਉਣੇ ਹਨ, ਜਿਸ 'ਤੇ ਦੋਵੇ ਦੋਸ਼ੀਆ ਨੇ ਰਾਜ ਕੁਮਾਰ ਦਾ ਕਤਲ ਕਰਕੇ ਪੈਸੇ ਚੋਰੀ ਕਰਨ ਦੀ ਸਾਜ਼ਿਸ਼ ਬਣਾਈ ਸੀ ਅਤੇ 22 ਜਨਵਰੀ ਨੂੰ ਰਾਤ 7:30 ਵਜੇ ਰਾਜ ਕੁਮਾਰ ਦੇ ਘਰ ਜਾ ਕੇ ਉਸਦਾ ਕਤਲ ਕਰ ਦਿੱਤਾ ਅਤੇ ਪੈਸਿਆਾਂ ਦੀ ਭਾਲ ਵਿੱਚ ਘਰ ਦੇ ਸਾਮਾਨ ਦੀ ਫਰੋਲਾ ਫਰਾਲੀ ਕੀਤੀ, ਪਰੰਤੂ ਦੋਸ਼ੀਆਂ ਨੂੰ ਪੈਸੇ ਨਹੀਂ ਮਿਲੇ। ਉਨ੍ਹਾਂ ਨੂੰ ਉੱਥੋਂ ਸਿਰਫ 500 ਰੁਪਏ ਹੀ ਮਿਲੇ ਸਨ, ਕਿਉਕਿ ਰਾਜ ਕੁਮਾਰ ਦੇ ਪੈਸੇ ਉਦੋਂ ਤੱਕ ਨਹੀਂ ਆਏ ਸਨ, ਜੋ ਕਿ ਦੋਸ਼ੀਆਂ ਨੇ ਰਾਜ ਕੁਮਾਰ ਦਾ ਪੈਸੇ ਲੁੱਟਣ ਲਈ ਕਤਲ ਕਰ ਦਿੱਤਾ, ਕਤਲ ਕਰਨ ਤੋਂ ਬਾਅਦ ਦੋਸ਼ੀ ਸੁਭਮ ਦੀ ਪਹਿਨੀ ਹੋਈ ਚੱਪਲ ਜੋ ਕਿ ਮ੍ਰਿਤਕ ਦੇ ਖੂਨ ਵਿੱਚ ਲਿੱਬੜ ਗਈ ਸੀ ਅਤੇ ਉਸ ਦੇ ਨਿਸ਼ਾਨ ਮ੍ਰਿਤਕ ਦੇ ਘਰ ਦੇ ਫਰਸ਼ 'ਤੇ ਰਹਿ ਗਏ ਸਨ। ਉਹ ਚੱਪਲ ਦੋਸ਼ੀ ਸੁਭਮ ਤੋ ਬਰਾਮਦ ਕਰਵਾ ਲਈ ਗਈ ਹੈ। ਬਾਕੀ ਮੁਕੱਦਮੇ ਦੀ ਤਫਤੀਸ਼ ਜਾਰੀ ਹੈ।