ਕੈਲੇਫੋਰਨੀਆ ਤੋਂ ਵਿਧਾਨਕਾਰਾ ਅਤੇ ਪ੍ਰਵਾਸੀ ਭਾਰਤੀਆ ਦਾ 14 ਮੈਬਰੀ ਵਫਦ ਤਖਤ ਸ੍ਰੀ ਕੇਸਗੜ ਸਾਹਿਬ ਵਿਖੇ ਨਤਮਸਤਕ ਹੋਇਆ। ਵਿਧਾਨਕਾਰ ਐਸ਼ ਕਾਲੜਾ ਦੀ ਅਗਵਾਈ ਹੇਠ ਆਏ ਇਸ ਵਫਦ ਨੂੰ ਮੈਬਰ ਲੋਕ ਸਭਾ ਪ੍ਰੋ.ਪ੍ਰੇਮ ਸਿੰਘ ਚੰਦੂਮਾਜਰਾ ਨੇ ਜੀ ਆਇਆ ਕਿਹਾ ਅਤੇ ਸ੍ਰੀ ਅਨੰਦਪੁਰ ਸਾਹਿਬ ਦੇ ਨਾਲ ਨਾਲ ਖਾਲਸਾ ਪੰਥ ਦੀ ਜਨਮ ਭੂਮੀ ਦੇ ਇਤਿਹਾਸ ਬਾਰੇ ਵੀ ਜਾਣਕਾਰੀ ਦਿੱਤੀ। ਜਦੋਂ ਕਿ ਮਾਤਾ ਨਾਨਕੀ ਨਿਵਾਸ ਵਿਚ ਕਰਵਾਏ ਇੱਕ ਸਮਾਗਮ ਦੌਰਾਨ ਸਾਬਕਾ ਸਿੱਖਿਆ ਮੰਤਰੀ ਡਾ.ਦਲਜੀਤ ਸਿੰਘ ਚੀਮਾ ਨੇ ਕਿਹਾ ਕਿ ਬਹੁਤ ਹੀ ਖੁਸ਼ੀ ਦੀ ਗੱਲ ਹੈ ਕਿ ਪ੍ਰਵਾਸੀ ਭਾਰਤੀਆ ਅਤੇ ਕੈਲੇਫੋਰਨੀਆ ਦੇ ਵਿਧਾਨਕਾਰਾਂ ਦਾ ਵਫਦ ਗੁਰੂ ਨਗਰੀ ਸ੍ਰੀ ਅਨੰਦਪੁਰ ਸਾਹਿਬ ਪਹੁੰਚਿਆ ਹੈ। ਜਿਸ ਦੇ ਆਉਣ ਨਾਲ ਭਾਈਚਾਰਕ ਸਾਂਝ ਮਜਬੂਤ ਹੋਵੇਗੀ ਅਤੇ ਰੁਜਗਾਰ ਦੇ ਮੌਕੇ ਵੀ ਵਧਣਗੇ, ਦੂਜੇ ਪਾਸੇ ਵਫਦ ਦੀ ਅਗਵਾਈ ਕਰਨ ਵਾਲੇ ਐਸ਼ ਕਾਲੜਾ ਨੇ ਕਿਹਾ ਕਿ ਉਹ ਭਾਰਤ ਦੀ ਧਰਤੀ ਦੇ ਨਾਲ ਖਾਸ ਕਰਕੇ ਪੰਜਾਬ ਵਿਚ ਅਜੋਕੇ ਸਮੇ ਅੰਦਰ ਚੱਲ ਰਹੀਆ ਸਮੱਸਿਆਵਾ ਦੇ ਹੱਲ ਲਈ ਆਏ ਹਨ ਕਿਉਕਿ ਜਿੱਥੇ ਪ੍ਰਦੂਸ਼ਣ ਨਾਲ ਪੰਜਾਬ ਦੀ ਆਬੋ ਹਵਾ ਗੰਦਲੀ ਹੋ ਚੁੱਕੀ ਹੈ ਉਥੇ ਹੀ ਜਵਾਨੀ ਨਸ਼ਿਆਂ ਵਿਚ ਗ੍ਰਸਤ ਹੋ ਕੇ ਬੇਰੁਜਗਾਰੀ ਦੀ ਮਾਰ ਝੱਲ ਰਹੀ ਹੈ।
ਉਨਾ ਕਿਹਾ ਕਿ ਇਸ ਯਾਤਰਾ ਦਾ ਮੁੱਖ ਉਦੇਸ਼ ਪੰਜਾਬ ਦੀਆ ਇਨ੍ਹਾਂ ਸਮੱਸਿਆਵਾਂ ਦੇ ਹੱਲ ਨੂੰ ਲੱਭਣਾ ਹੈ ਤਾਂ ਜੋ ਅਸੀ ਪੁਰਾਤਨ ਪੰਜਾਬ ਦੀ ਪੁਨਰ ਸੁਰਜੀਤੀ ਕਰ ਸਕੀਏ। ਇਸ ਤੋ ਬਾਅਦ ਤਖਤ ਸ੍ਰੀ ਕੇਸਗੜ ਸਾਹਿਬ ਦੇ ਜਥੇਦਾਰ ਸਿੰਘ ਸਾਹਿਬ ਗਿਆਨੀ ਰਘਬੀਰ ਸਿੰਘ ਵਲੋ ਸਾਰੇ ਮੈਬਰਾ ਨੂੰ ਸਿਰਾਪਾਓ ਨਾਲ ਸਨਮਾਨਿਤ ਵੀ ਕੀਤਾ ਗਿਆ। ਇਸ ਮੋਕੇ ਵਫਦ ਵਿਚ ਸੀਸੀਲਾ ਐਗੋਅਰ, ਰਿਚਰਡ ਬਲੂਮ, ਸੈਰੂਨ ਕੁਇਰਕ, ਇਲੋਜ ਗੋਮਜ, ਮਾਰਕਸ ਟੋਨ, ਲੈਰੀ ਹੈਰਸ, ਰੋਬੀ ਬਲੈਕ, ਫਰੈਕ ਰੀਜ, ਐਕਾਂ ਲੀ, ਸਟੇਸੀ ਸੀਹ, ਜਸਵੀਰ ਸਿੰਘ ਪਵਾਰ, ਬਿਕਰਮਜੀਤ ਸਿੰਘ ਤੋ ਇਲਾਵਾ ਮੈਬਰ ਸ੍ਰੋਮਣੀ ਕਮੇਟੀ ਭਾਈ ਅਮਰਜੀਤ ਸਿੰਘ ਚਾਵਲਾ, ਭਾਜਪਾ ਦੇ ਜਿਲਾ ਪ੍ਰਧਾਨ ਜਤਿੰਦਰ ਸਿੰਘ ਅਠਵਾਲ, ਐਡਵੋਕੇਟ ਅਰਵਿੰਦਰ ਮਿੱਤਲ, ਸਿਮਰਨਜੀਤ ਸਿੰਘ ਚੰਦੂਮਾਜਰਾ, ਬੀਬੀ ਕੁਲਵਿੰਦਰ ਕੌਰ ਵਿਰਕ, ਮਨਜੀਤ ਸਿੰਘ ਬਾਸੋਵਾਲ, ਅਜੇ ਰਾਣਾ, ਮਨਜਿੰਦਰ ਸਿੰਘ ਬਰਾੜ, ਬੱਲਮ ਸਿੰਘ ਕਲਮਾ, ਸਿੰਰਦਰ ਸਿੰਘ ਮਟੌਰ, ਹਰਜੀਤ ਸਿੰਘ ਅਚਿੰਤ, ਮਹੰਤ ਲਛਮਣ ਦਾਸ, ਅਜੇ ਰਾਣਾ, ਮੁਨੀਸ ਧਰਮਾਣੀ, ਮੁਨੀਸ ਕੇਅਰਪਾਲ, ਸੰਜੇ ਮਹਿਤਾ,ਕੇ.ਕੇ ਬੇਦੀ, ਗੰਨੂੰ ਪ੍ਰਾਸ਼ਰ, ਮੈਨੇਜਰ ਜਸਵੀਰ ਸਿੰਘ, ਜਸਵਿੰਦਰ ਕੌਰ ਸੱਗੂ ਸਮੇਤ ਵੱਡੀ ਗਿਣਤੀ ਵਿਚ ਅਕਾਲੀ ਭਾਜਪਾ ਵਰਕਰ ਹਾਜਰ ਸਨ।