ਹਿਮਾਚਲੀ ਮਹਾਂ ਸਭਾ ਵੱਲੋਂ ਹੌਲੀ ਬੇਸਿਲ ਮੈਡੀਕਲੀਨਿਕ ਖਰੜ ਦੇ ਸਹਿਯੋਗ ਨਾਲ ਰਾਮ ਭਵਨ ਵਿੱਚ ਪਹਿਲਾ ਸੇਹਤ ਜਾਂਚ ਕੈਂਪ ਲਗਾਇਆ ਗਿਆ। ਇਸ ਮੌਕੇ ਭਾਜਪਾ ਸਕੱਤਰ ਪੰਜਾਬ ਵਨੀਤ ਜੋਸ਼ੀ ਮੁੱਖ ਮਹਿਮਾਨ ਅਤੇ ਲਲਿਤ ਜੈਨ ਡੀ.ਸੀ ਸਰਮੌਰ ਨੇ ਵਿਸ਼ੇਸ਼ ਮਹਿਮਾਨ ਦੇ ਤੌਰ ਤੇ ਸ਼ਿਰਕਤ ਕੀਤੀ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸੰਸਥਾ ਦੇ ਪ੍ਰਧਾਨ ਸੁਧੀਰ ਗੁਲੇਰੀਆ ਨੇ ਦੱਸਿਆ ਕਿ ਉਨਾਂ ਦੀ ਸੰਸਥਾ ਹਿਮਾਚਲੀ ਲੋਕਾਂ ਦੀ ਭਲਾਈ ਲਈ ਸਮਾਜ ਸੇਵੀ ਕੰਮਾਂ ਵਿੱਚ ਵੱਧ ਚੜਕੇ ਹਿੱਸਾ ਲੈਂਦੀ ਹੈ ।ਉਨਾਂ ਵੱਲੋਂ ਲਗਾਏ ਗਏ ਸੇਹਤ ਜਾਂਚ ਕੈਂਪ ਵਿੱਚ ਹੌਲੀ ਬੇਸਿਲ ਮੈਡੀਕਲੀਨਿਕ ਤੋਂ ਡਾਕਟਰ ਸਚਿਨ ਵਰਮਾਂ ਦੀ ਟੀਮ, ਗੰਗਾਂ ਡੈਂਟਲ ਕਲੀਨਿਕ ਅਤੇ ਹੋਰਨਾਂ ਥਾਵਾਂ ਤੋਂ ਆਏ ਡਾਕਟਰਾਂ ਨੇ ਜਰਨਲ ਬਿਮਾਰੀਆਂ, ਬੱਚਿਆਂ, ਦੰਦਾਂ, ਅੱਖਾਂ, ਗਾਈਨੀ, ਫਿਜਿਉਥਰੇਪੀ ਸਮੇਤ ਹੋਰਨਾਂ ਮਰੀਜਾਂ ਦੀ ਜਾਂਚ ਕਰਕੇ ਮੁੱਫਤ ਦਵਾਈ ਦਿੱਤੀਆਂ । ਇਸ ਮੌਕੇ ਗਰਦੇ, ਸ਼ੂਗਰ, ਬੀ.ਪੀ,ਹੈਪੇਟਾਈਟਿਸ ਬੀ ਅਤੇ ਸੀ, ਈ.ਸੀ.ਜੀ, ਸ਼ੁਗਰ ਆਦਿ ਦੇ ਮੁਫਤ ਟੈਸਟ ਕੀਤੇ ਗਏ। ਡਾ. ਸ਼ਚਿਨ ਵਰਮਾਂ ਨੇ ਆਖਿਆ ਕਿ ਉਨਾਂ ਦੇ ਹਸਪਤਾਲ ਵੱਲੋਂ ਸਮੇਂ ਸਮੇਂ ਸਿਰ ਅਜਿਹੇ ਕੈਂਪ ਲਗਾਏ ਜਾਂਦੇ ਹਨ ਤਾਂ ਜੋ ਜੇਕਰ ਕਿਸੇ ਨੂੰ ਕੋਈ ਬਿਮਾਰੀ ਹੈ ਤਾਂ ਉਸਦਾ ਸ਼ੁਰੂਆਤੀ ਦੌਰ ਵਿੱਚ ਹੀ ਇਲਾਜ ਹੋ ਸਕੇ । ਉਨਾਂ ਕਿਹਾ ਕਿ ਲੋਕਾਂ ਨੂੰ ਘੱਟ ਚਿਕਨਾਈ ਵਾਲਾ ਭੋਜਨ ਖਾਣਾ ਚਾਹੀਦਾ ਹੈ ਤਾਂ ਜੋ ਮੋਟਾਪਾ ਨਾ ਵੱਧੇ ਤੇ ਸ਼ੁਗਰ ਅਤੇ ਬਲੱਡ ਪ੍ਰੇਸ਼ਰ, ਦਿੱਲ ਦੀਆਂ ਬਿਮਾਰੀਆਂ ਤੋਂ ਬਚਾਅ ਰਹੇ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਪ੍ਰਿਥਵੀ ਰਾਜ ਸ਼ੁਕਲਾ ਮੀਤ ਪ੍ਰਧਾਨ, ਜਗਦੇਵ ਪਟਿਆਲ ਜਰਨਲ ਸਕੱਤਰ, ਪਵਨ ਕੁਮਾਰ ਮਨੋਚਾ ਪ੍ਰਧਾਨ ਭਾਜਪਾ ਮੰਡਲ- 3 ਮੁਹਾਲੀ,ਪ੍ਰਵੇਸ਼ ਸ਼ਰਮਾਂ, ਵਿਨੇ ਸ਼ਰਮਾਂ, ਸ਼ਾਮ ਲਾਲ ਸ਼ਾਸ਼ਤਰੀ, ਕੇ.ਸੀ ਰਾਣਾ,ਕਰਤਾਰ ਸਿੰਘ, ਚੈਰੀ ਮਨੋਚਾ ਆਦਿ ਮੌਜੂਦ ਸਨ ।