ਲੋਕੰਤਤਰ ਪ੍ਰਣਾਲੀ ਵਿਚ ਵਿਧਾਨ ਪਾਲਿਕਾ, ਕਾਰਜਪਾਲਕਾ, ਨਿਆਂ ਪਾਲਿਕਾ ਅਤੇ ਪੱਤਰਕਾਰਤਾ ਚਾਰ ਵੱਡੇ ਥੰਮ ਹਨ। ਪ੍ਰੰਤੂ ਪੱਤਰਕਾਰਤਾ ਯਥਾਰਥ ਅਸਲੀਅਤ ਅਤੇ ਸੱਚ ਅਧਾਰਿਤ ਹੋਣੀ ਚਾਹੀਦੀ ਹੈ, ਗਲਤ ਤੱਥਾਂ ਦੇ ਅਧਾਰਿਤ ਪੱਤਰਕਾਰੀ ਦੇਸ਼ ਦੀ ਲੋਕਤੰਤਰ ਪ੍ਰਣਾਲੀ ਨੂੰ ਕਮਜ਼ੋਰ ਕਰਦੀ ਹੈ ਜੇਕਰ ਪੱਤਰਕਾਰੀ ਤੱਥਾਂ ਦੇ ਅਧਾਰਿਤ ਹੈ ਤਾਂ ਦੇਸ਼ ਦਾ ਲੋਕੰਤਤਰ ਮਜ਼ਬੂਤ ਹੁੰਦਾ ਹੈ ਅਤੇ ਦੇਸ਼ ਤਰੱਕੀ ਕਰਦਾ ਹੈ। ਇਹ ਵਿਚਾਰ ਪੰਜਾਬ ਦੇ ਪਸ਼ੂ ਪਾਲਣ, ਡੇਅਰੀ ਅਤੇ ਕਿਰਤ ਮੰਤਰੀ ਸ.ਬਲਬੀਰ ਸਿੰਘ ਸਿੱਧੂ ਨੇ ਚੰਡੀਗੜ੍ਹ-ਪੰਜਾਬ ਯੂਨੀਅਨ ਆਫ ਜਰਨਲਿਸਟ ਖਰੜ ਵਲੋਂ ਆਯੋਜਿਤ ‘ਪ੍ਰੈਸ ਮਿਲਣੀ’ ਪ੍ਰੋਗਰਾਮ ਵਿਚ ਸਾਂਝੇ ਕੀਤੇ। ਉਨ੍ਹਾਂ ਕਿਹਾ ਕਿ ਖਰੜ ਵਿਧਾਨ ਹਲਕਾ ਮੇਰਾ ਮੁੱਢਲਾ ਅਤੇ ਬਹੁਤ ਅਹਿਮ ਹਲਕਾ ਹੈ ਕਿਉਕਿ ਇਸ ਤੋਂ ਪਹਿਲਾਂ ਮੈਂ ਇਥੋਂ ਨੁਮਾਇੰਦਗੀ ਕਰ ਚੁੱਕਾ ਹਾਂ ਅਤੇ ਇਸ ਹਲਕੇ ਦੇ ਲੋਕਾਂ ਦੀਆਂ ਦੁਆਵਾਂ ਤੇ ਆਸ਼ੀਰਵਾਦ ਸਦਕਾ ਮੈਨੂੰ ਪੰਜਾਬ ਕੈਬਨਿਟ ਵਿਚ ਮੰਤਰੀ ਦਾ ਰੁਤਬਾ ਹਾਸਲ ਹੋਇਆ ਹੈ। ਉਨ੍ਹਾਂ ਹੋਰ ਕਿਹਾ ਕਿ ਖਰੜ ਦੀ ਪ੍ਰੈਸ ਵਲੋਂ ਮੇਰੇ ਰਾਜਨੀਤਿਕ ਸਫਰ ਵਿਚ ਸਫਲਤਾ ਹਾਸਲ ਕਰਨ ਹਿੱਤ ਬਹੁਤ ਵੱਡਾ ਯੋਗਦਾਨ ਪਾਇਆ ਹੈ ਅਤੇ ਮੈ ਪ੍ਰੈਸ ਦੇ ਯੋਗਦਾਨ ਸਦਕਾ ਪੰਜਾਬ ਦੇ ਲੋਕਾਂ ਦੀ ਸੇਵਾ ਕਰਨ ਦੇ ਯੋਗ ਹੋਇਆ ਹਾਂ। ਕੈਬਨਿਟ ਮੰਤਰੀ ਬਲਬੀਰ ਸਿੰਘ ਸਿੱਧੂ ਚੰਡੀਗੜ੍ਹ-ਪੰਜਾਬ ਯੂਨੀਅਨ ਆਫ ਜਰਨਲਿਸਟ ਖਰੜ ਵਲੋਂ ਆਯੋਜਿਤ ਸਮਾਗਮ ਵਿਚ ਬਤੌਰ ਮੁੱਖ ਮਹਿਮਾਨ ਸ਼ਾਮਲ ਹੋਏ ਸਨ। ਇਸ ਮੌਕੇ ਹਾਜ਼ਰ ਗੁਰਪ੍ਰੀਤ ਸਿੰਘ ਜੀ.ਪੀ.ਵਿਧਾਇਕ ਬੱਸੀ ਪਠਾਣਾ ਵਲੋਂ ਪ੍ਰੈਸ ਦੀ ਅਹਿਮੀਅਤ ਅਤੇ ਮੀਡੀਆ ਦੀ ਆਜਾਦੀ ਉਤੇ ਖੁੱਲ ਕੇ ਆਪਣੇ ਵਿਚਾਰ ਪੇਸ਼ ਕੀਤੇ। ਇਸ ਸਮਾਗਮ ਵਿਚ ਬਤੌਰ ਵਿਸੇਸ ਮਹਿਮਾਨ ਵਜੋ ਸ਼ਾਮਲ ਹੋਏ ਯੂਨੀਅਨ ਦੇ ਸੂਬਾ ਪ੍ਰਧਾਨ ਵਿਨੋਦ ਕੋਹਲੀ ਨੇ ਯੂਨੀਅਨ ਦੇ ਇਤਿਹਾਸ ਅਤੇ ਪ੍ਰਾਪਤੀਆਂ ਬਾਰੇ ਦੱਸਿਆ। ਸਮਾਗਮ ਦੀ ਪ੍ਰਧਾਨਗੀ ਕਰਦਿਆ ਪਿ੍ਰੰਸੀਪਲ ਜਸਵੀਰ ਚੰਦਰ ਨੇ ਕਿਹਾ ਕਿ ਮੈਨੂੰ ਖਰੜ ਦੇ ਪੱਤਰਕਾਰਾਂ ਉਤੇ ਮਾਣ ਹੈ ਅਤੇ ਉਹ ਸਾਨੂੰ ਮਿਊਸਪਲ ਖੇਤਰ ਤੇ ਖਰੜ ਵਿਕਾਸ ਹਿੱਤ ਲਈ ਖੁੱਲ ਕੇ ਸਹਿਯੋਗ ਦੇ ਰਹੇ ਹਨ।
ਸਿਵਲ ਹਸਪਤਾਲ ਖਰੜ ਵਿਖੇ ਤਾਇਨਾਤ ਡਾ. ਰਾਜੇਸ ਸ਼ਰਮਾ ਦਾ ਵਧੀਆਂ ਸੇਵਾਵਾਂ ਲਈ ਵੀ ਵਿਸੇਸ ਤੌਰ ਤੇ ਸਨਮਾਨ ਕੀਤਾ ਗਿਆ ਇਸ ਮੌਕੇ ਤੇ ਚੇਅਰਮੈਨ ਪਿ੍ਰੰ.ਅਵਤਾਰ ਸਿੰਘ ਗਿੱਲ ਵਲੋਂ ਸਮਾਗਮ ਵਿਚ ਹਾਜ਼ਰ ਪੰਤਵੰਤੇ ਸੱਜਣਾਂ ਅਤੇ ਸ਼ਹਿਰ ਨਿਵਾਸੀਆਂ, ਮਿਊਸਪਲ ਕੌਸਲਰਾਂ ਦਾ ਸਵਾਗਤ ਕੀਤਾ ਗਿਆ। ਕੈਬਨਿਟ ਮੰਤਰੀ ਬਲਬੀਰ ਸਿੰਘ ਸਿੱਧੂ ਤੇ ਵਿਧਾਇਕ ਗੁਰਪ੍ਰੀਤ ਸਿੰਘ ਜੀ.ਪੀ. ਅਤੇ ਹੋਰਨਾਂ ਵਲੋਂ ਯੂਨੀਅਨ ਦੇ ਨਵੇਂ ਚੁਣੇ ਗਏ ਚੇਅਰਮੈਨ ਪਿ੍ਰੰ.ਅਵਤਾਰ ਸਿੰਘ ਗਿੱਲ, ਪ੍ਰਧਾਨ ਪੰਕਜ ਚੱਢਾ, ਜਨਰਲ ਸਕੱਤਰ ਅਵਤਾਰ ਸਿੰਘ ਮਹਿਰਾ ਅਤੇ ਬਾਕੀ ਅਹੁੱਦੇਦਾਰਾਂ ਦਾ ਸਨਮਾਨ ਕੀਤਾ ਅਤੇ ਸੱਚ ਅਧਾਰਿਤ ਪੱਤਰਕਾਰਤਾ ਕਰਨ ਦੀ ਬੇਨਤੀ ਕੀਤੀ ਅਤੇ ਆਪਣੇ ਅਖਤਿਆਰੀ ਕੋਟੇ ਵਿਚੋ ਇੱਕ ਲੱਖ ਰੁਪਏ ਦੇਣ ਅਤੇ ਹਰ ਸਾਲ ਯੋਗਦਾਨ ਪਾਉਣ ਦਾ ਐਲਾਨ ਕੀਤਾ। ਇਸ ਮੌਕੇ ਡੀ.ਐਸ.ਪੀ.ਖਰੜ ਦੀਪਕਮਲ , ਨਾਇਬ ਤਹਿਸੀਲਦਾਰ ਹਰਿੰਦਰਜੀਤ ਸਿੰਘ, ਸਕੱਤਰ ਮਾਰਕੀਟ ਕਮੇਟੀ ਖਰੜ ਮਲਕੀਅਤ ਸਿੰਘ, ਐਸ.ਅੇੈਮ.ਓ. ਡਾ.ਸੁਰਿੰਦਰ ਸਿੰਘ, ਹਰਕੇਸ ਚੰਦ ਮੱਛਲੀ ਕਲਾਂ ਸਿਆਸੀ ਸਕੱਤਰ ਬਲਬੀਰ ਸਿੰਘ ਸਿੱਧੂ , ਮੁਹੰਮਦ ਇਕਬਾਲ ਜਨਰਲ ਸਕੱਤਰ ਕਾਂਗਰਸ ਕਮੇਟੀ, ਰਤੀਸ਼ ਕੁਮਾਰ ਬੁੱਗਾ, ਕਾਂਗਰਸ ਮਹਿਲਾ ਵਿੰਗ ਦੀ ਜਿਲਾ ਪ੍ਰਧਾਨ ਸਵਰਨਜੀਤ ਕੌਰ, ਜਸਪਾਲ ਸਿੰਘ ਜੀਰਕਪੁਰ, ਕੌਸਲ ਦੇ ਸੀਨੀਅਰ.ਮੀਤ.ਪ੍ਰਧਾਨ ਸੁਨੀਲ ਕੁਮਾਰ, ਜੂਨੀਅਰ ਮੀਤ ਪ੍ਰਧਾਨ ਕਮਲ ਕਿਸੋਰ ਸ਼ਰਮਾ,ਅਮਰਜੀਤ ਸਿੰਘ, ਕਰਨੈਲ ਸਿੰਘ, ਮਲਾਗਰ ਸਿੰਘ, ਸੁਰਮੁੱਖ ਸਿੰਘ, ਦਰਸ਼ਨ ਸਿੰਘ ਸਿਵਜੋਤ (ਸਾਰੇ ਕੌਸਲਰ), ਰੋਟਰੀ ਕਲੱਬ ਖਰੜ ਦੇ ਪ੍ਰਧਾਨ ਗੁਰਮੁੱਖ ਸਿੰਘ,ਆੜ੍ਹਤੀ ਐਸੋਸੀਏਸ਼ਨ ਦੇ ਰਾਜੇਸ਼ ਸੂਦ, ਰਾਜਿੰਦਰ ਅਗਰਵਾਲ, ਲਾਇਨਜ਼ ਕਲੱਬ ਖਰੜ ਸਿਟੀ ਦੇ ਪਰਮਪ੍ਰੀਤ ਸਿੰਘ, ਪ੍ਰਿਤਪਾਲ ਸਿੰਘ ਲੋਗੀਆਂ, ਹਰਵਿੰਦਰ ਸਿੰਘ ਦੇਸੂਮਾਜਰਾ, ਹਰਿੰਦਰ ਸਿੰਘ ਪਾਲ ਡੇਅਰੀ, ਆਮ ਆਦਮੀ ਪਾਰਟੀ ਤੋਂ ਹਰਜੀਤ ਸਿੰਘ ਬੰਟੀ, ਨਵਦੀਪ ਸਿੰਘ ਬੱਬੂ, ਬਲਾਕ ਕਾਂਗਰਸ ਦੇ ਯਸਪਾਲ ਬੰਸਲ ਸਮੇਤ ਖਰੜ ਦੀਆਂ ਵੱਖ ਵੱਖ ਸੰਸਥਾਵਾਂ ਦੇ ਪ੍ਰਧਾਨ, ਆਗੂ ਤੇ ਸ਼ਹਿਰ ਨਿਵਾਸੀ ਹਾਜ਼ਰ ਸਨ।