ਚਾਈਲਡ ਹੈਲਪ ਲਾਈਨ 1098 ਗੁਰਦਾਸਪੁਰ ਵਲੋਂ ਓਪਨ ਹਾਊਸ ਕਰਵਾਉਣ ਤਹਿਤ ਰੋਮੇਸ ਮਹਾਜਨ ਨੈਸ਼ਨਲ ਐਵਾਰਡੀ ਪ੍ਰੋਜੈਕਟ ਡਾਇਰੈਕਟਰ ਚਾਈਲਡ ਲਾਈਨਜ਼ ਵਲੋਂ ਮੀਟਿੰਗ ਕੀਤੀ ਗਈ। ਮੀਟਿੰਗ ਵਿਚ ਪ੍ਰੋਜੈਕਟ ਕੋਆਰਡੀਨੇਟਰ ਜੈ ਰਘੂਬੀਰ ਅਤੇ ਸਮੂਹ ਮੈਂਬਰ ਮੋਜੂਦ ਸਨ। ਮਹਾਜਨ ਨੇ ਦੱਸਿਆ ਕਿ ਕਾਹਨੂੰਵਾਨ ਵਿਖੇ ਵਿਧਾਇਕ ਫਤਿਹਜੰਗ ਸਿੰਘ ਬਾਜਵਾ, ਡਾ. ਬਾਜਵਾ ਚੇਅਰਮੈਨ ਲਾਈਨਜ ਕਲੱਬ ਮੁਸਕਾਨ ਕਾਹਨੂੰਵਾਨ, ਸਿਹਤ ਅਧਿਕਾਰੀਆਂ ਅਤੇ ਕਲੱਬ ਦੇ ਮੈਂਬਰਾਂ ਵਲੋਂ ਓਪਨ ਹਾਊਸ ਕਰਵਾਇਆ ਗਿਆ। ਇਸ ਮੌਕੇ ਕਰੀਬ 600 ਤੋਂ ਵੱਧ ਲੋਕ ਹਾਜਰ ਸਨ। ਇਸ ਮੌਕੇ ਸਿਹਤ ਵਿਭਾਗ ਵਲੋਂ ਅੱਖਾਂ ਦੀ ਮੁਫਤ ਜਾਂਚ ਸਬੰਧੀ ਕੈਂਪ ਲਗਾਇਆ ਗਿਆ। 550 ਮਰੀਜਾਂ ਨੂੰ ਦਵਾਈਆਂ ਵੰਡੀਆਂ ਗਈਆਂ। ਰੈੱਡ ਕਰਾਸ ਡੀ ਅਡਿਕਸ਼ਨ ਸੈਂਟਰ ਬੱਬੇਹਾਲੀ ਵਲੋਂ ਲੋਕਾਂ ਨੂੰ ਨਸ਼ਿਆਂ ਖਿਲਾਫ ਜਾਗਰੂਕ ਕੀਤਾ ਗਿਆ।
ਉਨਾਂ ਅੱਗੇ ਦੱਸਿਆ ਕਿ 6 ਅਗਸਤ 2013 ਤੋਂ ਜਿਲੇ ਅੰਦਰ ਚਾਈਲਡ ਹੈਲਪ ਲਾਈਨਜ਼ 1098 ਸਫਲਾਤਪੂਰਵਕ ਕੰਮ ਰਹੀ ਹੈ। ਇਸ ਹੈਲਪ ਲਾਈਨ ਤਹਿਤ ਮੁਸੀਬਤ ਵਿਚ ਫਸੇ , ਬੇਬਸ , ਬੇਸਹਾਰਾ ਬੱਚੇ, ਕਿਸੇ ਬੱਚੇ ਤੋਂ ਮਜਦੂਰੀ ਕਰਵਾਈ ਜਾ ਰਹੀ ਸਬੰਧੀ ਇਸ ਹੈਲਪ ਲਾਈਨ ਨੰਬਰ ਉਪਰ ਜਾਣਕਾਰੀ ਦਿੱਤੀ ਜਾ ਸਕਦੀ ਹੈ। ਹੁਣ ਤਕ ਇਸ ਹੈਲਪ ਲਾਈਨ ਤੇ 1250 ਕੇਸਾਂ ਦਾ ਨਿਪਟਾਰਾ ਕੀਤਾ ਜਾ ਚੁੱਕਾ ਹੈ। ਇਸ ਮੌਕੇ ਸਰਵ ਸ੍ਰੀ ਸੁਸੀਲ ਮਹਾਜਨ , ਫਾਜੁਲ ਰਹਿਮਾਨ ਭੱਟੀ, ਡਾ. ਕਿਸ਼ਨ ਚੰਦ, ਡਾ. ਇਕਬਾਲ ਸਿੰਘ ਮੁਲਤਾਨੀ, ਵਰਿੰਦਰ ਸੈਣੀ, ਜੋਗਿੰਦਰ ਸਿੰਘ ਨਾਨੋਵਾਲੀਆ, ਦਿਲਬਾਗ ਸਿੰਘ ਲਾਲੀ ਚੀਮਾ, ਰਕੇਸ ਜੋਤੀ, ਪ੍ਰੇਮ ਤੁੱਲੀ, ਨਵਨੀਤ ਕੋਰ, ਨਵਦੀਪ ਕੋਰ, ਅਨੀਤਾ, ਪੰਕਜ ਸ਼ਰਮਾ, ਜਗੀਰ ਸਿੰਘ, ਵਿਕਰਮ ਸ਼ਰਮਾ, ਭਰਥ ਸ਼ਰਮਾ, ਮੈਡਮ ਸਰੋਜ ਬਾਲਾ, ਕੋਮਲਪ੍ਰੀਤ ਕੋਰ, ਆਭਾ ਸ਼ਰਮਾ, ਰਘੂਬੀਰ ਸਿੰਘ ਤੇ ਰਮੇਸ ਕੁਮਾਰ ਹਾਜਰ ਸਨ।