ਨਸ਼ੇ ਦਾ ਆਦੀ ਵਿਅਕਤੀ ਨਸ਼ਾ ਛੱਡ ਕੇ ਨਸ਼ਾਮੁਕਤ ਜਿ਼ਦਗੀ ਜੀਅ ਸਕਦਾ ਹੈ। ਇਹ ਪ੍ਰਗਟਾਵਾ ਸੀਨੀਅਰ ਪੁਲਿਸ ਕਪਤਾਨ ਰੂਪਨਗਰ ਰਾਜਬਚਨ ਸਿੰਘ ਸੰਧੂ ਨੇ ਅੱਜ ਸਥਾਨਿਕ ਡਰੀਮ ਡੈਸਟੀਨੇਸ਼ਨ ਵਿਖੇ ਲੋਕਾਂ ਨੂੰ ਨਸਿ਼ਆਂ ਵਿਰੁੱਧ ਜਾਗਰੂਕ ਕਰਨ ਲਈ ਇਕ ਵਿਸ਼ੇਸ਼ ਪ੍ਰੋਗਰਾਮ ਦੌਰਾਨ ਕੀਤਾ।ਉਨਾਂ ਕਿਹਾ ਕਿ ਸੂਬੇ ਦੇ ਲੋਕਾਂ ਨੂੰ ਨਸਿ਼ਆਂ ਦੀ ਦਲਦਲ ਵਿਚ ਫਸਾਸਉਣ ਅਤੇ ਇਕ ਪੀੜੀ ਨੂੰ ਖਤਮ ਕਰਨ ਲਈ ਵਿਦੇਸ਼ੀ ਲੋਕਾਂ ਵਲੋਂ ਸਾਜਿਸ਼ ਕੀਤੀ ਜਾ ਰਹੀ ਹੈ ਜਿਸ ਤੋਂ ਸਾਨੂੰ ਸਮਾਜਿਕ ਅਤੇ ਪਰਿਵਾਰਿਕ ਤੌਰ ਤੇ ਮਿਲ ਕੇ ਜਾਗਰੂਕ ਹੋਣ ਦੀ ਲੋੜ ਹੈ।ਉਨਾਂ ਕਿਹਾ ਕਿ ਸਭ ਤੋਂ ਪਹਿਲਾਂ ਨਸ਼ੇ ਬਾਹਰਲੇ ਮੁਲਕਾਂ ਦੇ ਲੋਕਾਂ ਨੇ ਕਰਨੇ ਸ਼ੁਰੂ ਕੀਤੇ ਜਿਥੋਂ ਕਿ ਹੋਲੀ ਹੋਲੀ ਇਸ ਮੁਲਕ ਵਿਚ ਵੀ ਆ ਗਏ। ਨਸਿ਼ਆਂ ਦੇ ਮੁੱਖ ਕਾਰਨ ਦਾ ਜਿਕਰ ਕਰਦਿਆਂ ਉਨਾ ਕਿਹਾ ਕਿ ਸੰਯੁਕਤ ਪਰਿਵਾਰਾਂ ਦਾ ਟੁੱਟਣਾ ਅਤੇ ਮਸ਼ੀਨੀਕਰਣ ਹੋ ਜਾਣ ਨਾਲ ਹੱਥੀ ਕੰਮ ਖਤਮ ਹੋਣਾ ਹੈ। ਉਨਾਂ ਕਿਹਾ ਕਿ ਨੋਜਵਾਨ ਪੀੜੀ ਨੂੰ ਨਸਿ਼ਆਂ ਤੋਂ ਦੂਰ ਕਰਨ ਲਈ ਪਰਿਵਾਰ ਜੋੜਨ ਦੀ ਲੋੜ ਹੈ ਨਾ ਕਿ ਤੋੜਨ ਦੀ। ਉਨਾ ਕਿਹਾ ਕਿ ਹਰ ਵਿਅਕਤੀ ਨੂੰ ਸ਼ਰੀਰਕ/ਮਾਨਸਿਕ ਤੌਰ ਤੇ ਮਜਬੂਤ ਹੋਣ ਲਈ ਦਿਨ ਵਿਚ 30 ਤੋਂ 40 ਮਿੰਟ ਲਈ ਸ਼ਰੀਰਕ ਕਸਰਤ ਕਰਨ ਦੀ ਲੋੜ ਹੈ ਇਸ ਮੰਤਵ ਲਈ ਰੂਪਨਗਰ ਪੁਲਿਸ ਵਿਭਾਗ ਵਲੋਂ ਸਾਰੇ ਥਾਣਿਆਂ ਵਿਚ ਜਿਮ ਖੋਲ੍ਹੇ ਜਾ ਰਹੇ ਹਨ। ਇਸ ਤੋਂ ਇਲਾਵਾ ਸਥਾਨਿਕ ਪੁਲਿਸ ਲਾਈਨ ਵਿਚ ਵੀ ਵੱਡੇ ਪੱਧਰ ਤੇ ਜਿਮ ਚਾਲੂ ਕੀਤਾ ਗਿਆ ਹੈ ਜਿਸ ਵਿਚ ਕੋਈ ਵੀ ਵਿਅਕਤੀ ਆ ਕੇ ਕਸਰਤ ਕਰ ਸਕਦਾ ਹੈ। ਇਸ ਤੋਂ ਪਹਿਲਾਂ ਼ਸ੍ਰੀ ਨਿਤਿਨ ਸੇਠੀ ਮਨੋਚਿਕਿਸਤਕ ਨੇ ਨ਼ਿਸਆਂ ਦੇ ਕਾਰਨ, ਨਸ਼ਾ ਕਰਨ ਵਾਲਿਆਂ ਦੀ ਪਛਾਣ ਅਤੇ ਇਲਾਜ ਬਾਰੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਨਸ਼ਾ ਛੱਡਣਾ ਕੋਈ ਔਖੀ ਗੱਲ ਨਹੀਂ ਹੈ ਅਤੇ ਮੈਡੀਕਲ ਇਲਾਜ ਰਾਹੀਂ ਨਸ਼ਾ ਛੱਡਿਆ ਜਾ ਸਕਦਾ ਹੈ। ਇਸ ਮੌਕੇ ਸ਼੍ਰੀ ਸੁਖਦਰਸ਼ਨ ਸਿੰਘ ਸਾਬਕਾ ਯੂਥ ਕੋਆਰਡੀਨੇਟਰ ਨੇ ਵੀ ਇਸ ਗੰਭੀਰ ਸਮੱਸਿਆ ਬਾਰੇ ਸੋਚਣ ਦੀ ਲੋੜ ਤੇ ਜੋਰ ਦਿੰਦਿਆਂ ਕਿਹਾ ਕਿ ਪਹਿਲਾਂ ਪਹਿਲਾਂ ਕੋਈ ਵੀ ਵਿਅਕਤੀ ਕੇਵਲ ਅਨੰਦ ਲੈਣ ਹਿਤ ਨਸ਼ਾ ਕਰਦਾ ਹੈ , ਉਪਰੰਤ ਉਹ ਇਸਦੀ ਚੁੰਗਲ ਵਿਚ ਫਸ ਜਾਂਦਾ ਹੈ।ਇਸ ਲਾਹਨਤ ਤੋਂ ਛੁਟਕਾਰਾ ਪਾਉਣ ਲਈ ਲੋੜ ਹੈ ਕੇਵਲ ਦ੍ਰਿੜ ਇੱਛਾ ਸ਼ਕਤੀ ਪੈਦਾ ਕਰਨ ਦੀ । ਇਸ ਸਮਾਗਮ ਵਿਚ ਵਖ ਵਖ ਸੰਗਠਨਾਂ ਦੇ ਮੁੱਖੀਆਂ, ਨਗਰ ਕੌਂਸਲ ਦੇ ਐਮ.ਸੀ., ਪਿੰਡਾਂ ਦੇ ਪੰਚਾਂ ਸਰਪੰਚਾਂ, ਸਾਂਝ ਕੇਂਦਰਾਂ ਦੇ ਮੈਂਬਰ ਆਦਿ ਪਤਵੰਤੇ ਵਿਅਕਤੀਆਂ ਨੇ ਸਿ਼ਰਕਤ ਕੀਤੀ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਸ਼੍ਰੀ ਗੁਰਬਿੰਦਰ ਸਿੰਘ ਉਪ ਪੁਲਿਸ ਕਪਤਾਨ, ਮੈਡਮ ਮਨਜੋਤ ਕੌਰ ਉਪ ਪੁਲਿਸ ਕਪਤਾਨ, ਸ਼੍ਰੀ ਗੁਰਸੇਵਕ ਸਿੰਘ ਤੇ ਸ਼੍ਰੀ ਰਾਜਪਾਲ ਸਿੰਘ (ਦੋਵ ਐੇਸ.ਐਚ.ਓੁ) , ਸ਼੍ਰੀ ਵੀ.ਪੀ.ਸੈਣੀ, ਸ਼੍ਰੀਮਤੀ ਹਰਜੀਤ ਕੌਰ ਤੇ ਸ਼੍ਰੀ ਪੋਮੀ ਸੋਨੀ ਕੌਂਸਲਰ, ਸ਼੍ਰੀ ਰਮੇਸ਼ ਗੋਇਲ, ਸ਼੍ਰੀ ਜਗਦੀਸ਼ ਕਾਂਝਲਾ, ਸ਼੍ਰੀ ਰਾਜਿੰਦਰ ਸੈਣੀ, ਸ਼੍ਰੀ ਨਵੀਨ ਦਰਦੀ ਅਤੇ ਹੋਰ ਪਤਵੰਤੇ ਵਿਅਕਤੀ ਹਾਜਰ ਸਨ।